شهالديرة

الحالة
مغلق و غير مفتوح للمزيد من الردود.

المفتش

عضو فعال
شهالديرة
اللي .. مافيها أدباء ولا فلاسفة ولافنانين ولا شعراء ولا فقهاء ولاعلماء ولا رياضيين و لااقتصاديين ولا أوبرا و لا متاحف ولا آثار ولا معارض ....

شهالديرة
اللي .. فيها طيران عمره ما طار بالوقت .... و المضيفين يحتقرونالركاب ..... وما تطير طياراتها إلاحق دكا و دكار بومبي وسيلان !!!

شهالديرة
اللي .. محد فيها يحترم قانون المرور ، و السيارة تنساق مثل ما تنساق سيارات التصادم ... كل من يحد كل من .... وكل من يخز كل من .... وكل من يكره كل من ...... وكل من يقط زبالته بالشارع .... هذا ينظف طفايته بالشارع وذاك يقط كيس الماكدونلد بالشارع وذاك ينخم بالشارع ..... وذاك يطشر قطف زجارته بويه إللي وراه هم بالشارع .... وذاك ياخذ شور بالشارع ..!!! وسلم لي عالأدب !! وتقوله يالحبيب عيب ما يصير !!!! قال لك : كيفي كويتي !!!

شهالديرة
اللي .. اللي فريقها يوصل كأس العالم سنة 1982 و يطلع الأخير بكأس الخليج سنة 2007 !!!! ويفوز بكأس آسيا سنة 1980 ... وما يقدر يوصل نفس الدورة سنة 2007 !!!!!!!

شهالديرة
اللي اللاعب فيها لما يسجل هدف ... ربعه اللاعبين يطبون على رئيس النادي و يبوسونه !!!!

شهالديرة ا
إللي ينطق فيها الضابط بلبسه ... و الطبيب بعيادته ... والمدرس بمدرسته .....!!!!

شهالديرة
اللي كل شي فيها بالواسطة ..... سرير بمستشفى بواسطة ... تعيين بوظيفة بواسطة .... موعد طبيب بواسطة . و الليسن بواسطة ... وأتدخل أعيالك مدرسة خاصة وتدفع فيها دم قلبك بواسطة .... تلعب بالمنتخب !!! هم بواسطة !!!!!!!

شهالديرة
اللي أهم اهتمامات الشباب فيها إن يظبط بنات .... حتى لو غصب ... يفتح باب سيارتها غصب .... يرقمها غصب ... يتل حجابها غصب ....... شنو حرب !!!

شهالديرة
اللي البنات المتحجبات يحطون قوطي نيدو تحت حجاباتهم ويقولون .... ستايل !!!!

شهالديرة
اللي الريال يطلع مع زوجته وكل الشباب يخزونها بلا حيا ولا مستحى ....!!! والريال فقير مو عارف شسوي !!!!

شهالديرة
اللي كل شبابها معضلين !!!!!!!!

شهالديرة
اللي فيها الخدامات عندهم موبايل .... !! والسايق موبايل ..... والصبي موبايل ....!!! والياهل إللي عمره 3 أيام .... موبايل !!!!

شهالديرة
اللي فيها البنغالية أكثر من عدد الشعب !!!!

شهالديرة
اللي لما تسب واحد مو كويتي تقوله : يالمصري!!! يالسوري !!!! ياالزلما !!!!وهم تقوله : شفت خشمك !! طاويهك ...... طاحاجبك ..... يالحافي يالمنتف .... يامعوعو ...!!!! شالحجي الماسخ !!!!

شهالديرة
اللي الشعب صار له 20 سنة يتحلطم على نوعية أعضاء مجلس الأمة !!!! طيب منو انتخبهم ؟؟؟؟؟ سكان الأسكيمو !!!!!!

شهالديرة
اللي فيها مذيع الراديو يظغطالمتصلين !!!! كله ظغاط ظغاط ظغاط !!! وبعدين .... لو تسأل المذيع وين آيسلندا قالت يم ..... تنزانيا !!!!!!

