رفع الظلم عن ابناء القبائل .. الحل

الحالة
مغلق و غير مفتوح للمزيد من الردود.

ارهاب فكري

عضو ذهبي
قبل خطاب سمو الأمير حفظه الله الموجه الى المرشحين , تسابق نواب القبائل بالحناجر والصراخ والتهويش باليد وحشد الحماس والعواطف وأن هناك من يأخذ حق عزوته وجماعته , تناقشت مع زملائي في العمل من ابناء القبائل عن الحقوق المهضومه عنهم عن باقي الشعب اي كانت التسميه من مناطق داخليه , الـحَـضر ... ولكن من المستغرب لم أجد تسميات مثل الدماء الزرقاء وغيرها كما وجدتها في هذا المنتدى !

تناقشنا لفتره طويله ولم أخرج بنتيجه واضحه عن موقع الظلم ! بل وجدت أن هناك طاقه مشحونه أعلامياً وأجتماعياً غير مبرره ...

" بدال لا يشيلون بيوت الله والدواوين شيلو الشاليهات " ... طيب في جميع مناطق الكويت وقع عليها هذا هذا القانون " لا سلامتك مو كلها , روح شوف بعينك مناطقهم ... " أنا في مناطقهم وكل تعدي وديوانيه خارجية تم ازالتها ! " يا حبيبي روح شوف الشاليهات والشويخ الصناعية ... " صح , وبعد الجليب والأحمدي والفحيحيل والفروانية الصناعية ... بس مو معناه اني اروح اخالف ليش هؤلاء مخالفين , نبدي حبه حبه . والشاليهات والمزارع تم ازالت التعديات الواقعه في استغلال المساحات .

يا جماعة اراضي ال 1000 متر انعرضت على الكل والشاطر هو الي أخذ , احنا ما اخذنا هاذي مشكلتنا .. مو كل الحضر عندهم شاليه وديوانية , و و و ...

طال الحديث والنقاش ولم أخرج بنتيجه ( كما هو الحال هنا ) !

المهم ... خرجت في عدد من التوصيات وسن قوانين لرفع الظلم عن أبناء القبائل دون غيرهم :

1- بعد سن ال 21 سنة , تعطى وظيفه رئيس قسم لكل مواطن من قبيله بدرجه رابعه . ( بشرط ان تكون الشهاده من الأردن ومصر والفلبين او احد دول اوروبا الشرقيه ) .

2- بيت 1000 متر مع ديوانية خارجيه 200 متر ومسجدين شينكو لكل شارع .

3- تعويض ابناء القبائل الذين بــاعوا شاليهاتهم قبل 20 و30 عام ب 400 الف لكل بائع !

4- فرعية افخاذ القبائل تتم في نادي النصر ... وفرعية القبائل تتم في استاذ جابر .
 

swalif23

عضو فعال
مشكلة لما الواحد العيب فيه ويشوف نفسه مظلوم! لو يتحضرون بس!لو يفهمون شنو الديمقراطيه! عبالهم مسؤولية النائب الدفاع عن القبيله ؛توظيف؛علاج؛تجنيس غير مستحق!
الواحد فيهم توه واصل ويناشبنا بديرتنا
 

ارهاب فكري

عضو ذهبي
مشكلة لما الواحد العيب فيه ويشوف نفسه مظلوم! لو يتحضرون بس!لو يفهمون شنو الديمقراطيه! عبالهم مسؤولية النائب الدفاع عن القبيله ؛توظيف؛علاج؛تجنيس غير مستحق!
الواحد فيهم توه واصل ويناشبنا بديرتنا

الكل يشوف نفسه مظلوم , المهري والوعلان ياسر حبيب والطاحوس وغيرهم . توظيف علاج بالخارج هو خطأ الحكومه والنواب انفسهم بصفقات مشبوهه وشراء ولاءات ! والحكومه اكلتها بالأخير بأستجواب وزراءها والابتزاز السياسي في الفتره الاخيره .

بس مسألة توه واصل ولا من زمان واصل مالها داعي ياخوي ! العيب والفساد موجود بالشخص مهما طال زمن وجوده بالكويت .
 

بروفيشنال

عضو فعال
توهم واصلين !!!

ناشبونا بديرتنا !!!

