صوتوا لربعنا ... صوتوا للكويت

الحالة
مغلق و غير مفتوح للمزيد من الردود.

Q8awi

عضو فعال
ماشالله
بس "هذولا" اللي يحبون مصلحة الكويت ؟؟
عجباً ،، صكوك الوطنية قامت توزع من اللي كانوا اصحاب التفجيرات في الكويت!!

نعيش ونشوف :)
 

حدسي

عضو
تسبون أمهات المؤمنين وتبون تنجحون وين الاعتذار يا أسيل ؟؟

يكفي عندي هالجملة بالموضوع كله ..

الله لا يوفق من لا يحترم الدين و يسمح للحريات فيه ..

و الله لا يوفق من رفض تكوين أبسط شي لحفظ هالشعب و هالديرة .. و هي لجنة الظواهر السلبية ..

ليش ؟ مستانسين على الجنوس اللي عندنا ؟ مستانسين على البويات ؟ مستانسين على المغازل ؟ مستانسين على العقوق اللي قاعد يصير ؟

باختصار .. الحرية حلوه يا بني ليبرال .. لكن لما ما يكون لها حد تتحول من حرية إلى فوضى ..
 

Liberal Girl

عضو فعال
Liberal Girl ... حاجز اي كرسي طال عمرج ؟ العضويه ولا الرئاسه ؟
يستاهل الاثنين.. العضويه لا يمكن يخسرها قواعده بالثانيه مايهزها احد

تسبون أمهات المؤمنين وتبون تنجحون وين الاعتذار يا أسيل ؟؟

ليش تعتذر .. فعلا ً كان هناك تحرش بنساء المؤمنين حطينا الادله هالشغله مردود عليها

عموما
انا ماعمري حطيت مواضيع دافعت فيها عن السلف او حدس او الليبراليين او او ...

من أجل الدفاع بس
لاني ما أتشرف أكون بوق لغيري .. او اكون واحد من " قطيع " التيار
الحريه حلوه

ربع الفرعيات .. تحكمهم العصبية القبلية
جماعة الاسلاميين .. يحكمهم تغييب عقول

الليبراليين .. يحكمهم فكر وحريات

هني الفرق .. لسنا كغيرنا :cool:


 

Liberal Girl

عضو فعال
صكوك الوطنية قامت توزع من اللي كانوا اصحاب التفجيرات في الكويت!!

شكووو تفجيرات ؟؟

الله لا يوفق من لا يحترم الدين و يسمح للحريات فيه ..

و الله لا يوفق من رفض تكوين أبسط شي لحفظ هالشعب و هالديرة .. و هي لجنة الظواهر السلبية ..

لجنة "الظواهر السلبية" عبارة عن "مظهر سلبي" بالكويت
 

حدسي

عضو
لجنة "الظواهر السلبية" عبارة عن "مظهر سلبي" بالكويت

شلون اختي الكريمه .. ممكن توضحين قصدج أكثر ؟ ^ ^ ..

شلون لجنة تدافع عن العادات و التقاليد و الدين في الدولة .. تصير مظهر سلبي لها .. بأي منطق ينقبل هالشي ؟
 

SomeOne

عضو مميز
مشكله اللي يدعي شي ما يملكه،

اي ليبرال واي حريه اللي يدعونها الاخوان؟؟

الاخت صاحبة الموضوع، قريتي شي في هالفكر؟؟

اتعرفين شنو هالفكر وليش طلع وشنو اهدافه اللي اهو (الليبرالي) او العلماني؟؟

واذا كان الجواب اي! وين وجه التشابه بين هالفكر وهالتيار اللي مقتبس الاسم بس!!


