سجل تجربتك في السفر

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
والا اللي بغيناه عون صار فرعون والله ماانسى شكله اهو ونظاراته .......... سأل​

صاحبنا وين ضيعته قال في هذا الكافيه ........... قال لنا يعني بالبار ... :mad: الله اكبر بار ...............​

وجان يقول هذا انتو يالشباب .. تخربطون وتشربون وتضيعون جوازاتكم وتدخلونا في المشاكل .. وعطان الصدمة الثانيه بالصميم........​

يمكن انتم بايعين الجواز............... قليل ادب :mad: الجواز كان القديم حجمه كبير يمكن​

شهر ويتغير الى الشكل الجديد الحالي ...........​

المهم عصبت عليه وتهاوشت وياه وقلت له كل يرى الناس بعين طبعه ............ واحنا​

لانشرب وما عندنا هالسوالف وانا والله صاج............ قال انا ماقدر اسوي شي لكم​

انتم تسافرون وصاحبكم يقعد بالمطار بعدين نشوف شنو يصير ........:mad:

طبعا ماعجبنا الكلام وتهاوشنا وياه وقلنا له خلنا نصعد كلنا الطياره وبالكويت احنا نتصرف​

مدام عند صاحبنا البوردنغ ... وخلصنا من الجوازات ومحد راح يطلب الجواز الا الكويت... رفض​

وبلغ شرطة المطار .... وكبرت السالفه......... وكان مركز على سالفة البار ........ خلانا​

ومشى ... قلنا نزل الشنط احنا ...............​

ماراح نسافر وبنقعد مع صاحبنا......... قال كيفكم الحين انزل الشنط ترى مافي حجز الا​

بعد اسبوعين .......قلنا له مو مشكله.......... حجه وحاجه........:D

يعني بيضغط علينا .............. قلنا له اوكي مو مشكله .......... احنا لو ساكتين​

احسن​

جان صعدنا الطياره وما صار شي ........... بالكويت يحلها حلال.........​


كان معاه واحد الله يذكره بالخير من حماية الطيران عنزي ساكت طول هالمده ماقال شي​

ويراقب الوضع وشنو نقول وردة فعلنا ...........​

بعد ماراح البومه بونظاره.......:D قال العنزي انتم راح تطيرون اليوم مالكم شغل فيه:)

واحنا عند اخر بوابه لحظات.... والا الشيخ احمد الفهد مر علينا​

السلام غليكم .... الله يعطيكم العافيه............. يحسب ان احنا من حمايه الطائرات..........:D

راح العنزي الله يذكره بالخير وقاله عن الموضوع ........... قال خلهم يصعدون وين تخلونهم​

هني مايصير هذا الكلام...............:D وبالكويت يصير خير نفس الكلام اللي قلناه حق​

البومه.................​

والله ستر ولطف وصعدنا الطياره والا الوضع طبيعي ونزلنا الكويت والا الامور مسنعه​

ماقعدنا بالمطار 10 دقايق الجواز قديم ماله اي اهميه..... بيتغير الشكل كامل...​


الحاصل بالموضوع ان رئيس مكتب الكويتيه البومه...... كان بمثابه السفير لان ما كانت​

في سفاره كويتيه في بانكوك......... وكان بامكانه مساعدتنا ولكن .... نظر للموضوع​

من ناحيه ثانيه الله يسامحه بار وشرب ....​


والحمد لله على كل حال...............​


خوووووش قصة أمتعتنا ! سالفة النظارات سالفة :cool: شنو سرها حتى داخل المطار يلبسونها :p
أدري كل هالقصة علشان اتدخل العنزي فاهمتك :cool:
بس صراحة عيب عليه سوء الظن....والحمد الله أنصفتم في النهاية ! بس خلاص مرة ثانية لا اتصورون بعيد....خلكم تصوير عالطاولة وبس :p
 

أبو عمر

عضو بلاتيني / العضو المثالي لشهر أغسطس
السلام عليكم


شكرا للأخت جويرية على هذا الموضوع الطيب والصور الجميلة , وهذه الصور الأخيرة في سويسرا ذكرتني بسفرة كانت لي بالسويد في بلدة نوركوبنج في أقصى الشمال...


