خبط عشواء... أدبي

[القرار الجرىء]

شفت السواد ينادي بعينك الليل​

هي من سواد الليل والليل منها​

بين الرموش وبين عينك تعاليل​

بياضها يضفي عليها ...كفنها​

الشمس من جيدك قليلة محاصيل​

ماهيب ممنته وهو ما ومنها​

والروض من خدك شكا الظلم والويل​

مقهور من ورد(ن) خدودك زبنها​

تشكي فساتينك من العدل والميل​

ارحم ثياب(ن) تشتكي من بدنها​

ابعد على غيري من الجدي وسهيل​

بس الظروف بشوفتك من ضمنها​

يالله عسى تالي حياتي تساهيل​

وتشوف عين السامر اللي فتنها​

والله ما ارضى بك مدى العمر تبديل​

وغيرك ليا لاحت لي اصد عنها​

عبد العزيز بن سعود ( السامر)​

 

[غير البشر]

هو ؟؟

هو كالبحر في عمقه ورحابته ، وكالشجر الفارع في شموخه وكرمه
،شاعرنا اليوم له العديد من القصائد المغناة شدا بها كبار المطربين الخليجيين والعرب، محمد عبده, عبد الكريم عبد القادر
عبد المجيد عبد الله, ميحد حمد
راشد الماجد, خالد عبد الرحمن
حسين الجسمي, والوسمي وله العديد من الدواوين المنشورة . إنه معالي الوزير الشاعر على بن سالم الكعبي اتركم مع ماخترته من قصائده:وردة::وردة::وردة:​

ان عشت يا راسي كسيتك عمامه.......وان مت يا راسي بكتك العمايم
كم ليث مات وهيبته في عظامه.................تجفل ولا توطا ثراه البهايم​

وان عشت لي هامه وللناس هامه......ما غاب راسي يوم جاب الغنايم
ما غط جفني واهتنا في منامه.............يلهب حشاي وبارد القلب نايم​

منهو سحب من بطن امه اكمامه...........اكبر وتكبر بك صفات العظايم
ماغير عيسى اللي اشتهر قبل عامه.......وما مثل مريم ينجبن المرايم​

اليوم كل في ذراعه حسامه....................وبتاليات النصر تاتي الهزايم
لي ماحسب لخطاه عقب السلامه.........ماله على روز المعالي قوايم​

والصمت بعضه مول ماهو علامه.....عن الرضا بعضه كما سكات صايم
لي كبر المغرب تقوم القيامه.................وتفتك صقور الطايله بالحمايم​

لا طال عمر ما تكون اعوامه................بين الصروف المتعبات الجسايم
كل يشد لما نوى له حزامه.........................وانا بشد لما نويت العزايم​

ان عشت ينقال الفتى من عمامه...........وان مت تبكيني كبار العمايم​

............................................​

راشد الماجد أغنية
اخيراً جيت وش حالك حبيبي
وش خبارك وقلبك وش علومه
بعدني فيه ياأنسي وطيبي
غرامه فرحته ومصدر همومه
أحبك يا عسى تبقى نصيبي
وبادلك الغلا والله يدومه
ربيع العمر يالزين العجيبي
ترى روحي بلياك محرومه
اذا شفتك أنا وقتي يطيبي
بصبحه والمسا ولحظات يومه
بلفتاتك ونظراتك غريبي
وقلبي لي خفق محدٍ يلومه
أنا طليبك وأنت في الدنيا طليبي
وذوقي صعب ماغيرك يرومه
اخيراً جيت وشحالك حبيبي
وش خبارك وقلبيك وش علومه
....................
ما بقالي قلب يتحمل جفاك
كل ما أبعدت يتوله عليك
أعطني وصلك مثل ما لله عطاك
من جميع الخلق وحدك مشتريك
يا شبيهٍ للثريا في علاك
طال صبري يرحم الله والديك
فاق كل أريام جيلك مستواك
وأخجلت كل الشفا من شفتيك
..................​

 

[القرار الجرىء]

