الخليفة والبراك والشيعة

الحالة
مغلق و غير مفتوح للمزيد من الردود.

الوسمي1

عضو ذهبي
من اسقط الخليفه هم مرشحين الجهراء اللي قطعو عنه راجع صناديق الجهراء تجد العجب العجاب

لانهم يخافون منه وهم يعلمون انه الوحيد القادر علي اخذ الاصوات من قبيله مطيرررررررررررررررررررر
 

عادل الشمري

عضو جديد
رد

حبي لاتزرع فتنه بين مسلم والخلفيه وشعيه عيب


ان كنت من مؤيد محمد هايف انت حر

40% من شمر الجهراء لم يصوته الي خلفية
 

الصافى@

عضو جديد
ياا امعه العوازم 2000 صوت لو يتحالف يجيب 4000 ؟؟؟

وبعدين مسلم يتحالف مع ضعيف ؟؟؟؟

مسلم مخلي ربعه مطير تغنيه عن خليفه ولا قصور فيه وتغنيه عن شمر ولا قصور فيهم

ونزل الرجال مستقل

ريح وانا اخوك ولا تطع سوالف وتحليلات من مخك لي كيبوردك

اوزن الامور ترى ملينا نمدح صاحبكم وتذمون ربعنا

نقولكم مايستاهل يسقط ويرد علينا واحد يقول افضل من مرشحين مطير

الرجل عزيز علينا كمعزه البراك وقبيلته عزيزه علينا مثل باقي القبايل واكثر

وهذي حزازيات انتخابات لا تخلونها تكبر

اخوي ولا قصورا بقبيلة المطير العريقه ترى شمر وباقي قبائل شالوا مسلم وبورميه احسب

عدد اصوات متحدون واصوات مسلم وبورميه راح تشوف في فرق انه مسلم بورميه جروا من جميع

القبائل ومن مطير ايضا وتري اللي انجحوا من مطير 6 كلهم خير وبركه ما في احسن من الثاني

وبعدين في اخ يقول انه مسلم خون بالخليفه هذا الكلام غير صحيح لان المطير هدفها نجاح

متحدون وهذا هدف كل القبائل والعوائل ولكن صناديق الجليب والعارضيه وصباح الناصر

اصوات الخليفه اقل من مسلم لا تنسون ان شمر قله بهذي المناطق اللي صار قلت

اصوات الخليفه عن مسلم بسبب ان مسلم قاعدة ضعيفه عن اول من المطير لانهم يبون

يوصلون متحدون اكثر وهذا مبدا الالتزام عند الكل ونسبة التبادل مع الخليفه ضعيفه

وعلموم حمران النواضر اللي نجحوا مو اقراب عن شمر وباقي القبائل كلهم اهلنا وربعنا واخوانا

بالتوفيق للجميع
 

BoOmarQ8

عضو مميز
البراك

ماكنا نتوقع منك الخيانة لاقرب المقربين منك وهو بوخليفة

ليست خيانة!

مطير عندهم 7 مرشحين ... البراك أكيد أخذ صوت من المطران اللي صوتوا له و باقي أصواتهم راح لباقي المرشحين

هذا أعتقد سبب الفرق الشاسع بين البراك و الخليفة!!

:::
 
والله عيب عليك ياصاحب الموضوع هذا النفس الطائفى المقيت !!!!!!!

الرجال سقط سقطه عربود لانه بصراحه مايعرف يسولف ببساطه وقواعده فى الجهراء بس !!!!!!!

تقدر تقول لى وين ثقله فى الجليب او الاندلس او العارضيه او صباح الناصر او حتى فى الصليبيه !!!!!!!!!

بعدين وش دخل الشيعه فى سقوطه ؟؟؟؟؟؟؟!!!!!!!!!!

روحوا دوروا لكم غير الخليفه احسن لان شمر بصراحه قبيله كبيره وفى شبابها خير وبركه لان بصراحه صار مثل

احمد الشريعان !!!!!!!!!

وهذا رايى بصراحه وانا حر فيه .
 

