سؤال مهم لاهل الصليبخات والدوحه والى من يهمه الامر عن التحالفات

ZAIN

عضو فعال
بسم الله الرحمن الرحيم

بعد ماشفنا النتائج والتي كانت متوقعه
وبعد ماشفنا التحالف الثلاثي الذي كان بين
خلف دميثير 6113 تقريبا
راشد الهبيده 2590 تقريبا
محمد هزاع 1700 تقريبا
وتبين ان هذا التحالف فشل من حيث التطبيق

منو تتوقعون لو متحالفين من مرشحين الصليبخات والدوحه جان جابو ارقام اقو من هذه الارقام ويكون فيها الالتزام اقوى واوضح من التحالف الذي سبق

على ان تكون القائمه من ثلاثه مرشحين مع ذكر الاسباب ؟

ارجو من الاخوه الاعضاء الاجابه على هذا السؤال
وشكرا
 
التعديل الأخير:

ابن البلد

عضو جديد
خيـــــــــــــــــــــــــــــــــــــــــــــــــــــانه :إستنكار:
 

ابن الديره12

عضو فعال
اتمنى من الاخوة متابعت مشاركتى السابقة وقد اعلمناهم
انهم وضيفتهم جسر بس ما صدقوا الكارثة خلف قال حق
محمد هزاع راح اجيب لك 1500 وصدقة
 

بو حمد

عضو بلاتيني
خلف والحية المتلونه !!

المضحك المبكي بالامر بان خلف سبق وان فعلها مع اكثر من مرشح.. وبالنهاية هو الفائز الوحيد من تحالفاته.

يا اهل الصليبيخات اما ان لكم بان تسقطوا خلف !!
 

حبه عند اللزوم

عضو ذهبي
خلف رجل متمرس بالانتخابات وتكتيكاتها ولكن ليس هذا هو السبب الوحيد في تجيير التحالفات لصالحه دون ان يستفيد الآخرون بنفس القدر
السبب الرئيسي من وجهة نظري في التزام المتحالفين معه هو ما أسميه ب دميثير فوبيا أو الرهاب الدميثيري بمعنى أن هناك رعب نفسي لدى الكثيرين من خلف يجعلهم ينقادون لما يريد منهم وهذا الرعب مصدره سنوات طويله من الخدمات والدفع والشرهات..وكمثال بسيط حين دعا خلف لاجتماع عنزه بغرض الزامهم بالتحالف لاصرار الهبيده على حضورهم للقسم امامه !! تحدثت مع بعض الشياب واخبرتهم ان خلف يريد منكم غدا الذهاب معه للقسم امام هزاع والهبيده فهل تقبلون ولكم مرشح آخر متحالف ايضا ولم يطلب منكم ذلك؟؟ أجابوا جميعا مو على كيفه لايمكن ان نقبل بهذا!! ولكن ما حصل انهم ذهبوا بالفعل معه لهزاع والهبيده كالخراف برابطة المعلم لتقديم فروض الطاعه ولحسوا كلامهم
خلف كما ذكرت سابقا يموت خارج قبة البرلمان وبالتالي هو مستعد لفعل اي شيء يبقيه عضوا حتى لو اضطر للصلاه !!!
 

معارض شرس

عضو مميز
الكويت باعوها .......... والصليبخات شروها ...... ياحسافة !!!!

:(:إستنكار:


الكويت باعوها والصليبخات شروها

نعم هذا الي وضح من نتائج الانتخابات 2008 لقد عرفوا من يدخلون معهم بالدائرة

فرسموا خطة لدائرتهم المكونة من 39 الف ناخب !!!!!!!!!! (لكي لا تكلف عليهم مبالغ كبيرة)

لقد شروكم الراس ماليييين وبعتوا بلدكم بحفنة دنانير اللة واكبر عليكم :mad:

لقد اوصلتوا نواب ليس الكل طبعا انتم عارفين منوا اقصد :cool: ( كذابييين يدعون الشرف وهم اكبر شراية بالعالم لا ويتفننون بشراء الاصوات )

استغلوا حاجت الفقير المسكين واستغلوا جهل بعضهم

لقد اخترتوا نواب لم يذوقوا طعم المعاناة التى تشربون منها يوميا ........ فكيف سيشعرون بكم ؟؟