تقول تنساني على البعد واقول


ماهيب لي ياصافي الود عاده


حاشى لهيب الوجد يبرد على طول


مثل الجمر وقاد حدر الرماده


لو غبت عن عيني بك القلب مشغول


ياواحد(ن) قلبي له الحب قاده


لك منزل(ن) بالقلب ماهوب منقول


لا والذي زينك على الناس زاده


نهار قلبي عقب فرقاك مشغول


وحشوى الوساده بالليالي كداده


ارسل مع النجمات بالشوق مرسول


حتى غدت نجمات شوقي قلاده


عود يعود المر لا جيت معسول


والقلب يلقى ياحبيبي مراده


خالد الفيصل​

 

[كويتيه من مطير]

على شان الخفوق اللي على عرشه قعدت وقمت ...
حجب عنك الدجى ليـن اشرقت لك بيـض الايـامي ...


ختـام السالفه يـاطيـب العشـره كـرمـت ودمــت ...
هذا حقك علي وحق شرهاتـي علـى اوهامـي ...


مصير الوقت يشرح لك دروسه وان غفلت ونمت ...
يـصحيـك الزمـان اللي يصـحي كـل مـن نــامـي ...


تـذكرني لامنها خابـت اوهامـك فـي مـن وهمـت ...
وشفت الفرق في حب الخشوم وحـب الاقدامـي ...

​

 

[غير البشر]

قالوا علامك
قالوا علامك باكي قلت مطعون
شوفو نزيف الدم مني تتالا
قالوا من اللي صوبك قالت عافون
قالوعدؤك قالت ياناس لالا
هذا الحبيب الي له القلب مرهون
هذا حيات لبروح بدر الكمالا
يا عاذلين القلب لالاتعذلون
وحيات رب فوق عرشه تعالا
اني فلا انسى واحدفيه مفتون
بيني وبينه نازح البعد حالا
فتان صاب الفاب كون بثر كون
مملوح اخذ كل البها والجمالا
كنه الى حرك قوامه على الهون
غصن الى هب الهوا فيه مالا
قلبي لقلبه لو تنحيت مرهون
غيره حرام ونور عيني حلالا


محمد السديري ​

 

[غير البشر]

جعل وبل الغيث يسقي ديار المفرعين = منزل اللي كن حديثه حليب (معدّيه)
ضيقتي في خاطري دايمٍ ماهوب زين = قومي اللي سم حالي وبيّح سدّيه
أن سجنته قام يتبع دروب الدالهين = وأن نشدته قال أنا علتي متعدّيه
أن بغى خلّي جنابي فلا غيره ضنين = وأن بغى يقفي فيقفي مراح مودّيه



:وردة::وردة::وردة::وردة:

وجودي على بيت الشعر عقب بيت الطين = وجودي على شوف المغاتير منثرّه
وجودي على خوّة هل الموتر المقفين = وجودي على شوف السهل من ورى الحرّه
اليا حلوّا العربان وصاروا على بيتين = ومن كان له خلٍ معَ ذاك ما غرّه

:وردة::وردة::وردة::وردة:


حن قلبي حن ماكٍ على سمر العجل = عشّق السواق والدرب ممسوكٍ وراه
أن عطا مع طلعةٍ عشقوّا له بالدبل = وأن تسّهل ريّحه لين ياصل منتهاه
مابشفي لا دريول ولا ريس عمل = شفي اللي كل ما شاف براقٍ رعاه
قاطنينٍ فوق عدٍ على جاله عبل = طيبٍ للبل وراعيه ما يقطع ضماه
ونتي ونة خلوجٍ ولدها ما جدل = تشرف المرقاب للذود وتعوّد وراه


:وردة::وردة::وردة::وردة:

- ونـتي ونة قطيعٍ على جال iiالقليب
دوّجت ثم برّكت في مراغة iiعدّها
المحبه لا سطت ما يعالجها الطبيب
روحتك يا صاحبي ليت ربي iiلدّها
عادة الدنيا تفرّق حبيبٍ عن حبيب
وقطعش* يا رفقةٍ والمفارق iiضدّها



الشاعرة بخوت المرية
​

 

[عزيز نفس]

