وزير الصحة الدكتور هلال مساعد الساير

المستقل

مشرف سابق




وزير الصحة هلال مساعد الساير يحمل شهادة الكتوراه في الطب وشغل العديد من المناصب منها نائب رئيس جمعية الهلال الاحمر الكويتية ورئيس الجمعية الكويتية لمعالجة الآلام والعلاج التلطيفي للاطفال في المستشفى (كاتش).​




فتح هذا الموضوع لمتابعة أخبار وأداء وزير الصحة الدكتور هلال مساعد الساير
 

فهد الديحاني

عضو مميز
مبروك يالمطيري عل المنصب ومنها لالعلي
 

Bello

عضو ذهبي
يرجى إزالة أي ردود عنصريه
لأننا سننظر إلى عمل الوزير و إنجازاته للبلد وليس لأسمه و انتماءه
 

prince

عضوبلاتيني
يستاهل ابو مساعد والله والنعم واعتقد انه ستكون له بصمه واضحه في وزارة الصحه .
 

العساس

عضو مميز
هناك اشاعة؟؟؟؟؟؟؟؟؟؟
اكرر اقول اشاعة تحتاج لمن يثبتها او ينفيهااا
(تقول انه اثناء تدريسة بالجامعة او كلية الطب كان يقوم بطرد المنقبات من محاضراته)
اتمنى ان يكون الخبر غير صحيح لانه كل ما طرحت اسم الدكتور تقال تلك الاشاعة
 

الفنكوش

عضو ذهبي

الله يوفقك يادكتور لخير هالبلد
 

brave heart

عضو فعال
عنيد جدا .... الانا متضخمه عنده بشكل جنوني ...يفتخر كثيرا بعلاقته بالاسره المالكه البريطانيه عن طريق زوجته
بداية التسعينات اتخذ قرارا متهورا بمنع الطالبات المنقبات من دخول المحاضرات ومرافق كلية الطب والمستشفيات والمختبرات وأصر على قراره رفم شهادة جامعات عالميه أذكر منها ماك غيل الكنديه بان النقاب لا يعد عائقا للدراسه والتطبيب...ثم انتهى قراره بالفشل والسقوط وأكملت جميع المنقبات المعنيات بالطرد دراستهن دون نزع النقاب رغم أنه أخرهن سنه دراسيه كامله بعناده واصراره على فراره

يعرفه كل من عمل معه بالاميري أنه ياخذ أي خلاف بالرأي بشكل شخصي جدا ولا ينسى ولا يغفر

حقبقه غير متفائل به ابدا
 

KUWAITAWYY

عضو بلاتيني / الفائز الخامس في مسابقة الشبكة الرمض
فائز بالمسابقة الدينية الرمضانية
مبروك يالمطيري عل المنصب ومنها لالعلي

كلنا تذبحنا الحميه.....

الا لهذا الشخص....

والسبب موقفه من المنقبات بكليه الطب عندما طلب منهم انتزاعها للدخول الى غرف العمليات....

ها يالديحاني راضي عليه الحين ...

اذا راضي قولي....وراسلني على الخاص
 

@Noura@

عضو مخضرم
من الصدف بل من الأمر العجاب أن يكون مستشفى الجهراء سببا في استقالة وزيرة الصحة سابقا معصومة ...وسيكون ربما سببا في استقالة الوزير الحالي ..!!

مادري ليه ما يشترون ماء وجيهم من ورى المصائب لهذا المستشفى ...وخل واحد من هالوزراء اللي يمرون ويستلمون الوزارة يبنون غيره ..؟؟؟؟؟.
 

Bent Mutair

عضو فعال
انا كرررهته من وصف جرحى حرريق الجهرا بال(هذولي)
قال سيتم نقل هذولي لمستشفيات اخرى اثناء حديثه لقناة الوطن وهو في مستشفى الجهرا

الحين ضحايا الحرريق صاروا هذولي ليش مو عاجبينك ياحضررة الوزير ليش مالهم ررب


والله حتى لو كااان اصله مطيري ما يهمني طاح من عيني خلاااااص
 

وطني1

عضو فعال
يالاخواني الوزير معارف شيقول مره يصرح ان وزارة الصحه لديها( مايكفي )من علاج مرض الخنازير ومره يقول طلبنا العلاج وراح يوصل سريعا ومره( هذوولا )
يمكن عرضه على الطب النفسي احسن
 

طلال الحميداني

عضو مميز
اعتقد ان عليه ملاحظات واجد الساير

اعتقد ان ماقدر يتعامل مع مرض انلفونز الخنازير
ولاحريق الجهراء

اعتقد انه مخه فاضي
 

الحاسم

عضو بلاتيني
اعتقد ان عليه ملاحظات واجد الساير

اعتقد ان ماقدر يتعامل مع مرض انلفونز الخنازير
ولاحريق الجهراء

اعتقد انه مخه فاضي


شيء يضحك .. الاستاذ المساعد بقسم الجراحة جامعة الكويت .. هلال الساير .. مخه فاضي؟! خله العقل المتروس لك :)
 

