شاعر الكويت الشعبي " فهد بورسلي "

[وليد المجني]

بعد تطرقنا للشاعر فهد العسكر وفايق عبدالجليل و خالد الزيد ومدى تأثرهم باللغة وما قدموه من انجازات طوال حياتهم استعرض معكم اليوم احد اعمدة الشعر الشعبي الذي نطق بلهجة الكويتيين قديما ونقل معاناتهم من خلال اشعاره الشعبية التي طالت شهرتها كل بلدان الخليج العربي .

فهد راشد ناصر بورسلي

كان رحمة الله عليه شاعر الكويت الشعبي الذي عبر عن غالبية معانات الكويتيين

بأشعاره الشعبيه مستشفاً جميع أشعاره من يوميات حياة الرجل الكويتي في السابق

امتاز فهد بورسلي بإنتقاء البحور الشعرية السهلة الخفيفة المفهومة لدى الجميع كي

يرددها الصغير قبل الكبير وبالفعل قد حقق نجاحاً لا حدوده له فكان شاعراً يجسد دولة

بعد كتابته عن بعض الأزمات وكان أولها ازمة الماء التي حصلت في الكويت بالسابق

شايبنا يمشي ويطيح .. نوبه يصوت نوبه يطيح
شـ زيد من هذا التصريح .. صوت ولاله حماي
وعجيزنا مثل البطه .. تشيل القوطي وتحطه
بذمه من دبر هالخطه .. خلا العالم رايح جاي

ولد شاعرنا في عام 1918 وتوفي في 25/4/1960

له ديوان واحد فيه اكثر من مئة قصيدة و 6 زهيريات

كما يعتبر اشعار فهد بورسلي المغناه هي ارث شعبي

وجزء من تاريخ الفن الكويتي ... على سبيل المثال :


جزى البارحه جفني عن النوم .. جزى من غرابيل الزماني
صبرت أمس مع قبل أمس واليوم .. وأشوف العشر تصفي ثماني

كان فهد بورسلي شاعراً شعبياً أكثر منه كشاعر نبطي ولكن
عندما قرأت له شعر " يوم ونيت " تأكدت أنه مبدع في كل شيئ يكتبه
​

سامري​

يوم ونيت ما قالو تهون .. ياعلي ودهم لي.. بالعذاب ..

ليش يا اهل الهوى ما ترحمون .. ما تداوون من صابه صواب

والسبب منك ياخرس العيون* .. أشتكي لك ولا تسمع جواب

تدري الحب من عرض الجنون .. وانت حاسبتني قبل الحساب

غصن موز نشا بين الغصون .. في مياله يعاتبني .. عتاب

اعذر اللي سهر يبدع فنون .. وانت معذور مطغيك الشباب

اذكرونـي ولو ما .. تاصــلـون ... لو مع الريح ترسل لي ... كتاب​

*) خرس العيون: العيون الفاتنه .


هذه صورة بسيطة من حياة شاعرنا وإن شاء الله ستكون لنا وقفة جديدة مع شاعرنا رحمة الله عليه .

​

 

[وسم*]

فهد بورسلي شاعر معروف

وصراحة هالابيات احس انها انكتب من الشاعر وكأنه تنبأ بما يحدث لنا الآن بالكويت

الـبـلـــد هــذي وأهـلـهـا

الـبـلا مــن الـلـي دهـلـهـا

كــل مــن زار ونــزلـهـا

زاحــم الـلـي عـازمـيـنـه

لــو تــرد إلـنـا وربـعـنـا

مــن مـواردنــا شـبـعـنـا

بــس جـانـا مـن تـعـبـنـا

تـرجمـوا يـا هـل الـرطينــة

 

[حلوة الكويت]

الله عليك يا وليد..كل شئ تقدمه احس انك ترجعنا للسنين..

بس فهد بورسلي..من عشاقي انا..
واهديك من روائعة..