انـكــان حـظــك مـافـرشـلـك وغــطــاك
لاترتـجـي مــن حــظ غـيــرك يغطيك
وان عـانــدك سـلــم امـــورك لـمــولاك
واصبـر علـى الشـدات وارفـع هقـاويـك
ايــاك لاتشـكـي عـلــى الـنــاس دنـيــاك
يـفـرح عــدوك يــوم يـــدري ابـلاويــك
وليـاكـبـرت وصـــار ابـنــك وجــافــاك
يمـكـن تجيـلـك فزعـةٍمـن بـنــي اخـيــك
مـــادام رزقـــك كـاتـبـه يــــوم ســــواك
خلـك صبـور وقـاسـم الــرزق يعطـيـك
لاتـزهــد الـدنـيـا اذا الــــرزق مــاجــاك
وان جــاك رزقــك لايـغـرك ويطغـيـك
وصون الصحيب اللي على الروح بداك
والله يـــالـــولا طـيــبــتــك مـايــبــديــك
احـفــظ وداده واجـعـلـه مــــن عـنـايــاك
لـيــاراح مـنـهـو فـــي غـيـابـه يـسـلـيـك
احــذر حـسـودك دونـمـا ذنــب عـــاداك
لوتطعـمـه شـهـد النـحـل كـــود يشـنـيـك
ياسـاعـيـابـالـشـرلاطـالـت خــــطـــــاك
ارفــع يديـنـي لـوالــي الـعــرش يفـنـيـك
كثـر العيـال وطايـل الــرزق مااغـنـا ك
مايـمـلـي عـيـنـك كـــود قــبــرٍ يــآويــك
احفـظ حقـوق اللـي علـى الطيـب ربــاك
ابــوك هــذا ويسـعـده ان يفـتـخـر فـيــك
ان جـاك عـارض يسهـر الليـل يرعـاك
تــذرف عـيـونـه لـيــن ربـــك يشـافـيـك
وشـمـا عـطـت يمـنـاك تـاخـذ بيـسـراك
الـطـيـب ديـــن ولابـــد ابــنــك يـوفـيــك
واسمـع رسـول الله بالضـيـف وصــاك
احـفـظ وصيـتـه واسـمـع لـمـا يوصـيـك
اخــــوك يــــوم انــــك نـخـيـتـه تـلـقــاك
بالطـيـب والاحـسـان جــاوب نـخـاويـك
ذخــــرك اذا مــاشــان وقــتــك ووازاك
ان عـافـتــك كـــــل الــمـــلا مـايـخـلـيـك
واحفـظ حقـوق الجـار لــو جــار ويــاك
اغمـره بطيـب وشــوف ماينبـهـر فـيـك
واحـذر ابليـس اللـي علـى الـدوم يـبـراك
لــولا الـصـلاة وكـثـرة الـذكـر يـغـويـك
طـيـع الـمـود الـلـي عــن الـشـر يـنـهـاك
هـــذاك لـوشــاف الـخـطـا مـايـجـاريـك
وارجــع اقــول انـكـان حـظـك تنـاسـاك
لاترتـجـي مــن الـنــاس حـــظٍ يغـطـيـك

​

 

[القرار الجرىء]

ردي علي الصوت ردي حياتي.........صمتك على شكوى حنيني مذله


اما اقطعي بالوصل حبل النجاتي.........وإلا عطيني باقي الود ...كله


لا توعديني عذب الصبر ذاتي.........والبعد حالي من عنا الوجد سله


اشكي الجفا لك ماشفيتي شكاتي.........الوعد الأول للقا فات حله


يرضيك يصبح شملنا للشتاتي.........يرضيك نرضي كل نفس(ن) مغله


يرضيك لا فرحوا بهمي عداتي.........واقفوا يقولون الغضي عاف خله


ردي علي الصوت يكفي السكاتي.........قولي لغيرك ماهفا القلب لله

بدر بن عبد المحسن​

 

[تفائلوا]

غـــــزل
من الـــشــاعــر حــمـد الـســعـيـد

فعلا قصيده جميله وتستحق المتابعه


والله إني كنت ألوم اللي يضيـق إن غـاب خلّـه
ليـن جرّبـت المحبـه والفـراق وقلـت توبـه

لعنبو . جـد المفـارق فيـه هـم . وفيـه ذلّـه
أثر كـل الحـب لـذه والفـراق أكبـر عيوبـه

