يوميـــات شخبـــــوطـــــــة

مساء الورد

اخترت هالقسم وأتمنى أن يكون المناسب لما سأحكيه أدنـاه

أيها الاخوة والاخوات الأفاضل ..

يوميا ..
وفي كل شارع
و بقعـة
وممر
ومصعـد
وجمعية تعاونية
وكليـة
ووزارة ..
نتعــــــــــــــــــــــــرض

لـــــ

مواقف // أحداث // مفاجآت
جميلة كانت أم قبيحـة
سارة أم ضارة

تضاف تلقائيا إلى رصيد خبراتنا و حافظة أذهاننا كبيرة السعـة

:إستحسان:​

أشخاص كثر أثروا بنـا إما بكلمة تفوهوا بها عن قصد أو بتلقائية
أو بموقف بسيط أعرب لنا عن طبع معين يحملونه
أو من خلال حركة أو سكنـة أو أو أو ..



هنـا
سأنقل لكم يوميا ما تسعفني الذاكرة للإتيان به
كـ حـصيلـة
قد تخفي بين طياتها العبر أو النوادر أو الغرائب أو ما يثير الحزن


واشعروا بحرية تامـة لإضافة ما تجود به خواطركم ..
فالعمـــر مـــــرة ..
إن لم يكن بإمكانكن تأليف (كتـــاب) فعـلى الأقل ..
لاتسلبـــوا أحاسيسكم وأذهانكم حق ( التشخبــــــط) على جدار الشبكة
حيث أنها المكان الوحيد المسموح لذلك ..
أو هكــذا اظــن ..


بسمـــه ابــدأ ..


:)
 
يومي بلش الظهر تقريبا لأني عطيت روحي اجاة ونمت عوضت قحط النوم بسبة الجامعة الله يغربلها و فرارتي المعتاده لأني بعيد الشر عنكم أشتغل بالصحافة وما أدراكم ما الصحافه ، عالعموم الصحافة قصتها قصه معاي بسولفلكم اياها على يوم انشالله ..

حسيت بملل العصاري ودقيت سلف رحت عند يدتي أم ابوي ، بيتهم قريب علي وحدها توسع الصدر بقعدتها وسوالفها ، انصدمت بخبر زعزع العايلـة إن واحد من اهلي متزوج لبنانية ، أهم شي ، اللي صدمني بصراحه مو انها لبنانية والنعم بكل الناس الأشراف بس لأنه بدون علم أمه ورضاها علما بأن شاب وهذا أول زواج له وعنده اخو بيسافر علاج بالخارج بعد اسبوع ، يعني بالعربي حده مليق ومختار اخيس وقت بالعالم وما راعى الظروف الأسرية وعمل عملتـه و ملج ..

لا حس لا خبر جك بوم ،،

هذا الله يسلمكم من الشـر اتضحلي من هالقصه الطريفه إن الطلعه من البيت أحيانا حتى لو كانت طلعه خطافيـة عند يدتك الله يطول بعمرها ان كانت حية او يرحمها ان كانت ميته مهمه حيل ، ساعات تطلع وتكون ناوي توسع صدرك وبس ، وترد بيتكم وانت تضحك ، مرات أشياء صغييييييرة تحسسك ان الدنيا ما تنشرى بقشرة بصــل ..




الله يوفقه
ويرزقه الذرية الصالحة
اي ماقلتلكم ان البنت بثانية ثنوي وانه يدرس بإحدى الدول الإسلامية فقه ما فقه
المشكله ان ماخذ الدين من ذيله

لأن ما يدور عنده شي اسمه احترام الكبير ، ولا صلة رحم ، ولا هم يحزنون
الله لا يبلانا
ويوفقه أكرر



:)
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
تسجيل متابعة ...

جك بوم حلوه هذي :D

انصحج بتحويل هذه الصفحة الى القسم الحـر ..
 