ياهل الشرق مروا بي على القيصريـة​

​

​

​

عضـدوا لـي وتلقـون الأجـر والثـوابـي​

​

​

​

انحـروا دختـر العشـاق يكـشـف علـيـه​

​

​

​

كود يمسح على جرحي ويبري صوابي​

​

​

​

ياغـريـب ن لـفـانـا مـــن ديـــار مـديــة​

​

​

​

الغـريـب لأهـلـه وأنــا عـلـى الـعـذابـي​

​

​

​

كـود يرفـا جـروح ن بالضمـايـر خفـيـه​

​

​

​

من رفا جرح مسلم فاز يـوم الحسابـي​

​

​

​

وهـقـونـي بـعـرفـه نـاقـلـيـن الـخـطـيـة​

​

​

​

مثل ماوهق العطشان ضوح السرابـي​

​

​

​

في عيونه سحر هاروت دمـث الشفيـه​

​

​

​

اسحـرنـي وأنــا بيـنـي وبيـنـه حـجـابـي​

​

​

​

اتـحــرى مــراحــه واتــحــرى مـجـيــه​

​

​

​

واستخيـل البـروق اللـي بلـيـا سحـابـي​

​

​

​

جهراوي

​

 

[وليد المجني]

اختي وسم : نعم كان يحس بكل يكتبه وما سيحدث .

كان شاعرنا ينقل الاحداث التي كان يعاني منها الكويتيين في السابق والتي لا تزال لها نفس

المفهوم الذي نعيشه في الوقت الحالي .. فلايوجدزمان ومكان دون مشاكل فالأمور سيان

مهما كتبت لن استطيع ان احدد شعراً لا يشعر به ابناء الكويت .

 

[وليد المجني]

حلوة الكويت .. عبقرية شاعرنا كانت بين بلهجة ابناء بلده الذي جعل من

الشعر واحه يتحدث بها الجميع .. لغة سهله متداوله ( السهل الممتنع ) ​

وهكذا استطاع فهد بورسلي ان يخترق قلوب الكويتيين و يوصل رسالة ​

الشعر الشعبي بلهجة الكويتيين لكل الدول المحيطه بنا حتى كانت اغانينا ​

مشهوره ومفهومة لدى الجميع . ​

 

[وسم*]

صح ياوليد كان يحس بهموم الشعب

شوف كلماته هذه عجيبة
ليت ها النفط الغزير ينقلب ماي غدير
مانبي النفط ومعاشه صرنا للعالم طماشه
اهلها ماتو عطاشه ضاع بالطوشه الفقير
من الفجر شايل جربه بس لو يبي درب يصبه
نفطها غرق اوربه والظما بها يستدير
جابو كنديشه جديده قالو بالعالم وحيده
قلت خير الله يزيده وازرعو حنطه وشعير
لا زرعنا ولا شربنا كل قيضه نصيح ربنا
من عجمنا ومن عربنا كل من اصبح خطير
عرباين ما تبيعك والمهاره ما تطيعك
من عوينك من فزيعك نشتكي عند الامير
ما نلومج يا بلدنا والسبب كثرة عددنا

 

[Normal]

شكرا يالمجني

بس لا شعر ولا شاعر مادري ليش يسمونه شاعر ؟؟

 

[وليد المجني]

وسم .. شكراً على بحثك في الشخصية الكويتية الرائدة ومعرفة كم عانى هذا الشاعر لاسعاد الأخرين

 

[وليد المجني]

شكرا يالمجني

بس لا شعر ولا شاعر مادري ليش يسمونه شاعر ؟؟

عذراً أخي بو النيف قد اكون فهمت الجملة بصورة خاطئة

هل تقصد ان الشاعر فهد بورسلي لا يجيد كتابة الشعر ؟

 

[وليد المجني]

أما قصائد بورسلي النبطية فقد كانت قمة في الروعة والإجادة من باب استعراض مقدرته كشاعر كبير متمكن . . ألزم شاعرنا نفسه (بلزوم ما لا يلزم) حين نظم إحدى قصائده على حرف (الحاء) فقد اختار الكلمات التي تبدأ بحرف الحاء وبدأ بها كل شطر بالقصيدة بالإضافة إلى قافيتي الشطرين التي أنهاهما بحرف الحاء أيضاً حين قال:

حل الفـراق وخافـي السـد باحـي
حاولت أصبر والصبر عـذّب الـروح



حالـي تـردى ومتكسـر جنـاحـي
حزين من كثـر الهواجيـس والنـوح



حامـي الوقايـد لح جسمـي لحاحـي
حسبي على الفرقـا بها السـد مبيـوح



حفظـت سـدٍ كـاتمـه لا يبـاحـي
حارت دموع العيـن والدمع مفضـوح





ولم يخل التزام بورسلي بحرف الحاء بقوة معنى القصيدة أو ترابط أبياتها ولم يكن التزامه على حساب القصيدة أبداً . . ومن هنا يلمس المهتم بالشعر النبطي الفرق بين شاعر وآخر من ناحية التمكن والثبات والرسوخ في نظم هذا اللون من الشعر النبطي.
​