أمس . فارقـت الغـلا ومفـارق الخـلان علّـه
والعـلاج الوصـل لاتبلـش طبيـب ولا حبوبـه

الزعـل هـو سبّـة الفرقـا يهّـز الحـب كلّـه
ليتنـي طولّـت بالـي قبـل لا يعلـن غـروبـه

واهني اللي وسيع الصـدر صـدره وسـع فلّـه
غلطة الصاحب تجي وتـروح ماهـي بمحسوبـه

عارفٍ قـدره وقـدر اللـي يحبـه فـي محلّـه
ذاك نفسه لا حشا ماهي علـي الحـب مغصوبـه

سامـح الله طبعـي الـلـي للتغـيّـر يالعـلّـه
قاضبٍ خلك عزيز . ولين صارت لـي عقوبـه

ليش تحسب غلطة الصاحب علي الصاحب مذلّه ؟
ليش ماتحسـب ميانـه لوتجـي عشريـن نوبـه

لا وربـي كنـت أحبـه حيـل مـادوّرت زلّـه
لا تشكك في غـلاه . ولا تساعـد فـي هروبـه

لايمـي . قبلـك تعبـت ألـوم شعـار المجـلّـه
وكنت مؤمن في مقولة أعـذب الشعـر الكذوبـه

وأثـر كّـلٍ فـي حياتـه لـه تجـارب مستقلّـه
وأنت لا تشره علي . مثلي . وتبلا لـك بحوبـه

كـان جابتـك الحميّـه روح لـه تكفـا وقـلّـه
لا يخلينـي وإذا ودّه يخـفـف مــن ذنـوبـه

يستخيـر ولـه غـلا قلـبٍ صـدوقٍ مـا يملّـه
فدوةٍ له كـل قلبـي مـن شمالـه لـي جنوبـه

يـوم قفّـا والخفـوق يفـوح عقبـه فـوح دلّـه
وسط وقدة واحـدٍ عـزّ الشتـا والسهـر دوبـه

لاتقهـوى . بـارده مـن بـرد فنجالـه وزلّـه
ثم قرّبها علـي جـال الجمـر وأرهـى شبوبـه

ويـن يدلـه هالخفـوق وكـل مايـدلـه يتـلّـه
طاري اللي ياكثر ما أتعبت رجلـي فـي دروبـه

لاطـرى . جريـت ونّـة مـن بـلاده مستحلّـه
مثل ماراحـت بـلادي مـع شعـارات العروبـه

كل هاجوسٍ يجيبـه جعـل شعـري فـدوةٍ لّـه
وأعذابي . كل مـا جابـت لـي الجبلـه هبوبـه

مشغـلٍ قلبـي بحبـه دون خلـق الله . مـن الله
هيه . ياللي ممتلكني حسـن وأسلـوب وعذوبـه

ماسمعت إن الخوي لـه بالخـوي تسعيـن زلّـه
وأنـت طـوّف زلتـي ياعـل تفـداك اللعوبـه

صاحبي سيف الهجر . لاصـرت تقـدر لاتسلّـه
ماتظن العفو عنـد المقـدره أفضـل عقوبـه ؟؟

أيه أنا اللي كنت ألوم اللي يضيق إن غـاب خلّـه
لين . جرّبت المحبـه والفـراق وقلـت توبـه ​

 

[غير البشر]