الوضع مكهرب بمعظم بيوت الكويت هالأيام بسبة الامتحانات
والله لا يراويكم الوضع فبيتنا
اخواني نوعهم شطار ودريسه سمالله عليهم
ماعدا واحد بايعها وماخذ الدراسه تقزورة وناوي يصير لاعب كره حضرته بس أبوي مو معطيه ويه
واييب اوطى نسبة كل سنة وتقدر بـ 90 % لول
هذا اكسل واحد فينــا

قولوا ماشالله
ماشالله ماشالله


مساع سألت اختي الصغيرة عن استعدادتها النفسية علما بأنها برابعة ابتدائي واهيا الثانية على روابع ويفصلها عن الأولى عشر مادري عشرين
جان تقولي : اووو لا تذكريني ..!

موتتني من الضحك
أي شي
ايام كنت برابعه ابتدائي كانت الحياة سهالاة والامتحانات ماي ومانشيل همها
وعسى ما تقرب الامتحانات أبدي أخطط حق العطله والسهر والسفر والطلعات و هالسوالف الطيبة
حدي انا وجيلي ما كنا نشيييل هممم وغممم وجذي

يخرب بيت التربية
غربلوا هالياهال وشيلوهم هم مبجر
عيل بذمتكم رابعه ابتدائي كوجا مرحبا قاعات امتحاناتهم تقول داش أمن الدولة
لوية ومليون أبلة تقول ابراج مراقبة وماي عالطاولة يعني هاا ترى بنشف ريجكم

يخرب بيتهم
وكلي أمل ان بنت الحمود -طال عمرها- تعدل السلم المقلوب
ترى غربل عيال الكويت
 
Modest



والله ياخوي مالي خبرة كبيرة بهالتقسيمات
وماعندي مانع ان يتم نقل الموضوع من قبل الاخوة المشرفين في حال تبين انه مو مكانه هني
انا بسولف واهما كيفهم ينقلونه وين ما يبون



مشكور لأنك هني


:)
 
هالأيام أكثر شي أكرهه بالجرايد إن الكل صاير سياسي
حسسوني إنهم أعضاء بالكونغرس أو مستشارين في البيت الابيض
سود الله ويوههم
جذب وتشلخ وتطيير ناس ماتسوى وكلام فاضي
ونصهم اذا مو كلهم مدفوعي الأجر


آل إيه
حرية تعبير وصحافه
ياعمي طيروا
بالله عليكم
دكتور يدرس إدارة
شكو عاملي فيها سياسي محنك
المصيبه ان البنات يشتكون منه
يقولون نوعه
من يبدي المحاضرة ليييييييييييييييييييييييييييييييييماااااااااااااااا يخلص ما يسكت
يخرب بيته بالع راديو ومسجل و تلفزيون ملون ودي في دي و آي بود

ونعرف ولده بعد معانا بالجامعه
عكسه
غصب يتكلم كلمتين على بعض
ابوه خلص عنهم الكلام



أحلى شي لما تقرا الجرايد يوميا
وتكون عارف مسبقا ان فلان حشرة .. وفلان حطب دامه يحركونه مثل ما يبون .. وفلان عروسه يحركونها شوي يسااار شوي يميييين محلااج وانتي ترقصيييين ..

تقرا كلامهم المثالي وايد
ذاك يقولك .. وحده وطنية ما وحدة وطنية واهوا بمحاضرته يطب بالشيعه ويسميهم كفار وزناديق
وذاك يقولك .. فلان ريال والنعم و اهوا يشتغل مع خصمه مفتاح انتخابي بالدائرة نفسها


بطيخ فبطيخ
لوعة
حسبالهم الشعب نايم وغبي
أحلى شي انهم جذي
عالأقل الإنسان يلاقي شي يضحكه من صباح الله خير مع هاللاهوب
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
بطيخ فبطيخ
لوعة
حسبالهم الشعب نايم وغبي
أحلى شي انهم جذي
عالأقل الإنسان يلاقي شي يضحكه من صباح الله خير مع هاللاهوب

مع احترامي لشعبي ..

