سؤال وجواب وين اقدر احصل على وظيفة بارت تايم بفترة النهار ؟؟

Heather

عضو جديد
السلام عليكم ورحمة الله وبركاته
اخواني واخواتي الأفاضل
انا قبل جم شهر قدمت استقالتي من الشغل بالقطاع الحكومي
وباقيلي شوية إجراءات بسيطة وأكون استقلت تماما من القطاع الحكومي
وابي اشتغل بالقطاع الخاص لكن بشكل جزئي خلال فترة النهار او يسمونه بارت تايم ويكون من الصبح وينتهي على العصر ... وانا معاي آخر مؤهل عندي دبلوم حاسب آلي .. فحابة اعرف وين اروح بالضبط الحين عشان ألقى وظيفة بالقطاع الخاص بارت تايم ؟؟ ويقارب الوقت الي ذكرته خلال فترة النهار ؟؟
أتمنى إفادتكم
 

شمري كويتي

عضو مخضرم
وعليكم السلام ورحمة الله وبركاته
بصراحة غلطانة تتركين الوظيفة الحكومية

وتتجهين للقطاع الخاص وانتي ماعندج فرصة عمل مضمونة
المفروض مجهزة الوظيفة بالقطاع الخاص قبل التقديم على الاستقالة
القطاع الحكومي فيه أمان وظيفي أكبر من القطاع الخاص
اللي بالقطاع الخاص بعضهم يشتكون من اوضاعهم وعدم وجود الاستقرار الوظيفي
موظفين القطاع الخاص بعضهم يتمنون العمل بالقطاع الحكومي
نصيحة اخوية اذا تقدرين ترجعين عن الاستقالة يكون افضل
واخيرا الاختيار لج وانا قدمت النصيحة الصادقة المخلصة

وبعدين راح تذكرين كلامي وراح تندمين ولا راح ينفعج الندم
 

شمري كويتي

عضو مخضرم
عموما اذا تقدرين تقدمين على وظيفة
بالقطاع النفطي يكون افضل اذا كنتي كويتية
اسألي متى يفتحون باب التوظيف في القطاع النفطي
ادخلي على مواقعهم بالانترنت او اتصلي عليهم

اتوقع التقديم هذا الشهر او الشهر القادم او خلال فترة قريبة
 

Heather

عضو جديد
الله يعطيك العافية اخوي شمري كويتي
بصراحة ما ادري شقولك انا قدمت استقالتي لاني ما كنت مقتنعة من البداية بالقطاع الحكومي وبالوظيفة الي كنت فيها لكن قلت احاول وأمشي اموري وصار الي صار وقدمت استقالتي

اخوي الفاضل شمري كويتي الله يسعدك ممكن تعطيني اسماء ثانية للقطاع الخاص غير القطاع النفطي من فضلك محتاجة اعرف اكثر والله يحققلك الي تتمناه
 
أعلى