ماذا يحدث فى الاسواق ؟

Ms Rose

عضو مخضرم
بصراحه رحت برمضان مره وحده للسوق وكرهت عمري

دايم اروح سوق بس ماشفت كثره بالمغازل وكثرة بنات ابليس الا برمضان


يعني هذول شياطين منهم وفيهم

بصراحه الغلط من الاثنين البنات حدهم مستخفات باللبس الله يهديهم

والشباب مايميز بين اللي تبي الصياعه وبين المحترمه


مااقول الا الله يهديهم

يعجبني فيك يااخوي سليل غايريتك

شكراااااا علي الموضوع
تحياتيييييييي
 

جراح الكويت

عضو بلاتيني
من أمن العقوبه أساء الأدب وكذلك لاتنسى دور الأسرة وتربيتهم الصالحه لأبنائهم

كله على التربية والأخلاق ما راح أقولك بالفحيحيل ولا المباركية أو الجهراء بقولك بالحرم الشريف فيه ناس تافهه تغازل !! كله على التربية ولاتنسى المثل القائل (إن كان رب البيت بالدف ضارب فشيمة أهل الدار الرقص)
 

جراح الكويت

عضو بلاتيني
ولله الحمد نحن في عاصمة الجهراء;)..ماكو هالتحرش ولله الحمد


خاف صج ماكوا مغازل بأسواق الجهراء !! حتى (الزلمات) اللي بالوافي يغازلون:p

ولاتنسين القيصريه القديمه والموعد ووارة بالعشر الأواخر تدهر مالج محط رجل الناس تكشخ للسوق قبل الفطور:p
 

بو حمد

عضو بلاتيني
السبب الاساسي .. الفراغ..


الاولين ماعندهم وقت لمثل هذه السخافات .. عمل طول اليوم... بيت .. اسره... اقارب ..


الحين كل شئ متوفر.. وسبحان الله متى ما زادت النعم ظهر الترف على الناس و صاروا يتجهون الي امور اخرى لقضاء اوقات الفراغ..


المشكلة اول كان المراهق اللي يغازل ... اما الحين اشوف رجال كبار في العمر بالاربعين والخمسين قاعد بالساعات بقهوة بهل مجمعات و يخزخز بالحريم!!


....
 

سليل الجود

عضو مخضرم
اللي يصير بالاسواق نتيجة الفراغ الزايد عند الشباب...الانسان اللي امقضي يومه بالشغل والانشطة المفيدة بمجرد مايحصل على وقت فر اغ يقعد في بيتهم ولايجابل الدواوين يخالط الرياييل اما التسكع بالاسوقة هذا شغل الفاضيين.


كلام سليم اخوى

يجابل الدواوين ويتعلم من كبار السن ويسمع سوالفهم عن ايام اول

ويستفيد من قصصهم الجميله

مو مجابل الاسواق وتعرض لخلق الله بالشهر الفضيل

تسلم يالشيخ
 

سليل الجود

عضو مخضرم
؟؟؟
بصراحه الساعه 11 ماكو احد .....ليش؟؟؟
بالنسبه لمواقف الناقلات كلهم ربعي وانسى بعد اليوم
لا وبعد خصم على الشباب؟؟؟
وزين قلت ....علشان نقضي على الفساد فى القطاع النفطي؟؟

وبعدين انا فى مبارك الكبير ....قريب حيل ...اشاره مرور فقط
وانت حياك على السحور بس ايام العمل الرسميه والسحور قبل الاذان بنص ساعه
تحياتي
اقول جاك الموت ياتارك الصلاه

رحت لهم اليوم بدش مواقفهم قال لى الامن اللى على الباب

وصلنا تحذير شديد اللهجه من مدير عندنا

بعد ما قرأ فى النت ان احنا فاتحين المواقف سبيل للناس

قلت له شلون شكله هالمدير

قال مزيون ويركب جيب رنج روفر

يعنى يذكرك بهذا السلطان التائب

قلت ما عليك منه

اعرف واحد يمون عليه و يشبه الخليفه الاموى مروان الحمار


والله مادري عنك kkk

بس عندى جواسيس هناك
 

سليل الجود

عضو مخضرم
:d


موضوع...يعدل الراس...يمزمز...