لكن نسبة كبيره اغبياء ...

شخبوطه ..

ياخوفي تخلصين سوالفج اليوم وباجر ما نحصل شي منج :p
 
لا لا لاتخاف
تدري ليش ؟


السوالف مثل البكتيريا
تتكاثر في الأجواء الرطبة
ورطوبة الكويت ما يحتاج اقولك عنها
انت أدرى مني
شوف عينك



كويتي ولد بطنها وعارف

:)


سعيده لمتابعتك مع ان نك نيمك غلج
تكفه شنو معناته لو تفيدني اكون شاكره


:)
 

kkk

عضو مخضرم
فكرة حلوة ........جدا
وليش ما يكون يوميات جميع الاعضاء
كل واحد .....يصادف يوم غريب :باكي:
ممكن
ان تكون الصفحة مكان حلو لتسجيله
طبعا بعد اذن صاحبة الموضوع؟؟
وارجو عدم تغير مكان الموضوع ويظل بالمنتدي الاجتماعي
لانه يبحث الامور اليومية واغلبها اجتماعية
واتمنى التوفيق لصاحبة الفكرة كل الخير والتوفيق
:وردة::وردة::وردة:
تحياتي
 
مادري إذا مارين عليكم ناس جذي وإلا لأ بس أتوقع إي
إللي ياخذون زاوية بالقعده ويقطون نكت مليييييييييقه وسط الحجي والسوالف وغصب طيب يبونك تضحك

ودك تلف على هالشخص وتقوله : ( يرحم والديك بس ، دمك كتشب ابوس ايدك مو إلا تقط نكت ) بس تلاقي نفسك منحرج لأنه عود وجذي
وتنجبر تعطيه ابيخ ابتسامه بالعالم اللي ماتطلع الا اذا كنت شايف املق فلم كوميدي بالسينما والا بام بي سي تو


اموت واعرف هالنوعية ليش ما يحسون انهم مليقين


قس عليهم اللي ريحتهم خايسه واللي غبائهم مستفحل واللي يطيرون صواريخ وايد ..

هذول نوعيات نصادفها كل يوم
بس مرات ننحرج نصارحهم بمشكلتهم إما لأنهم اكبر منا أو لأن شجاعتنا تخون فينا أو لأنا ما نمتلك مهارات النصيحه ..



اوووف
حدي منغثه من ناس من هالنوع
 
فكرة حلوة ........جدا


وليش ما يكون يوميات جميع الاعضاء
كل واحد .....يصادف يوم غريب :باكي:
ممكن
ان تكون الصفحة مكان حلو لتسجيله
طبعا بعد اذن صاحبة الموضوع؟؟
وارجو عدم تغير مكان الموضوع ويظل بالمنتدي الاجتماعي
لانه يبحث الامور اليومية واغلبها اجتماعية
واتمنى التوفيق لصاحبة الفكرة كل الخير والتوفيق
:وردة::وردة::وردة:

تحياتي




أهلا وسهلا فيك/ج أخوي /أختي

بالعكس شي يسعدني والله

كلكم فضفضوا وسولفوا وتحجوا
لعبتها :D

كل واحد يسمع اللي بجعبة الثاني<<<<< تعبانة على جعبة :p

منها نستانس ومنها نستفيد

المكان مكانك
وألف شكر على الدعوة الطيبة وكيلو الورد الجميل


وحياك الله
 

kal ho na ho

عضو ذهبي
أو عشان ذابحتنا الذرابة ولا نبي نفشلهم ؟؟؟

عندي اشكثر نوعيات جذي ...

خصوصا راعيةالمطارح اللي بالزاوية ....


^
^
^
((مكان الجنانوة على فكرة ))



تسكت تسكت ... وتقطها عوجة !!!!



يالله شخبوطة .. إديلوو ..
 
أعلى