شسالفتكم ياهل الجهراء

[موضي]

السلام عليكم ورحمة الله وبركاته​

كيف حالكم..​

بعرف شسالفتكم يالجهرواين << ​

الجهراء منطقه كبيره ماختلفنا​

محافظه هم ماختلفنا​

اللحين الموضه تقول حق واحد انت شصلك يقول انا جهرواي​

اللحين الجهراء صارت من ضمن الدائره الرابعه وللحين يصيحون نبي للجهراء ​

والمرشحين يمثلون الكل​

شمعنى مسوين قضيه وسالفه عالجهراء​

يعني مايدرون وين يقطعون اعمارهم تحالفات واقليات ومايدرون شنو ​

يبون بالضبط اهم شي جهرواي وبسسسسسسسسس​

ماينعرفلكم مرات تقولون نبي شمري مره عنزي وهالقبايل ولايهونون ​

غيرهم ونعم وكفووووو​

بسسس طبعا تكرهون مطير والرشايده​

واغلب المواضيع تحس حقد مو طبيعي​

ترى انتم جزء من دائره تشمل عدة مناطق ليش عازلين روحكم؟​

اللي بيرد لايغلط على القبايل
اما تحط رد سنع والا لاتكلف على روحك ​

 

[KUWAITAWYY]

موضي ::: يبكون على الجهراء وخذت والمصيبه هم ضيعوها بغباء ماشفت نفسه بحياتي

 

[عوض عبدالله]

والغريب ان فرعياتهم طلعت اعضاء مو من اهل الجهراء !
ثامر سويط , جمال العلاطي , العدواني , !!
ويقولون وخذت !

وربي انا جهراي وغلاي للجهراء ما يعادله الا غلا الكويت !
بس تكفون خلوكم واضحين
قولوا نبيها شماليه لاتدخلون الجهراء فيكم !

 

[موضي]

موضي ::: يبكون على الجهراء وخذت والمصيبه هم ضيعوها بغباء ماشفت نفسه بحياتي

اي والله هم ضيعوها​

 

[موضي]

والغريب ان فرعياتهم طلعت اعضاء مو من اهل الجهراء !

ثامر سويط , جمال العلاطي , العدواني , !!
ويقولون وخذت !

وربي انا جهراي وغلاي للجهراء ما يعادله الا غلا الكويت !
بس تكفون خلوكم واضحين
قولوا نبيها شماليه لاتدخلون الجهراء فيكم !

توني ادري ان هالمرشحين اصلا مو من سكان الجهراء

المشكله للحين مايدرون من يبون
اانتخابات اللي طافت وحده تقول يارب لو لو يآخذ الرسي صالح السعيد اهم شي
بذمتك هذا كلام؟​

 

[بـارود]

ذبحونا هذولا الجهرا وخذت والجهرا وخذت

الصناديق مفتوحه 16-5

وأجمع رجالك وأرد على الما ياملا الهشلا

 

[رقاب الظرابين]

لنا الحق لان توزيع الدوائر ظلم الجهرا ظلم كبير

وهي اكبر منطقه تضررت

والا انتي لج راي ثاني


لا لا عادي قولي لاتستحين

 

[ثامر العنزي]

لو تدرين شنو الجهرا ما كتبتي هالموضوع يا موضي

ننصحج بالسكن فيها لمدة شهر بس .

وبعدين هذة موطن الشجعان يا موضي

من سنة 1920 الي يوم 2/8 /1990 لها تاريخ حافل بالتضحيات

 

[ركازي]

مع احترامي لج اختي

موضوعج ماله معنى

ولج كل احترام

 

[اساهيم]

موضوع سقيم ..

 

[جهراويةوطنية]

لو تدرين شنو الجهرا ما كتبتي هالموضوع يا موضي

ننصحج بالسكن فيها لمدة شهر بس .

وبعدين هذة موطن الشجعان يا موضي

من سنة 1920 الي يوم 2/8 /1990 لها تاريخ حافل بالتضحيات

نعم موطن الشجعان عشان جذي مانبي نطلع غير الشجعان ولا لا يطلعون احسن اذا ماراح يشرفونا!!

يعني مرشحين منطقتنا بصراحه يفشلون ماعدا الخليفة وولد منيزل ولو انه لي تحفظ على تاريخ الوالد !! بس مايمنع انه طرحه جميل وواقعي..


ولاهانوا الباقين اكيد بس نواب معاملات بوطقه ماعاد لهم لزوووم ...

المطلوب رجال افعال ومواقف ..

ينشد فيهم الظهر ولا قالوا نواب الجهرا نقول ونعم فيهم ..

مو مثل قزيز الشاميه !!

ولا اقول استغفر الله ياربي ..شخباركم بس؟؟​

 

[ركازي]

اجل ليش الانتخابات صارت دوائر

لان كل منطقه لها الحق في ترشيح احد ابنائها للوصول الى الكرسي ليمثلهم

 

[أبدوي]

أعترض على كلمة ( حــــــــقد ) !!!!!!!!

تصويت على حذفها من المظبطه ,,,,, ياحضرة الرئيس !!!!!!!!!


خالد السلطان وعبد اللطيف العميري والعمير وعلي الراشد ومرزوق الغانم ومحمد الصقر

والعبد الجادر والشايجي والصرعاوي والرومي والمطير والحكومه بعد ما أقنعها باقر !!!!!!!!