أظن أن الطقس كان جميل جدا حوالي ( - 30 ) أو ما يقرب من هذه الدرجة , وكان البحر متجمد حتى أن أهل البلد يركبون الدراجات البخارية الرباعية فوق سطح البحر المتجمد ويحفرون في طبقة الجليد حتى يصيدون الأسماك وهم يشيرون إلى الناس بايديهم ويضحكون وأظن أني قد صورتهم.



منظر عجيب جدا وجميل , حتى أن الإنسان قد لا يلحظ الفرق بين البحر وبين الطريق العادي لا سيما عند المناطق الساحلية.


وكنت أتمشى مع بعض أصدقاء لي ( كنا أربعة ) ونمشي في شارع فوجدت أربع فتيات ومعهم شاب وكل واحدة منهم تشير إلى واحد منا ( كأنهم يقسموننا حقهم ) - وكنا بالطبع في هذ الجو البارد نلبس الفرو من أعلانا إلى أسفلنا - ومنظرنا يخوف شوية , المهم بدأت بالتكشير في وجوههم من بعيد وأنا اقول لهم بالمصري ( ابعدي من هنا انت وهيا وأشير بيدي حتى يفسحوا لنا الطريق ) وفعلا استجابوا وهم يبتسمون...


وأظن أنهم كانو صغارا ربما في سن الرابعة عشر أو شيء كهذا , والحرية عندهم في السويد غير طبيعية و فطبيعي أن نرى فتاة صغيرة أو ولد صغير يشرب مخدرات في الشارع...

ولقد كنا نتناقش مع بعضهم فيتكلون عن الحرية وفوائدها ونرد عليهم بأنهم بأنها حرية البهائم ولا غرو أن أكثر نسبة أطفال معاقة في العالم في تلك الدول , منظر طبيعي جدا في متجراتهم أن نرى أطفال منغوليين ومعاقيين بسبب إسرافهم في المسكرات والمخدرات حتى أفسدوا أرحامهم ودماءهم.

وبينما كنت هناك علمت بأنهم خصصوا مكانا معينا ( صخرة على الشاطيء ) هذا المكان مخصص للإنتحار !! , لأنهم يشعرون بالقرف من منظر الإنتحار الشبه اليومي والذي يكون في الشوارع أمام الناس , فخصصوا هذا المكان , فمن أراد أن ينتحر فليقذف بروحه على هذه الصخرة ويفك العالم من منظره بعد الموت...

ولكنها بالطبع بلاد جميلة جدا ونظيفة جدا لدرجة كبيرة جدا , وكأن البلاد مغسولة بالماء والصابون والبحيرات نظيفة وكذا الشوارع.

تجد البيوت مبنية على أطراف النهر وهو يمر وسط البيوت بطريقة ملتوية جميلة , بلاد جميلة جدا من البر أو البحر أو الجو...


هذا ما يحضرني الآن وأردت أن أشارككم به

شكرا جزيلا لكم
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
وبينما كنت هناك علمت بأنهم خصصوا مكانا معينا ( صخرة على الشاطيء ) هذا المكان مخصص للإنتحار !! , لأنهم يشعرون بالقرف من منظر الإنتحار الشبه اليومي والذي يكون في الشوارع أمام الناس , فخصصوا هذا المكان , فمن أراد أن ينتحر فليقذف بروحه على هذه الصخرة ويفك العالم من منظره بعد الموت...

ولكنها بالطبع بلاد جميلة جدا ونظيفة جدا لدرجة كبيرة جدا , وكأن البلاد مغسولة بالماء والصابون والبحيرات نظيفة وكذا الشوارع.

تجد البيوت مبنية على أطراف النهر وهو يمر وسط البيوت بطريقة ملتوية جميلة , بلاد جميلة جدا من البر أو البحر أو الجو...


هذا ما يحضرني الآن وأردت أن أشارككم به

شكرا جزيلا لكم

سبحان الله...عندما تكون الديار نظيفة وبديعة الجمال....والأنفس قبيحة والأرواح تختنق لتفرغ عما بها على صخرة ! ونحن في بلاد حرارتها 50 س صيفا وصحراء...والنفوس ينعشها ذكر الله :)

أنتظر الصور أبو عمر...يمكن أسافر السويد أشوف هالصخرة !