آسكت و خل السوالـف للغـلا و الحنـان آشتاق .. لا والله إلا آمـوت لامـن طـرت​

من قال وشلون حالك ؟! قلت طيـب و زان و آنا جروحي تزيد مـع الزمـن مابـرت !​

تخيل آنـك كبيـر و لـك معـزه و شـان إيدك على مـدة الخيـرات مبطـي ضـرت​

لكن عرفت الليال السـود ، و الفقـر بـان جرت لـك ايـام مامـرت عليـك وجـرت​

مكانك إللي قبـل ملفـى الرجاجيـل كـان يمـر دربـه إدبـاك آقدامـهـا مــادرت​

خلوك ضايق من الدنيـا بنفـس المكـان !! قدام عينـك تشاهـد / و الركايـب سـرت​

بالضبط هذا شعوري يوم قفت عشـان ..... تحضر زفافه عليهـا ! وليتهـا ماحضـرت​

آسف إذا قلت شي و حسسـك بالهـوان ؟! كاسرني الحب مدري هـي فيـه كسـرت ؟​

آبكي عليهـا و آنـا مانـي ردي و جبـان آنا آذكـر آيامهـا مهمـا نسـت ماذكـرت​

متعـود آسهـر معـااااهـا مــن 3 ل 8 و تضيق و تزعل علي آن نمت ليل سهرت​

و اللحين مدري من إللي فيه لياليه خـااااان آخير ماذكر كـلام القلـب وقـت هجـرت​

مع السلامه ،، ب حفظ الله ياعمري ( فمان ) ( الله ) لو آن المصايب من بعدهـا كثـرت​

إن جاك منهو يقول الوقـت مالـه آمـان .. قول البشر للآسف باعت قلـوب و شـرت !​

النـاس متغيـره ؟ ولا الزمـان الزمـان ! وجه الزمن ماغدرك .. الناس فيك غدرت !!!​

شفني قبل كنت قاسي طبع / واللحيـن لان سوالفـي عنّهـا صبرتهـا ،، ماصبـرت !​

نشرت قلبي قصايـد مـن مكـان ل مكـان يمكن تحس ب خطاها ؟ بالقصيد إن قـرت​

ثــامــر شـبـيــب الـدقـبـاسـي​

 

[غير البشر]

ماعلي خلاف اقول اللـي ابيـه من فضل ربي علي انـي قـوي

الا حبك شي مـا اقـدر عليـه كن حبك ضيف والقلـب بـدوي

انت بس اللـي ابيـه ولا اجيـه عنك حظي لاوي ذراعي لـوي

صرت لي مشوار لاجيت ابتديه ان لقيت الدرب ضيعت الخـوي

رد يامنهـو حياتـي فـي يديـه لا تخلينـي وانـا لـك مهتـوي

ان خسرتك وين ابلقا لك شبيـه وانت من كل شي نادر تحتوي .؟

وين رايح جعل هالزول افتديـه وانت خابرني من البعد انكـوي

انت حتى الجرح منـك اشتهيـه من غلاك اضمى عذابك وارتوي

انت لا سولفـت ماكنـي هنيـه التزمت الصمت كنـي منطـوي

ليه اسولف لك وهي من غير ليه تعرف انك تطوي احزاني طوي

انت حبك شي مـا اقـدر عليـه كن حبك ضيف والقلـب بـدوي

​

ثــامـــر شــبــيــب


​

 

[غير البشر]

قالوا حبيبك يسمع الشعر قلت أيه
.......................يـقـراه بعـيـونـي قـبــل تسمـعـونـه

لولاه حتـى طـاري الشعـر مـا ابيـه
.......................مير أكتبـه مـن شـان خاطـر عيونـه

هـو روح شعـري وأمنياتـه وماضيـه
.......................جذع الشجر وش كان لـولا غصونـه

اكتـب لغيـره والقصايـد تجـي فـيـه
.......................كــن القصـايـد حالـفـه مـــا تـخـونـه

هـذاك لا منـه زعـل قـمـت أهـاديـه
.......................حتـى وهـو مخطـي تـعـذرت دونــه

يمكن لـو أنـه يلمـس الجـرح بيديـه
.......................يستغرب ان اللـي لمسهـا طعونـه

ابطـى وهـو غـايـب وزلــت حـراويـه
.......................وأنــا مــن الـعــام آتـحــرى مـزونــه

هو مادرى اني فـي غيابـه محاتيـه
.......................ليته نشد عـن حالـي اللـي يجونـه

واقلبـي اللـي تــوه أفـلـت عـراويـه
.......................كيف انسرق وضلوع قلبي حصونـه

عـجـزت أرده كــان مـانــي بـراعـيـه
.......................يوم انتثـر شوقـه وهاضـت شجونـه

يبسـن عروقـي لكـن اللـي يعـزيـه
.......................ان اكـثــر الـعـالــم تــــردد لـحـونــه

خـافـو مــن الله لا تجيـبـون طـاريــه
.......................لا صــرت أنــا مـوجــود لا تـذكـرونـه

