سؤال وجواب سرعة النت

بسم الله الرحمن الرحيم
السلام عليكم ورحمة الله وبركاته

حبايبي انا اشتراكي في الانترنت للكمبيوتر فاست تلكو ولان بيتنا في كيفان من البيوت القديمة فخط تلفون البيت منالخطوط النحاسية القديمة ولذاك هو لا يتحمل الا واحد ميغا والواحد ميغا علني بطيء واذا اشتركت 2 ميغا النت يقوم يفصل ,,,,,,,,,,,,,, الحين اشتراكي في فاست تلكو انتهى

شنو تنصحوني اجدد اشتراكي في فاست تلكو

ولا اشترك في اوريدو او زين عن طريق النت حقهم بدون خطوط تلفون ووجع راس ؟؟؟؟؟؟ الرواتر تنصحوني اخذ من عند هالشركات ولا في بالسوق رواترات افضل ؟؟؟؟؟؟؟؟؟

وهل السرعات في اوريدو وزين قوية ؟؟؟؟؟؟؟؟؟ ولا دايم يقطع وضعيف ؟؟؟؟؟؟؟

انا رحت لاوريدو قالوا عندنا نت LTE شهريا 15 دينار ونعطيك رواتر مجاني ,,,,,,,,, قلت لهم ممكن اشترك شهر واحد بس كتجربة ؟؟ قال لي الموظف لا لازم التزام سنة ونص يعني تدفع لنا 270 دينار مرة وحدة ,,,,,,,,,,, فانا خايف اشترك عندهم ويطلع النت ضعيف او اعطال كثيرة واتوهق


سامحوني كثرت الاسئلة بس انتم ما تقصرون ان شاء الله
 

تويتر الكويت

عضو مخضرم
فاست تلكو اشتراك السنة عندهم ب 38 دينار
وشركات الاتصالات السنة 280
اذا كان الشهر ب 15 دينار
15 * 12 = 280 دينار
انت تقدر تحدد حسب ميزانيتك
لكن بالنسبة للسرعة يجاوبك على هذا السؤال
اللي جرب النوعين انترنت البيت و انترنت شركات الاتصالات
 

تشالنجر

عضو مميز
مادام خط البيت مايتحمل مالك اله شركات اللاسلكي واتوقع الاسرع الوطنية ثم زين ثم فيفا بسبب كثرة المشتركين ولكن شوف احد تتعرفهع عنده هذه الشركات وقيس السرعة ببرنامج speedtest عند بيتكم والاقوى اشترك فيه
 

Bo Slaiman

عضو جديد
السلام عليكم
والله الحال من بعضه وانا خوك
انا بمشرف عندي ثلاث اشتراكات ولاني مترقع
عموما الجواب لسؤالك انا حاط راوتر زين ولا عليه شي سريع وممتاز بس حط في بالك انه 19 دينار وعليه 300 جيجا
اذا كان خطك من زين عندهم باقه جديده حلوه بس التزامها سنتين وما تقدر تفتك منها الا بدفع مبلغ كبير ما اذكر جم بس عالي! لكن الحلو فيها يعطونك الراوتر ويعطونك 500 جيجا حق تلفونك والراوتر مشتركين وهي لو انا كنت اخذتها لانها ممتازه وانا ادري ان سنتين ما راح اترك زين اكيد وقيمتها 30 دينار
احسن شي روح افتر عليهم كلهم وشوف شنو باقاتهم وعروضهم واختار الانسب لك. لكن سالفة فاستلكو وكواليتي اتركهم عنك لانهم بطيئين

بالتوفيق
 

بو محمد 62

عضو ذهبي
اخي نفس المشكلة عندنا في قرطبة
الحل بالاشتراك اللاسلكي مع ان تكلفته اضعاف اشتراك الخطوط لكن فرق كبير بالسرعه
عندي اشتراك اوريدو ( الوطنية ) السرعه ممتازة
 
اخي نفس المشكلة عندنا في قرطبة
الحل بالاشتراك اللاسلكي مع ان تكلفته اضعاف اشتراك الخطوط لكن فرق كبير بالسرعه
عندي اشتراك اوريدو ( الوطنية ) السرعه ممتازة

اخوي بو محمد انت تقول عندك اشتراك اوريدو وتقول السرعة ممتازة :: عندي سؤالين اتمنى تجاوب على كل سؤال على حده

1_ انت تقصد اشتراك اوريدو على كمبيوترك ولا على تلفونك ؟؟؟؟؟
2_ انت من متى عندك الاشتراك وهل طوال الشهر شغال وسريع ولا الضعف يكون نادرا ؟ يعني كل شهرين ثلاث مرة يصير ضعيف ؟ واذا تقدر تسوي تيست سبيد وتكتب لي جم الداون لود ,,,,, وتحياتي لك

وجزاك الله كل خير
 

بو محمد 62

عضو ذهبي
اخي الكريم الاشتراك راوتر للمنزل وسرعته جيدة جدا وطبعا مثل اي اشتراك نت تمر فترات تضعف فيها السرعه ولكنها قليلة وبالتاكيد لا تقارن مع اشتراك الخطوط النحاسية لان السرعه تفضل بكثير اما الموبايل اشتراكي منفصل له

بخصوص التيست للاسف ما اعرف شلون لكن اتظر عودة ابني للمنزل المساء وباذن الله اسئله عن هذا الامر لان هو مستشاري التكنولوجي حفظ الله لكم ابنائكم وبارك بهم وعليهم
 
اخي الكريم الاشتراك راوتر للمنزل وسرعته جيدة جدا وطبعا مثل اي اشتراك نت تمر فترات تضعف فيها السرعه ولكنها قليلة وبالتاكيد لا تقارن مع اشتراك الخطوط النحاسية لان السرعه تفضل بكثير اما الموبايل اشتراكي منفصل له

بخصوص التيست للاسف ما اعرف شلون لكن اتظر عودة ابني للمنزل المساء وباذن الله اسئله عن هذا الامر لان هو مستشاري التكنولوجي حفظ الله لكم ابنائكم وبارك بهم وعليهم

الله يحفظه ويخليه لك ويخليك له ان شاء الله ,,,,,,,,,,,,,,,, بس ما قلت لي بو محمد شلون سرعة التصفح واليوتيوب ؟؟؟؟؟؟ اوكي انتظرك الليلة بارك الله فييييك
 
انا مجرب اوريدو جهاز ثابت ب7ونص 60 قيقا بالشهر
وزين راوتر ثابت ب19 دينار 300 قيقا بالشهر

طبعآ الاسرع زين وبالنهايه انت اللي تقرر

اخوي نايف ,,,,,,,, لفت نظري انك قلت ان زين الاسرع ؟؟؟؟؟ هل فرق السرعة كبير بين زين واوريدو ولا فرق بسيط ؟؟؟؟؟؟

واذا ما عليك امر ممكن تسوي تست سبيد لاوريدو وتيست سبيد لزين وتعطينا جم الدوانلود والابلود والبنج لاوريدو وايضا جم الداون لود والاب لود والبنج لزين

يعني يا تصورها او تكتب الارقام

وتحياتي لك يا الوايلي
 

OK

مشرف
طاقم الإشراف
اخوي بالنسبة لفارق السرعة محد ممكن يحدده لك الا انت لان محد قاعد بالمكان اللي تشبك فيه وفارق السرعة يعتمد على التغطية هل هي ممتازة او لا
بالنسبة لاوريدو اعتقد عندهم عرض قيمته 35 دينار مدفوع مقدم معاه راوتر لمدة ثلاث اشهر اعتقد وبدون التزام
 
أعلى