لا تلعبون بالاسماء، وسموا الاشياء في اسمائها الصحيحه،

انا في وجهة نظري بعض الاسماء اللي موجوده اسماء تكسبيه فقط، لاتؤمن لا في ليبراليه ولا فكريه، فقط مصلحه شخصيه،

والليبراليه مو بس اختلاط ومادري شنو، الليبراليه فكر اول ما يسعى للحريه، مو الوقوف ضد بعض الاستجاوبات بشكل غير معلن،

والاخ الراشد صاحب الفكر الليبرالي (المدعى طبعا) رايح يستقبل بو صادق المطالب بتعليق الدستور عشان تكسب انتخابي، بقض النظر اذا كان يستاهل الاسستقبال او لا،

وبنفس الوقت لا تعليق لهذا التيار لفيصل المسلم لما حققوا معاه في النيابه، وين الحريه والدفاع عنها؟؟!!!

وين الليبراليه المطالبه للحريات،،

رجاءا لاتعلبون بالاسماء ولاتقولون احنا ليبراليين، الفكر الليبرالي اكبر من افكاركم ومصالحكم الشخصيه،

فكر كل يوم واحد متهاوش مع واحد بسبب الكرسي،

المؤسس يطردونه والمجدد يسحقونه..

غيروا الاسم لاتضحكون على الشعب الكويتي..
 

Liberal Girl

عضو فعال
شلون اختي الكريمه .. ممكن توضحين قصدج أكثر ؟ ^ ^ ..

شلون لجنة تدافع عن العادات و التقاليد و الدين في الدولة .. تصير مظهر سلبي لها .. بأي منطق ينقبل هالشي ؟




قمع الحريات هو بذاته "ظاهرة سلبية" يشوه الحرية الفردية بالتالي يشوه صورة الكويت
هاللجنه عبارة عن نسخة مطورة من "لجنة النهي عن المنكر والامر بالمعروف" بالسعودية

متى تفهمون انه لا يمكن مصادرة خصوصيات الناس أياً كانت الأسباب او الدوافع "دينية أو عادات وتقاليد"

في النهاية من يحدد ماهي الظواهر السلبية..؟ وعلى أي أسس ..؟
فهي تختلف ولها مقاييس معينة عند كل فكر




..
 

Q8awi

عضو فعال
اختي الليبرالية
سئلي كباركم أو عمامكم كما يحلو للبعض تسميتهم
او الرفاق العظام عن التفجيرات ،، ومن سببها
وراح تعرفين شوية عن الماضي الأسود لليبرالية في الكويت :)
 

ابوعمر الهوازني

عضو بلاتيني
images
images
images



images
images
images
images
images




اهم شي الكفاءات............اتعب على الكفاءات بس شراية:D اكيد عرفتوهم ..........الواد وخالوووووو:)


ما اردى من المربوط (حدس) الا المفتلت (جماعة ربعنا:))


عشان لما نقولكم ماكو شي اسمه ليبرال بالكويت تصدقونا:)


هم كفاءات ...........بس شراية:cool:


واللي مايشتري يتفرج!!!!
 

clashman82

عضو بلاتيني
وسمي الوسمي..

حتماً فاجئتني بطرحك و اسلوبك

اتمنى لك كل التوفيق بإذن الله
 

ابوعمر الهوازني

عضو بلاتيني


التيار المتنور والمثقف والمتلبرل (توه ماصار ليبرالي صح يبيله شي مليون سنة:)) في دولة الكويت يقول..........شنو يقول؟؟

يقول ان من يرفض الفرعية ويترشح مستقلا وبنزاهة (مايشتري:cool:) ويحصد الالاف مؤلفة من الاصوات من جميييييع مكونات دائرتة بلا استثناء يكون مؤزما ووحش وكخة وهم هيلقي ولفو:p


ويقول ايضا

ان من يترشح متمنطقا ومتحزما بصرر المال والذهب ويشتري ويشتري ويدفع لينجح بالانتخابات العامة ويصل للمجلس..........وبس؟؟ لا في بعد:)........ ويشتري ويدفع الملايين فقط ليجلس على الكرسي اللي فوق ويمسك المطرقة (وجاهة) يعني مو بس يشتري ذمم واصوات ناخبيه (الغلابا) بل يشتري حتى ذمم واصوات ممثلي بقية ناخبي بلدة (يعني مناضل من الطبقة المخملية بس عكس عكاس!) يعتبر شنو؟؟ كفاءة!!!