شكرا لمشاركتك الممتعة :إستحسان:
 

dr_chart

عضو فعال
خوووووش قصة أمتعتنا ! سالفة النظارات سالفة :cool: شنو سرها حتى داخل المطار يلبسونها :p

هلا والله اختي جوريه...........:وردة:

النظاره كان شكلها كبير ومو لايقه عليه................... يعني كشخه.....

أدري كل هالقصة علشان اتدخل العنزي فاهمتك :cool:

ان بعض الظن اثم هههههههههههههه.................

بس خلاص مرة ثانية لا اتصورون بعيد....خلكم تصوير عالطاولة وبس :p


ان شاء الله طال عمرج.....................:p
 

أبو عمر

عضو بلاتيني / العضو المثالي لشهر أغسطس
السلام عليكم


بعض صور رحلة السويد مدينة نوركوبنج

picture.php




picture.php




وهذه صورة الأشخاص الذين كانوا يصطادون وهم واقفون على البحر المتجمد ويأشرون لنا


picture.php



صورة مقربة للبحر المتجمد







picture.php




هذه بعض الصور التي توفرت لدي الآن , لأنها كانت بالكاميرا العادية وقد قمت بنقلها إلى الكمبيوتر منذ زمن بعيد...



الأخت جويرية صدقت فيما قلتي والله...

الأخ سواح عفوا أخي الكريم
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
الصور شكلها قديم شوية , ده كانت سنة 95 , أنا مش كبير قوي يعني

طب يا أخ أبو عمر لو سمحت ... ما قولتيليناش ( يعني بتكلم مصري ! ) : إيه سبب سفرتك للسويد لو ما فيهاش احراج يعني...دراسة ولا بزنس :cool:
 

أبو عمر

عضو بلاتيني / العضو المثالي لشهر أغسطس
طب يا أخ أبو عمر لو سمحت ... ما قولتيليناش ( يعني بتكلم مصري ! ) : إيه سبب سفرتك للسويد لو ما فيهاش احراج يعني...دراسة ولا بزنس :cool:


ما في احراج ولا شيء , فقد كانت هذه السفرة وغيرها في فترة الدراسة وفي سبيل الدراسة فعلا...


واللهجة المصرية عايزة يتشال من الكلمة يه ( قولتيلناهش ) , ماشي؟


وإن شاء الله تعالى أتابع معكم هذه الصفحة وعندي بعض رحلات أخرى أضعها إن شاء الله.
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
ما في احراج ولا شيء , فقد كانت هذه السفرة وغيرها في فترة الدراسة وفي سبيل الدراسة فعلا...


واللهجة المصرية عايزة يتشال من الكلمة يه ( قولتيلناهش ) , ماشي؟


وإن شاء الله تعالى أتابع معكم هذه الصفحة وعندي بعض رحلات أخرى أضعها إن شاء الله.

ان شاء الله....وإحنا بالانتظار :)
 

الزيادي

عضو فعال
موضوع جميل ....حقيقه واحب ان أشارك فيه في هذه الرحله .....