المحمي

عضو فعال
مسلم أعتمد في نجاحه على قاعده الخليفه (شمر )

ورغم التحالف بينهم ... مسلم وقاعدته ما ألتزموا بالتصويت للخليفه وهذا كان من أسباب سقوطه !!

قاعده مسلم لا تخص مطير فقط بل تشمل أصوات العنوز والحضر ...
 

ياكويت

عضو ذهبي
محمد الخليفة هو اللي جنى على نفسه
خل يستريح شوي !

مسلم البراك ماله شغل بسقوط محمد الخليفة .. لو تشوف الحزن على مسلم البراك .. تعرف غلات محمد الخليفة عند مسلم البراك .. ولو بيد مسلم .. ياخذ من كراسي مطير ويعطيه لمحمد الخليفة !

محمد الخليفة .. انغر بنفسه .. خل ياكلها الحين !
 
محمد الخليفة هو اللي جنى على نفسه
خل يستريح شوي !

إذن لماذا لا تدع مسلم البراك يستريح شوي !!
أو إن الجواز الدبلوماسي والحصانه تلعب دور ،،
مع العلم إن مسلم دخل البرلمان قبل محمد الخليفة بفتره طويله ،،
وهو المفروض يستريح شوي ! ويعطي المجال لغيره

مسلم البراك ماله شغل بسقوط محمد الخليفة


أخي أتوقع إنك لا تعلم ماهي الخيانه العظيمه التي فعلها مسلّم !!
محمد الخليفة إلتزم بالتحالف ،، إلتزام كلّي
ولكن مسلم لم يتلزم وهذه هي احد اسباب خسارة الخليفة
هذه الطامه الكبرى التي أهداها مسلم البراك
لـ محمد الخليفة !


لو تشوف الحزن على مسلم البراك

وشنو يفيد هالحزن ،،
ماعادت تفيدنا ( دموع التماسيح )
محمد الخليفة وقبيلة شمر آخذت هذه الانتخابات درساً
لن يتكرر ابداً !! وسترى ذلكـ

تعرف غلات محمد الخليفة عند مسلم البراك .. ولو بيد مسلم .. ياخذ من كراسي مطير ويعطيه لمحمد الخليفة !

ياخوي أنت شكلك داش قلب مسلم وتعرف اللي له واللي ماعليه !
أذكر ربك يابعد حيي ،، فـ هذه الآمور ماعادت تفيدنا مطلقاً
وهالكلام العاطفي اللي يدغدغ المشاعر اصبح من المهاترات
:إستنكار:

محمد الخليفة .. انغر بنفسه .. خل ياكلها الحين !

على شنو يغتر ؟!
محمد الخليفه منبع التواضع ويشهد له الغريب قبل القريب
واعتقد من أغتر وشاف نفسه وآخذته العنجهيه
هو مسلم محمد حمد البراك !!

.
.
 
زبدة الحجي :


نسبة حضور شمر بالانتخابات لم تتجاوز 48 % واغلبهم اصوات النساء

بس للأمانه كان ودي الخليفه + سبع مطران + الدقباسي+الشريعان ;)
 

اساهيم

عضو بلاتيني
من زين موقفة
الرجال سقط سقطه عربود لانه بصراحه مايعرف يسولف ببساطه وقواعده فى الجهراء بس !!!!!!!

.........يعني محمد خليفه اشفيه زووود

سالفتين على بعض ما يعرف يركبهم



صدق المثل القائل اذا سقط الجمل كثرت سكاكينه ..

الان اصبح محمد الخليفه نا يعرف يتكلم وليس لديه مواقف ..؟؟؟

صحيح ان الدنيا تمشى معكوسه ..

اذا كان محمد الخليفه ليس صاحب مواقف فمن هو صاحب المواقف ..؟؟

محمد الخليفه رجل صمد فى مواقف عجز ان يصمدها بعض امعات المجتمع ..

محمد الخليفه وقف فى وجهه محاربى الاصلاح عندما اختباء غيره ..

محمد الخليفه صوت على قوانين وطرح ثقه عندما كان غيره يختبىء فى دورات المياه ..

محمد الخليفه رفض الرضوخ عندما تم ترضيخ الرجال ..

محمد الخليفه الان اصبح ليس من اصحاب المواقف ..!!!!!


