الشاعر الاديب سعود بن عبدالرحمن اليوسف التميمي

تميم العز

عضو جديد
الشاعر سعود بن عبدالرحمن اليوسف ولد في اشيقر عام 1371ه وهو شاعر معروف له قصائد وابداعات كثيرة كما انه مولف طرح عدة كتب مطبوعة اهمها شعراء من الوشم، وشعراء اشيقر واثار العلماء في اشيقر وغيرها ولا يزال يمد المكتبة العربية بالانتاج الجيد. تميز شعره بالجودة، وطرق جميع انواعه، كما امتع الاصدقاء ببعض القصائد الفكاهية ذات اللون المرح، يتطابق وصفه في شعره مع الصورة الحقيقية بشيء من الابداع والمبالغة احياناً في اضفاء صورة تكاد تكون محسوسة، ويعيض معه السامع في صورة خيالية غاية في الابداع، ولكي لا نطيل في ايضاح جوانب معروفة عن الشاعر ندخل مباشرة معه في بعض الصور الشعرية الممتعة، ينقلنا الى جانب المرح وعذوبة الحوار الخيالي: يقول لصاحب له يعمل في مزرعة بجوار رمال النفود: يا ابو دحيم قداك بها الخبب غادي مع زود همك مخاسير تحسبها من تصبح الصبح مسداد ومردادي على طعوس ترددها هبايبها يجري بها الرمل جري السيل في الوادي كن الهبايب بعثها الله تقلبها وعقارب سود روس اذنابها تنادي وحنش تطارد بها عوج مساحبها ولا عاد يهناك لا شرب ولا زادي خمسة عشر حول متعبتك ومتعبها ان كان عاندتها تزيد بعنادي اقولها لك وانا قبلك مجربها ترى نفسها طويل ياخذ اميادي تبغى الغليبة ولكن ما انت غالبها اقطع سبيل الفلايح واسمع مرادي يا ابو دحيم قبل ما تمرح اجلبها بعها ولو دين والا بيع باقصادي ان طعت شوري على اول سايم اكتبها وان كان لابد من عيشتك كدادي دور على روضة تغني مكاسبها ارض كما الهوبجة وان حن رعادي غنا بها الطير واخضرت جوانبها ويقول: ما نيب احب اللي سفوهي وطناش هذاك ودك لو يقال معدومي بعض الاوادم ودك يحط بخياش ويجدع بوسط البحر للي يعومي وبعض الاوادم بالوعد دق خراش لا راكب العقرب شخوط الرقومي وفي رحلة برية في وادي (ابو طلاح) شمال اشيقر، نسي بن (عجروش) وهو يتولى الطبخ (الملاس) وسط القدر وطبخه مع اللحم، فعلم سعود اليوسف اثناء الغداء بهذا الموقف فاستاذن في قول قصيدة هي حوار بين الملاس وابن عجروش، يقول فيها: الملاس: ابا اشكي ولد عجروش اللي في طبخه مربوش يحسبني هبر وكروش والا البحثية والراس بن عجروش: بالك تزعل يا ملاسي تراني في طبخك ناسي لكن حقك على راسي ابشر من يطلاك بماسي الملاس: ما يدري وش في ما عونه لينه قلطني بصحونه اعمى الله قلبه وعيونه اهنا احد يطبخ ملاس؟! ابن عجروش: وش ردك ما قمت تنادي وانحن عندك وسط الوادي ليتك جدعت الهوادي واطفيت ضو المقباسي الملاس: قطعت تيسك عليه وعجزت احرك رجليه وشلون افرك من الصفرية مرصوص كني دحواسي ابن عجروش: احمد الله بالسلامة اللي ما جابك علامة صارت في تيسي وعظامه والا انت معدن ونحاسي الملاس: ثاني مرة يا فلاح ماعاد اطلع لابو طلاح اقعد في المطبخ وارتاح وغير المطبخ اطو الياسي ابن عجروش: لو ما تظهر وش خانتنا وش نحرك به حمستنا يومك مطبوخ بكبستنا قعدنا ساعة نحتاس الملاس: في كشتاتك لا ترجيني ما يطبق دينك مع ديني من يضمن لي ما تشويني لو ما تطلع بالمحماس الى اخر المحاورة التي يهدد فيها الملاس بن عجروش ويقول له الملاس: والله لولا الرجل الجيد الشيخ القرم بن حميد كان بقدرك تقل مقيد في القاعة مكتوم انفاس
 
أعلى