تكفون بس هالمرة !!!

DeJo

عضو
بسم الله الرحمن الرحيم

يا جماعة تكفون خلونا شوي نطلع عن القبيلة والعنصرية الاعرابية هذي بس هالانتخابات خلونا نجرب ياخوان !!!!! وبعدها كيفكم سوو فرعيات والي تبونه بس هالمرة فكرو بمصحلة البلد لو مرة وحده بحياتكم !!!

ليش ما نجرب نصوت حق الي يستحق ؟ ليش ما نجرب نصوت حق الي تهمه مصلحة البلد ؟ يعني لازم يكون من فخذك علشان يكون زين يعني ؟ يعني لازم يكون من قبيلتك علشان يكون زين ؟ هل احنا قاعدين في غابات نيجيريا علشان نقول ولائنا للقبيلة ؟ هل احنا في مجتمع خيام وبعارين وشوية غنم وعايشين عصر الفزعة القبلية ؟ هل انتو متأكدين من الي قاعدين تسوونه امانه ؟

انا ما ابي منكم شي بس هالمرة , مرة وحدة بحياتكم صوتو للافضل وهذا ويهي اذا صارت ازمة سياسية في البلد

شكرا
 
عدل كلامك اخوى بس وين الى يسمع

من ناحيتى انا اعترف انى اعطى اصواتى لأناس كنت اعتقد انهم لا ينفعون البلد ولكن طمعا بمعاملة او منفعة شخصية
لكن الحين راح يكون صوتى غالى وثمين لانه صعب انه يتلاقفه نواب الخدمات

كذلك اخونى واهل ديرتى عوازم ومطران وعجمان ورشايده وحضر وبدو سنة وشيعة ======> جربو ولو مره انكم تكونون احرار بتصويتكم ترى الناس ماراح تشوفك لمن تصوت غير الله عز وجل
لا تطالع قبيلته وله مذهبه طالع سيرته وشهادتاته
شوفو دول الخليج وين اوصلو وشوفو الكويت لوين انحدرت

والله المستعان

 

kuwaity-vip

عضو فعال
ياليتك عممت في موضوعك ولا وجهته لشريحه معينه!!! مع العلم اغلب المعارضين من هذه الشريحه !!

وياليتك وجهت موضوعك لاهل الكويت كاااافه لأن الاختيااار سئ سواء كان عند أهل الغنم على قولتك أو عند أهل السمج الكل يحتااج لتغيير وياليت تمرون على موضوعي ندااء عاجل وتفكرون في معااانيه شوي...

انا قبلي

لكن صوتي للكويت ..للكويت فقط

وياليت كلامك يطبق على أرض الواااقع وأنا من أشد المؤيدين لمثل هذاا الطرح لكن طرحك لابد أن يوجه للجميع وليسه لفئه دون غيرهااا وكفانا مهاجمه لبعضنااا...سئمناا هذه الاسطواانه المشرووخه

حان الوقت للتغير وللأحساس بالمسؤليه والأمااانه التي على عاتقناااا ..

صوتوا للكويت فقط لا أبن عائله ولا أبن قبيله ولا أبن طائفه....

الحافظ الله ياكويت...
 

DeJo

عضو
توضيح

توضيح اخ كويتي , انا لما اقول انتخابات تصير على اساس عرقي هذي طامة ومصيبة للمجتمع وقاعده تهدم الثوابت الوطنية وتضيع الشباب الطموح الي يعتبر اقلية في المجتمع

انت لما تسوي انتخابات فرعية على اساس فكري هني شي طبيعي لان الفكر يشمل مليون عائلة وقبيلة وكل واحد فيهم يطرح فكره ويفوز على الافضلية في الطرح ما تكون على اساس اكثرية في الفخذ او اكثرية في القبيلة

هالكلام ما اشوفه عند الحضر انهم يسوون انتخابات عرقية لتصفية العائلة وهذي ما صارت من 61 الى اليوم , صحيح فيه بعضهم يصوت للحضر فقط ومتعصبين ولكن ما سوو انتخابات فرعية !!

انت اذا كنت من قبيلة ونزلت بدون لا تنزل فرعية وعندك طرح قوي وافكار وحلول لمشاكل تهم البلد صدقني يمكن تاخذ اصوات من الحضر فقط وتفوز , لكن الوضع الحالي مع احترامي الشديد قاعدين في غابة مو بلد مدني ومتحضر ويعتبر من اغنى البلاد في العالم

الدائرة الخامسة والرابعة خير مثال على كلامي , ياخي ما يجوز اشكره جذي جدام العالم انتخابات قبلية تشوه صورة الانسان قبل لا تشوه صورة البلد , انا اناشد وبقوة وخلو الجميع يحس بالكلام الي اقوله , ترا البلد على وشك الانهيار اذا تظلون على نفس التفكير المتحجر والديناصوري والي ماراح يفيدكم لا دنيا ولا آخرة

والرسول عليه الصلاة والسلام امرنا بعدم التعصب القبلي ياخي , سمعو كلام رسولكم لو يوم واحد بعمركم كله !!!

وفيه ناس قاعده تقص على العالم , يربيله لحية طولها عشرين متر ويقص على العالم بالكلام المعسول ويفوز على اساس انه رجل دين , وآخرتها ينكشفون ومع الاسف الناس تظل تصوت لهم , ياخي المجتمع الكويتي صار مجتمع ينقص عليه بسرعة , انتو لازم تفكرون صح قبل لا تصوتون تكفون !!!
 

يوسف المطرف

عضو بلاتيني
عدل كلامك اخوى بس وين الى يسمع

من ناحيتى انا اعترف انى اعطى اصواتى لأناس كنت اعتقد انهم لا ينفعون البلد ولكن طمعا بمعاملة او منفعة شخصية
لكن الحين راح يكون صوتى غالى وثمين لانه صعب انه يتلاقفه نواب الخدمات

كذلك اخونى واهل ديرتى عوازم ومطران وعجمان ورشايده وحضر وبدو سنة وشيعة ======> جربو ولو مره انكم تكونون احرار بتصويتكم ترى الناس ماراح تشوفك لمن تصوت غير الله عز وجل
لا تطالع قبيلته وله مذهبه طالع سيرته وشهادتاته
شوفو دول الخليج وين اوصلو وشوفو الكويت لوين انحدرت

والله المستعان


اخوى الحلم الكويتى... هذا فعلا اللى يسمونه الحلم الكويتى
مع الاسف هالثقافة مفقودة عندنا بالكويت..و يبى لنا سنوات طويلة حتى يكتسبها الناخب الكويتى
 
أعلى