شهالديرة
اللي أشهر مذيع فيها من نوعية : مشعل شايع !!!ما يذكركم بلاري كنغ !!!!!

شهالديرة
اللي التعليم الحكومي فيها تحت الصفر !! ومدرسة الابتدائي تكتب للتلميذات على اللوحة : أنتي فتات ..... يعني : إنت فتاة !!!!!!!!!!

شهالديرة
اللي فيها الأوادم السنعة ضايعة .... وبشار الشطي يستقبله بالمطار 20 ألف آدمي !!!!!!!!!!

شهالديره
اللي ماتعرف بناتها من شبابها كلهم لابسين polo او نظارة ريبان شنو كلكم نفس الستايل !!!

شهالديره
اللي بس تطلع شغله الكل يبي يشتريها حتى لو يتسلف واللحين هابين بتلفون بلاك> بيري ويدلعونه يسمونه بيبي .. بالله شالمصاخه ! ايقولون تلفون قز حطه عالطاوله واهو يضبط صج مخوخهم كله بالبنات والمصخره ... جنه ماعندهم اهل مالت عليكم !!!!

شهالديرة
اللي جرايدها تكتب بالبنط العريض : أحمد داوود صورة مشرفة للشاب الكويتي !!!!! منو أحمد داوود ؟؟؟؟؟؟؟؟؟؟؟

شهالديرة
اللي الكتاب ينباع فيها بربع دينار ..... ومحد يشتري !!!!!!

شهالديرة
اللي كل ما تكلم واحد قال لك : يبيله !!!!! شنو يبيله ؟؟؟؟

شهالديرة
اللي كلها صراخ و نجره ولويه وسب و قذف وبوق و حرمنهورشاوي وشراء أصوات ....... وبعدين يقولون : ديمقراطية !!!!!!!

شهالديره
اللي الاهل قامو يحشون في بعض بالمدارس جدام الغرب ولا في مستحىولا في ادب

شهالديرة
اللي حطمت الأرقام القياسية بعدد المرضيات و التزرق من الدوام وبعدين يقولون : زيدوا معاشاتنا !!!!!


شهالديرة
اللي كل من يمر بشارع الحب يتلفت !!

شهالديرة
اللي .. بسنة وحده كل بناتها صارو مفصخات !! هذا الي يقول الي عمره ماتبخر تبخر وحترق) ويعيبون على الغرب !! الغرب صارو استر منكم !!

شهالديرة
اللي الكل فيها صارو منافقين يضحكون بالويه او يطعنون بالظهر !!

شهالديرة
اللي ريايلها قامو يحشون اكثر من حريمها !!

شهالديرة
اللي .. لمى يفوز واحد برنامج حفظ القرآن محد يستقبلة ولايدرون عنه . او لمى اييواحد من ستار اكاديمي ولا 30 الف بنطرونه بالمطار !!

شهالديرة
اللي .. شبابها بالصيف كلهم يبون يسوون برونز !!

شهالديرة
اللي .. شبابها وبناتها كلهم قزيزه اوكل اسبوع بمطعم وكله يشكون ماعندنا فلوس !!

شهالديرة
اللي .. لازم الكل يوم السبت يروح الافنيوز او يقعدون ابلورنزينو يعني قزيزه !!

شهالديرة
اللي .. فيها كل هالبلاوي أو أكثر ويقولون .... الله لا تغير علينا ..!!!!!