في يوم ممطر من أيام الكويت الجميله في شهر فبراير(1985) واحنا قاعدين في الصف وكنا وقتها في صف رابع ثانوي قررنا نحن الثلاثه السفر والمدرس قاعد يشرح الماده
زين وين ؟؟؟؟؟
ماندري المهم بنسافر وكان من باجر عطلة العيد الوطني
وطلعنا من الحصه (تهريب طبعا) وعلي طول مكتب السفريات
وقلنا حق الموظفه بنسافر لو سمحتي
قالت : وين ؟
قلنا ماندري ....انتي شرايج (طبعا الاخوان لابسين ملابس مدرسه راهين )
قالت شرايكم فهالدوله قلنا ها...لا غيرها وقامت تعدد لنا الدول ...
وبالاخير قلنا لها يبه نبي اقرب موعد طياره لدوله اجنبيه
طقطقت بالكمبيوتر والا تطلع معاها اليونان والاقلاع الساعه 4 العصر
قلنا فوقه يونان يونان بتخوفينا يعني جم التذكره اختي ...
المهم دفعنا الفلوس طبعا الفلوس مصدرها من دوامنا الاخر في احدي الوزارات (كان الجمع بين الوظيفه والدراسه عادي )والاجازه بالجيب
المهم لحق ماتلحق الساعه الحين 12 ظهرا
دق علي فلان ماعنده بنطلون مانيه مناك دبرنا ملابسنا وهوبا المطار
طبعا اهلنا مايدرون قلنالهم رايحين كشته مع الربع
وصلنا وصعدنا الطياره الصغيره وهي كانت تابعه للطيران اليوناني (اولمبيك)
هوبا والا احنا بأثينا بعد خمس ساعات (عره ما وراها الا الدجه )
نزلنا من الطياره و اول ما طلعنا من المطار والا الجو سحتني موت برد والثلوج تغطي الارصفه وماكو احد واقف بالشارع
وين نروح ؟؟؟؟؟؟؟؟؟؟؟؟ ما نعرف شئ موليه عن اليونان
ها هنيه القمنده ...وين نروح ما ندري وليييييييييه وبعدين كله ماندري مايصير
ركبنا مع تاكسي قال وين يا اخوان طبعا بالانغليزي ..كل واحد يطالع الثاني
رديت عليه انا قلت له هوتيل بليز
ضحك سايق التاكسي ...وهو يقول اي هوتيل اثينا فيها لا يقل عن الف هوتيل
هااااااا ..... قلنا اي هوتيل وسط العالم نبي زحمه وناس جذيه
المهم الاخ لقاها فرصه وصيده بالنسبه له ودانا للفندق اللي متعامل معاه (يعني راح يقبض منا فلوس التوصيله ومنهم الكومشن )واذكر مكان الفندق وكان قريب من ميدان (سندقما)
وكان فندق درجه ثانيه يعني مش حالك
الفندق يصفر ما فيه الا احنا يمكن وشكله الرسبشن يقول شجايبكم بالوقت هذا بهالبرد
سكنا الفندق
بدلنا ملابسنا وكان الوقت ليل قلنا يلا شباب فوقه خل نطلع
زين نطلع نروح وين ؟؟؟؟؟
ها ...ردينا وين بعد سألنا الرسبشن وين يروحون الناس في هالحزه
طاعلنا بغرابه جان يقول الناس ماتطلع من بيوتها شايف الثلج اللي بره
قلنا له بنروح نتعشي واشر علي مكان التاكسي
ركبنا التاكسي ورحنا المطعم ومنظر الثلج بالليل يخرع بصراحه وصلنا المطعم
طبعا فاضي ماكو الا احنا تعشينا
وطلعنا من باب المطعم نبي تاكسي بنرجع للفندق وقعدنا ننطر بالشارع والدنيا موت سحتني برد تجمدنا واحنا ننطر المهم والا ذاك التاكسي اللي وقف عندنا
وعلي طول بطلنا الباب وركبنا اووووووووووف برد
وين ياشباب وليييييييييييييه ردينا علي طير ياللي
هوتيل لو سمحت ...سايق التاكسي اي هوتيل
شباب منو يعرف اسم فندقنا (لا احد يرد)
ها هذي اول مشكله
ضيعنا اسم الفندق قلنا له مانعرف اسم الفندق بس هو قريب ميدان يتجمعون فيه ناس المهم الرجل فهم انا نقصد ميدان سندقما ...
سايق التاكسي ماصدق خبر حرك بدون تردد (صيده) بيحوس فينا علي كيفه والعداد علي ظهورنا
حاس فينا الرجال علي كيفه
من كثر ما زهقنا من الفراره ولع واحد من الربع سجارته والا السايق يقوله ممنوع التدخين
بطل الجام اخونا وقط السجاره ارفع الجام مره ثانيه ماترتفع التاكسي قديم والجام خربانه كانت
وسايق التاكسي لقاها فرصه يحملنا مسؤليه خراب الجام ويتحلطم كل شوي يقول بروبلم بروبلم ويأشر علي الجام
واثناء تحلطم العجوز سايق التاكسي مرينا علي فندقنا بالصدفه بعد نص ساعه
وعلي طول بصوت واحد هووووب هوووووب ستوب بليز
نزلنا والاخ للحين يتحلطم علي الجام
جم حسابك اخوي قال حسابين حساب التوصيله وحساب الجام
حملنا الملعون مسؤليه خرابها
قلنا ما احنا دافعين فلوس الجام
وعصب وقام بطق علي كبوت السياره (حركات نصبت)
بس للاسف طافت علينا وهددنا بالشرطه وبصراحه كنا نخاف من الشرطه مادري ليش نحس انهم اذا مسكونا راح يدقون علي اهلنا في الكويت و مانبي فضايح ..تبون الصج عيب والله يدقون عليهم ويقولون شوفوا عيالكم كاسرين جام تاكسي في اليونان ..طبعا الوالد يبيله اسبوع يعرف شنو اليونان
المهم وما اطول عليكم دفعنا فلوس الجام والتوصيله نبي الفكه من هالنصاب (امحق فكه)
رد لنا الباجي كانت ورقه وحده من فئه 500 دراخما اذا ما ني ناسي
اخذنا الباجي ورحنا الغرفه وقعدنا نتحلطم شنو هالديره شجايبنا هنيه
واديها نومه مو من التعب من البرد
ماذا حصل ثاني يوم ؟؟؟
الفلوس اللي عطاناها راعي التاكسي طلعت مزوره ؟؟؟؟وليه شهالسفره اللي كلها غم
شلون اكتشفنا الفلوس مزوره ؟؟؟؟
وقصتنا مع الشرطه .؟؟؟؟
الهروب من الفندق ؟؟؟؟
بعد الفاصل نواصل .............................
 