_ عزام _

عضو فعال
الوزير بحريق الجهراء عمل المستحيل وكل شي بيده سواه من استنفار سريع ومبكر

لمستشفيات الكويت وتفعيل خطة الطوارئ وتواجده المبكر في قلب الحدث , وابلاغ

صاحب السمو بهول الكارثه وانه المصابين يحتاجون لعلاج متخصص من الخارج ومن

ثم رأينا المبادره من الامير بارسال المصابين للخارج واللي مايقدر يسفرونه يتم احضار

فريق طبي له من الخارج للنظر في حالته

مادري شنو تبونه يسوي حتى الجهراء غرقها بالاسعافات

وانا والله شخصيا كنت ماحبه بس بعد مارأيت اللي سواه بحريق الجهراء اقوله بيض الله

وجهك وماقصرت وعداك العيب .. فعلا اثبت انه رجل عملي وكفؤ

واقول حق الناس اللي ماتحبه نفسي, لاتظلمون حظكم فكلمة الحق لاتصرف لكل من احببت

ولكن نقولها لكل من استحقها بجداره
 

الكويت عاليه

عضو فعال
لن افقد ايماني بعدل الحياه

اعتقد الوزير يمدح لفعله ومواقفه ولاللتعنصر مع احترامي للفئات الجهله التي تحب وتكره لانه من قبيلتي ومن جيراني ومن ...................................................كلام ماخوذ خيره:إستنكار:

الوزير الساير ادى واجبه الوظيفي والانساني والوطني باكمل وجه ولاتاخذكم عنجهيه الاعضاء الذين يصرحون ويتكلمون اكثر من مايفعلون وينجزون لوطننا الغالي

وزير الصحه طبق خطط الطوارئ للمستشفيات وطلب طاقم طبي من فرنسا وبريطانيا لحالات الحرجه بفتره وجيزه واعتقد القدر والنصيب لواجتمع كل مقومات الحياه للناس اللي توفوا والله موكاتب لهم الحياه يومهم الله يرحمهم

حتى افلونزا الخنازير بعد الحارس الله وعلاجه موجود لدى المستشفيات وتجهيز المسشفيات من اسره وحجر صحي وادويه.و.............

واجهزه الفحص المبكر لافلونزا الخنازير بمطار والمنافذ

ولاتبون بعد الوزير يمنع الافلونزا من الكويت استغفر الله

بعدين الدنيا مانخلقت بيوم تبون ترميم مستشفيات وبناءها بكم يوم
وتبون مستشفيات اكثر ومتخصصه وكادر طبي و.............................عطوا الوزير فرصه والله لواننا في بلد العجايب مايمديه الريال

خل ننظف قلوبنا من الحقد ومانتدخل بحياه الناس الشخصيه ونطول بالنا على وزراءنا المتخصصين بمجالاتهم وبعدين نحكم؟

المشكله كل واحد يفرض رأيه وحكمه ومايعطي مجال للناس المختصه اللي ماعطوهم مناصبهم الاعشان مجال خبرته وشهادته مولانه فلان وفلنتان

وسالفه منع المنقبات من الدراسه و و.و............ والله شفت حقد وحسد بس مثل اللي بالديره لوتوزع على الكون جان مالقينا احد حي

تفائلوا بالخير....

صراحه انامتفائل بالوزير وتوقعاتي سيكون له انجازات تسجل له في تاريخ الوزاره

وليكن النقد بناء لمصلحه البلد ونحكم على انجازات واعمال الوزير لالحياته الشخصيه واعماله السابقه قبل حقيبه الوزاريه


الله يعطيه العافيه وانشاء الله يقدر يصلح ماهدمه الدهر في مستشفياتنا والتقصير في وزاره الصحه
 

الابجر

عضو مخضرم
وزارة الصحه بحاجه كالدكتور العبدالرزاق رحمة الله عليه
ليس كالساير مع احترامي له
 

BoFaiSaL

عضو مميز
للاسف الساير الرجل المناسب في المكان الغير مناسب يعني ..
رجل صاحب اختصاص لا يعرف بإدارة وزارة الصحه شئ

فشل في كل شئ ولم يقدم الجديد بالوزارة نهائياااا

متعنت مكابر اذا قال لا مايصير لو انه على خطأ يستمر ويكابر في الخطأ

اتمنى له حياه سعيده في منزله افضل من ادارة الصحة وارواح بشر فيها
 

لوركا

عضو جديد
انا مو باط جبدي إلا لعب الوكيل المساعد للمالية وين الوزراء عنه!!!!!!!!!!!!!!!!!!!!!!!!!!!!!!!!!!!!!!!!!!!!
 
كلمة إدارة الموقع
جميع المواضيع والمشاركات المكتوبة تعبّر عن وجهة نظر صاحبها، ولا تعبّر بأي شكل من الاشكال عن وجهة نظر إدارة الشبكة.
أعلى