اشرايك نقترح انهم مايبطلون حلوجهم

مايتكلمون...
مايطالبون....
مايحتجون...
مايفكرون....
ماينامون...
وهم بعد مايتنفسون...
والا تدري ليش بعد نسمحلهم يعيشون....
خل يموتون....
بس حسافة راح نصرف عليهم مبالغ اكفانهم...
مو مشكلة: ندفنهم جماعياً

الله لايبارك بهالديمقراطية اللي خلتني اشوف واسمع وأقرأ مابقلب جاري
 

swalif23

عضو فعال
ببساطه هذول خربوا الديره
ماتبي تعترف اب هالحقيقه مشكلتك!
ليش الكويت بالستينيات كانت دره الخليج؟
لانه البدوان اب هذيج الساعه اما لي الحين مايوه! ولا قله مشغوله برعي ابلها!
 

ارهاب فكري

عضو ذهبي
ببساطه هذول خربوا الديره
ماتبي تعترف اب هالحقيقه مشكلتك!
ليش الكويت بالستينيات كانت دره الخليج؟
لانه البدوان اب هذيج الساعه اما لي الحين مايوه! ولا قله مشغوله برعي ابلها!

الكويت كانت درة الخليج لأن شعبها كان شعب عملي , تهمه رفعة الكويت , وكان هناك شفافيه في الأهداف . شعب يحترم القانون . ما يعرف سنيها من شيعيها .

أما الآن نعرف منو الشيعي من ملصق دمعة الحسين في السياره !! نحترم ونبوس خشم من يملك أموال حصلها من رئاسة الجمعية التعاونيه بوجه غير حق !!

اذا انت تشوف انه الخلط من البدوان الي دخلوا علينا بعدين , ليش انت ما تصير قدوه في العمل والأماكن العامه ... في الأمانه والعمل الجدي والخُلق وحسن التعامل ؟
 

swalif23

عضو فعال
لا كلامك غلط
مو معنى انك قلته وعدته مرتين يخليه صح
بعدين انت اشدراك مو يمكن انا قدوه والخ الخ الخ؟
شلون تقدر تطلع حكم علي وانت مو عارفني اخوي؟
 

قوقل

عضو فعال
انا بدوي وأأيد كلام الأخوان اللي فوق وفعلا كثير من البدو لا يزال

يتمسك بصور التخلف الصحراوي ولا يريد ان يصبح حداثيا ابدا...!

والنائب البدوي غالبا يريد ان يصل البرلمان من أجل تخليص المعاملات

والعلاج بالخارج وغيرها ... يعني شايف نفسه يمثل القبيلة فقط...

بس حبيت اصحح معلومة...انا جدي كان بدوي بالصحراء وكان عايش في

مجتمع قبلي وكانت تحميه قبيلته من الأخطار اما انا فإبن هذا العصر وابن

الكويت اليوم وليس لي علاقة بأي شكل من اشكال "طرق العيش

الصحراوي"...بل ان جدي نفسه لو جبته الى عصرنا الحديث لفصخ البداوة

وتبنى عصر الحضارة وأدواتها ولعن تلك الأيام!!!

لكن يبدو ان اصدقائنا من ابناء البدو بدواً أكثر من أجدادهم!!!!
 

ارهاب فكري

عضو ذهبي
لا كلامك غلط
مو معنى انك قلته وعدته مرتين يخليه صح
بعدين انت اشدراك مو يمكن انا قدوه والخ الخ الخ؟
شلون تقدر تطلع حكم علي وانت مو عارفني اخوي؟

وين عدت كلامي !؟ شاهد مشاركه 3 و 6 !

بعدين ليش شخصنت الحوار !!؟ لا انا اعرفك ولا انت تعرفني .

اذا انت قدوه , الله يزيد من امثالك . انا موجه النصيحه الى العامه . ليش نقعد ونردد هذول الي خربوا الديره ! اذا في موظف فاسد في الدوام يا تنصحه او تبلغ عنه . ليش ما نعمل بجد علشان نوصل الى اعلى المراكز ونصير سد ضد الفساد ؟ والكلام موجه لي وللكل .
 

swalif23

عضو فعال
لانه كلامك للاسف نظري تنظيري!
انت تبي تصلح؟ الله يكثر خيرك! في 100 يبون يصلحون؟ الله يعطيهم العافيه! بس المشكله وانتو بتصلحون في 10000 قاعدين يخربون بنفس الوقت يعني كل الي بتسونه يمكن يخترب قبل لاتبنونه!
عشان جذي اختلف معاك
 
الحالة
مغلق و غير مفتوح للمزيد من الردود.
أعلى