**
(( منقول )) موضوع وصلني على الإيميل،، قد تتفق و قد تعترض ،، هذا رأي ويجب علينا احترامه ... بصراحة أنا شخصيا أتفق ما ما قيل وأضيق
شهالديرة
اللي كلهم سياسيين ،، واقتصاديين ،، وأكادميين ،، مهندسيها وأطباؤها مشكوك بشهاداتهم
 

القني

عضو فعال
والله العيب مو فينا بالمسؤلين عنا الحكومه هي الدمار لنا الامير يعيين ولافي فايده

هذا افضل ماعندنا
 

الطير

عضو فعال
شهالديره اللي الموظفات فيها ينقعونك لين يخلصون الريوق

شهالديره اللي توظف من الاناث ضعف عدد الذكور

شهالديره اللي تمشي علاوة 50 دينار للعزوبيه والحريم وتخلي رب الاسره

المنتف

شهالديره اللي تنجح بانتخاباتها "اسوله وليكو" ويسقط محمد الخليفه

الخخخخخخخ
 

المفتش

عضو فعال
شكرا لكم جميعا ،، بس أتمنى ،، أن تكون الردود ايجابية ،، لكي تعم الفائدة ،،

بالنسبة لي أعتقد بأننا في الكويت نمر بمرحلة خطرة وحساسة (( ضياع لفئة الشباب / وكبرياء الكبار بالسن/ وجهل الحكومة بكيفية التعامل مع التطور الإجتماعي ))

كل هذا عكس ما هو موجود بموضوع (( شالهديرة ))
 

Lady Sara

عضو ذهبي
أقول شهالدّيرة اللي جناسيها مشكّلة ،،أولى وثانية وسابعة وثامنة ،،،ماكنتوش ؟؟


شهالدّيرة اللي مو عاجبكم فيها شي ،،،وساكتة لكم ،،،!
 

بن بطوطه

عضو ذهبي
شكرا لكم جميعا ،، بس أتمنى ،، أن تكون الردود ايجابية ،، لكي تعم الفائدة ،،

بالنسبة لي أعتقد بأننا في الكويت نمر بمرحلة خطرة وحساسة (( ضياع لفئة الشباب / وكبرياء الكبار بالسن/ وجهل الحكومة بكيفية التعامل مع التطور الإجتماعي ))

كل هذا عكس ما هو موجود بموضوع (( شالهديرة ))

والله يا المفتش كلامك للاسف حاصل وقاعد يزيد يوم عن يوم ...ولو انت يا المفتش مثل حالتي عشت بره الكويت اكثر من 10 سنين جان كتبت موضوعك من 10 صفحات

الناس بالشارع جنها بحرب على قولتك....والواسطه بكل مكان ....

الناس اتلوم المسؤولين ...شكو !!!

المسؤول قالك طوف الاشاره الحمراء واذبح خلق الله

المسؤول قالك العب بالمتوسطه وبعدين ييب شهاده من سيلان وتبجبج عند التعليم العالي علشان يقبلونها


عقليات متخلفه...من كل 10 كويتين 2 بس الاوادم (احصاءيه من عندي ...بس ابي كل واحد يعد الي يصادفهم ) ..والباجي من ربع طاويههك وباجي الحجي التافه والعقليات الصغيره

ديره محد يحترم القانون فيها ....حتى الشرطه الي المفروض يطبقونه اول من يكسرونه

ذكرني بس مو جنه في قانون ممنوع التدخين اثناء القياده!!! ...و ممنوع اتقط قرطاس بالشارع!!!....قانون حزام الامام !!!

ديره حتى الياهل فيها يهدد الطبيب او المدرس الاجنبي ..((اسفرك)) .....انت منو يا حقير الي تسفر واحدشهاداته واخلاقه تسوى اهلك وطوايفك !!!

انا ما اقولك شوف اوربا ولا امريكا ...اقولك شوف الامارات ...شوف البحرين ....شوف اشلون محترمين القانون واديرهم قاعد تتعدل يوم عن عن يوم

واييك كويتي دايخ ويقولك الله يرحم ..واحنا الي علمناهم ...واحنا الي ثقفناهم.... واحنا الي خرمنا التعريفه

انا واحد من الناس غسلت ايدي من هالديره وهالشعب الدايخ ...اي دايخ

والله ثم والله لو مو الاهل جان من زمان مهاجر ديره ثانيه
 

كويتاوي

عضو بلاتيني
شهالدّيرة
اللي يتجنس في كومار الهندي و متولي الصعيدي وغسان السوري وقوقه الفلسطيني وايراج الايراني ...

