شراء اصوات في الاولي؟؟؟

[المقهور]

اخت رؤي كلامج مضبوط بالنسبة بعدم نشر اي موضوع الا اذا كان الواحد متأكد منه .. عشان جذي قدمت اعتذاري واللي ما يعترف بنفي الخبر عاد هذي مشكلته.. بس اعتقد المفاتيح اللي يقبضون فلوس من المرشحين اعتقد انه عادي ..مابي افتي فيها.. وعندي صديق عزيز وهو مفتاح لبوخمسين يقول انه اجتمع مع مفاتيحه قبل مدة وعطي كل واحد فيهم 500دينار وقالهم اذا نجح راح يعطيهم مبلغ بس ما حدده لهم ..وما اعتقد انه هذا شراء اصوات بل اجر مقابل عمل ..بس هالمعلومة انا متأكد منها لانه هالشخص وايد قريب علي..

 

[وطن_عمري]

500 دينار ... على إيدك ... ترى عيب هالكلام عالرجال ... وخل رفيجك يراجع نفسه عدل .. الله يخليك

وإذا ما تبي تصوت له .. لا تتكلم عليه بالباطل

 

[sarah]

تمنياتى بالفوز والنجاح للقائمة الاولى

 

[سياسي2008]

ياجماعه شهالكلام مره صالح عاشور حكومي ومره خليل طائفي ومره بوخمسين يشتري اصوات شمعنى اهم ليش ما تتكلم على القوائم الاخرى عموما الكلمه الفصل في 17/5 خو قلنا مقهور بس مو لهادرجه

 

[بوحنان]

أها بلشوا الحاقدين يتكلمون عن شراء الأصوات في الأولي وهم معرفين وربع منو ........

بس الضرب في الميت حرام أقول وبصراحه مطلقه في الائره الدائره الأولى ماكو شراء أصوات

بكل الأطياف والمرشحين السنه والشيعه .....سابقا كان واحد وأثنين في الرميثيه يشترووووووون

والله يسامحهم بس هذول أحترقوا والناس عرفتهم عدل ......... كل الرجاء مثل هاذي الأمور

لاتنطلي علا الناخبين في الدائره الأولى ومعروفين من يبثوا هاذي الشائعات ........ أقول

موتوا بغيضكم فاالناجحون معروفين مسبقا لاري + عدنان عبدالصمد + عاشور + خليل الصالح +

حسن جوهر + أنور بوخمسين .......... فكل التوفيق لهم وان كنت أشك في نجاح عدنان عبدالصمد .

 

[الوطن للجميع]

نعم هناك دفع أموال في الدائرة الاولى ولمرشح معروف ولا يشتري أصوات إنما يقوم بحجز الجناسي وقد قاموا بالاتصال على هاتف البيت (رغم إنه سري) وكانت المتحدثة معي فتاة وتكلمت عن هدايا من المرشح بقولها شنو تبي إحنا حاضرين ... أما أحدى نسائنا الكبار فقد وصلوا لبيتها وقالوا لها بالحرف الواحد : 2000 دينار عن كل جنسية (حجز وليس تصويت) ولكن الحجية طلعت شاربة حليب سباع وقدرت تاخذ معلومات من البنت الي يايه لها وعطتها أسم الشخص الي يحجز الجناسي ... الحجية ما قصرت وبلغت ولد أخوها بالمباحث وكبسوا على الاسم الي ذكرته البنت .... لكن مع الأسف طلع شغله قانوني .... مسوي وصولات على إنها زكاة أموال و الجماعة ناطرين الزلة عليه .... لكن من بعدها ما قمنا نسمع عن حجز جناسي

 

[دكان]

بسم الله الرحمن الرحيم


الزميل المقهور ..


كلامك غير صحيح بالمره لانى على قرب من الحمله الانتخابيه لانور بوخمسين وعلاقاتي تفوق تصورك . ولو كان هناك كلام بمثل ماادعيت لقلته وكشفته .


تحرى الدقه يازميلي في نقل الاموووووووووووور


ودمتم,,,

 

[المقهور]

اخوي دكان انا متأكد مئة بالمئة من هالكلام..انا ما قلت يشتري اصوات ..انا قلت معطي للمفاتيح 500دينار.. واعتقد هذا شي عادي ..كل المرشحين يعطون مفاتيحهم فلوس ..وحتي صاحبنا قال لنا بالديوانية انا شغال مع بوخمسين .. فساله واحد جم عطاك فقال مبلغ بسيط .. فأصرينا عليه يقول جم فقال عطا كل مفتاح كان موجود 500دينار ووعدنا اذا نجح راح يعطينا مبلغ بس ما حدده لنا..وصاحبنا مفتاح في منطقة الشعب والدعية والدسمة..

 

[clashman82]

كما قلت في نهاية موضوعي اذا كانت السالفة غير صحيحة سوف اعتذر وان كانت صحيحة سوف اكشفهم بالاسماء ان عرفتها ..ولذلك اقدم وبكل شجاعة اعتذاري لكل من قرأ الموضوع ومن شارك فيه ومن اتهم فيه..لاني سألت بعض الربع من عيال منطقة الشعب فنفوا الموضوع جملة وتفصيلا وحتي بعضهم قال لي صحيح انه في خلاف مع صاحب الكراج ولكن للامانة لا يمكن ان يفعل ذلك..وبصراحة انا اليوم المغرب مريت الكراج ورحت ابدل زيت السيارة عندهم مع اني مبدلة قبل 3اسابيع عندنا في الدعية..فرأيت العمالة الموجودة ومسؤولهم السوري وقعدت اسولف وياه علي ما يخلصون السيارة وكان قمة في الاخلاق ..المهم استهبلت عليه وقلتله كراج جمعية الشعب ماشالله كبير..فقالي لا هذا لمستثمر كويتي .. فقلته مع احترامي لك مو المفروض يكون هو ورا ماكينة الكاشير وهو يراقبكم؟؟ فقالي كلامك عدل بس هو مضمني الكراج وما يمر الكراج الا مرة بالشهر ياخذ فلوس الضمان ويروحوحتي الحين صار تقريبا اكثر من شهر ما مر علي.. فمعناته انه ما في اجتماعات في الكراج لانه صاحبه اساسا ما يمر..وكلمت اللي قالي الخبر ولعنت خيره وقلت راح انفي الخبر اللي قلتلي عنه واعتذر ,, وصراحة الحين ارتحت لانه الدائرة الاولي طلعت نظيفة وان شاالله تظل نظيفة...وللمرة الثانية اقدم اعتذاري..وشكرا للجميع..السموحة والعتب عاللي قالي وايضا علي لاني صدقته وحسبته ثقة.

اخي المقهور...شكراً لأعتذارك... وشكراً على شجاعتك في الاعتذار..ولو تعلم اخواني في المنتدى هذه الفضيلة

 

[المستقل]

الموضوع مغلق