منو برايكم

[حلوة الكويت]

بما ان الكل لاهى بالانتخابات وهجرين المنتدي الاجتماعى قلت اتي بنفسي الى عرين الاسد...

المهم...
بما ان تبع هالدائرة فكرة كثير بما ان صوتي امانة...وما اقدر ابيعها..( مع انى ودي)
المهم...
ما عندي خلفية عن احسن مرشح لكى ارشحه؟..
ففكرة اقراء عنهم هنا؟...
لكن في وايد من التناقضات؟...
بس حبيت استشير اصحاب الراى الحكيم؟...
منو افضل المرشحين الى تنصحوني فيهم؟..
ولما؟...
تحياتي...

​

 

[mr.fr]

على حسب الطرح

وبعدين في ندوات مسجله

وفي اعلانات بالتلفزيونات والبروشورات اللي توزع

وفي بالمنتديات لقاءاتهم وغير وغيره

واكيد اللي هو بخدمة هذا الوطن يستحق الثقه والصوت

 

[Normal]

اعتقد والله العالم الخرافي افضلهم مع انه غير معروف التوجه وحكومي الا انه رجل حكمه وخبره
ياتي بعده عبدالرحمن العنجري اجده مقبول خصوصا بعد مقابلته على الراي
المطير زين عوده العوده زين الجدد لازم نعطيهم فرصه

الي انصحج تفكرين الف مره قبل لا ترشحينهم دعيج الشمري جمعان الحربش خلف دميثير على الخلف السعيد اذا مو ناسي اسمه ....امممم مرزوق الغانم

 

[وطني للنخاع]

في ظل الازمات الي تمر فيها الكويت.. الاصلاح والتغيير هي الحلول.. ووايد مرشحين فيهم الخير..للكويت ان شاء الله..والي نتمناه ان شعاراتهم نلتمسها على ارض الواقع بعد نجاحهم.. وكل مرشح له برنامج انتخابي يسير عليه امام ناخبينه وكل مرشح له نهج خاص فيه.. واحد المرشحين المهندس مرزوق الغانم تقدرين تدخلين موقعه وتشوفين شنو طريقة نحو المجلس وشنو افكاره ..

هنا الموقع الرسمي للمهندس مرزوق على الغانم



.



.​

 

[نباطه]

السلام عليكم
الاخ او الاخت حلوه الكويت ان كنت تبحث عن الاجدر والاحق بصوتك فتابعي المرشحين انا عن نفسي ارى في هذه الدائره شخصا واحدا مع احترامي لبقية المرشحين الا وهو الدكتور جمعان الحربش تميز في الطرح فصاحه خطابه رجل بمعنى الكلمه انجازاته موجوده ولكي ان تتعرفي عليها عن طريق هذا الموقع www.alherbesh.com
به كل الانجازات والمقالات ومقاطع فيديو باداء الدكتور في المجلس السابق ...
وشكرا

 

[alshamkh]

اوكي ولو حاظرين بس حساب العشاء عليج

راح ابين لج انتماء المرشحين وانتي حره في رايج بالنهايه
الاسلامين حدس هما دعيج الشمري وجمعان الحربش والسلف هما خالد بن عيسى وعبداللطيف العميري
اللبراليين هما محمد الصقر وعلى الراشد وعبدالرحمن العنجري ومحمد عبدالجادر
التجار هما الخرافي ومرزوق الغانم وهيثم الشايع وينضم معاهم محمد الصقر واهو من اللبراليين
في 2 من اللبراليين بس نازلين بروحهم اثنيهم مع بعض واهم محمد عبدالقادر الجاسم واحمد الديين
الحكومين البصامه هما خلف دميثير وراشد الهبيده ومحمد المسيلم ومحمد هزاع الهاجري
مؤيد الخلف ومنصور المحارب و وعوده العوده جدد شباب داشين يشوفون حظهم لهم قبول ولا لا
يبقى محمد المطير هذا مستقل

تبين نصيحتي
انتي شوفي وين تميلين لنواب الحركات الاسلاميه ولا اللبراليه ولا المستقلين ولا البصامين ولا التجار

الاعضاء السابقين اهما الخرافي والصقر ودعيج الشمري وجمعان الحربش ومرزوق الغانم وخلف دميثير ومحمد المطير على الراشد

لكن اللي مافي احد ما يبي يعطيه اهو محمد المطير لان انسان غير عن الكل لان اهو الكل يبي يعطيه