سؤال وجواب ابي مساعدة لشراء البيت

zarat

عضو مميز
السلام عليكم بدشلكم بالموضوع من غير مقدمات

انا عندي مبلغ واحتاج زيادة علشان اشتري بيت

منو يعرف احد مقتدر يشاركني لشراء البيت

مع حفظ حقه وحقي عند العدل

يعني مثلا اذا البيت ب٥٠٠
اهو ٢٥٠ وانا ٢٥٠

بالتسجيل العقاري يذكر ان له النص


انا من فترة كان واحد من اهل الله عرض علي هالفكرة بس حزتها ماكان عندي فلوس والحين الحمدالله عندي مبلغ بس للاسف مو قادر اشتري بيت

تعبت من الاجارات لي اليوم دافع تقريبا اكثر من ٧٠ الف اجار انا وعيالي اولى في هالفلوس


ياريت اللي يعرف احد او في احد يمولني يساعدنيواكرر مع حفظ حقه قبل حقي بالعدل


بانتظار الرد
 

شمري كويتي

عضو مخضرم
ليش ما تاخذ بيت جاهز من وزارة الاسكان
او تاخذ ارض من الحكومة وتبنيها بقرض بنك الائتمان
الفكرة اللي تكلمت عنها صعب احد يقتنع فيها لانها فكرة فاشلة
هذي الفكرة وراها مشاكل وكل انسان يبي بيت مستقل بروحه
بالمستقبل راح تطلع مشاكل منو يسكن الدور الارضي
ومنو يسكن بالدور العلوي ومنو ياخذ السرداب ومنو ياخذ المدخل الرئيسي
ومنو ياخذ الديوانية والسطح والحديقة ومشاكل على مواقف السيارات
هذي الفكرة فاشلة وغير قابلة للتطبيق ووراها مشاكل كثيرة بالمستقبل
اذا احد الطرفين قرر بيع البيت والانتقال لمنطقة ثانية شنو الحل
راح تصير مشاكل على دفع فواتير الكهرباء والماء والصيانة والتصليح
راح تصير مشاكل كثيرة ما تخطر على بالك
وراح تصير قضايا بالمحاكم بين الطرفين وبالاخير
اللي راح يستفيد اللي مسجل البيت باسمه والطرف الثاني
راح يتعب بالقضايا والمحاكم والله اعلم متى ياخذ حقه
ويمكن يتعرض الطرف الثاني اللي مو مسجل البيت باسمه
الى النصب والاحتيال وينسجن الطرف الاول ويضيع حقه
مافي انسان يدفع مبلغ من المال ويقول مابي اسكن البيت
تقدر تشتري بالمبلغ اللي عندك بيت بالمناطق الرخيصة

او تاخذ بيت حكومي من وزارة الاسكان واترك هذي الفكرة الفاشلة
 
أعلى