ماذا حصل بندوة الدكتور عوده؟

[مــيار]

اختى العزيزه توضيح لكي فقط واثق الخطوه يمشي ملك ودكتور طلال أراد ان يبارك لأبن عمه الدكتور عدوه [افتتاح مقره ولاكن انصدم بتصرف الدكتور عوده الذي اوضح الفارق الكبير بينهما من حيث الاخلاق والادب

ابو القواطي اهلييييييييييييييين
الحمدلله على السلامه
فقدتك بالهوشات ^_^

مره يقولون مسكوك المباحث...ومره يقولون جيك بدون رصيد...ومره يقولون مسوي فرعيه...مره يقولون مافي قضيه بس يبون يريحون الناس منك ^_^

ياحلات الباند...عزالله خوش اختراع...ها عسى ما تعور الطرده
خخخخخخخخخخخخخخخخخخخخ

يالله يومين باجي...يمدينا نعوض مافاتك من الهوشات ^_^

 

[mr.fr]

هلا هلا سنيوووره

الاهم الطرح بالانتخابات

النائب السابق احمد الربعي كان مقره عباره عن خيمه عاديه

ومافي اكل،
وكان يقول للحضور روحوا لأي مقر تعشوا وإذا شبعتوا تعالوا أغذي عقولكم

ترا الاهم تغذية العقول مو البطوون والأكل

 

[benzy]

كفاكم ضلم والله والله اقسم بأيات الله ان الي مكتوب ضلم ضلم ولنا لقاء بوم الاحد ونشوف منو الي يربح وبعدين ملاحضه شلون دكتور متعلم يقوم بمثل هذا التصرف بسب ابن عمه الذي حب ان يبارك له بأفتتاح مقره ولاكن السب السب هو تفاعل الجمهور مع دكتور طلال والتصفيق الحار له ودليل علا خطأ عوده انصراف المرشح مرزوق بعده مباشرتن وانصراف مايقارب 200 من الحضور وتجمهرم عند مقر دكتور طلال

صديقي العزيز أبو القواطي
مع احترامي الشديد لجنابك إلا ان الشخص الي تتكلم عنه طالع بدليه بالانتخابات مثل بدلياتك الي هي ضلم ضلم , بوم , ملاحضه , بسب , بأفتتاح , ولاكن ,علا ,مباشرتن , وتجمهرم ....
واتوقع درجاته يوم السبت راح تكون نفس درجاتك بإمتحان مادة العربي ...
والدكتور عوده محبوب والدليل راح يكون بالأرقام بعد بكره ..
وشكرا

 

[مــيار]

هلا هلا سنيوووره

الاهم الطرح بالانتخابات

النائب السابق احمد الربعي كان مقره عباره عن خيمه عاديه

ومافي اكل،
وكان يقول للحضور روحوا لأي مقر تعشوا وإذا شبعتوا تعالوا أغذي عقولكم

ترا الاهم تغذية العقول مو البطوون والأكل

فعلا كلام جميل
:إستحسان::إستحسان:

الله يرحمه ويغمد روحه الجنه

 

[ALASLM_]

اقول لكم جمعيا الانتخابات 5.17
وتبقى الاذناب اذناب
وتبقى الروس روس
وما عمر الذنب صار راس
وانتم احرار ي ؟

 

[الأموي]

اقول لكم جمعيا الانتخابات 5.17
وتبقى الاذناب اذناب
وتبقى الروس روس
وما عمر الذنب صار راس
وانتم احرار ي ؟

الحمدالله والشكر

شكلك متأثر بمسلسل الزير سالم

 

[mr.fr]

اللهم لك الحمد على نعمة الحرية

فعلا احنا احرار ولله الحمد والفضل والمنّه

يوم 17\5 نتمنى منكم اختيار من يمثل الكويت وشعبها

وابتعدوا عن العنصريه

لان جايكم مجلس لمدة 4 سنوات وما راح تشوفون العضو إلا بعد 4 سنوات

يعني اختاروا ناس تدور مصلحة البلد

والله يوفقنا جميعا

 

