أين الكويت في قلوبنا؟

[وسم*]

والله قلبي يتحسر وأشعر بجمرة
وأنا أرى كل واحد يتكلم عن الآخر ويقول هذا كويتي أصيل وهذا غير أصيل
هذا من داخل السور وهذا من مزدوجي الجنسية
والله هذه الفتنه بعينها وعلمها
وهالشي فكك المجتمع الكويتي وقسمه لطبقات
وناس مع وناس ضد
صار تفكيرنا كم واحد من قبيلتنا أو طائفتنا أو تكتلنا راح ينجح بالمجلس ....
تفكيرنا صار كم بدوي يدخل المجلس وكم حضري ...
تفكيرنا صار بعيييييييييييييييييييييييد كل البعد عن الكويت ومصلحة الكويت
والله قهر
الكويت ديرتنا اللي مالنا غيرها
كويتنا ديرتنا دارنا اللي مالنا غيرها
المفروض نفكر
بمصلحة الكويت
ثم مصلحة الكويت
ثم مصلحة الكويت
ياناس
ملينااااااااااااااااا والله مليناااااااااااااااااااا
نسمع أشياء عجيبه عمرنا ماسمعنا عنها بكويتنا
إشااااااعات وأكاذيب لها أول مالها آخر
شفنا شيكات ترسل لبعض النواب شنو الهدف منها
شفنا ناس تطلع إشاعات على ناس شنو الهدف منها
والله
متنا
متنا
نبي مصلحة الكويت وبس
ياناس كويتنا
بحاجتنا
بحاجتنا
بحاجة اختيارنا السليم والصحيح
انسوا القبيلة
انسوا التكتل
انسوا الطائفة
فكروا بالكويت والكويت فقط ​

 

[سليل الجود]

بالنسبه للطائفيه والقبليه والعنصريه​

هذه مشاكل افتعلتها الحكومه لاشغال الشعب فى بعضه​

حتى لا يتفرغ احد لمحاسبتها على التخلف من جميع النواحى ​

الذى انحدر بالبلاد فى هاويه التخلف عن ركب الدول المتقدمه​

واؤيد دعوتج للجميع بلا استثناء ​

بمراقبه الله عند الادلاء بالصوت​

لوكان المرشح اخى ابن امى وابى بصّام فوالله لن اصوّت له​

ولو كأن المرشح ابن عمى يسعى لمصلحته الشخصيه فوالله لن اصوّت له​

ولو كان ابن مذهبى مؤيد لحكومه لا تعمل لمصلحه البلد فوالله لن اصوت له​

نريد ان يصل الى المجلس من يخاف الله فى مستقبل ابناءنا​

شكرا وسم على التذكير​

 

[وسم*]

اخوي سليل الجود
فرحني ردك
واتمنى الكل له نفس الشعور
والله ياخوي لاعت جبودنا من هالعنصرية والتفرقة
اللي فرقت بينا ونشرت الكره والحقد بين ابناء الشعب

 

[السلطاني]

الكويت لا تزال في قلوبنا...

لكن حسبي الله على من رسّخ فكرة القبلية والطائفية والعنصرية....

وحسبي الله على من تقبّل ذلك الترسيخ.....وإتخذّه سبيلا له..

 

[وسم*]

مشكور يابونورة على المرور
واكيد انك تعاني مثل مااحنا نعاني
من هالتفكك والتفرقة اللا متناهية
وبالفعل حسبي الله على من تقبل ذلك الترسيخ
واتخذه سبيلا

 

[سنوكا]

بالنسبه للطائفيه والقبليه والعنصريه​

هذه مشاكل افتعلتها الحكومه لاشغال الشعب فى بعضه​

​

اتفق معك 100%

حتى لا يتفرغ احد لمحاسبتها على التخلف من جميع النواحى ​

​

في هاذي 50%

 

[كويتى حر 77]

صدقنى وقت الرخا نسمع هالسوالف بس وقت الشده كلنا على قلب واحد والكويت هى حبنا والله لا يغير علينا

 

[كويتي خالص]

والله يا وسم ...تعبنا نقول هالكلام ....بس بعض الناس بكل لامبالاة تترك صلب الموضوع وتتجه للعصبيات والمناقشات السقيمة ...!!

ما يفيدك لا عضو ولا غيره ...الله يعز الكويت اللي وفرت لنا الحياة الكريمة ....

يا ريت نعطي للكويت ربع حقها علينا ...

قلة وفاء وغياب الضمير ...اللي قاعد يحصل هذا ...

صوت للكويت ...وضع الكويت نصب عينك ....بتعرف منو العضو اللي يستاهل ...!

البعض لو يتقدم قريبه او ولد عمه لخطبة اخته ويعرف انه غير مستحق لها "شاته من الباب " ...لأن مصلحتهم اولى ..

طيب واللي يبي يسرح ويمرح ...على حساب البلد ....شتسوي له ؟؟

شوته "من الدريشه "...