 

[وليد المجني]

سم حالي فراقـه
سلّموا لي على اللي سمّ حالي فـراق
حسبي الله على اللي حال بيني وبينـه​

قايد الريـم تاخذنـي عليـه الشفـاقه
ليتني دب دهري حايستـةٍ في يمينـه​

آه واقلبـي اللي راح منـي سـراقه
تلّ عرج المودّه وانقطـع في يدينـه​

بالهوى طاح ما بالراس عقب الحماقه
أتشهَّد وسمّـي لي خزرنـي بعينـه​

والردايف تشيل الثوب عن حجل ساقه
مثل برقٍ تكاشف لي كشف عن جبينه​

زاميات نهـوده يـوم زرَّر اشبـاقه
مثل خـوخٍ مخـدّد توهـم قاطفينـه​

لا ذكرت الليالي اللي مضت والصداقه
عوّد القلب يرجف مثل رجف المكينه​

عقب ما هو نديمي صار شوفه شفاقه
الله اقوى على اللي عشر واربع سنينه​

اشتهى عشـرتي وانا عشقته عشـاقه
في زمانٍ مضى واليوم وينـي و وينه

فهد راشد بورسلي ​

 

[بن بصيص]

السلام عليكم








وفقك الله اخي وليد





فموضوعك طيب ولاكن ليتك اقتصرت على سيرته




لأن فهد بو رسلي شاعر فلكلوري يعرض على انه شاعر عادي فلكلوري






بعدين هو ليس شاعر مبدع هو شاعر عادي





ثم ان اجمل ما بقصائده ريحة زماااان فقط













جزاك الله خير الجزاء
















.

 

[وليد المجني]

زميلي العزيز .. فكرة الشعر الشعبي بحد ذاتها إبداع ونقل هموم ومشاكل المواطن من خلاله ينم

عن صفاء ذهن وتفكير سليم لعرض الاحداث فيما يتناسب مع المرحلة التي كانو يعيشونها أنذاك

فالابداع له عدة أشكال وصور والشاعر فهد بورسلي رغم انه كان فلكلوري ولمكن كان يجيد عرض

واستخدام الكلمات المناسبة التي وبدونه لم يكن لنا فلكلور شعبي غنائي يذكر حتى يومنا هذا

كل الشكر اخي على مرورك ووابداء رأيك الكريم

 

[cast^away]

فهد بورسلى...

الشاعر فهد بورسلي..من اعلام الشعر الكويتى..ولد عام 1918..وتوفى 1960

كان فهد بورسلي رحمة الله عليه يعتبر الجريده الشعبيه الناطقه لاهل الكويت فى ذلك الوقت..اشعاره شعبيه بسيطه تصيب المعنى مباشره بدون الدخول فى كلمات صعبه لايفهمها العامى...

من اشعاره فى نقص الماء...
ليت ها النفط الغزير - ينقـلب ماي غديـر

ما نبي النفط و معاشه - صرنـا للعالم طماشه

أهلها مـاتوا عطـاشه - ضاع بالطوشه الفقير

من الفجر شـايل قربه - بس يبي لو درب يصبه

نفطهـا غـرق أوروبـه - و الظما بها يستدير

جـابوا كنديسه جديده - قالوا بالعالم وحيده

قـلـت خيـر الله يزيده - وازرعوا حنطه و شعير

لا زرعنـاو لا شـربنـا - كل قيظه نصيـح ربنا

من عجمنا و من عربنا - كل من اصبح خطير

عرباين مـا تبيـعــك - و المهارا ما تطيعك

من عوينـك من فـزيعك - نشتكي عند الأمير

مـا نلومك يـا بلدنـا- و السبب كثرة عددنا

شـف بلادك يـا ولـدنا - ما بها مفرش حصير

ليت ها النفط الغزير - ينقلب ماي غدير
===============================
كنديسه=محطه تقطير..
معربه من الانجليزى

كان تجار الكويت يحاولون استمالته لما له من الشهره عند الكويتيين

لذلك استغله بعض التجار فى الدعايه لنوع من السجائر اسمه(ابو الولد)

فقال :
اسمعوا يا اهل البلد.....شربوا زقاير بو الولد....