dr_chart

عضو فعال
كشته

اذكر قبل كم سنه سافرو الربع الى السعوديه كشته .......... ايام الربيع.........​

ومعروف عن تلك المناطق الصحراويه .. ان فيها جن.....................:D

تواعدو الربع في مكان محدد بالسابق يعرفونه كشتو فيه كذا مره..... وكانو تقريبا3 سيارات ......​

المهم ان في مجموعه منهم تاخروا في مركز النويصيب علشان السياره التامين منتهي ........ وماقدرو يطلعون ورجعو الى الكويت............:باكي:​

وصلو الى المكان بين ضلعان ( جبال صغيره) وبنو خيمتهم وضبطو الشغل والقعده .......... في الجو الجميل.. والبراد ........ز يالله من فضلك.....:إستحسان:​

http://file9.9q9q.net/preview/77842396/-------2.jpg.html
صور مقاربه للمكان






ايام حلوه الله يعيدها .................................. بخير​

كانو الربع متعاونين اللي يشب النار واللي يضبط الشاي والقهوه واللي يدور الرمث( نبته بريه عليها شبة نار عجيبه)​

....صار المغرب ..... راح اثنين منهم الى صاحب ابل مجاهيم ( هاجري) :إستحسان: الله يجزاه خير واخذوا منه حليب لزوم القعده...ههههههههههه ................. يبعد عنهم تقريبا 10كم.................................. وبدأ الليل والهدوء في المكان ...............ماحولك احد.........​


الظلام دامس ولا صوت الا صوت الهواء العليل .................. تجمعو الربع على النار واخذ من السوالف والقصيد والضحك ............​

وبعد صلاة العشاء ضبطو عشاهم ............​

ومع السوالف والقصيد .......... واذا بصوت من بعيد كأنه صوت ذيب ...... ياساتر ....​

شوي ولا صوت حمار الله يكرمكم............. اف اف اف اف مو وقته كلش ........:باكي:​

شوي والا تحذف صخر ممن ورى الخيمه ....... شغلوا السيارات يدورون حول المكان ما في شي ......... الصراحه اشتغلت فيهم .. مو وقته جن وسوالف ..........​

المهم اهل القصيد والضحك تعكر مزاجهم .... كل واحد قعد له بزاويه ماله خلق​

خلص العشا وتعشو عشاء بدون نفس ............ وهم حوالين النار خارج الخيمه والا ينزل عليهم تراب من فوق الخيمه .....................​

وصوت شي يركض بسرعه دبدبدبدبد ( صوت الخطوات) ........... لحقوه مادرو باي اتجاه راح .............. رجهو للخيمه والا دلالهم مقلوبه على النار ...........:confused:


قالو خلاص بنشيل قشنا ونمشي مالنا قعده في هالمكان .............. شوي والا يسمعون ضحك مصدره قريب......................​

راحو للمكان والا المفاجأه .................................​











طلعو الربع اللي في السياره الثالثه............... هههههههههههههههههه مسوين فيهم مقلب .....​

غيرو سيارتهم ولحقوهم ...................................​

وسامحونا على الاطاله...............​
 
التعديل الأخير:

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
موضوع جميل ....حقيقه واحب ان أشارك فيه في هذه الرحله .....

