بلاع البيزه ليش !!
ليكون ماكل تيسك ولا شاوي طيرك ؟
والاخ الثاني يقول الاعراب وصلت !!
الاعراب اللي تقصدهم (البدو) وصلو منزمان قبل ماتجي سباحه.. او من يكرم من يطالع (خضير جاي من السماوه)
الاعراب هم اهل هالديره وديار الخليج ..الاعراب هم حكامك .. الاعراب هم من حمو الديار الاف السنين من نجد والحجاز الى شواطئ الخليج .. والاعراب هم من مهدولك الطريق عشان تقعد ابيتك الحين وتفتح لابتوبك وتقول عنهم اعراب
عالعموم انا واحد من الاعراب ..احب اهل المدينه ..وطني الى ابعد الحدود
لا قبلي ولا طائفي
ولكن لا مانع ان ارى من يحملون اسمي من تشجيعهم
ولا مانع من انتقاد من يخطأ فيهم
ولكن لا احب الهمجيه بالانتقاد
لان اشوف المتخلفين من الناس اذا ماعنده شي يقوله في عمل الرجل.. ينتقده في شكله او لبسه او اصله
مثل الاخ اللي كاتب .. جاي من حفر الباطن
نسى حفر الباطن والخفجي
اكره بعد اللي يجحد
وكأن حفر الباطن دارفور او ديره في اثيوبيا
ولا كأنها اقرب جاره للكويت (قصرانا الطوفه بالطوفه)
عالعموم النائب حسين ..له حسنات كثيره
خدم كثير من المحتاجين له ..صاحب كلمه طيبه
مواقف طيبه ..
اعتقد قريت الموضوع ولا شفت اي انتقاد صحيح بمواقفه
كل اللي يتكلمون ..قالو يبوق وماطلعو اي اثبات عنه
يعني ما فكر يبوق الا بهالمجلس اللي عليه العين !!!!!!
ليش مابااق من قبل يعني ؟
اهم شي اذكركم واذكر نفسي في اي موضوع
تراكم محاسبين من الله سبحانه فيما تقولون
صحيح نسمع الكثير
ولكن لا ننقل الا بدليل