لــو كــل غـالـي جـابـه الله لغالـيـه
.......................ما شفت لك مخلوق تبكـي عيونـه



متعب التركي ​

 

[غير البشر]

والله ما اغتبتك ولا جبت طاريك
معقووووووووول أهين اسمك عقب دمع فرقاك
ღ
والله ما تسوى علي يوم اخليك
عرضه لمنهو في غيابك تمثناك
ღ
انا على خبرك على حطت يديك
يوم انت مقفي والزمن راح يقفاك
ღ
اتشوف دمعي في وداعك وانا ابيك
وتقول لي ما ابغاك روح وانا ابغاك
ღ
عذرك بتلحق مابقا من لياليك
وتدري انا ماني مع الناس لولاك
ღ
اينووح قلبي لا ذكر همس اشافيك
حتى تبين بمدمعي صورة شفاك
ღ
يومك تقول الله معك روح مابيك
اذكر صفير اذني وانا اقول وش جاك
ღ
مقفي تجاوبني بتلويحة ايديك
يا قو قلبك ليتنا ما عرفناك
ღ
هالحين يا جرح الحشا وين اوديك
كنت احسبك زاير واثاريك شكاك
ღ
ليتك على ما قيل شيٍ واخفيك
والله لاحذفك بالدجى لاجل ما القاك
ღ
بالله قلي بعدها ويش اسميك
دام انت مزعج هالشكل كيف ابنساك
ღ
والله ما اغتبتك ولا جبت طاريك
وشلوووووووووووووووون اهين اسمك عقب دمع فرقاك

مشعل بن جريد
​

 

[القرار الجرىء]

هذه مقتطفات من قصيده لـــ / ضيدان بن قضعان


ياصاحبي يا حظي المكتوب يأغلى الأمنيات


يا أجمل الصدفات لو ما جات يالسهل العسير


من صيف عاما ما خذاني عنك بعد ولا سبات


وانت اتجاهلني وانا وضعي من اسبابك خطير


والحقك ذنب(ن) مايكفره التجاهل والسكات


واجه فديت واحسم الموقف يصير اللي يصير


ولاتعلقني على امل نجوم(ن) ....ساريات


وابقى على قول البدو لولا الأمل مات الفقير


ياصاحبي يأغلى السنين المقبله والماضيات


يا أعز واغلى من على الدنيا برجلينه يسير


لا تحسبيني جاهل(ن) بعض الأمور الخافيات


اللي تحدك وانت مالك عن مخاليبي مطير


ادري واقدر واتحمل واتحاشا الأنفلات


ولا تراني في بعض الأحيان ما طيع الشوير


والصبر مفتاح الفرج والقل جراح اللهات


واسهيل يبدي فالسما ويهيج فالقاع البعير


وانا من اللي مجدهم على ظهور المسرجات


قوم(ن) مهيب تشد لا جاها من القوم النذير


وش عادني حي(ن) علشانه وشلي فالحياة


ان كاني لا اسرجتها ما افرق الجمع الغفير


لعيون من حبه رسى مثل الجبال الراسيات


اليا اصطفق ماكنه الا الموج في البحر الغزير​

 

[الجيكر]

من خلال اختياراتك المتميزه للقصايد يالقرار يالجرئ
باااين انك رومنسي درجه اولى
لي عوده بقصيده على ذوقك

:وردة:​

 

[القرار الجرىء]

من خلال اختياراتك المتميزه للقصايد يالقرار يالجرئ ​

باااين انك رومنسي درجه اولى
لي عوده بقصيده على ذوقك​

:وردة:​

زميلي الكريم الجيكر ​

حياك الله في متنفسي الشعري​

وانا سعيد بمرورك الكريم ​

خلك هنا لا تباعد واتحفنا بكل ماهو مميز ​

وانا واثق من ذلك لأنك مميز في مشاركاتك

وان كنت انا رومنسي يااخي من بعض ماعندكم​

دمت بود:وردة::وردة::وردة::وردة:​

 

[القرار الجرىء]