في يوم ممطر من أيام الكويت الجميله في شهر فبراير(1985) واحنا قاعدين في الصف وكنا وقتها في صف رابع ثانوي قررنا نحن الثلاثه السفر والمدرس قاعد يشرح الماده
زين وين ؟؟؟؟؟
ماندري المهم بنسافر وكان من باجر عطلة العيد الوطني
وطلعنا من الحصه (تهريب طبعا) وعلي طول مكتب السفريات
وقلنا حق الموظفه بنسافر لو سمحتي
قالت : وين ؟
قلنا ماندري ....انتي شرايج (طبعا الاخوان لابسين ملابس مدرسه راهين )
قالت شرايكم فهالدوله قلنا ها...لا غيرها وقامت تعدد لنا الدول ...
وبالاخير قلنا لها يبه نبي اقرب موعد طياره لدوله اجنبيه
طقطقت بالكمبيوتر والا تطلع معاها اليونان والاقلاع الساعه 4 العصر
قلنا فوقه يونان يونان بتخوفينا يعني جم التذكره اختي ...
المهم دفعنا الفلوس طبعا الفلوس مصدرها من دوامنا الاخر في احدي الوزارات (كان الجمع بين الوظيفه والدراسه عادي )والاجازه بالجيب
المهم لحق ماتلحق الساعه الحين 12 ظهرا
دق علي فلان ماعنده بنطلون مانيه مناك دبرنا ملابسنا وهوبا المطار
طبعا اهلنا مايدرون قلنالهم رايحين كشته مع الربع
وصلنا وصعدنا الطياره الصغيره وهي كانت تابعه للطيران اليوناني (اولمبيك)
هوبا والا احنا بأثينا بعد خمس ساعات (عره ما وراها الا الدجه )
نزلنا من الطياره و اول ما طلعنا من المطار والا الجو سحتني موت برد والثلوج تغطي الارصفه وماكو احد واقف بالشارع
وين نروح ؟؟؟؟؟؟؟؟؟؟؟؟ ما نعرف شئ موليه عن اليونان
ها هنيه القمنده ...وين نروح ما ندري وليييييييييه وبعدين كله ماندري مايصير
ركبنا مع تاكسي قال وين يا اخوان طبعا بالانغليزي ..كل واحد يطالع الثاني
رديت عليه انا قلت له هوتيل بليز
ضحك سايق التاكسي ...وهو يقول اي هوتيل اثينا فيها لا يقل عن الف هوتيل
هااااااا ..... قلنا اي هوتيل وسط العالم نبي زحمه وناس جذيه
المهم الاخ لقاها فرصه وصيده بالنسبه له ودانا للفندق اللي متعامل معاه (يعني راح يقبض منا فلوس التوصيله ومنهم الكومشن )واذكر مكان الفندق وكان قريب من ميدان (سندقما)
وكان فندق درجه ثانيه يعني مش حالك
الفندق يصفر ما فيه الا احنا يمكن وشكله الرسبشن يقول شجايبكم بالوقت هذا بهالبرد
سكنا الفندق
بدلنا ملابسنا وكان الوقت ليل قلنا يلا شباب فوقه خل نطلع
زين نطلع نروح وين ؟؟؟؟؟
ها ...ردينا وين بعد سألنا الرسبشن وين يروحون الناس في هالحزه
طاعلنا بغرابه جان يقول الناس ماتطلع من بيوتها شايف الثلج اللي بره
قلنا له بنروح نتعشي واشر علي مكان التاكسي
ركبنا التاكسي ورحنا المطعم ومنظر الثلج بالليل يخرع بصراحه وصلنا المطعم
طبعا فاضي ماكو الا احنا تعشينا
وطلعنا من باب المطعم نبي تاكسي بنرجع للفندق وقعدنا ننطر بالشارع والدنيا موت سحتني برد تجمدنا واحنا ننطر المهم والا ذاك التاكسي اللي وقف عندنا
وعلي طول بطلنا الباب وركبنا اووووووووووف برد
وين ياشباب وليييييييييييييه ردينا علي طير ياللي
هوتيل لو سمحت ...سايق التاكسي اي هوتيل
شباب منو يعرف اسم فندقنا (لا احد يرد)
ها هذي اول مشكله
ضيعنا اسم الفندق قلنا له مانعرف اسم الفندق بس هو قريب ميدان يتجمعون فيه ناس المهم الرجل فهم انا نقصد ميدان سندقما ...
سايق التاكسي ماصدق خبر حرك بدون تردد (صيده) بيحوس فينا علي كيفه والعداد علي ظهورنا
حاس فينا الرجال علي كيفه
من كثر ما زهقنا من الفراره ولع واحد من الربع سجارته والا السايق يقوله ممنوع التدخين
بطل الجام اخونا وقط السجاره ارفع الجام مره ثانيه ماترتفع التاكسي قديم والجام خربانه كانت
وسايق التاكسي لقاها فرصه يحملنا مسؤليه خراب الجام ويتحلطم كل شوي يقول بروبلم بروبلم ويأشر علي الجام
واثناء تحلطم العجوز سايق التاكسي مرينا علي فندقنا بالصدفه بعد نص ساعه
وعلي طول بصوت واحد هووووب هوووووب ستوب بليز
نزلنا والاخ للحين يتحلطم علي الجام
جم حسابك اخوي قال حسابين حساب التوصيله وحساب الجام
حملنا الملعون مسؤليه خرابها
قلنا ما احنا دافعين فلوس الجام
وعصب وقام بطق علي كبوت السياره (حركات نصبت)
بس للاسف طافت علينا وهددنا بالشرطه وبصراحه كنا نخاف من الشرطه مادري ليش نحس انهم اذا مسكونا راح يدقون علي اهلنا في الكويت و مانبي فضايح ..تبون الصج عيب والله يدقون عليهم ويقولون شوفوا عيالكم كاسرين جام تاكسي في اليونان ..طبعا الوالد يبيله اسبوع يعرف شنو اليونان
المهم وما اطول عليكم دفعنا فلوس الجام والتوصيله نبي الفكه من هالنصاب (امحق فكه)
رد لنا الباجي كانت ورقه وحده من فئه 500 دراخما اذا ما ني ناسي
اخذنا الباجي ورحنا الغرفه وقعدنا نتحلطم شنو هالديره شجايبنا هنيه
واديها نومه مو من التعب من البرد
ماذا حصل ثاني يوم ؟؟؟
الفلوس اللي عطاناها راعي التاكسي طلعت مزوره ؟؟؟؟وليه شهالسفره اللي كلها غم
شلون اكتشفنا الفلوس مزوره ؟؟؟؟
وقصتنا مع الشرطه .؟؟؟؟
الهروب من الفندق ؟؟؟؟
بعد الفاصل نواصل .............................


