ســؤال جميل :
لما ليبرالي يطلع ويقول :
اسمـحوا لـبيع الخـمور بالكويت ، وينطون ربعه
اي معاك حق ، وصح لسانك ، هذه الحريه اللي نبيها ...... إلخ
لما ليبرالي يطلع ويقول :
لازم نلغي مادة التربيه الإسلاميه من المناهج الدراسيه
ويلاقي تصفيق تأييد من جم واحد من اللي حوالينه
لما ليبرالي يطلع ويقول :
قانون معاقبة المجاهر بالافطار بـ رمضان و اغلاق المطاعم في نهاره
يخالف ماعرف ايش ، بس المهم نلغي هالقانون
واللي يطالب بـ فتح ديسكوات ونوادي ليليه و غيره وغيره
ونــشوف التأييد بدلا من الاستنكار
بـحجة الـــحريه والتحضر والتقدم و ..........إلخ
ما استبعد باجر مطالبتهم بـ حقوق الشواذ جنسيا وغيرها
من الامور اللي يرفضها العقل قبل الدين
وآخرتها استنكار الليبرالين لــ مقالة الســاير ( اللي مفروض يكون من ربعهم )
لان انتقد المصخره اللي تصير ببعض الجزر من شرب وغيره
شــتبينا نقول !
كل شي فيه فساد يطالبون فيه بحجة الحريه
طبعا الحريه اللي على مزاجهم
لا تــقول هذيلا مايمثلون اللليبراليه ، لان هذا اللي نشوف
من اغلبهم وخصوصا ممن يسمووون كبار الليبراليه
إلا اذا الليبراليه اللي تقصدها لها معنى آخر
ومقاصد آخرى ، فلنا حجي ثااني وقتها