طلب منه تاجر اخر لنوع ثانى من الزقاير اسمه( كورنيت)

فقال: ياهل الكويت .دخنوا زقاير كورنيت

والقصيده لها تكمله طبعا..لكن ماعرفها
=======================
له ايضا شعر يهاجم فيه بعض الوافدين ...منهم الدكتور السورى الحديدى
ليس لكره فيه ولكن لحميته الوطنيه يقول:

الحديدى الدختر السورى جتلت الناس يا القورى
يكلمنى من ورا ميزه الكويت كبّرت ط....

============================
من اشعاره المشهوره..

شايـبـنـا يـمـشـي ويـطـيـح​

نوبـه يـصـوّت نوبـه يـصـيـح​

ش أزيـد مـن هـذا الـتصـريـح​

صــوّت ولالــه حــمـــاي​

وعـجـيـزنـا مـثل الـبـطـة​

تـشيـل الـقـوطـي وتـحـطـه​

بـذمـة مـن دبـر هـالـخـطـه​

خـلا الـعـالـم رايــح جــاي​

تحياتى...

 

[بو حمد]

قصيدة الدختر السوري هل يحفظ احدكم منها شئ؟

 

[المسافر]

مشكور اخوى وليد

بدايه نثنى على الفكره الحلوة وصاحبها الاحلى ...لعرض نجوم الادب والشعر فى الكويت

ثانيا لى رد على الاخوان اللى يقولون ان الشاعر فهد بورسلى شاعر عادى ...فانتم تظلمونه

كبير وصاحب ابداع ...له لغه مميزه فى شعره ...اهمها البساطه اللى خلت الكل يفهم القصد

وان كان غير مباشر .

بصراحه شاعر كبير ...

سؤال وليد ...وين نحصل على ديوان الشاعر

 

[whahd1]

سمعت من يدي الله يرحمه اجزاء من قصيده للشاعر الكبير فهد بورسلي تكلم فيها عن ايران ولصغر سني نسيت القصيده واذكر انه يدي الله يرحمه قالي انه هال القصيده سوت مشكله مع ايران اذا احد يعرفها لانه ما اعتقد انها منشوره

 

[سور الوطن]

- شاعر الكويت فهد بورسلى يصور المجتمع الكويتى البسيط فى تلك الحقبة الزمنية وكلماتة بسيطة ومعبرة واليكم بعض من كتاباتة الشعرية:

جزى البارحة جفنى عن النــــــــــــــــــــــــوم.........جزى من غرابيل الزمــــــانى
صبرت أمس مع قبل امس واليــــــــــــــــــــوم........واشوف العشر تصفى ثمانى
عذاب على العشاق مقســـــــــــــــــــــــــــوم.......تولعت يـــــــــــــــوم الله بلانى
يلزم على الشـــــــــــــــــــــــــــــــــــــوق تلزوم......وأنا يوم لزمتة عصـــــــــــــانى
سجيم الهوى ما يسمع اللـــــــــــــــــــــــــــوم.......حنين الجفا ســــــــــــد أذانى
شريف على التكيات مخـــــــــــــــــــــــــــــدوم.......ولا هو من الطراز الجبــــــانى
طريح عن اللذات محـــــــــــــــــــــــــــــــــــــروم.........صوابة خطر بين المحـــــانى

وهذه قصيدة مشهورة اخرى:

ياناس دلــــــــــــــــــــــــونى .......درب السنع وينـــــــــة
ماشوف لى مــــــــــــــــــرقى........من بين الاهـــــوالى
من صد مظنــــــــــــــــــــــونى.....وخلى بلا دينــــــــــــــة
يجاوب الـــــــــــــــــــــــــــــورقا......من ضجيجة البـــــــالى
عزاه ياعيــــــــــــــــــــــــــــونى......تبجى على عيــــــــــنة
بوشـــــــــــــــــــــــــــــامة زرقا......بالحب قتـــــــــــــــــــــالى
ياوى من يـــــــــــــــــــــــــــونى.....والطول وا زينـــــــــــــــــــة
على كثر الفـــــــــــــــــــــــــرقا.....والزلف ميــــــــــــــــــــــالى
ياللى تعـــــــــــــــــــــــــــذلونى.....فرقا الضحى شيــــــــــــنة
خذ لمع بـــــــــــــــــــــــــــــــرقا.....يلحق على حـــــــــــــــالى
بالعيد عـــــــــــــــــــــــــــــــزونى....وين الطـــــــــــــــــــرب وينة
قلبى غدا ســــــــــــــــــــــــــرقا....ثم الحشــــــــــــــــــــــا فالى