هلا اخ الزيادي....يسعدنا مرورك

الله يهداك اشهالحركات ولا ماانتوا هينيين...زين ما سوا فيكم راعي التاكسي :cool: بس حلوة سفرة الفجأة هذي...لو تحصل لكل واحد :confused:

حياك الله وننتظر مشاركاتك :إستحسان:
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
طلعو الربع اللي في السياره الثالثه............... هههههههههههههههههه مسوين فيهم مقلب .....​

غيرو سيارتهم ولحقوهم ...................................​


وسامحونا على الاطاله...............​

وآنا قاعدة على أعصابي وأصابعي ترتجف بين أسناني قلت هالليلة ماراح اتطوف عليهم :confused:

الحمد الله.....والله الشباب عليهم حركات :cool:

حياك الله يا السواح :)
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
تقرير ملخص بالصور لرحلة العمرة الأخيرة ...

* حجز طيران داخلي بطيران سما عن طريق الإنترنت : رياض - جدة - رياض ، تقريبا تكلفة الشخص حوالي 60 دينار كويتي ، وفي بعض الرحلات أقل حسب التوقيت وأيام الأسبوع .

*الوصول لمطار الملك عبد العزيز بجدة - لا توجد مشاكل - تنظيم - يوجد كوفي شوبس وبالسردات بوفيه مطاعم عجيبة / لم يتسنى لي تصويرها - المواقف بالسردات تكفي أمم ، اليوم بحوالي 8 دنانير كويتي .




