البطل الخماسي

الحوووت

عضو مميز
شنو قصة هالأسامي والتجمعات اللي طالعين لنا فيها، الاخوان طايحين له «المتفائلون» و«المعتدلون» و«المتحدون» و«المستانسون» و«المتعشون»!
القصة كأنهم مسلسلات الكارتون اليابانية، البطل الخماسي، وغريندايزر وجونكر والرجل الحديدي.. وربعنا كأنهم من هالمسلسلات الكارتونية لا وبعضهم فيهم شبه!
وكلهم صوب وهـ «المتفائلون» بصوب، على شنو متفائلين ما ادري، انا بس اشوف صور المرشحين من كل انواعهم واشكالهم احس بالتشاؤم!
لو عندكم علم الفراسة، أنا عندي طبعا، جان عرفتوا المرشح ونحاسته من عيونه، ياجماعة شلون اتفاءل والمرشح مبين من صورته، وشكله، وابتسامته اللي تطيح الطير من السما انه نصاب، ويلعب مو على الحبلين الا على عشر حبال، وهم تبوني اتفاءل بعد!
يعني بذمتكم وانتوا تقرأون وتسمعون المرشحين وتصريحاتهم البايخة، اللي مافيها طعم تصريح، ما يحوشكم الحارج؟ وودكم تتشاءمون حتى نص تشاؤم!
لا واحلى شيء لمن يطلعك بعض النواب السابقين ويتكلمون عن الكويت، ومصلحة البلد والتنمية، ولازم ما نسوي تأزيم، الاخ مسوي كل يوم على العشا قوازي تأزيم، والحين طالع يتكلم عن التنمية، والتنمية المسكينة رابطها، وقاطها بكبت المطبخ، علشان محد يسمع صوتها!
انا اقول حتى لو نقوم بتجنيس اوباما الاميركي، وميركل الالمانية، وبراون الانجليزي، وساركوزي الفرنسي.. ويشكلون قائمة، وينزلون الانتخابات، ويفوزون، ويشكلون الحكومة، ويحطون الخطط، ويرسمون السياسات هم ماراح اتفاءل، يمكن اتشاءم اكثر، لان «هجي» مجلس ما يبيله «هجي» حكومة، يبون حكومة فوضى، او حكومة يمشونها على كيفهم، او حكومة تطق على راسهم، ماعندهم حل وسط!
 

راعي البويضا

عضو ذهبي
من كل قائمه طاح منها واحد والبعض طاحوا كلهم يالله المستعان
 

خوش واحد

عضو فعال
ناطرين الجوارح والكواسر والأشاوس.
 

سونار

عضو بلاتيني
بذمتك مو أحسن من نبيها خمس :قبلة: :D
 

المستقل

مشرف سابق
مغلق لتدني المستوى.
 

kal ho na ho

عضو ذهبي
الأخ المشرف .. تراك نسيت تقفل الباب

الموضوع لي ألحين مبطل ..!!!


ودمتم
 

صوغان

عضو مميز
اقرو الفاتحه على روحه :)
 

محرر مجهول

عضو بلاتيني
الحمدالله أسم قائمتا الكويت وطن وأمانة مو راعين هالسوالف :p
ka ho na he
البلا منج غلي خليتيه ينسى يقفل الموضوع لووووووووووووول
 
كلمة إدارة الموقع
جميع المواضيع والمشاركات المكتوبة تعبّر عن وجهة نظر صاحبها، ولا تعبّر بأي شكل من الاشكال عن وجهة نظر إدارة الشبكة.
أعلى