اولا...

ولله الحمد نحن في عاصمة الجهراء;)..ماكو هالتحرش ولله الحمد...الانه اذكر من سنة قام الشرطة هنا بوضع حل لهذه الظاهرة..والانها تنتشر وبكثرة في رمضان قاموا..بتحليق كل من يغازل:d..وخبرك بو قذيله شنو الى يموته قهر ويتوبه الا ذهاب قذلته...
ولو يرجعون هالقانون او يحطونه عندكم..راح تلقون نتيجة ولا احلي..ولا اجمل ..ويكثرون الصلعان عندكم:)...

اما بالنسبة ...لما..السبب يرجع الى فتح الباب للكل..يعني احنا ولله الحمد في الخيمة مول..واغلب المجمعات ان كثرة فيها هالاموار...يمنع دخول الشباب ويكون فقط للعائلات...
وثانيا للحل الاموار...الشباب وين يرحون..مو خبرك الديوانيات ازيلت..
ولله الحمد...تم انشاء اكبر ملعب للشباب في الجهراء..وسوف يتم الافتتاح قريبا...
يعني...
من سنتين ما شفت احد في الجهراء غازل...لله الحمد...;)
ولكن ان كنت تبي من يغازلك...
روح...شرق او المارينا او الافينواز...او...الى قلت عليه:)...

واما بالنسبة الى الحركات...نعم سمعت بمثلها...واذكر حل قامت به عجوز تم التحرش ببنتها..
بس الانه شوي جرئ...اي قامت بحركة مثلها...:eek:...وانتم افهموا...
المهم...
يقولك الحشر مع الناس عيد...وهنا عيد الشباب المستهترين....
ولكن؟..

في كل الظروف المحترام ..محترام في كل مكان:)..تحياتي
ايه موضوع فيه شباب ومغازل

شلون ما يعدّل الراس

محترام هذه باى لغه دخيل الله؟

 

سليل الجود

عضو مخضرم
بصراحه رحت برمضان مره وحده للسوق وكرهت عمري

دايم اروح سوق بس ماشفت كثره بالمغازل وكثرة بنات ابليس الا برمضان


يعني هذول شياطين منهم وفيهم

بصراحه الغلط من الاثنين البنات حدهم مستخفات باللبس الله يهديهم

والشباب مايميز بين اللي تبي الصياعه وبين المحترمه


مااقول الا الله يهديهم

يعجبني فيك يااخوي سليل غايريتك

شكراااااا علي الموضوع
تحياتيييييييي

تسلمين اخى المهره الجفول على اطرائج وظنج الطيب فينى

والله ما تدرين عنى لو ان منهم:)

بس لاول مره بتنازل عن الهجوم على الجنس الناعم فى هذا الموضوع

من اللى شفته فى الدبوس واجيال

ان البنات المستهترات قليلات جدا

وبحط اللوم على هالشباب التافه اللى اقصى امنياته بنت يرقمها

وهدفه الوحيد بالحياه اهو شقه وبنات ومسخره

مع الاسف انهم بدأوا يتكاثرون نسأل الله السلامه

شكرا لمرورج العطر اختى المهره



 

JeNaN

عضو بلاتيني
سليل الجود


ابجي ؟؟؟


انا شيخة يا الشيخ :d
 

سليل الجود

عضو مخضرم
من أمن العقوبه أساء الأدب وكذلك لاتنسى دور الأسرة وتربيتهم الصالحه لأبنائهم



كله على التربية والأخلاق ما راح أقولك بالفحيحيل ولا المباركية أو الجهراء بقولك بالحرم الشريف فيه ناس تافهه تغازل !! كله على التربية ولاتنسى المثل القائل (إن كان رب البيت بالدف ضارب فشيمة أهل الدار الرقص)

