خبط عشواء... أدبي

غير البشر

عضو مخضرم

تدري علامي دايم اسمــك أناديـــه
عشانك اللي يثلج الصـــدر طرياه


وتدري علام القلب ينشــد غناويه
ومتلحــــــفٍ بالحب أقصاه وأدناه


لأنك ربيب الحسن مع كــل ما فيه
وكل الكمال أصبحـــت طلة محياه


وتدري علامي ضايعٍ ضيـعة التيه
لأنك بعـــيد الدار والهــــــم شفناه


والبعد نارٍ وســـط قلبي وتكـــويه
وأدواء غلاك وصـــــــدتك ما لقيناه


ماعندي إلا ادهده القلب وأعطــيه
جرعــات صبرٍ بس صبري فقدناه


وتدري بدا فكري يضيع خطــاويه
لادق ناقـــوس الخــــطر ما قويناه


تثور في صـــدري براكين تشويه
كأن الصــدر قــلاية القلب تقـــــلاه


وتصير ناره تشتـــعل منه أو فيه
ولالي جــــدا ياكــــود ربــاه ربـــاه


تكفى تعال وخل عنك المشـــــاريه
تعـــال لي فزعـــه وفك المعـــــاناه


عجل علي فديت روحك وغــاليه
عجـــل بقـــربك ياغنـــاتي فدينــاه


ليتك تحس بلوعة القــلب ياهــيه
وأنت الوحــيد اللي نتوق لعطــاياه


ومن قدرك اللي مابه احدٍ يساويه
رســمت لك بالعــين صوره مخـباه


وهذي نتايـــج همي اللي اعــانيه
دايم لحــالي واكــتب الشـعر واقراه


وليا كتبت الشعــــر اعود واغنيه
وليا قضــيت اقـول ويلاه ويلاه


ولاعاد باقي شئ من شان اسويه
إلا إني اكــتب لك قصــايد مغـناه


ورغم إن عقلي يفتخـر في مباديه
ضاعـت حــلوله لين ضيعت مبداه





الشاعر ناصر المري
 

غير البشر

عضو مخضرم
اعيش العمر ولا انطوي ويا الظلام


اعيش واتخيل غرامك وارجع ابذاك الغـرام

والهموم الى بقلبى راحـت ابذيـك السنيـن



قلت اعيش العمر والا انطوي ويـا الظـلام

يمكن الأيـام تذكرنـى مـع وقـت الحنيـن



ياسنين العمر عـدي مابقـى عنـدي كـلام

ويا جروح الأمس يكفينـى مواجيـع وانيـن


عد بسنين الليالى كم مضـى بالعمـر عـام

الله وعلم خافى الأيـام ويـش الـى يبيـن


لاتذكرنـى زمانـن فـات واسنينـن عـدام

ولاتصورلى غرامن راح بين زين وبين شين


ما نلوم الوقـت يـوم الوقـت ماعنـه مـلام

اكتم اجروح المحبة فى خفـا وقتـن دفيـن





منقول

واتمنى ان تنال أعجابكم

 

غير البشر

عضو مخضرم

ول يا كبر القهر لا صار مـا باليـد iiحيلـه
والجروح من القرايب والخطا مني وفينـي!!

ان نويت اشفي غليلي ما لقيت ايـة iiوسيلـه
كيف ابلقى دام جرحي سبته طعنه iiيمينـي؟!

وان نوت تبكي عيوني صارت الدمعه iiبخيله!!
كبرها لامن تجمع هم قلبي وهـم iiعينـي..

ياهموم(ن) بي تعـدت حدهاصـارت ثقيلـه
اخذي مني كم سؤال ولو سمحتي iiجاوبيني..

ليه من بعد الوفا والطيب وفعول(ن) iiجليلـه
من يدين اللي حشمته اول طعوني iiتجينـي؟؟

وليه لاضاق الفضا في عين من خانه iiدخيله
مالقيـت الا الملامـه انتهيهـا iiوتبدينـي؟!