تصوت مع عدم حذف جملة الأخت النائبه ( مـــوضــي )

وأمتناع الرئيس جاسم الخرافي ,,,,,, اللذي كعادته ممتنع !!!!!!!

النتيجه 33 مقابل 23 ,,,,,,,,,,, لصالح عدم الحذف !!!!!1​

 

[ثامر العنزي]

نعم موطن الشجعان عشان جذي مانبي نطلع غير الشجعان ولا لا يطلعون احسن اذا ماراح يشرفونا!!​

يعني مرشحين منطقتنا بصراحه يفشلون ماعدا الخليفة وولد منيزل ولو انه لي تحفظ على تاريخ الوالد !! بس مايمنع انه طرحه جميل وواقعي..​

ولاهانوا الباقين اكيد بس نواب معاملات بوطقه ماعاد لهم لزوووم ...​

المطلوب رجال افعال ومواقف ..​

ينشد فيهم الظهر ولا قالوا نواب الجهرا نقول ونعم فيهم ..​

مو مثل قزيز الشاميه !! ​

ولا اقول استغفر الله ياربي ..شخباركم بس؟؟​

بيطلعون شجعان مثل الشريعان واكثررر ان شاءلله وخصوصا بع التحول الكببير في توجهاتهم ولذلك عدة اسباب ليس مكان ايرادها عموما نحن نتوسم بمن ذكرتيهم الخير

ولي عتب على تحفظج على طلال منيزل بسبب والدة .. اختي لا تزر وازرة وزر اخرى

واذا منيزل ماهو زين هذا ما يعني ان طلال ماهو زين ؟؟؟؟

الحكمة تقول .... يطلع من ظهر العالم فاسد ويطلع من ظهر الفاسد عالم ..

خليج متفائلة فالتفائل مفيد عند الوصول الي سوداوية الرؤى .

 

[مطيري جهراوي]

السلام عليكم
اولا اشكر الاخت موضي على النقاش الموضوعي الهادف
بالنسبه للموضوع انا اعتقد بان كل مايقال عن ان الجهرا وخذت ماهو الا اسطوانة يرددها المرشحين في وقت الانتخابات لشحن العنصرية القبلية وتاخذ صدى واسع ونقاشات طوةيلة وهذا مايتمناة المرشحون وكوني من احد المهتمين بالأنتخابات ارى انها مشروخة فمعضم الناس تصوت وفق مبداء القاناعه والعام الماضي انا كنت ضمن حملت احد المرشحين واحضر الفرز بالجهراء فكان مرشحون المطران ياخذ الاصوات بالجهراء اكثر من مرشحين الجهراء انفسهم ماعد الخليفة وعلي دخيل وعسكر وهذا دليل ان الي يقول الكلام هذا هم من المقربين للمرشحين لااكثر وليست ثقافة عامة كما يتصور البعض وحبت ابين الصورة عن اهل الجهراء العزيزة واهله والسلام ختام
ملاحضة اشكر الاخت موضي على التوقيع الجميل وهذ يدل على انها مهتمه بالشعر وليس السياسة فقط

 

[القرار]

ليش ياهل الجهراء ماتعجبكم الصراحه

القصر الاحمر مطير والعجمان شنو لكم فيه

شنو البطولات اللي تكلمون عنها

كلها تقحيص وهوشات

 

[نفح الطيب]

ليش ياهل الجهراء ماتعجبكم الصراحه

القصر الاحمر مطير والعجمان شنو لكم فيه

شنو البطولات اللي تكلمون عنها

كلها تقحيص وهوشات

مع كل احترامي وتقديري لك
اللي ما تفهم فيه لا تسولف فيه أحسن لك والله
أهل القصر الأحمر هم عبارة عن أسر من جميع القبائل من أسرة الطواطحه من عنزة والغضاورة من عنزة والظهران من عنزة ومرشد الطوالة ودوره البطولي في معركة الجهراء وهناك عوائل من العجمان وغيرهم من أسر الجهراء المتحضرة وغيرهم كثير ولكن الذاكرة تخونني

 

[ثامر العنزي]

ليش ياهل الجهراء ماتعجبكم الصراحه

القصر الاحمر مطير والعجمان شنو لكم فيه

شنو البطولات اللي تكلمون عنها

كلها تقحيص وهوشات

بالله عليك اخي الكريم هل هذا مكان لمثل هذي الأقوال؟؟

على بالك حنا في ايام داحس والغبراء ولا البسوس؟؟

لا حول ولا قوة إلا بالله .

 

[القرار]

انا دري عنهم بطولات وبطولات

ليش موراضين يدشون بنسيج الرابعه

ليش الجهرا وخذت ليش نبي مرشح للجهراء

شنو الجهرا دوله بروحها حالنا من حالكم ياهل الجهرا

 

[ثامر العنزي]

انا دري عنهم بطولات وبطولات

ليش موراضين يدشون بنسيج الرابعه

ليش الجهرا وخذت ليش نبي مرشح للجهراء

شنو الجهرا دوله بروحها حالنا من حالكم ياهل الجهرا

لا اسمح لي مو حالنا من حالكم

الجهرا بطولات وتاريخ عريق ولا قصور في كل المناطق

الجهرا هي من اخرجت الخطيب والشريعان والقحص
عبدالله اللافي وهيف الحجرف ومطلق الشليمي رحمهم الله جميعا وامد في عمر من هو بيننا
فلا وجود للمقارنة ابدا ابدا ابدا .