الجمعه 16-5-2008 لقاء الدكتور عوده العوده

اليوم الجمعه 16-5-2008 الساعه التاسعه مساء في مقرنا الكائن مقابل غرناطه بجانب اشارة وزارة الصحه على الشريط الساحلي - تتشرف اللجنه الاعلاميه للدكتور عوده العوده بدعوتكم لحضور اللقاء التشاوري المفتوح لاهالي الدائره الثانيه الكرام مع مرشحهم الدكتور العوده للتباحث والتشاور للمنفعه العامه لاهالي الدائرة الكرام والله ولي التوفيق
 

كاسكو

عضو فعال
الندوه الختامية

الندوة الختامية للدكتور عوده العوده اتمنى له التوفيق:وردة:
 

mr.fr

عضو فعال
بالتوفيق له ولكل المرشحين

ياليت تفيدونا بموعد الندوه ومكانها؟؟
 

مــيار

عضو بلاتيني

مشكور اخوي منادي على المعلومه

وعسى الله يوفق الدكتور عوده العوده وينصره
:وردة::وردة::وردة::وردة:
 

مــيار

عضو بلاتيني
مشكور اخوي كاسكو المغوار;)

مستر فرايدي اتوقع الندوه بتكون بمقره الانتخابي لان باجر راح يكون عنده لقاء اعلامي مفتوح مع اهالي الدائره الساعه تسعه ونص
يمكن يمكن الندوه بتكون بعد صلاه العشاء

بس باجي يوم وااحد يووم واحد ويخلص العرس الديموقراطي
وبعدين بروح اساعد هيلاري بحملتها ^_^
طالبه مني الفزعه:p

عسى الله يوفق الاصلح والافضل
وعسى الله يوفق الدكتور عوده ويكتب له النجاح لانه فعلا يستحقه وعن جداره
:وردة::وردة:



تحياتي لكم يا اقوى حلفاء ;)
:وردة::وردة::وردة::وردة::وردة:
 

mr.fr

عضو فعال
اها
بالتوفيق ان شاء الله
وياليت تكلمين العمّه هيلاري عشان تتوسط لي

لاني بدش ظباط بالجيش الامريكي

ومني لها 40 صوت واذا تبي الجناسي والبطايق الانتخابيه

هم حاضر وعند وجهج
 

mr.fr

عضو فعال
يااااااااااااااااي

اكيييد

مو بعد الانتخابات تغير رقمها وما نشوفها الا بعد اربع سنووات

ومو تقص علينا وتقول ماكو تعيينات ولا تنقلات إلا بعد الانتخابات يعني مثلنا بالكويت

يلا ترا ماراح انسى الوعد :>
 
مشكوور اخوي المنادي .. وعسى الله يوفق الدكتور عوده عوده ويفووز وان شاء الله نشووفه بالكرسي يارب باذن الواحد الاحد

شاكر لك اخوي المنادي على الخبر الجمييل ..
 

السلطاني

عضو مخضرم
لم ألتقي به....

ولم أره شخصيا.....

لكن سمعت عنه مايسر الخاطر.....من ناس موثوقة....

ويكفي أنه من مدرسة أحمد السعدون......


نتمنى له التوفيق مع الحيتان...وإن كانت حظوظ...غير كبيرة....
 

مــيار

عضو بلاتيني
لم ألتقي به....

ولم أره شخصيا.....

لكن سمعت عنه مايسر الخاطر.....من ناس موثوقة....

ويكفي أنه من مدرسة أحمد السعدون......


نتمنى له التوفيق مع الحيتان...وإن كانت حظوظ...غير كبيرة....


انا التقيت فيه شخصيا ^_^
بما اني طالبه سابقه عنده

والله محاضراته غير عن كل الدكاتره والله اقول هالكلام وربي يشهد اني صادقه فيه
يشد انتباهك بافكاره باسلوبه برؤيته بحكمته بتأنيه في تفهم الامور ...بحدة ذكاءه اسمله عليه بشخصيته الفذه بتعامله الراقي مع طلبته... رجل بالفعل صاحب مبادئ ...رجل حيل متواضع مع ذلك له هيبه ملك...ما اعرف اوصف شخصيته...الا بكلمه وحده....."نااااادره"

