سؤال وجواب ما هي أفضل الخامات الشتويه ؟

[شقردي]

مع دخول فصل الشتاء وتفصيل الدشاديش الشتويه .. المعروف إن الصوف الإنجليزي هو الأفضل
ولكن هناك من يفضل الكشميري لإنه أخف و أرخص من الإنجليزي .. وهناك خامات أخرى مخلوطه يمكن غسلها بالبيت

أنا شخصيا أفضل الصوف الإنجليزي .. ومع ذلك فهو أنواع مختلفه و أسعار مختلفه .. فقبل فتره شاهدت تقرير عن محل يبيع الخامات اسمه بن نخي .. يبيع المتر ب 800 دينار فقط لا غير

فما هي أفضل الخامات وما إسم النوع الأفضل والسعر المناسب وما هو المحل الموثق لديك ؟

وبالمره اذكر الخياط المفضل لديك ؟ ومن كشختك الناس حبتك

وتحياتي للجميع

 

[عبدالله .]

أنا لي الحين مافصلت مقزرها على دشاديش السنة اللي طافت بس ناوي اخذلي ثنتين اليوم كافي وزيادة ولو مو طبيعة دوامي كملت على اللي عندي
الانجليزي ممتاز وجودة بس غالي ويبيعه غسيل مصبغة
احلى خامة شربتها كانت من محل صاد بالبروتون اسمه الحسن فلاتغرك المحلات اللي بالواجهه والغالبية خاماتهم زينة
اهم شي لاتاخذ خامة لماعة مع أني أشوفها منتشرة وشكلها أوف والسادة دايماً احلى وارز

 

[CR7]

خياطي جوهرة الشرق بشارع الخياطيين

والخامات ليلي جاليري فيه الامراء خام انجليزي المتر ب12 دينار
وعنده قطع جاهزه ب ١٦٠ دينار

وفيه محل تحت شريت منه هالسنه نسيت اسمه يمكن الصراف آخذت ٣ قطع شتوي وشماغ فيرساتشي ب١٨٠ دينار .

وتحسفت عليهم لان مافي شتاء هالسنه !!!