ياهموي ياجروحي يا صدى الـروح iiالعليلـه
والله ان الظلم قهره قيّـد لسانـي ويدينـي!!

يوم قيل اظر حسودك زاد في قولـه iiوقيلـه
ما طرالي غير قولت آآآخ يا دنيا iiارحميني..

ان تكلمت وحكيت وجبـت برهانـي iiودليلـه
ما تضرر كود منهو قـد لفانـي منتخينـي!!

وان سكت وقلت هانت هم وسنينـي تزيلـه
اكتشفت ان السنين تزول والهم iiمحتوينـي!!

بس لجل اللي انتخى في جد جـدي iiوالقبيلـه
والله اني لاشرب المر واتحمل مـا iiيجينـي..

ودام ما بالكون صدر(ن) ارتمي به واشتكيله
ودام مابه عين تقرى حزني اللي مبتلينـي!!

ما لي الا بيت شعر(ن) اذكره في كـل iiليلـه
لا انتهى جدال المعاتب بين قلبي وبين عيني..

((ول.. يا كبر القهر لاصار ما باليد iiحيلـه..
والجروح من القرايب والخطا مني وفيني!!))



محمد بن جارالله السهلي
 

القرار الجرىء

عضو بلاتيني
لا تبيح الجـرح يـا : ظبـي الحمـادي

العمـر تـوه.. وانـا.. ياشيـن.. زي :

واحدٍ غادي.. ولا ادري ويـن غـادي؟

هاضت دروبي.. وهـاض الفيـن كـي

يعني ف ذمتك هـذا الشـوق عـادي ؟

عادي يعني.. ماتحـس الشـوق.. بـي؟

غننـي : حـزنٍ ف تنهـيـدة عـبـادي

أضوني : مااشعر بدونك.. ب.اي.. ضي

كود ..لا نسنس هبـوبٍ.. مـن زنـادي

وابتديت أشعر ب أني صـرت : حـي

طيش بي.. بشويش .. لا يشعر رشـادي

طشني بشويش.. لا يشعـر.. ب شـي

سـاح بـي ظلـك.. وتغريبـي ينـادي

ودي ابعد.. وان.. طلبت البعـد.. عـي

في ربيعك ..صحـت للعمـر الرمـادي

شوف .. وش اجمل من اللحظات ذي ؟

نقعـد نسولـف بنـا .. والجـو هـادي

ظاميٍ.. طـوّح ظمـاه.. ب ظـل فـي

انت ماغيرك علـى هالحـدب شـاديـ

تطوي.. فصول الخريـف الجِرد..طـي

ضحكتك : صبحٍ تضيحـك لـه بـوادي

ضحكتـك : بـرقٍ سنـاه يلـوح..غـي

مدري شنهي ضحكتك؟! بـس الوكـادي

حيييـل مشتـاق.. وابيـك.. تحن..لـي

يالله عوّد .. والا .. (اريد ابكي وانادي)

