سؤال وجواب شنو الفرق بالمواد بينهم ؟

Asmaa-

عضو جديد
السلام عليكم ورحمة الله وبركاته

اخواني واخواتي الكرام

بالنسبة للي حابين يعيدون الثانوية مسائي تشعيب ادبي

هل الأفضل والأسهل انهم يعيدون المعهد الديني الصف ١٢ مسائي ولا ثانوية النظام الموحد الصف ١٢ مسائي ؟؟

وشنو الفرق بينهم بالمواد وشنو ياخذون او ما ياخذون ؟ وشنو المواد المشتركة بينهم ؟

أرجو الإفادة
 

شمري كويتي

عضو مخضرم
اختي انتي تقولين
بالنسبة للي حابين يعيدون الثانوية مسائي تشعيب ادبي
هل الأفضل والأسهل انهم يعيدون المعهد الديني الصف 12 مسائي
ولا ثانوية النظام الموحد الصف 12 مسائي ؟

دامج درستي ادبي سابقا اكيد بتكون المواد سهلة عليج
لانج دارستها قبل ومارة عليج وتعرفينها
اما مواد المعهد الديني راح تكون مواد جديدة عليج وراح تحتاجين جهد اكبر
مواد المعهد الديني اغلبها مواد دينية تحتاج قدرة على الحفظ
اذا ذاكرتج قوية وتقدرين تحفظين بسهولة ماراح تفرق معاج المواد
وانتي توج شابة وعمرج صغير اتوقع الذاكرة للحين نشيطة استغلي الفرصة
ولا تطوفين الفرصة السنة الجاية لازم تسجلين وتدرسين وتبشرينا بالموقع
واذا احتجتي اي مساعدة بالمواد الدينية ابشري بالخير ماراح اقصر معاج

سواء تبين مذكرات او تدريس يعني احد يدرسج معلم او معلمة بالبيت مجانا لوجه الله
او توضيح او استشارة او مساعدة في اي مادة دراسية اعتبريني اخوج في الله
وراح اكون متابع معاج من اول السنة الى اخرها اذا ماعندج احد يدرسج او يساعدج
وهذا الكلام لج ولكل اخت تدرس او تبي تدرس بالمعهد الديني
والكلام للشباب والبنات بشكل عام والله يوفق جميع الطلبة والطالبات
 
أعلى