انا اموت وافهم شغلة وحده بس
فيصل المسلم نزل انتخابات 1999 2003 2006 2008 في اي انتخابات منهم اعلن امام الملأ بلسانه انه لن ينزل وبعدين غير رأية وقال خلاص بنزل؟؟!؟!؟! ابي من كلامه هو مو من كلام الناس عنه او على لسانه!! التاني والتروي وحتى التردد باعلان النزول والترشيح لايعني انها اعلان عدم نزول نهائي وخلاص وبعدين ترى بنزل!! الرجال ما مات للحين حي وبلشت العالم تتبلى عليه!!
هذي وحده
الثانية
لم ارى ولم اسمع طوال عمر الحياة الانتخابية البرلمانية السياسية بالكويت نائب واحد تعرض لحملة شرسة بالاعلام المقروء والمسموع والمرئي والانترنتي والاشاعاتي الدواويني كثر ماتعرض له بوعلي وبالتحديد السنة اللي طافت!! والمصيبة من يهاجمه من شاكلة جويهل وطقته او من فداوية وايتام شراية الصوت المعروفين سابقا!!
فيصل المسلم ليس حزبيا ولا متنفذا انتفع بالملايين ولا نائب بصام شعارة مشي معاملاتي امشيك!! رجل نعرفه وقريبين منه!!
اقسم بالله ثلاثا لو فيصل باع بصوتة النيابي وشرى او تنفع واستنفع لما قيل عنه مايقال الان ولما هوجم بهذا الشكل والدليل يا كثر الشراية وبياعة الصوت بالمجلس والمستنفعين ماشفنا هالجوم الاغبر هذا عليهم!!! بس على فيصل!!
اختلف معاه (مثل ما اختلف انا شخصيا معاه بكثير من الامور) عارض وجهات نظرة خاصمه سياسيا لكن لاتفجر فيها!!!
خذوها من واحد عتيبي مقرب من اهل خيطان مع احترامي للجبارى وعيال مناحي وكل المرشحين العتبان واللي من اهل خيطان .........فيصل افضل من انجبته عتيبة وخيطان سياسيا!!! ولا وجه مقارنة بينه وبينهم اساسا!! فقط سياسيا اقصد................وانا والله مبديه على ناس اقرب لي منه بالرحم والقرابة لكنها كلمة حق يجب ان تقال!
وجهة نظري عن فيصل المسلم
رجل اكاديمي ومجتهد سياسيا وسنة عن سنة يتطور اداءة وخبرته السياسية اختلف معاه في كثير من وجهات نظرة لكن لا اشك اطلاقا بحسن نيتة واخلاصة ولا اشك بنزاهتة وذمتة المالية على الاطلاق!! مستواة الاقتصادي ماتغير قبل المجلس وبعده ولو من ربع اديني واديك كان بين عليه مثل ما مبين على غيرة!!! والرجل على العموم عنده خير من قبل
لو رأيت الحق من الاخوة اللي طايحين بفيصل بالطالعة والنازلة لقبلته منهم لكن المصيبة اني اعلم علم اليقين انه لا حق لديهم وان سالت احدهم عن البديل الامثل لفيصل لن يخرج عن جويهل اياه!! او احد شراية الاصوات السابقين!!! او واحد من هالمتحزبين المجندين!!!! او يقولك "يا اخي مابيه باط جبدي بشكلة!" ............يعني ماعندهم ماعند جدتي!!
فيصل المسلم لايملك ملايين يجندها لصالحة ولا احزاب تعمل له ولا قبيلة لديها كتلة انتخابية يركن اليها للوصول براحة!! فيصل يملك اداء ومواقف وقناعة الناخبين ولا شئ اخر
باعتقادي مرشح يمتلك هكذا سلوك نيابي وهكذا يقدم نفسة يستحق الوصول...........لان البديل الاخر جدا سيئ ويعتبر نكسة!!
ودمتم