ياظريـف الـطـول تكفى:حـس..فـي

ماهو انت.. اللي غيابك.. شـي عـادي

انت عادي.. فـي غيابـك.. كـل شـي


عقاب الربع
 

غير البشر

عضو مخضرم


يسري بي الهاجس .. ليامن ذعذعت ريـح الشمـال


كن الهبايب تنقـض جروحـي .. ولا تـدري بهـا


اقلب الذكرى واسـج الرجـل .. لا مـال الضـلال


واجر صوتي مـن غبـن نفسـي .. ومـن تعذيبهـا


تعبت اقول .. الهم زال .. وخابر إنَـه .. لا يـزال


وتعبت ودروب الشقا .. مبطـي وانـا امشـي بهـا


وتعبت من طول السهر ما بين .. حزن .. وضيق بال


ومن ونة ٍ(ن) وسط الضماير .. كل ليل اسري بهـا


وتعبت اكابر واخفي دموعي .. ليـا كِثـر السـؤال


عن قصة ٍ(ن) والله مدري .. كيف انـا ببـدي بهـا


الجادل الي من سنه .. من بيننا ,, مـات الوصـال


راحت ,, ولاضـن الليـال .. المقبلـه تاتـي بهـا


يا حر كبدي يوم صـدَت ضايقـه .. والدمـع سـال


ما كنها إلآ ترتجي .. ي/احمـد ,, وطـرَت جيبهـا


والله لولا العيب .. والمنقـود .. وسلـوم الرجـال


لا خمَهـا مـن بينهـم .. واصـد واقـفَـي بـهـا


يا ويش اسوي ما قويت البعد ,, يـوم البعـد طـال


وكنت احسب اني من صغر سني .. وانـا نصيبهـا


الله .. على ظلم الزمـن والله علـى جـور الليـال


ياكـم عطيناهـا وهـي دايـم تـشـح .. بطيبـهـا


نبني ونبني .. بالامل .. وآمالنا ,, صـارت محـال


وعيوننـا مـن غبنهـا .. قامـت تهـل الـي بهـا


اي والله اني عقبها عايـش علـى .. وهـم وخيـال


اكذب على نفسـي واقـول : إن الليـال .. تجيبهـا


الله يصبرنـي ليامـن ذعذعـت ,, ريـح الشـمـال


والله ينسيني ,, جروح ٍ(ن) .. ماحد ٍ(ن) داري بهـا


:وردة::وردة::وردة::وردة:






 

غير البشر

عضو مخضرم
ليه المسااا؟؟؟

ليه المسا عوق الشقـاوي وطبّـه؟ ...... وليه الهبوب تصحي القلب لا بـات؟


وليه القمر يدعي جريـح المحبّـه؟ ...... ويقول له يا هيه..ما فات ..ما مات


جرحك ظهر لو قلـت للوجـه خبّـه ...... وللحزن في ضحكك رسوم وعلامات


وليه المطر بالذات ريحـه.. وصبّـه ...... كنّه رسول بيـن الاحبـاب بالـذات؟


اشتـاق فيـه لشوفتـك واتنـبّـه ...... للي نسيته مـن مواقـف ونظـرات


لا استانس الخافق ذكر مـن يحبّـه ...... ورجع يراجع فالوناسات مـا فـات


يا مرتـع القلـب الحزيـن ومربّـه ...... يزيين بك مثل الذهب صدر الابيـات


هيهات ينسى القلب شخـص ٍ لعبّـه ...... وهيات يدله خاطري منـك هيهـات


سبك مديح ومـدح غيـرك مسبّـه ...... تقول واذني صوتها تقول لـك هـات


ونبع الغلا عنـدك وعنـدي مصبّـه ...... ومن الولا .. في خافقي لك ..ولاياات


وطيفك حطب عيني..وعيني مشبّـه ...... والشوق برد ٍ ما انقطع لو للحظـات


ومكانك الصدر ولـك القلـب شبّـه ...... بين الظلوع اللـي فردهـا التنهـات


ولك بيـرق ٍ فالقلـب حبـك يهبّـه ...... شامخ ولا هزه من العـذل غـارات


محبتـك فالوقـت ذا مـا تشـبّـه ...... الا بخيمـة بـدو بيـن العـمـارات


ان شفتني ضايق واهوجس واسبّـه ...... اخاف غدر الوقت.. والوقـت دورات


لا تحسب ان دمعي نـزل دون سبّـه ...... ابكي من الفرقا وهي مابعـد جـات


الـيـوم كــل امورنا..مستتـبّـه ...... وبكره ماندري وش معه من مسرّات


اربّ قلبـك مثـل قلـبـي اربّــه ...... ما يخلفه شور العـرب والمسافـات

 