يعتبر شنو؟؟؟

كفاءة:)

تبون اللي انيل من جذية بعد؟؟

صالح الملا..........المع وابرز سياسيهم وشبابهم على المستوى الشخصي والسياسي والخطابي ومايشتري!!..........هل هو من ربعنا؟؟؟ لا:)

هل يعتبر كفاءة؟؟؟ لا

يعتبر شنو؟؟

سقط سهوا:p


عفية معايير!!!
 

الحوووت

عضو مميز
ناوي على الفرقى حبيبي وعني ترحل.. مادري كل هذا زعل ياخلي اسئل.. هانت عليك ونسيت عشرة عمر ماكنت اظن انك في يوم تنوي الهجر.. حتى ولو اني خطيت ابتعتذر ولا خلاص ماعاد لي انك قدر.. :p ومبروك فوز اسيل مقدماً viva aseel
 

حدسي

عضو
قمع الحريات هو بذاته "ظاهرة سلبية" يشوه الحرية الفردية بالتالي يشوه صورة الكويت
هاللجنه عبارة عن نسخة مطورة من "لجنة النهي عن المنكر والامر بالمعروف" بالسعودية

متى تفهمون انه لا يمكن مصادرة خصوصيات الناس أياً كانت الأسباب او الدوافع "دينية أو عادات وتقاليد"

في النهاية من يحدد ماهي الظواهر السلبية..؟ وعلى أي أسس ..؟
فهي تختلف ولها مقاييس معينة عند كل فكر

عفوا اختي الكريمه
يعني تبونه حرية مطلقة ؟ اللي يصيع يصيع و اللي يلتزم يلتزم ..
صح ما نقدر نجبر أحد على شي ..
لكن تطلع بالمجمعات و الأماكن العامه اهني توقف الحرية ..
يعني لجنة الظواهر السلبية ما حرمت لبس الجينز ولا غيره !! .. لكن تطلع لنا بوية تتمشى ووو و كذلك مع الجنوس .. اهني لازم توقف الحريات
لكل شي حدوده .. و لا جذي بتكون فوضى مو حرية ..
 
خابصة الدنيا اختي شكو حاطة الخرافي ومرزوق ناس كلش مالها دخل بالناس الي حاطتهم ولا توجهاتهم الله يهديج بس صج خبرتج ضئيلة
 

بو مشيري

عضو بلاتيني
بو مشيري ... خابرك سلفي ؟!؟؟ ولا انا مضيع ؟! :confused:

لا يروح بالك بعيد :D ..

كلامي بالاعلى يمثل توجه كاتبة الموضوع .. فبالنسبة لها ولتوجهها الحلمنتيشي كل شخص يحمل نزعه محافظة تجاه مواضيع الاخلاق العامة بالتحديد .. و ان كان غير اسلامي ( كالقبليين مثلا ) هو عدونا .. و غير ذلك هو من ربعنا .. لا نطعن بأخلاق احد .. لكن هذا هو الظاهر

بس ناحية مضيع .. مضيع شوي طال عمرك .. لاني مو سلفي بل مؤيد لاي توجه وطرح اسلامي سواء كان من الملا او من الطبطبائي ..

:وردة:
 

بلنتي

عضو مميز
لا يروح بالك بعيد :D ..

كلامي بالاعلى يمثل توجه كاتبة الموضوع .. فبالنسبة لها ولتوجهها الحلمنتيشي كل شخص يحمل نزعه محافظة تجاه مواضيع الاخلاق العامة بالتحديد .. و ان كان غير اسلامي ( كالقبليين مثلا ) هو عدونا .. و غير ذلك هو من ربعنا .. لا نطعن بأخلاق احد .. لكن هذا هو الظاهر

بس ناحية مضيع .. مضيع شوي طال عمرك .. لاني مو سلفي بل مؤيد لاي توجه وطرح اسلامي سواء كان من الملا او من الطبطبائي ..

:وردة:

اهااا اي جذي صح ... على بالي قلبت على آخر عمرك :D

شكرا على التوضيح :وردة:
 
الحالة
مغلق و غير مفتوح للمزيد من الردود.
أعلى