رجل يستحق كل طيب وكل خير ..
الانتخابات حظوظ بالنسبه للمرشح...ولكن هي اختيار بالنسبه لنا...ولازم نتوخى الدقه باختيارنا ...ونضع صوتنا عند المرشح اللي يستاهله وبجداره بدون مجال للشك...هالصوت مو شويه هالصوت ذمه وامانه

اتمنى اتمنى اتمنى ان يصل الدكتور عوده للكرسي الاخضر...وكل من دخل هذه المنافسه بذمه وضمير وبشرف المنافسه
خصوصا اني شايفه ان الجو الانتخابي مو صحي وفيه منافسات مو شريفه

لكن عسى الله ان ينصر الاصلح والافضل من اجل كويتنا الغاليه
 
انا التقيت فيه شخصيا ^_^
بما اني طالبه سابقه عنده

والله محاضراته غير عن كل الدكاتره والله اقول هالكلام وربي يشهد اني صادقه فيه
يشد انتباهك بافكاره باسلوبه برؤيته بحكمته بتأنيه في تفهم الامور ...بحدة ذكاءه اسمله عليه بشخصيته الفذه بتعامله الراقي مع طلبته... رجل بالفعل صاحب مبادئ ...رجل حيل متواضع مع ذلك له هيبه ملك...ما اعرف اوصف شخصيته...الا بكلمه وحده....."نااااادره"

رجل يستحق كل طيب وكل خير ..
الانتخابات حظوظ بالنسبه للمرشح...ولكن هي اختيار بالنسبه لنا...ولازم نتوخى الدقه باختيارنا ...ونضع صوتنا عند المرشح اللي يستاهله وبجداره بدون مجال للشك...هالصوت مو شويه هالصوت ذمه وامانه

اتمنى اتمنى اتمنى ان يصل الدكتور عوده للكرسي الاخضر...وكل من دخل هذه المنافسه بذمه وضمير وبشرف المنافسه
خصوصا اني شايفه ان الجو الانتخابي مو صحي وفيه منافسات مو شريفه

لكن عسى الله ان ينصر الاصلح والافضل من اجل كويتنا الغاليه

والله العظيم انه هالرجال يترس العين
دش الديوانيه وفيها كبار محللين وناس مخضرمين بالسياسه
بس لما سولف وقعد يسترسل سكت الجميع اعجابا بكلامه واحترام لعقليته
الله يوفقه يارب
 
بالتوفيق يابو محمد وكلنا وياك قلبا وقالبا وانا ان شاء الله سوف يكون لي الشرف في ان اكون
أول شخص بصوتلك وهذا القرار من العقل مو من العاطفه
 

mr.fr

عضو فعال
هههههههههه سنيوره خلاص مابي اي منصب منها
الدكتور عوده غير رأيي بندوته

خلاني اتعلق فيه :>

ووعدني يحطني وزير للخارجيه بالدائره الثانيه :>:>:>

طا فتج الندوه ما شاء الله خطاب ذباح

الواحد يحس إن الدكتور محارب ومقاتل لمصلحة بلده

والله إنه فارس لتراب هذا الوطن الغالي

ما قدرت اقعد على راحتي اثناء الخطاب من هيجان الدم فيني

وثورة اعصابي من الكلام اللي تكلم فيه الدكتور

الواحد لما يفكر بينه وبين نفسه ويبحث عن هدف المرشحين

يجد الافكار متقاربه والاطروحات متكرره بين كل المرشحين

بس اللي سمعته اليوم كلام جديد وكلام مؤثر بنفوسنا ككويتيين

صارلنا سنوات وسنوات لانختار سوى من يركض وراء مصالحه

واليوم حسيت ان الناس بدأت تتفتح وتخرج عن نطاق الاستعباد الحاصل من قبل النواب السابقين

والله يوفقه عشان نشوف بلدنا من اجمل البلدان تحكمها العداله ويسودها الأمن والإطمئنان

وتملؤها المحبه والموده، فلا نجد من يقول انت سني أو شيعي ولا نجد من يقول أنت قبلي أو مدني

نبي الأهم كلمة أنا كويتي وأنا ولله الحمد مسلم فقط لا أكثر

نبي نقتل هذا الحاصل بسبب المحسوبيات

نبي كويت للكويتيين، مانبي كويت لناس وناس

وبالتوفيق
 
أعلى