اي نوع من انواع النواب تفضل؟

السلام عليكم ورحمة الله وبركاته​

هناك ثلاث انواع لنواب مجلس الامة
النوع الاول : بصام ;)(حليف الحكومه) تقوله الحكومه يمين يروح يمين يسار يروح يسار ماعندة اي مشكله كل القضايا متساويه عندة وفي اوقات التصويت اذا كان القرار صعب ويمكن يخسره الناخبين يمتنع عن التصويت او يروح الحمام .......
يمتاز هذا العضو ان مافي معاملة توقف عنده
علاج بالخارج
نقل
تعيين
ترقيات
دخول الضباط والبعثات الدراسية
وفيز وكافه انواع المعاملات القانونيه والغير قانونيه سهلة يحصل على استثناء

النوع الثاني :مواقف (ضد الحكومة):mad: رجل اصلاحي صاحب مبادىء لايمكن ان يتخلى عنهااا
يحاسب كل مخطىء ولا يخاف الله في لومة لائم لايهم راي احد يكفي ان يكون مقتنع باللي يسويه كل مايهمه هو المواطن الغلبان
وغالبا هذا العضو ماتمشي معاملاته كل مايروح لوزير يتصدد عنه لانه مضايقه بالمجلس وهذا نوع من الاستفزاز
يعني العضو هذا ماعنده خدمات

النوع الثالث : وهو بين البينين وهذا العضو تلقاه صاحب مواقف مشرفه الكل يشهد لها
بس احيانا يخورهاا ويصوت لمصلحه شخصيه
معاملاته ماشيه بس مو ومثل ماتحب يعني يقدر على شي ويعجز عن شي


هذي الانواع من وجهت نظري اهي الموجودة عندنا في المجلس ......


السؤال الموجه للكل
اي نوع تفضل ؟

 

لوحة التحكم

عضو فعال
نوع 2 بدون منازع انا لا اريد العضو اعارض من اجل المعارضه اريد عضو صاحب مبدأ ويخاف لله وقلبه على الوطن
 
التعديل الأخير:

يوسف المطرف

عضو بلاتيني
بما انها امانى
فلا بأس ان تكون الامنية راهية شوية
النوع الثانى هو اختيارى لكن شرط ان يكون النواب الخمسون جميعهم من نفس النوع
 
بكل تأكيد مع النوع الثاني ،،،
لكن للاسف بدأت أرى سالكي هذا النوع .... ينعدّون على الاصابع !
< في المجلس طبعاً >
:(
 

محمد علي

عضو مميز
لاهذا ولا ذاك

ابي نائب ما يفرق بين سني وشيعي وبين بدوي او حضري الكل عنده سواسية ويعاملهم على اساس انهم كويتيين

ابي نائب يحط مصلحة الكويت فوق اي اعتبار سواءا كان هذا الاعتبار طائفي او عنصري

ابي نائب شايل هم الوطن والمواطن قبل كل شي واي شي

ابي نائب يدش المجلس ويطلع وبيته ما تغير وسياراته ما تغيرت ورصيده على حطته يزيد او ينقص اشوي

ابي نائب يمشي حقوق الناس المظلومين ولو كانوا من الاخوة البدون ولو ادى الى استجواب وما يخاف من احد حتى لو كان وزير الداخلية

هالنائب اللي يستحق تشتغل له وتقط حق حملته الانتخابية ولو تتسلف

وينك بس:(
 

الرأي الاخر

عضو ذهبي
في نوع رابع..

تلاقي صوته ملعلع بالمعارضة ...لمصالحه الشخصية...

وهالفئة زايدة بالمجالس الاخيرة.

الله كريم..
 
أعلى