واللة راح تتحسفووون وجاينكم بقوانييين الخصخصة ( طبعا الخصخصة هي بمفهومهم شراء كل شي بدولة ومايخلولكم شي لا وتشتغلوون عندهم صبيان بعد )

وساعتها ماينفع الندم



الي سمعتة شروا ناس لا وبعد شروا مرشحييين مع اصواتهم باسعار بالملايييين ؟


وهذا واضح من النتايج 10887و10839

تبون تقنعوني ان بشهرين بس قدر يقنع اهل الصليبخات فيهم متى اعرفوهم هم اصلا قبل مايدلونها

ولو شسوي ماياخذ هل ارقام لا والي فضحهم اكثر الصغير بالسن طاف الكبير (الخبرة :D)

وهذا مادفع واجد 6266


بكرا .............. لحد يشتكي من الاوضاع المتردية بالبلد وترسيات المناصات على شركاتهم بالملاييين قدام عيووونكم ولحد يبطل علجة (( قلعتكم ))

هم اصلا داشييين المجلس علشان يسندون شغلهم وشركاتهم (المال والوجاهه)


راحت الكويييييت


واللة ماكسر خاطري الا المرشح صاحب مقولة (الكويت مو للبيع)؟

انبح صوتة لا وسمعت يقولون بيوم الانتخابات صار يلف ويصارخ بالمدارس ويقول

الكووووووووووووويت انبااااااعت شروووووووووهااااااا


السوال الي يطرح نفسة ؟؟؟؟؟

هل تتوقعون انهم لو كانوا من المرشحيييين البسيطين ( الي على قد حالهم ) هل راح ينجحووون لا ويجيبون هالارقام الخيالية ؟؟؟




ارجوا من الاخوان مناقشتي بالموضوع باحترام

لان هذة وجه نظري

تحياتي
 

6ergi

عضو مخضرم

الكلام صحيح .. الجماعه نزلوا بكل "ثقلهم" مو بس عشان يفوزون بالانتخابات .. بل لتحقيق المراكز الأولى بالتحديد ..

بس أنا أعتقد إن الرقم مبالغ فيه وايد ... واليوم قاعد تزيد الإحتجاجات والطعون على النتائج حتى من نواب فايزين ... وهو صراحة شي مقلق ..
 

البيك

عضو فعال
انا لن اخرج صلب الموضوع اللي طرحة الزميل صاحب الموضوع .... زين

انا مثل ما قلت سابقا في احد مشاركاتي ان التحالف كان يلهث وراءه خلف ويسعى اليه لسبب وحيد وهو ( تحييد الاصوات ) وانا استغرب كيف بلع راشد الهبيده هذا الطعم بسهولة .

انا اعتقد لو كان التحالف بين ( راشد ومحمد هزاع وعودة ) لكانت تغيرت بعض نتائج وارقام الدائرة منها سقوط خلف وعبد الجادر .

شكرا
 

mr.fr

عضو فعال
عدل انا معاك اخوي البيك

لو كان تحالف المرشحين راشد الهبيده والدكتور عوده العوده ومحمد هزاع

يمكن تكون النتيجه تغيرت ولكن المصالح طغت على البعض

خصوصا التحالف اللي شفناه بين خلف وهزاع والهبيده

ولو كان مثل ما قلت لكم راشد والعوده وهزاع متحالفين يمكن يكونون كونوا قاعده كبيره

تضمن العديد من الاصوات خصوصا ان لو جمعنا الارقام نشوفه رقم نجاح

راشد 2500 + العوده 1800 + هزاع 1700 = 6000 صوت

ومع الحذف والبدلات والناس اللي ماتلتزم نحذف 25%

يصير مجموع اصواتهم 4500 صوت ويكونون كلهم بالمجلس ولكن الوقت ضيق

بس الحمدلله على كل حال

وان شاء الله هذا المجلس يكون طيب والناس اللي فيه تصلح وتبتعد عن مصالحها

وإذا داسوا الشعب وكسروهم وكل عضو ياكل بكيفه هذا بسبب سوء اختياركم يا اهل الثانيه
 
كلمة إدارة الموقع
جميع المواضيع والمشاركات المكتوبة تعبّر عن وجهة نظر صاحبها، ولا تعبّر بأي شكل من الاشكال عن وجهة نظر إدارة الشبكة.
أعلى