غير البشر

عضو مخضرم

يمر يوم وكل يوم يمر أحس أني حزين
أمسي على ضيقة صدر وأصبح على ضيقة صدر
قالوا الفرج عقب الصبر قلت الصبر همٍ دفين
قالوا الوفي طبعه وفي قلت الزمن كله غدر
قالوا الصدف قلت الصدف ماعشمت طول السنين
قالوا القدر قلت القدر من اللي يردك يا قدر
قالوا الامل قلت الامل مثل السراب اللي يبين
قلت للعهد وانا على المطلاع وسط المنحدر
قالوا تشوفه قلت اشوفه في حلوم النايمين
اصحى على شوفه وانا خدران واصحى واخدر
قالوا وش اللي تذكره اذا تناولك الحنين
قلت التنهاته اذا طروه الدمع يحدر
قالوا يخونك قلت انا ياكرهني للخاينين
لو خاني ضاع الوفا في الناس الا ماندر
قالوا نسيته قلت واللي لحن المسلم جبين
ماانساه كود الناس تنسى الليل ومطلاع البدر
قالوا كم اللي راح من عمره شقى قلت سنتين
عامين وانا اغرب الخطوات والقلب يحدر
قالوا الكدر ويش الكدر قلت الكدر مثل السجين
ان عاش في سجنه كدر واذا طلع عاش الكدر
قالوا سواتك وش يسوي قلت بين الحالتين
اما توفى من غبن والا قضى عمره هدر



حمدان المري



 

غير البشر

عضو مخضرم

لوما الشعر يكتب عشانك جفيته **** يادانه ماهي ب إياة دانه

ماقد طلب مني رفيق وعصيته **** ولوما عطيته عندي أنها إهانه

يافلسفت شعري وياعذب بيته **** يا قمه أحساسي وقمة حنانه

ياأغلى من اللي بعت واللي شريته **** من فازبك بيصير قايد زمانه

قد شفت بعيونك عذاب وخذيته **** بس أعتبرته شي مثل الامانه

أخاف أعلم به وأخونه فديته **** بس أنا بحياتي ماعرفت الخيانه

تدرين شلي في غرامك جنيته **** أنك خذيتي في عروقي مكانه

كتبت لعيونك قصيد ومحيته **** وصرتي براويز القصيد وكيانه

أما بكاني الوقت والابكيته **** وشلون وأنتي في قساه وليانه

مثلك لويطلبني عيوني عطيته **** لوكان مابيني وبينك ميانه

لن الشعر لوينكتب ماقريته **** الشعردانه وأنتي عيون دانه ....



حمداان المري
 
بـعـض المـواااجـع لها مـا تـنـفـع الفـزعـه ...
وبعـض المـواجع وجعها من وجع ناسي ...

عـودت نفسي على الصـدمـات و الفجـعـه ...
ولـو دست جمـر الزمن ما ينحنـي راسـى ...
 

غير البشر

عضو مخضرم

حاول وأحاول يصير فراقنا عـادي

الله عطانـا العقـل حتـى يعنينـا

خل المقادير تمشي مشيها العـادي


في عمرنا يفعل الله ما نـوى فينـا

ما فادتك دمعتك ولا فادك عنـادي

لا صار ربي حرمنا مـن بيعطينـا

فرقا وصارت ولا تحزن على بعادي

وأنا بحاول على نسيـان ماضينـا

ونبدا حيـاة جديـدة كـل بـوادي

يا حسرتي يا غرام عشتـه سنينـا

يا وحشة الليل في بعدك بلا رقادي
ويا طول اليوم ما شفتك ولو حينـا

الشاعر الأمير: سعود بن بندر .. الله يرحمه




 