اؤيدك فى المقطع الاول اخوى جراح

ولكن الشق الثانى

وهو

إن كان رب البيت بالدف ضارب فشيمة أهل الدار الرقص


ليش ما نقول

كما تكونوا يولى عليكم ؟؟
 

سليل الجود

عضو مخضرم
سليل الجود


ابجي ؟؟؟


انا شيخة يا الشيخ :d
ما عاش من ينزل دمعه من عيونج يا والله مادري شنو المعرف مالج

حلومه يعنى؟

انتى بعد الله يهديج حاطه ارقام وسط اسمج

ولا يهمج

تسلمين يالشيخه
 

سليل الجود

عضو مخضرم
السبب الاساسي .. الفراغ..


الاولين ماعندهم وقت لمثل هذه السخافات .. عمل طول اليوم... بيت .. اسره... اقارب ..


الحين كل شئ متوفر.. وسبحان الله متى ما زادت النعم ظهر الترف على الناس و صاروا يتجهون الي امور اخرى لقضاء اوقات الفراغ..


المشكلة اول كان المراهق اللي يغازل ... اما الحين اشوف رجال كبار في العمر بالاربعين والخمسين قاعد بالساعات بقهوة بهل مجمعات و يخزخز بالحريم!!


....
راسك سالم يا بوحمد

الاولين ما عندهم قنوات فضائيه تخرب اخلاقهم

ولا موبايلات تسهل عمليه الانحراف الاخلاقى

وسهوله التواصل بين الجنسين

قبل كان فيه العيب والحشمه والتذكير بالاخلاق والحفاظ على الاعراض

لكن اليوم اذا لم تستح فافعل ما تشاء


بارك الله فيك اخوى بو حمد
 

JeNaN

عضو بلاتيني
سليل:)



تسلم ماقصرت

حلطـــــومة.. مشتقة من التحلطم
 

الفراشة

عضو مخضرم
انا وحده مالله عطاني حب السوق لكن هو شر لابد منه ...

الدبوس خبري فيه من سنه الف وحطبه .. حذفني حظي العاثر له قبل يومين ...

والا نفسهم الشباب مثل ماهم قبل كم سنه لازالوا يفترون وكل واحد طاق النسفه ...

يعني عيب خلاص عدوا العشرين والثلاثين متى الواحد يحشم نفسه ويحشم سنه !!

طبعاً البنات مايقصرون ... والله يسامح الامهات مدري وشلون يمشون بناتهم بهاللبس يعني معقوله ماتشوف لبسها ومكياجها قبل لاتطلع السوق ..!!!
 

Normal

عضو مخضرم
؟؟؟ بعد شباب والقلب خضر

ولا تبي تصلح العالم
 

طلال

عضو ذهبي
سليل الجود اذا تبي تعرف منبع الفساد بالديره روح المنطقه الحره وبالذات الحين برمضان

ركز معاي برمضاااااااان بتشوف العجب انا صارلي تقريبا من شهر 1 بحدى القهاوي اللي هناك

كنت اشوف بنات يدشون القهوه مكان العائلات طبعا :) بس اللي حاصل الحين شي غريب

من بعد الساعه 8 القهاوي تنترس من هالبنات العفيفات والجنوس قمت اخاف تغرق المنطقه من

كثر الذنوب طبعا غير اللي يتمشون على البحر وستاربكس بطل توه ...وعينك ما تشوف الا المغازل

والتصفط ...يخرب بيتهم الشيطان ما يركبهم الا برمضان استغفرالله ....

المنطقه الحره انوخذت يالربع ...:confused:
 

Brilliant

عضو ذهبي
فعلا... الشخص يتردد مئة مرة قبل أن يخرج إلى السوق بسبب هذه الظاهر

و لا ألوم فقط الشباب بهذا الأمر... بل بعض الفتيات في المغازل أدهى و أمر!

و أقولها و بكل ثقة... البنت المحترمة بلباسها و نظراتها و مشيتها و سلوكها... تلقائيا بل مستحيل أحد يقترب منها!