[الكويت فوق كل شيء]

سنيورة كابتن"" قصدك طلال مالي شغل فيه اشوفه اكثر من3 مرات مقابلاته ؟ والترزز ماهو منجحه

 

[مــيار]

سنيورة كابتن"" قصدك طلال مالي شغل فيه اشوفه اكثر من3 مرات مقابلاته ؟ والترزز ماهو منجحه

^_^

سبحان مغير الاحوال

اذا تحب باب الحلفاء مفتوح لك اذا تحب تنضم لنا ^_^

احي الرجل الحر ...اللي لاتملكه عنصريه ولا عنجهيه جاهليه...ولايملكه الا قراره وفكره


((مدري ليش احس ان نكك في شخصين يدخلون فيه...واحد طيب وواحد طيب بس مو واجد ))

 

[الكويت فوق كل شيء]

انا طيوبه ؟بس اول الايام متعصبه من الاشاعات وانا طلال طاح من عيني لانه شايف نفسه على باقي قبيلته ماخله احد ما قال عنه كلام يعني منو الزين بس طلال ؟هذا ماعنده شي وهذا مدعوم ياعمي حطوا النون ومايعلمون والمرشحين ربع:إستحسان: الله يوفقهم وبعد الانتخابات نتفرق للكلام الحلو والتهاني

 

[مــيار]

انا طيوبه ؟بس اول الايام متعصبه من الاشاعات وانا طلال طاح من عيني لانه شايف نفسه على باقي قبيلته ماخله احد ما قال عنه كلام يعني منو الزين بس طلال ؟هذا ماعنده شي وهذا مدعوم ياعمي حطوا النون ومايعلمون والمرشحين ربع:إستحسان: الله يوفقهم وبعد الانتخابات نتفرق للكلام الحلو والتهاني

ياقلبي انتي بنوته؟
سوري سوري
لو ادري كان ما اهاوشج ولا اعارضج لو تشجعين هتلر

^_^

البنات دايم اختيارهم صح...حتى غلطهم صح...مو؟

 

[الديمقراطي]

اهلين سنيوره شخبارج اول شي محد عطاني باند بس كنت مشغول تعرفين ملجين ولازم ننشغل شوي والوعد بكره بس اتمنى منكم التواجد يوم الاحد عساس نتعرف علا بعض هم احنا اخوان وربع بس اقسم بالله راح تشوفون منو الي راح يحقق النجاح وشاكرلكم وبسكم علا الرجال والحقيقه واضحه وضوح الشمس ويعرفون منو الغلطان والسيد عوده معروف شنو اهو وليش نازل ومنو وراه ماني قايل الحربش ؟

 

[مــيار]

اهلين سنيوره شخبارج اول شي محد عطاني باند بس كنت مشغول تعرفين ملجين ولازم ننشغل شوي والوعد بكره بس اتمنى منكم التواجد يوم الاحد عساس نتعرف علا بعض هم احنا اخوان وربع بس اقسم بالله راح تشوفون منو الي راح يحقق النجاح وشاكرلكم وبسكم علا الرجال والحقيقه واضحه وضوح الشمس ويعرفون منو الغلطان والسيد عوده معروف شنو اهو وليش نازل ومنو وراه ماني قايل الحربش ؟

مبروك الملجه ^_^
ان شاء الله عيالك يطلعون على خوالهم ^_^....مجرد امنيه

وبعدين انا صرت عضوه فعاله ووصلت للمشاركه 200 من كثر ما ارد على اشاعاتك

دكتور عوده رجل نزيه ومستقل ونازل بذمه وضمير وبعد رجاء مناصريه ومحبيه ومؤيديه ان يمثلهم بالمجلس لانه رجل..والرجال قليل
والدكتور بعيد كل البعد عن اشاعتك الجديده هذي

وخاف ربك لا تظلم الرجال
ترى الظلم من ظلمات يوم القيامه