سؤال وجواب مشروع سوبرماركت وانتقادات الربع والاهل :/

[بوعوض]

السلام عليكم حبيت استفسر منكم وأخذ رأيكم في السوبر ماركت انا مفكر افتح واحد ولكن لقيت انتقادات ورفض من اصدقائي وبعض من الاهل بأن المشروع " مايسوى " الى اخره

في الحقيقة انا متولع في الفكرة وابي اتحرر ماديا ومعنويا وابي انجح عشان اتوسع والله يوفقني بس الصراحة محد يشجع بهالديرة كله يا مطعم يا مصبغة واحبطات وانتقادات فاحاب اسمع رأيكم لان اذا الانسان صمم على شي ربه يعطيه غير المتوقع بزيادة وكرامة وشكرا لكم

 

[OK]

اخوي بوعوض الله يرزقك ويوفقك واذا انت حاب الفكرة مو شرط تسويها على طول لازم قبل كل شي تكون عندك دراسة هل المشروع راح ينجح او لا وكم المدة اللي انت حاطها ابالك ماراح يطلعلك المشروع فايدة ومن وين العمالة وغيره من الاسئلة اذا حطيتها على ورقة وجاوبت عنها بعدها راح تعرف تكمل بالمشروع او لا

 

[الكويت 1776]

ادرس الموضوع وتوكل على الله لا تسمع كلام احد

 

[~ نوره ~]

بالعكس السوبر ماركت شي مطلوب خاصه لو بمكان مافيه الا سوبرماركتك

وبضاعته رخيصه ..

المصبغه الغسالات يبيلها ميزانيه غير سيارة التوصيل الخ
انا اشوف السوبرماركت زينه
بس مشكلتها انت تجيب بضاعه وتبيعها نفس السعر وين الربح ؟
مادري يمكن غلطانه ماافهم بهالامور حيل
عموما استخير اخوي

مووفق