قصيدة البنات للشاعر عبدالرحمن رفيع

neio

عضو فعال

غمض عيونك تصور بلدة ما فيها بنات
الشواطىء خاليات والشوارع خاليات والمجالس خاليات
فتح عيونك وقولي مثل شنهو هالحياة
وش كثر ثم وش كثر لولا البنات

البنات هم البداية لولا حواء ما صحى ادم وظل في سبات
ما خفق قلبة ولاتحرك شعورك وتمت عيونك مغمضة
من حكيهم من ضحكهم يضحك اللؤلؤ يتناثر بالمئات

ومن سحرهم تنسحـر دنيا بكبرها
هم الساس وتاج الرأس وكـل الناس
وهم جنة الماضي والحاضر والي آت

وش كثر ثم ايش كثر كانت لولا البنــــات
كانت كريهة هالحياة
وأنت طاير منهو يطرد عنك هموم
السفر في الطائرات البنات

وأنت جايم وأنت نايم منهو دايم يفتح
عيونة عليك يسهر يبات البنات
قولي منهو الي يخلي قلبك
الخامد يشب غير البنات

وأنت متضايق وقرجان في الزعل منهو
يقلب عيشتك المرّه عسل البنات
في الروايات والقصص ما حلت
قصة ولاطابت روايه خالية مافيها بنات

هم شيء في كل شيء وهم
وكل حي لو طفت ساعة مكينة الكهربا هم القمر
اش كثر تربح (بتيلكو) من حكي
الناس في البنات

تيلفونات اتكلم بيجرات دوم اترنن
هذي بالنقال ينادي سارح وياه جوادي
وهذي في الانتر ينتنت طول الوقت ما يسكت
في الاغاني والمباني وانت اول وانت ثاني
الكلام كله عن البنات

وش كثر ثم ايش كثر كانت
كريهة هالحياة لولا البنات
قولو امين لين دعيت الله يخلينا البنات

(بتيلكو = شركة الإتصالات البحرينية
 

Ms Rose

عضو مخضرم

هم شيء في كل شيء وهم
وكل حي لو طفت ساعة مكينة الكهربا هم القمر
اش كثر تربح (بتيلكو) من حكي
الناس في البنات


:):):):)

وشهد شاهد من اهلها

الصراحه القاء عبدالرحمن رفيع

حلووممتع


شكرااااااااا نيو علي هالاختيار

بس علي فكره

الحياه بدون رجال

ممتعه بالنسبه للبنات:p



تشكرااااااااات:وردة:
 

GrandMa

عضو مميز
قولي منهو الي يخلي قلبك
الخامد يشب غير البنات


:)

عبدالرحمن رفيع.. من الشعراء اللي تستمتع وانت تسمع كلماته.. اسلوبه في الكتابة رائع ولكن القائه يزيد من روعة كتاباته..

شكرا neio .. شخصيا استمتع بتكرار قراءة كلمات الشاعر رفيع..
 
أعلى