نصب وأحتيال .. سينسكيب (شركة السينما )

[CREATIVE]

قبل أسبوع تقريبآ​

ذهبت لسينما الأفنيوز .... ​

وقلت بدش فلم أجنبي ( بالعنقليزي ) ..​

المهم أخترت فلم :​

the good shepherd​

ورحت لشباك التذاكر وقلت له أديني تذكركركرتين للفلم المذكور ​

عازم صاحبي .. وشفت الأعلان اللي فيه البطل روبرت دنيرو​

وفينسيا ( انجيلناجولي ) ومات ديمون ​

... المهم يا محفوظين السلامه ..​

دشيت الفلم ..​

شوي شوي ألا الأبطال غير والفلم مو اللي أبيه ...أيه الحكايه​

سكت بما اني توهقت ودشيت ع السريع قلت شكلي ما جيكت عدل ​

وطلع الفلم اللي دشيته ... من أسوء الأفلام اللي شفتها بحياتي​

وصاحبي منذووووووو ان دشينا الفلم ..وهو مستلمني حتى اليوم ​

على هالفلم البايخ ​

خلصنا ...​

اليوم دشيت Google .. أدور ملصق الفلم ​

THE GOOD SHEPHERD​

أبي أشارك بموضوع ( شنو أخر فلم شفته )​

شنو طلع لي ......​

شالسالفه ... ​

وأدش موقع شركة السينما ... وأدور على الفلم اللي دشيته ​

ولا لحين عندي اعتقاد أني أنا غلطان ...​

واطالع .. ألا الفلم اللي دشيته نفس الأسم ​

( صورت موقع السينما والاعلان .. يمكن يشيلونه )​

طلعت مسكين ... مو غلطان ​

ياجماعه شفتوا .... النصب شلون صاير​

قلت لازم ابحث عن اسم الفلم بالعم جوجل​

ما يصير فلمين نفس الاسم​

بس بالكويت ..كل شي يصير​

وحصلت أسم الفلم الحقيقي .. والملصق الأصلي اللي على صليب​

والأسم الأصلي .. اللي متوهقه فيه الخاله سينسكيب​

THE CONFESSEOR​

حسب ترجمة العم جوجل​

كاهن الأعتراف او المعترف او المجاهر بأيمانه ... ( وينك يامحمد هايف والمتبحر )​

المراد يامحفوظين السلامه ... شركة السينما ضربت عصفورين بحجر​

تهربت وموّهت ..ونصبت​

تهربت من الرقابه وموهت عليها .. من خلال فلم اغلب احداثه في الكنيسه​

وأسمه .. كاهن الاعتراف أو الكاهن ​

ونصبت علي علي وموهت بأسم الفلم وابطاله اللي بالدعايه تشوفه غير اللي بالفلم​

بما انه الفلم طايح حظه ..وتوهقوا فيه ..او مفروض عليهم عرضه​

تعويض​

وانا أطالب شركة السينما بستة دنانير مع فوائدهم خلال هالاسبوع​

واللي هي ثمن التذاكر​

وتعويض مؤقت 5001.5 عن الأضرار النفسيه ​

اللي سببتها لي من خلال نصبهم علي​

والأضرار النفسيه ... اللي سببها لي صاحبي من نهاية عرض الفلم​

وحتى اليوم ... بس خل اشوفه ​

وكذلك أطالب بأقالة دعيج الخليفه ... ويحطوني مكانه بالسينما​

ويطيحون القرض اللي علي ... وخلاص أنا راضي






.....​

 

[Modest]

الحين انت اي فلم بالضبط بغيت تدشه ...؟

وايهو اللي طلعلك فيهم ..؟

فلم روبرتو دنيرو قديم ... من سنة شايفه .. معقوله توه ينزل .؟

 

[CREATIVE]

الحين انت اي فلم بالضبط بغيت تدشه ...؟

وايهو اللي طلعلك فيهم ..؟

فلم روبرتو دنيرو قديم ... من سنة شايفه .. معقوله توه ينزل .؟

اللي أبي أدشه فلم :​

the good shepherd​

ودشيت فلم يحمل هالأسم ... بس الأبطال مختلفين​

فلم ثاني يختلف عنه .. ​

واللي سينسكيب ... ألصقوا عليه أسم ​

the good shepherd​

مودست شوف الأعلان حق الفلمين ​

أسم واحد وأبطال مختلفين


داش عشان بو دينيرو يطلعلي كريستن سلايتر

​

مين فينا الحرامي​

 

[Modest]

طول بالك علي لاني سهران

انت دشيت على اساس الاسم وما انتبهت لصورة الفلم ..

وطلعلك الفلم الثاني اللي حاط صورته ...؟

عموما فلم دنيرو مو شي انا شايفه من سنة تقريبا ...

 

[مطر]

تكفا! ارفع قضيه.

لو كل واحد "انقص" عليه وسكت راح يتمادون في نصبهم.