الـذاهـــــــبه

الله اللي راد والعقده قضاها اللي عقدها

لا على الدنيا السلام ولا لباقي العمر زينه

الفضا ما كنه الى خيمة طاحت عمدها

والفرح ما كنه الى شيخ انقصت يدينه

والعمر قطعة زجاج انكسرت ولا طال امدها

والعرب في العيد بدموع اليتاما مستهينه

والشوارع لفها ثوب الظلام اللي هجدها

والبيوت اطلال من عقب المحبه والسكينه

والشتا والليل والبرد والسما يصرخ رعدها

والعيون اللي ورا الشباك مذعوره حزينه

طولوا في الكهف ألأصحاب وبقت روحي وحدها

كنها في كوكب ثاني خلا من سا كنينه

الوداع اللي بعلم لعيني اعبر من رمدها

والوداع اللي بلا علم لقفص صدري غبينه

والوداع اللي بلا رجعه على ياأ مر وأدهى

والله انه غرغرة سم وسكاكين سنينه

والعنود اللي جفيت الناس والدنيا بعدها

مدة الفرقا لغاليها وهي تعطي الثمينه

وينها كيف اتركتني ليه ماجت في وعدها

والقمر لا طل خابرها تجي بيني وبينه

رحت انادي واتلمس في مهب الريح يدها

كني احصان بلا صاحب طوى البيدا حنينه

رحت أصيح الصبح وينه والعرب ما رد احدها

ما سمعت ألى صدى صوتي يقول الصبح وينه

كنهم من يوم ذيك الشمس غابت عن بلدها

طلعوني في النفود وصكوا ابواب المدينه

كنهم من يوم ذيك الذاهبه محد وجدها

كل رجال من الشرهه قلع الدرب عينه

أثرها ما تت وماتت كل فرحه في مهدها

والربيع اقفت به اللي كانت التاج لجبينه

جاورت عقب الحدايق حفرة مقسا لحدها

حفرة ماني مصدق كيف ضمت يا سمينه

للحزن فيني مثل ما لطهاره في جسدها

ويش اسوي لا فتشت اللي لها وسط الخزينه

زخرفت حلم وبنت له مسكن وسمت ولدها

آآه لو غرد ولدها في خميلة والدينه

عاهدتني وظفرت بيمين أقوى من عهدها

والصبي لا خير فيه كان ما نفذ يمينه

ما تتقى عن رثاها عرق أقتض بشهدها

ولا تبقى خلف قضبان الجفن عذراء سجينه

كيف عند العالم ايام العزاء محصى عددها

ولا انا طالت شهوره والله اعلم كم سنينه

لا الثرى فيها نبات ولا المشي خفف نكدها

لا السما فيها طيور ولا البحر يمه سفينه

لا القمر هذا مساه ولا العصي هذا رغدها

لا الزهر هذا شذاه ولا الذهب هذا رنينه

قا لوا الشيخ الفلاني مرجع القوم وسندها

قال يبشر با العوض والعلم جينا نا قلينه

ساق لك بدر البدور اللي نشدها من نشدها

جادل هزة عروش وخيبة روس ذهيله

قسمها في رسمها في جسمها الافي رشدها

واسمها ان جا للغضب قومه على الا لسن رطينه

أترك اناي وعطية شيخنا غنا لسعدها

وانبسط يا عم ونسى اللي ورى التربه دفينه

قلت ولصدري تناهيد تروع من شهدها

آآه وا ويلاه من يجذب على قلبي ضنينه

خلوا اغلى ذاهبه ترعى ربيع اللي فقدها

والعطا راعيه محدن صوبه الله لا يهينه ​

ناصر القحطاني


​

 

[القرار الجرىء]