انا اتحدى اطلق شنب يأتى بتصويت او بموقف لمحمد الخليفه يدل على ضعفه او خنوعه على مدى 12 سنه امضاها عضوا فى البرلمان ....

المسأله ليست سوالف فاضيه وكلام مرسل ( لا يودى ولا يجيب ) المسأله اثبات ولديكم المضابط والصحف وكل شى تريدون ان تبحثوا به ..
 

Kuwaiti75

عضو
علشان مرة ثانية بو خليفة مالكم مايحط راسه براس السيد

والحين خل يروح يلقح النخل لغاية الدورة الجاية



قال بو خليفة قال


:)
 

زيد الاول

عضو جديد
كاشف انت شفيك حاقد على بو خليفه
ابو خليفه تاج على راس كل مواطن شريف
اما الابواق اللي مثلك ............. اسمحلي
 

ابو عمران

عضو ذهبي
حبيت اتكلم معاكم بهدوء وعقل
الى كل من يدافع عن الخليفة فهذا من حقه ولا خلاف على هذا المبدأ
ولكن لا تدافع وتطعن بالاخرين
ولا تكون انت الحمل الوديع والناس الثانية الاشرار
ولا تقول عن الخليفة هو الصادق الامين والناس الثانية تصفهم بالخيانة
ولا تقول يا شيعة الخليفة لا يعتذر لعدنان ولارى ومن قال لك ان عدنان يمثل كل الشيعة لكى تخاطب الشيعة كلهم ؟واذا رأى نفسه مخطأ ويتراجع فهذه من صفات البطل والقائد بساحة المعركة والاعتراف بالحق فضيلة
وعملية الانتخابات تريد نفس طويل بالكر والفر والحسبة الانتخابية والارقام تتكلم
واذا تريدون السبب الرئيسى لخسارة الخليفة وباقى مرشحين الجهراء
هو عدم التفاهم وعدم التنسيق بين ابناء القبائل وبين المرشحين
وكل مرشح يقول عن نفسه بانه راس
ولا يريد ان يتنازل او يفكر ان يتنازل فهذا هو لب الموضوع
والسبب الرئيسى يعنى هو مرض الحسد الذى انتشر بين مرشحين الجهراء
وانا متاكد بأن المجلس هذا يعتبر درس لابناء الجهراء وعسى ان يستفيدون من الدرس
وشكرا
 

كاشف

عضو فعال
كاشف انت شفيك حاقد على بو خليفه
ابو خليفه تاج على راس كل مواطن شريف
اما الابواق اللي مثلك ............. اسمحلي

اخوى زيد ....الله يسامحك ..

ابواق مره وحده...

اخوى اشلوون عرفت اني حاقد على محمد الخليفه...

انا كل اللي قلته انه مسلم مايقدر ينجح خليفه ولا غيره (هذا بإختصار )...راجع المشاركات

بعدين اذا تبي تناقش ناقش بالعقل والمنطق ....مو بالابواق اللي عندك
 
علشان مرة ثانية بو خليفة مالكم مايحط راسه براس السيد

والحين خل يروح يلقح النخل لغاية الدورة الجاية



قال بو خليفة قال


:)



اسلوب راقي جداً !!!!

بس شكو السيد بالموضوع

اهاااااااااااا تقصد الاعضاء الوطنيين اللي طردهم ابو خليفه من التكتل


لكن صدقني

اصواتي الاربعه راحت لــــــ

محمد الخليفه


مسلم البراك


الشيخ \ محمد هايف

(( والله صوتله عشان بس ابيك تستانس :D;))


الشريعان
















 
بصراحه محمد الخليفه شخص انتهازى ومتملق ويرى مصلحته فوق كل اعتبار واعتقد الحين

المجلس بدونه راح يكون افضل لانه شخص وجوده مثل عدمه .
 

Arsenal

عضو جديد
رغم موقفه الغير مقبول بتاتا من قضية التأبين ..
لكن إحقاقا للخق .. فمجلس الامة خسر احد فرسانه , و احد اصوات الحق ..
 
الحالة
مغلق و غير مفتوح للمزيد من الردود.
أعلى