غير البشر

عضو مخضرم

يانفس هيدي لاتزيدين الاوجاع
كافي من الدنيا نشوف العجايب

ماني على من صد ضايق ومرتاع
لاهو من الغالين والا من القرايب

لاصار مابيني ولا بينه نزاع
ولاجيته بزله ولاعلم خايب

حق الرفيق اني نهيته ولا طاع
والراي مابه فرض والا غصايب

يومه غدا بينت له كل الاوضاع
ماقلت اخلي سايب الوضع سايب

ناديت له لكن تجاهلني وضاع
صد وعلى عمياه ساق الركايب

اقفا على رايه ولافيه مرجاع
مثل السحاب اللي قفت الهبايب

للعلم بين الناس مدخل ومطلاع
واللي يجود حامض العلم صايب

ومن ينطح المويه ولاعنده شراع
ان عاش يرجع من هك الموج هايب

والعاقل اللي لا خطا يرجع بساع
يسترجع ولاياخذ الراي عايب

واللي يصير لرغبة النفس مطواع
لابد مايلقى العنا والمصايب

والناس مختلفه لها اشكال واطباع
بعض المعارف عرفهم لك نشايب

بالناس من يلبس على وجه قناع
حسود لكن في ثياب الحبايب

هذاك ماني في مخاواه طماع
من قبل اجيه وخاطري منه طايب

والرجال اللي لهم بالوفا باع
وقفاتهم تبري الجروح العطايب

واللي لفاك بحزة الضيق فزاع
مادار وجهه عن سموم ولهايب

ماصد يوم انك من الوقت ملتاع
ماغاب يوم ان اكثر الناس غايب

هذاك تشتري خوته كيف تنباع
هذاك من شانه تهون الصعايب

قلته وانا مالي ورى هرجي اطماع
على افراقه لاتصير السبايب

اسمع مادام الصوت ياصل للاسماع
ان تبت والا ياعسى منت تايب

مادامها صارت حزازات واتباع
مالي ومال مدورين الطلايب

واعرف تراها لو شكت ثقلك القاع
مصيرها تركز عليك النصايب


متعب التركي
 

القرار الجرىء

عضو بلاتيني
مريم وتضحك يرق الما ويصفالي زماني


والمكان يطيب والرمان يتكـدّس iiهنيـا

قلت رحلتنا تبي سكر وترنيمة أغاني

جاوبت هات الأغاني وأتـرك السكـر iiعليـا

من شفايفها صباح الخير شكل وطعم ثاني

آه لو تدري وش اتسوي صباح الخير في

تاخذ الما من يديه توصله شط الأماني

واهنيي كل مامريـم خذتنـي مـن iiيديـا

أذكر أول ماتلاقينا تسمّرت بمكاني

حاولت عيني تشوف الدرب ميـر القلـب عيـا

الحلا فيها من أقصاها ولا للزين داني

كل مافيهـا خلقـه الله مـن طلعـة محيـا

كل ماعز الطلب عندي وقالت لي عشاني

' كلت من هذي قبل هذي وجابتني iiحميـا

قبلها ماطاعت اقدامي طريق الا عصاني

بعدها ماظل حلم أخضر بصدري iiماتهيـا

فهد عافت
 

غير البشر

عضو مخضرم

يا شين طبعٍ فيك .. يـا زيـن الأطبـاع
لولا الرجاء .. ما كان خلّيته .. يفـوت
سَنَع .. يشـوّه لا تذكّرتـه .. أسنـاع
مثل الحصاة .. اللي وسط عقد ياقـوت
تخفي هيامك .. وإنـت ميّـت وملتـاع
ما تدري إنه في ملامحـك .. منحـوت
ويبخل لسانك .. وإنت للسمع .. طمّـاع
والبخل .. في سِلْم المحبين .. ممقـوت
الحكي .. قوت السمع / وأسامعي جياع
ومسامعي ماتت من الجـوع .. للقـوت
وحكي الغزل في صدرك أشكال وأنـواع
لكن صمتك .. حوّل الصـدر .. تابـوت
إلا طَلَبتك وصـل .. صعّبـت الأوضـاع
مدري .. من اللي درّسك جعلـه يمـوت
تصد .. ما كنّك مـن الصـد .. مرتـاع
وإن قلت : يا القاطع .. تلفّـت مبهـوت
أقطع بـدَرْب مواصلك في الشهر.. بـاع
وإلاّ إنت تقطع للوصل فـالسنة .. فوت
طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخـوت
وإلطف بحال اللي نحل حاله .. و راع ..
قلبٍ جروحه .. تنزف أفكار .. وبيـوت
قلبي .. إلا منّه شرى قلب .. مـا بـاع
وإنت هالله هالله فيه .. والعمر موقـوت
اسمع أشعاري في الهوى وارخ الأسماع
ياللي غلاك بـتربة القلـب .. مكتـوت
لا .. للفراق .. و لا .. لتجديد الأوجـاع
ونعم .. نعم للوصل .. لو كان بالصوت




