ايوااا يالجيتي .. !!

أوراد الكويت

عضو بلاتيني
أتمنى لو أعرف أو أفهم .. بماذا يشعر الشباب عندما يقودون سيارات من هذا النوع ..؟!!
لا .. ويشفطون فيها .. واتربه وغبار ويبتونون .. وخمسات وثمانيات .. لي شافوا بنات ..!!
ترى ما هو السر .. هل يعتقدون بأن البنات تحب هذا النوع من التصرفات .. أو هذا النوع من الشباب .. ؟!!:eek:

GT.jpeg
 

ستانفورد بينيه

عضو بلاتيني
عزيزي أوراد الكويت من وين مطلعه هذي الصوره ؟؟!!

وعلى فكره الشباب اللي يسوقون جيتي مايفكرون في البنات بتاتاً لأنهم لو يفكرون في البنات على الاقل ساقوا موستنغ او كمارو او اي موتر سبورت اكشخ شوي ...

الشاب الظريف اللطيف المؤدب اللي يسوق جيتي اغلب اهتماماته في ( تلغيم ) الجيتي يعني يلعب في مواصفات مكينتها طبعاً لزوم التحدي و ( القومات ) والتفشخر عند المصبنه انه الجيتي مالته شي مو طبيعي والشاب اللطيف اذا يبي يسوق الجيتي لازم يلبس الخوذه وهي عباره عن طاقيه ويحط الغتره على الكتف ... والدشداشه لازم اتكون مقضضه من الزغاير والجيتي من الداخل لازم اتكون كلها تتن زغاير ووصخ علشان اتصير جيتي محترمه ...

بس الشخص الموجود بالصوره اعتقد لو يعدل رأسه يطيح لي ورا من ثقل العقال ...


ثانكيو اخت أوراد الكويت على هالصوره المغبره ...
 

المشرف العام

مراقب
طاقم الإدارة
أعتبروها (هواية) مثلها مثل (جميع الطوابع) و (لعب الشطرنج)!

كل شخص له (هوى) و بعض الأشخاص هذا (هواهم)!

أهم شيئ ... (الخمسات) و نعرفها ... (الثمانيات) هذي شلون صايره يا أخت أوراد؟ :)

تحياتي للجميع.
 

أوراد الكويت

عضو بلاتيني
أهلين اخي ستانفورد بينيه ..
الصوره مبعوثه لي عن طريق البريد .. وعنوان الرساله ( يامقطع قلوب العذارى ) .. !!
فتحت الرساله لقيت هالصوره مت من الضحك ..
وبدأت بالتفكير .. والأسئله المطروحه أعلاه ..

ثم كيف لا يفكرون بالبنات .. وفي يوم كنت واقفه عند بيت اختى وإذا احدهم يمر بسياره قديمه تصدر أصواتا مزعجه .. كلها ( صبيان ) ذهب عن الفريج .. وما لبث أن عاد يشفط ويستعرض أمامي .. !!
أنا اعتقد أنهم يعتبرون هذه التصرفات تعبر عن الرجوله .. !!

تحياتي لك ..
 

أوراد الكويت

عضو بلاتيني
أخي الحساوي ..
ثمانيات يعني خمستين متلاصقتين ..
تعطي النتيجه ثمانيه بالإنجليزي .. !!
هذا ما سمعته ..

تحياتي لك ..
 

ستانفورد بينيه

عضو بلاتيني
عزيزي الحساوي ثمانيات يعني رمز الإنفينتي ...

عزيزتي اوراد صدقيني لايفكرون في البنات اهم شباب يحبون لفت الانتباه فقط وصدقيني لو اللي كان موجود شايب ماراح يعتقه من التشفيط المهم ان الناس تدعي عليه بالاخر !!
 
أعلى