علم الدكتور باللي كـان جـاري​

علمه بالضبط ويش اللـي جـرا

قله ان المرشدي صار انتحـاري

في هوى اللي صاب قلبه مـادرا

ياقصيدي علمه وش كان طـاري

خـل قيفانـه توضـح مـاطـرا

قله ان الذيب في مسراه سـاري

بس ليتـه فـي مكانـه ماسـرا

خابر الدكتور بالحب استشـاري

له بشرع الحـب هيئـه وخبـرا

اشتكي من جور خـلٍ مايـداري

فـي عذابـي زاد حـده وافتـرا

حبه بقلبي مبنّـي لـه حـواري

خصها لاصغـر جروحـه تجّـرا

حط له باقصى معاليقـي كبـاري

فوقهـا لوحـات باسمـه تنقـرا

شب في جوفي مثل بركان نـاري

كن قلبـي فـوق نـاره يصهـرا

طايعٍ لي بالهوى دون اختيـاري

في هواء غيري يبيـع ولا شـرا

بس في وصله يتعب كل ضـاري

والجفـا بالحـب فعـلٍ منـكـرا

دوك وصفه كان منت بعنه داري

دام عرفك نرتجـي منـه ثمـرا

ماطلع مثلـه بلبـاس الخـزاري

ماله مع البيض بالزيـن خشـرا

كن خصره من قليل الحال عاري

فوق ردفٍ ماشكـى فقـر وعـرا

له عيونٍ في حورها الموت جاري

مثل حد السيف فـي يـد عنتـرا

نور خده برق مزنٍ فـي غـداري

والشفايـف لـون جمـر جمـرا

كاملٍ بالزين في حسنـه يمـاري

بالخلايـق مثـل حسنـه ماتـرا

زينه اصلي مايقلد بـه تجـاري

ماعترف بوجود كحـل ومسكـرا

نابي الردفين والبطـن متـواري

مدمج الساقيـن مشيـه بختـرا

كن في صدره مثل بيض القماري

يجرحه لبس الحرير مـن الطـرا

الخجل طبعه بهرجـه مايجـاري

لون خده لاهـرج صـار احمـرا

حروته في نجد يذكر بالطـواري

ساكنٍ بالعاصمـه ولـه قصـرا

جاتك الابيات من نظم ابتكـاري

هـات ماعنـدك وربـي يستـرا

عبدالله المرشدي
​

 

[القرار الجرىء]

اخـر حركـات التغنـج و الهنــــــا ​

اللي اسمها مهـا و بالدلـع مهـــاو ​

فرفورةٍ تسّلـف الشمـس السنـا ​

مغويةٍ و يطرد سـراها كـــل غـاو ​

إن وقفت كل شـي متباعـد دنـــا ​

وإذا مشت كل شي متلخبط تسـاو ​

و اليا مشت قـال النمـل الله لنـــا ​

تقاو يا صبـري على جوعي تقـاو ​

ذروة ترف ذروة غنج ذروة هنــا ​

جمال ما يستــوعب و مـا ينتقـاو ​

مخلوق لا من انثنى يعنـي انثنـى​

كل الزوايـا تستــــقيـم اليـا تـــزاو ​

في جنبها ساره و عبيـر و منـى ​

شباب و عند البل و كشختهم فراو ​

يا بوي شي لا يوصف ولا ينجنـا ​

يسبب إلك جــــروح لا يمكـن تـداو ​

مثال: إذا جاعت و طال بها العنـا ​

كل الحلاو اللي على هالأرض جاو ​

هي جايعه ؟! يا رب تاكلنـي انــــا ​

هذه سواليف الحــــلاو مـع الحـلاو ​

و إذا خذت اطرف حلاوه من هنا ​

كل الـحلا و يشوفهـا و يقــــول واو ​

سعد علوش​

 

[غير البشر]

يـا مرحبا ترحيبـة البـدو بالبـرق
اللي لهم عاميـن مـا رحبـوا بـه


رحب به اوسطهم ومن فرحته غـرق
جفنه بدمـع بلـل أطـراف ثوبـه


البرق شرق وهو له صويحب شرق
وبرق بـصـدره بـارق مادروبـه


ياللي سرقت النوم والعافيـة سـرق
يازاد قلب اللـي هـواك وحروبـه


تغيب ماهمك وأنا ألاحـي الـورق
ولا تخـاف مـن الجفـا والعقوبـه


الوصل مرهم كبد وإلا الجفا حـرق
والصبر ينفض في غيابـك جيوبـه


كسرت كل أبواب وصلك من الطرق
وغيرك طرق قلبي ولانيب صوبـه


واللي يريد الوصل يامكثر الطـرق
لو وقفوا كل العـرب فـي دروبـه
​

محمد بن فطيس المري


​