سبب غرام السامري الحايلي ... الذيب يايمه عوى ...

ا

الصامت

عضو بلاتيني
السامري فن جميل وثقافه محببه لدى الذين يعشقون الفن ..

ويوجد للسامري انواع كثيره منها السامري المختص به اهل حايل ويختلف عن السامري غيره ... اذ يكون اثقل ... (غير نقازي)

اذ يتكرران الشطر الثاني من البيت الاول والثاني بكل بيت ... ولابد ان يطابق المعنى ...

هناك سامري بشيلته الحايلية قديم لازلت اتذكر كلماته واورد مقتطف من هذا الفن الجميل ... وهنا اضع سامريتين جميلتين :

الذيـب يايمـه عـوا
والجـبـل مـربـاه

شبعان يمـه ويعـوي
مـدري وش نوحـه

خلي على الفرقا نـوا
والجـبـل مـربـاه

اللي كوى قلبي كـوي
مـدري وش نوحـه

شوفـه لخفَّاقـي دوا
والجـبـل مـربـاه

قلبي يضيق ويلتـوي
مـدري وش نوحـه

جينا نبي نلعب سـوا
والجـبـل مـربـاه

أبيه بالملعـب خـوي
مـدري وش نوحـه

يقول لي مالـك لـوا
والجـبـل مـربـاه

وانا بعون الله قـوي
مـدري وش نوحـه

حبل الموده ماانطـوا
والجـبـل مـربـاه

واشوف خلي منطوي
مـدري وش نوحـه

عوده من الزين ارتوى
والجـبـل مـربـاه

ضبيٍ وبه عرق بدوي
مـدري وش نوحـه


​




وهناك سامري ثاني ايضا .... مشابه للشطر الاول :

الذيب يا يمه عوى

يا بعد حيي

واصبحت اجاوبه العوى

لعنبو حيه

مدري من الجوع التوى

يابعد حيي

ولا تذكر له خوي

لعنبو حيه

وش حيلة القلب انشوى

يا بعد حيي

فرقاه تشويني شوي

لعنبو حيه

القلب يصفق بالهوى

يابعد حيي

وانا لحبه مهتوي

لعن ابو حيه

ياليت انه يوم قوى

يابعد حيي

تذكر اللي ما قوى

لعنبو حيه

ذيب (ن) تذكر له خوي

لعن ابو حيه





​
 
C

CREATIVE

عضو ذهبي
سامري حايل واهل حايل .. غيــــــر


عليهم سامري عجيب ..


ولهم (سطايل) .. خاص بهم




...

​
 
س

سعودي صميم

عضو فعال

ياناس عذبني هذاك الزين
ياناس قولوا لي شسويله
أبي الصبر مار الصبر من وين
بالله مالي بالصبر حيله
بعض العرب لو غاب له عامين
ما تفقده ولا توصيله
وبعض العرب لو غاب له يومين
يا كنها خمسة عشر ليله
الود ودي ما يغيب شوين
وعن الوطى بعيوني أشيله
ودي أجي له والعرب لاهين
لاجل أتغافلهم وأراعي له
وليا حصل لي منه نظرة عين
كنه حضن قلبي بمنديله
​
 
يجب تسجيل الدخول أو التسجيل كي تتمكن من الرد هنا.
أعلى