 

[مشاكس]

وله قصيدة بعنوان ( السجن ) وهي من قصائد المعاناة والشكوى وسميت بال ((السجن )) لانها حملت

معاناته وهو مسجون وهي موجهه إلي الشيخ صباح الاحمد الصباح حيث قال فيها :

ياالله يافكّـاك عـسـرات الأنـشـاب

يامفرّج الضـيجـات يا مدبّرالكـون

تفـرج لقـلب حـل فـيـه تـِلـْهــاب

سـهـران ليلي والمـدامع يهـلّون

خـمـسـة عـشـر ليله منامي بـدِبـْاب

انا سهـيرٍ والخـلايـج يـنامـون

اونّ ونّـه مـن وطـى غـاســق الـداب

ومـن ونـّتي حـتى الأجانـب يونّون

واسـباب مابـي مـن خـوالي والأغـراب

حـقـّي كلـوه وتالـي الـحـق يشـكون

دشّيـت فـي سـجـنٍ عـلى البـاب بـواب

يا خالـجي تـرحـم مـريـضٍ ومـسـجـون

ويـن الجـماعـه والرفاقـه والأصـحاب

تـغــيـروا وِشْـعـلمـهـم مايـمـرّون

ربـع الفـر اهـيـه بـلا عـدّ وحـسـاب

والضيج خمـسـه عقب الالفين يصفون

مالي بهـم عـن قربهـم خـاطـري طـاب

يـسـلم هـديـب ويسـهـل الأمـر ويهون

بدري الـي جـن الدجـى والقمـر غـاب

ذخـري وانا له فـي مـدى الدهـر مديون

والظـن فـكّـاك الأنـشـاب مـاخـاب

يامـا عنيت وشـفـت الأفـراح بلعـون

الله يجـيـره من تصـاديـف الأسـباب

صـباح أبو نـاصـر دوا كـل مـطـعـون

كنز الوفا بحـر الندى ريـف الاحـباب

شـيـخٍ نـشامـا عـامل الناس بالدون

من لاذ بـه مـن ضـيـم الأيام مـاهـاب

أحــجـي عـلى ماشـفـت والناس يـدرون

قـم يالنـديـب أوصـل العـلم بـكتاب

خـلّ الهـجـن واركـب مـن الدوج صالون

شـرّج على دسـمـان مـدهـال الانجاب

قـصـرٍ سـما مجـده عـن الـذّلّ والهـون

دق ((الهـرن )) واقـف ولا تاصـل الباب

تلقـى الـخـدم فـي ساحـته يسـتـديرون

وانـشـد عـن الـي للتنافـيل جـساب

يجـيك ابو ناصر حـجـا كل مـمهـون

سـلّـم عـليـه ولا تـذيـّر وتـرتـاب

عـطـه الكتاب وبلّغـه كـلّ مـضـمـون

قـلـه فـهـد قـلبـه مـن السـجـن منصاب

خـطـرٍ هـمومه تخـشر العـقل بجـنون

تـداركـه ياشـيخ يا عـرب الانـساب

مالـه سـوى جاهـك وهـو منك مـمـنون

دهـري رمانـي بـيـن ظـهـر وخـلاب

ومن حـالتي كـلّ المـلا يسـتغـيـثون

يا شـيخ شـاب الراس مني وانا شـابّ

بطـّلت عـن حـقٍ ولـو كـان مـليـون

ماهـمـنـي دنيـا ولا دَيـن طـلاّب

إلـي سـلم شـخصـك عـساهـم يـولّون

وخـتامـهـا مـنّي سـلامٍ وتـرحـاب

شريـف للي بالمـواعيـد يـوفـون

 

[نوماس]

مااروع ما اتحفتنا به ياوليد المجني..
وتقبل مشاركتي باحدى روائع فهد بورسلي..رحمه الله
.....

يازين واصلني من الشباك​

لي صارت الجيات ممنوعه​

إرحم محبِِِ بالهوى يفداك​

لا تقطع العادات وتروعه​

حسبي على من بدلك واغواك​

ما تدري ان الروح مفجوعه​

ما فادني نوحي على فرقاك​

ولاينفع الخط ورجوووعه​