و يقولك مسكينة البنت.. لا بسة عباية و منقبة... بس أي عباية وأي نقاب؟؟؟

نقاب بو خيط... و مطلعة حرة المكياج كله بمنطقة العين.. و العباية مطرزة و مخصرة و مزركشة... و يقولك محتشمة!!!

و الله يا اخوان.. الأسواق في أروربا مليئة بالنساء و الشباب و الذين عليهم من لباس تكشف أكثر مما تستر

لكنهم بالأدب و الإحترام يفوقون بكثيييييير عن أكثرية الشباب و البنات عندنا

و الكل ماشي بحال سبيلة لا خز و لا غمز و لا تحاذف أرقام و لا بلوتوث و لا ... إلخ!

------------

بإذن الله سأقترح قريبا على أحد الأعضاء الكرام لطرح موضوع إنشاء هيئة رقابية في الأسواق... و المرافق السياحية...

تحياتي
 

الحقاني

عضو جديد
الكويت كلها فساد في فساد...!
والله اليوم اندهشت مريت صوب سوق السالمية صوب الفنار والعصير ولا هالشرطة ما يوقفون الا البنات!...والمشكلة ان بعض البنات يوقفون بممنوع الوقوف ويجيها الضابط او الشرطي ويسولف ويضحك ويوم جيت انا وصفطت ورا البنت عشان اطلب من نفس المطعم...جاني الضابط (بوجه ودر وراحت ابتسامته) ويقولي حرّك سيارتك هني ممنوع الوقوف!!!
صراحة شي يقهر....يعني يالقـــو...........د.............................البنت تخليها توقف بممنوع الوقوف على كيفها وتغازلها وترقمها وتقعد ساعة تسولف معاها....ولما انا اجي او يجي غيري من اصحاب الشنبات تجي تطلع عضلاتك وتستخدم سلطتك علينا!!....اللي يبط الجبد انه يستخدم سلطته عشان يغازل.....يا جماعة الكل ملاحظ ان كل ما تشوف دورية موقفة سيارة تلقى اللي داخلها بنية قطعة!!! شهالمسخرة والله انها مسخرة...
نطرت شوي....ولا الاحظ ان الضابط دخّل راسه من دريشة سيارة البنت وينكت معاها والظاهر (قاعد يلمسها من فخوذها او شي)....
وبعدين يقولون وين هيبتنا!!!! شوفوا اشكالكم انتوا اول وشوفوا تصرفاتكم الوصخة وبعدين تعالوا تحجوا
صراحة....ياخي تحس انهم جهال ومو تكانة الله
بالله وين هالبلد تعتمد على هالاشكال
 

سهيل الجنوب

عضو بلاتيني
انتشرت ظاهرة المعاكسات العلنية وبدون خجل ليس في الاسواق فقط بل في كل مكان في البلد

و الذي يتحمل هذا الأمر هو رب الأسرة الذي ترك الحبل على الغارب ..

ولسا اللي يعيش يشوف .
 

مستر فرايدي

عضو فعال
قعدت اتخيل اثنين المطاوعه من الهيئه وواقفين ومعاهم خيازرين

تخيل معاى هالعوائل شلون راح تتسوق بمنتهى الامن والامان
إن كانت أخلاق و سلوكيات أبنائكم يا عرب لا تستقيم إلا بالعصا و الخيزرانة و "الدّرة" فهنيئاً لكم حالة التخلف و الجهل التي تعيشونها الآن ..

يكون مونسنا يعني ، تتسوق بأمن و أمان يقول الأخ .. سيارة فولفو مو مطاوعة ..

رجاءاً مرة ثانية اذا بغيت تتخيل تخيل و أنت ساكت ، لا تشاركنا بتخيلاتك اللي اتييب الحارج ..

شسمك أنت شسمك ؟
 
كلمة إدارة الموقع
جميع المواضيع والمشاركات المكتوبة تعبّر عن وجهة نظر صاحبها، ولا تعبّر بأي شكل من الاشكال عن وجهة نظر إدارة الشبكة.
أعلى