احدث صور مجمع 360 وفيديو من الداخل

[بوكهرب]

تم افتتاح مجمع 360 ورأى الزوار ابداع التصميم والديكور الراقي

وينفرد المجمع باالمحلات والماركات العالميه التي توجد لاول مره بالكويت

وهايبر ماركت المنافس لكارفور والسلطان

ويتميز باانفراده ايضا بكونه اول مجمع تجاري بالكويت يضم قاعة عرض ثلاثية الابعاد

IMAX
بالاضافه الى اكبر واحدث مجمع للعروض السينمائية

اخليكم مع الصور والمشاهد الرائعه

فيديو وصور مصور من مدونة فيصل لوسط المجمع

- صور للمجمع

السينما بــ360​

صاله للبولينغ​

الفيديو

http://http://www.youtube.com/watch?v=SVTFphdoXF0&eurl=http%3A%2F%2Ffaisalotaibi%2Ewordpress%2Ecom%2F2009%2F07%2F05%2F%25D9%2585%25D8%25AC%25D9%2585%25D8%25B9%2D360%2F&feature=player_embedded​

 

[المختصر المفيد]

للتو عدت منه مصطحبا الأهل مجمع راقي و شرح و موقعه متميز جدا :إستحسان:

 

[It's Me]

وين ديرته ؟؟

التنمية بالكويت صايرة تنمية سوقية ..

 

[joreyaa]

كنت مارة أمس من الدائري السادس وأشوف زحمة وسيارات عند المجمع....قلت شنو فتح ! وامداهم الناس ماشاء الله!

بس كافي مجمعات كافي الكويت صارت ديرة مجمعات .....خلهم يسوون بيوت حكومة للناس أول !

سووا حدائق --- مساحات خضراء..........مجمعات تستهلك كهرباء وماء وبعدين يقولون ارشاد ونقعد احنا بالحر !

آآآآآخ يا زمن

 

[6ergi]

سووا حدائق --- مساحات خضراء..........مجمعات تستهلك كهرباء وماء وبعدين يقولون ارشاد ونقعد احنا بالحر !

آآآآآخ يا زمن

المساحات الخضراء ما توكل خبز يا زميله ..

مجمع .. يعني محلات فخمه ومتاجر عالميه .. يعني رجال ونساء .. مراهقين ومراهقات .. يعني مطاعم شغاله وكافيهات وقز وسينما ورايحين ورادين ..



مجمع .. يعني شفط نصف راتب مدرسه على جنطه من LV ..

ويعني .. أن الموظف يصرف الشيء الفلاني على حذاء ماركة من فيرونا ..

ويعني .. أن المراهق يرهق ميزانية والده/والدته على شراء أحدث موبايل إبتداءا .. ومرورا بكروت التعبئه .. ولا تنتهى بالسياره واللبس لزوم القز ..

 

[kal ho na ho]

أهم شي السينما ..!!!

نطالبهم وتخصيص قاعة للأفلام الهندية .. الكلاسيك منها .. والحديث .. أتمنى !!



ودمدم

 

[بوكهرب]

حياكم الله جمعيا ولمروكم العطر

سووا حدائق --- مساحات خضراء..........مجمعات تستهلك كهرباء وماء وبعدين يقولون ارشاد ونقعد احنا بالحر !

اختي الكريمه

من سنة 2003 وغضب الغبار ملازم للكويت وكان يأتينا كل اربعاء وخميس وقت العطل والحدائق

شال االاشجار والشبات وقلعها من عرجها ..حتى صارت المجمعات رحمه لنا والملجئ الوحيد اللهم لا اعتراض

 

[بوكهرب]

أهم شي السينما ..!!!

نطالبهم وتخصيص قاعة للأفلام الهندية .. الكلاسيك منها .. والحديث .. أتمنى !!



ودمدم

الحل في السينما بالكويت هو كسر الاحتكار ومهازله

بعدها راح تصير المنافسه وشوفو التطور والعروض نفس ماصار بالاتصالات

 

[zaboo6a]

يا جماعه ليش كل شي مو عاجبنا ..؟

يهبل خوش مجمع و اللي عجبني ان مو تقليدي فيه اعتقد اكبر حديقه داخليه و فيه اكبر دور عرض و سينما IMAX يعني ضاف اشياء يديدة للديره ..

الأهل راحوله يقولون وايد حلو و انشالله لي زيارة قريبه باذن الله ..

بعدين خلكم واقعيين يسوون حدايق بجو الكويت تكفه منو بيروحلهم ..؟

و أي حدايق هاذي اللي بتقدر انها تعيش في جونا شنو يزرعون كناكاربس و صبار ..!

عمار يا كويت ..

 

[غير قابل للمساومة]

شكله خوش مجمع بس مالقو غير هذا الاسم شنو المقصود فيه 360 !!


لو احد الاعضاء عنده خبر بسعر تذاكر السينما لايكون بيطسونا بسعر اغلى من السعر الحالي

 

[zaboo6a]

^
^
^

السينما نفس الاسعار ما تختلف ..

لكن اذا بتدش قاعة الـ IMAX سعر التذكره 4 دنانير ..

و 360 اعتقد و مو متأكده انهم كانوا يقصدون فيه فترة انشائه اللي استغرقت 360 يوم ..

طبعا هذا بالكلام بس بالصج أخذ وقت اطول ..

تحياتي

 

[kal ho na ho]

8
8
8
ليش ما يكون على شكله .. يمكن 360 درجة .. حول مركز الدائرة .. شي جذي؟؟

والله مدري عنهم ؟؟

ودمتم

 

[العثماني]

مجهود

رائع

شكرا لك

 

[Org]

أهم شي في صالة البولينغ بس شكله القيم الواحد عشرين دينار

 

[الحريه وطن]

ياخي خل يبنون منتزهات
تعبنا والله

الكويت صارت غابه من الاسمنت لا مشاعر لا احاسيس وجيه بائسه
صمت المقابر بؤس


ياخي ابنو شجر وغابات بالبر ياناااااااااااااااااااااااااااااااااااااااااااااااااااس

 

[Org]

ياخي خل يبنون منتزهات
تعبنا والله

الكويت صارت غابه من الاسمنت لا مشاعر لا احاسيس وجيه بائسه
صمت المقابر بؤس


ياخي ابنو شجر وغابات بالبر ياناااااااااااااااااااااااااااااااااااااااااااااااااااس

عشان ثاني يوم فرق الازاله عند بابك

 

[حرة بنت الاحرار]

شكرا على الصور

اخذنا فكرة لانه مارحنا بعد

ننطر تخف الزحمة

بارك الله فيك على الجهد

 

[Modest]

مكانه بدال سينما السيارات قديما ...؟

 

[عنزى وافتخر]

مجمع راقى جدا وانا شايفه وكنت فيه امس شى راقى

 

[يمكن تزين]

الثقافة الاسمنتية

مانبي ثقافة الطابوق ولأسمنت
سينما سوق مول سوق حمام سوق دياجة
تعبنا من هالامور نبي مدرسة نبي جامعه نبي مستشفي ولاحقين على السينما والسوق
على وين يابلادي الحبيبة على وين فعلا الهرم مقلوب قالها الربعي ورحل رحمة الله علية


تدرون شلون عندي اقتراح دام الجماعه يحبون السينما ؟
من ايراداتها خل يبنون مدرسة ومستشفى