ويستريح فيها البدون الشمري / العنزي / الفضلي / الخالدي / .......
 

المعلم

عضو فعال
ليش التشائم هذا .

برغم مشاكلنا ، نبقى أحسن بكثير من غيرنا ، على الأقل لدينا( غير الثروة) حرية الكلام .


تفاؤلوا ، رحمك الله يا دكتور أحمد الربعي عندما كان يقول الكويت جميلة .



%d8%a7%d8%ad%d9%85%d8%af%20%d8%a7%d9%84%d8%b1%d8%a8%d8%b9%d9%8a.jpg
 
كلام فيه مبالغه وان كان فيه صحه

المسؤول : بلا شك الحكومه والافراد انفسهم

الحل : تطبيق القانون على الجميع بمسطره واحده

وانا متأكد ان الانسان ابن بيئته وكل واحد يذكر الاشياء اللي شافها وانا عن نفسي شفت الزين وشفت الشين لكن للأمانه عندنا من الايجابيات الشيئ الكثير بس نبي احد فيه بركه يسلط الاضواء عليها
مقارنه بسيطه مع اي بلاد اخرى تثبتلك هالامر

انا ما اقول ما فيه سلبيات ، الا فيه سلبيات نستنكرها ونبي نعالجها

لكن لا تخلونا بالحضيض وحنا الحمد لله أفضل من غيرنا بادوار كثيره
 

Lady Sara

عضو ذهبي
شهالدّيرة اللي على كبر مساحتها وقلة عدد سكانها تزيد حالات انفلونزا الخنازير اليوم إلى 25 حالة ،،،

<<<< بناءا على آخر الأخبار : اكتشاف لطفلة قادمة من تايلند مصابة بانفلونزا الخنازير ،،،قناة الراي

الله يستر
 

شعبي

عضو بلاتيني
شهالديره اللي صارت مستشفياتها للمقيمين والكويتي يصف دور وينطر وآخرتها تلوع جبده ويرد البيت وماسوى شي
شهالديره اللي صارت مشاريعها ماتصير إلا إذا في مستنفع وإذا ماكو يتأخر المشروع لين مايحصلون على مستنفع
شهالديره اللي صار فيها الحرامي يحاكم الشريف بالجرايد والأعلام وإذا تكلمت قالو حرية رأي
شهالديره اللي كل فاشل فيها يبي يصير شرطي فيها عشان يركب البي ام ويقز فيها
شهالديره اللي 90% من مخافرها عماير وبيوت أجار تقول الحكومه مقيمه بدولتها
شهالديره اللي نفطها يوفر الكهرباء للصين وكل صيف يطفون على الكويتيين الكهربا وآخر الشهر يقولون له ادفع الفاتوره
شهالديره اللي تحولو أهلها للطائفيه والقبليه والعنصريه والطبقيه والأزدواجيه والبرجوازيه والتجاريه وحتى للعقيديه
شهالديره اللي تروح للمستشفى والسبب عوار بقلبك وبعد ماتصف دور يقولك الدكتور مافيك الا العافيه لأنه ماعرف المرض او ماله خلق يفحص وآخرتها باندول .
شهالديره اللي إذا قلت الوزير الفلاني مايصلح للمنصب الفلاني دزو عليك 20 دوريه واسحبوك امن دوله ...
شهالديره اللي صار فيها العلم تجاره ومكسب وسلعه ومزاد وسوق جمعه
شهالديره اللي فيها الهندي يتوسط حق كويتي والسبب الرشوه

صدقت يامسلم البراك ( ديرة بطيخ )
 
الحالة
مغلق و غير مفتوح للمزيد من الردود.
أعلى