راسل الزميل محارب مسالم وهو يقولك وين تشتكي.

 

[Venezia]

الصنديــــــــــــد

أهلا أهلا .. والله قضية فريدة من نوعها صراحة

و انا كلمت زميلتي ( محامية ) و شكلها بتاخذ القضية و ترفعها

ضد شركة السينما الكويتية .

لأن بهذا الاعلان المزيف الشركة ارتكبت عدة جرائم و هي :

- انتهاك حقوق الملكية الفكرية .

- الغش و التدليس .

_ النصب و الاحتيال

و هي قضايا مدنية و لها شق جنائي .

و انا اشوف ان هذا الامر لازم ما ينسكت عنه !

الى متى يتم الاستخفاف بعقل المواطن حتى انتِ يا شركة السينما الكويتية !

شيء يدعو للاستياء حقا !

و هو فعلا محل دعوى قضائية .


شكرا الصنديد و ترقب الاحداث التي ستحصل ما ان يرى موضوعك النور لدى الرأي العام

:إستحسان: من قدك فتحت قضية مهمة

تحياتي ​

 

[ريما القمر]

إنت يابوسطام موفاضي ..

للقضايا .. والمشاكل .. وعوار الراس ..

من شان هيك ..

شرايك أنا أتقمص شخصيتك .. وكأن الموقف حصل لي ..

وأرفع قضيه ..

ولك مني الـ 6 دنانير ..

وأتكفل بمصاريف جلسه كهرباء تفقدك الذاكره تنسيك كل اللي صار ..

وفوق هذا كله ..

تحصل على كامل احترامي وتقديري ..

​

 

[الفيصل]

شوف بما إن الزميلة فينيسيا كلمت المحامية صاحبتهـا فلا تسكت




القضية لصالحك لاتطوفها

إنت يابوسطام موفاضي ..​

للقضايا .. والمشاكل .. وعوار الراس ..​

من شان هيك ..​

شرايك أنا أتقمص شخصيتك .. وكأن الموقف حصل لي ..​

وأرفع قضيه ..​

ولك مني الـ 6 دنانير ..​

وأتكفل بمصاريف جلسه كهرباء تفقدك الذاكره تنسيك كل اللي صار ..​

وفوق هذا كله ..​

تحصل على كامل احترامي وتقديري ..​

لوووووووووووول

شكلي بروح للأفنيوز الحين واقص تذكرة وبدال لا أدخل الفيلم أروح لمكتب محامي على طول

 

[BoOmarQ8]

بحثت شوية بهالسالفة

الفلم اللي دخلته اسمه فعلاً The good shepard ... ما غلطوا سنسكيب و حطوه بهالاسم
هذا الاسم الأصلي للفلم بكندا ... مكان إنتاج الفلم

لكن الفلم سوّق له بأمريكا بالاسم الثاني ... The confessor

عموماً ما طوفت شي مهم ... فلم مات ديمون يغث و يطوّل

:::

 

[السعيد]

السينما سيئه والافلام ماتنزل إلا بعد حين ..

بس شنو فيها الديره غير السينما

حلين لا ثالث لهم تحمل افلام من النت أو تروح السينما على حساب صاحبك

 

[One_Kuw]

هاردلك كرييتف

 

[لموووووي]

وكذلك أطالب بأقالة دعيج الخليفه ... ويحطوني مكانه بالسينما​

ويطيحون القرض اللي علي ... وخلاص أنا راضي​

اتفق معاك وبشده بس يطيحون القروض علينا​

بس المرة الثانيه قول ابي الفيلم اللي ابطاله كيت وكيت​

تعيش وتاكل غيرها

 

[joreyaa]

وآنا معاك :إستحسان:

اللي أردى وأردى دخلنا فيلم الأسبوع الماضي وهو رعب على أساس إنه فيلم صخر طلع فيلم بااااااااااااايخ وما يخوف أصلا! الناس طلعوا بعد نص ربع ساعة واللي صمد ( واحنا منهم ) لأنه متحسفين على الفلوس.....حسبوها 5 أنفار.....مو حرام ! قعدنا نسولف ونضحك بروحنا !

لازم يحسنون اختيار الأفلام وجودتها .....الشي الثاني أقترح كما في بعض الدور العرض الأوربية :

تذكرة شاملة لأكثر من فيلم في وقت واحد....يعني حجزت 6 مساء ، رحت الفيلم ما عجبك تتطلع تدش صالة ثانية فيها فيلم بدأ في نفس التوقيت......أروع شي !

شكرا

 

[whahd1]

انا صارتلي نفس المشكله وبنفس الفلم وراحت الفلوس بس انا توني ادري انه فلم ثاني انا سالت اخوي عن الفلم من اسمه وقالي انه حلو لما دشيت لقيته بايخ وقت مرا ثانيه ماني سائله ظلمته مسكين ههههه