منظر علوي من فندق هيلتون - مكة ، للأسف سيتم هدمه بالتوسعة الجديدة ، المستوى جيدجدا والغرفة تحوي كل الخدمات - عيبه الوحيد الإنتظار الطويل أحيانا للمصاعد لأن الأبراج تصل للدور ال 30 وعدد كبير من الغرف في كل دور كما في الصور التي تليها







 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
السلام عليكم .......حبيت أجلب لكم بعض من صور سفرتنا الأخيرة وأشاركم بها على مراحل ... السفرة كانت من نهاية شهر يناير لأوائل فبراير ........تضمنت : ألمانيا - سويسرا - فرنسا ......في أجواء الشتاء........أجواء مختلفة ....

انتظروني...............


swiss1.jpg
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
الصورة السابقة في سويسرا في الطريق لأعلى جبال الألب ....لمنطقة تسمى :


chateau de aux


وهذه صورة أخرى بالسيارة مع أكوام الصقيع :D

swiss2r.jpg
 

كرستاله

عضو فعال
السلام عليكم
موضوع حلويعطيج العافيه فتحتي نفسي للسفر
انا كل سنه اسافر بريطانيا ولاني ادلها اكثر من الكويت حتى برا لندن رحت مليت منها فاقترحت على زوجي نروح( اسكتلندا)بالقطارماكان مأيد بس بعد الالحاح رضى,طبعا اهي مقاطعه تتبع المملكه المتحده ومايبيلها فيزا ولا جواز سفر,ورحنا اول يوم دورنا فندقنا اللي حجزنا من مكتب في لندن ولاالمصري اللي (باجوانرود)موهقناوموحاجزلناتكفلوا بحجزفندق اخرلناهو احدفروعهم بس مو بنص العاصمه مثل ماكنا نبي لاء بالاطراف هذا اول شي زهق زوجي المهم رحنا لفندق ثاني وزوجي حاقدعلي لانها فكرتي, نمناوطلعنا المغرب وهناك كل شي مغلق بعدالمغرب , ورحنا نمشي ونطالع المحلات اللي ساكه وزوجي زهقان حده المهم ثاني يوم رحنا بالباص للعاصمه( ادمبرا)عاد انا لاعمري سمعت عن اسكتلندا شي ولااعرف احد راح لها اهني الوهقه ولامعاي اللاب توب مثلا ادور اماكن سياحيه ,جان نركب الباص ابودورين ونقعدفيه نص ساعه ندور مانبي ننزل لانه مافيها شي انا منحرجه من زوجي وساكته جان ننزل في العاصمه لقينا قلعه قال زوجي هاذي قلعت اسكتلندا مالت فلم قلب الشجاع ميل جيبسون0 فوق جبل اخضر عالي جدا وطلعنا لها والصعود فوق صعب لان الجبل طويل وتقريبا عامودي صعدنا بالغصب متعب حيل نمشي ونقعدجنا شياب يالله يالله وصلنا للنهايه ولا زوجي يخزني خزه تخوف ويقول اشلون ننزل اللحين !طبعا معصب وانا ساكته ومنحرجه فشله وصلنا لمكان فيه عرض عسكري بس الحجزمن تحت مانقدر ندش يعني انا انقص ويهي ,جان الاقي ناس يدشون القلعه قلتله خندش وبنفس خايسه حجز ودشينا لقينا متحف حربي وصوت جنا قنبله خرعنا طلع قذيفه مالت مدفع حروبهم قبل طبعا انا عجبني لان شوي ترقعت السفره طلعنا نمشي نمشي هدوء واهو يتحلطم ويقول مقولته الشهيره: راي المره دايم عوج! وانا حدي مسالمه :eek:
عاد ننزل من منحدر جنا بيوت قبل ولا الحمدلله
نشوف(((( كرنفال))))) رقص واشياء حلوه هياااا مهرجان القلعه مالت اسكتلندا روعه شي خيالي والعاب ناريه ومسارح وعروض سيرك وكوميديه و و و,
مهرجان صج صورنا واستانسنا ,في كل مكان نسمع موسيقتهم العسكريه اللي اهي الهبان تهبل وقعدنا يوم بعد علشان المهرجان0 وكانت سفره تهبل0
 
أعلى