الشاعر / محمد بن حمد بن فطيس المري


 

الحـــرة

عضو ذهبي
تسولف لي عن الضيقه وأنا كلي ألم وأحزان
.............. وأنا من وين ماناظر بعيني شفت ضيقاتي

تسولف لي عن الضيقه وأنا عنوان للحرمان
............... دخيلك لا دخيل الجرح لاتكشف معاناتي

دخيلك لا تشجعني أسولف واكسر الكتمان
.............. تعبت من السكوت اللي تعود يسكن بذاتي

عليم الله مافيني شبر يضحك فرح وأشجان
............ وأنا لوجيت أبضحك لك أجيك أضحك بدمعاتي

أناظر للبشر حولي أحد يضحك وأحد طربان
................ وأنا صعبٍ علي أضحك أسايرهم بضحكاتي

عجزت أكذب على نفسي بفرحه مابها ألوان
.................... و حزني ماعجز عني بدا يرسم نهاياتي

طريقي صعب والأصعب جروحي كثير وداخلي ضميان
..................... أبي لو يوم واحد احاول أجمع شتاتي

أنا قصه تبعثرت وتطايرت بزمن خوان
.................. تعلمت اخسرالبسمه واداري عضه شفاتي

أبكتب لك وبالخط العريض وريشة الفنان
................ أنا الخسران توقيعي وانا الخسران بصماتي

أكمل لك عن الضيقه أكمل لك عن الأحزان
................. تأكد لو بكمل لك تصيح وتطلب سكاتي
 

عزيز نفس

عضو مخضرم
كتبت هالقصيدة في والدي الله يرحمه
--------------------
وجه الفرح دايم... لاجاء له ونه
واحيان ترغب تعيش بجرحك الدامى
حزنى توصت به احزان يمدنه
لين اصبح اكبر من الدفتر والاقلامى
جرح كثير الليالى.. ما يخفنه
سكن خفوقى وخلا حزنى اقسامى
يبـــه..برحيلك بقى دمع وبقى ونه
طفل امس يا يبه..بقى مشتت حطامى
لا يابعد وجهى وجه جيت انا منه
اللى خذاه الغياب المر قدامى
باشجرة البيت.. غبت وغبت انا عنه
صبر بقى..يشتعل جمر من الامى
مراكب الحزن يودن ويجيبنه
وهجوس عايشها وضيعت الاحلامى
وصار الهم فينى وعاش وكبر سنه
وصباحى صار لى مسا فى واقع ايامى
وساقتنى اخطاى لمجلسه لين انه
من راسى املا الحنان الصدق لاقدامى
وهناك انا اجلس واحدثه واقولنه
هذا لفانا.. وهذا تو ماقامى
ولا ضيعت جات فى كلمه لها حنه
لبيه لبيه... ياجرح بقا نامى
لبيه فرض.. وهلا بلسانه سنه
كلامه اللى اختزن فى داخل انسامى
حزنى على اللى رضاه يورد الجنه
فى غيابه عشت اسير ارماح وسهامى
فى دفنه اصبحت عالم ناس منجنه
لا الرجل رجلى ولا عظامى هى عظامى
ماعاد قلبى على الهقوات والظنه
لا الصبر صبرى ولا حزامى هو حزامى
قالوا..خطا الرجل يبكى لابكى كنه
متنازل..عن مكانه برجه السامى
وانا تنازلت بس اعرف ولجلنه
اعيش واقع مماتك واطرد اوهامى
واقول فرض وعسى مثواك الجنه
يامن وداعك على اقسى من آلامي
 

جهراوي

عضو بلاتيني
كتبت هالقصيدة في والدي الله يرحمه

--------------------
وجه الفرح دايم... لاجاء له ونه
واحيان ترغب تعيش بجرحك الدامى
حزنى توصت به احزان يمدنه
لين اصبح اكبر من الدفتر والاقلامى
جرح كثير الليالى.. ما يخفنه
سكن خفوقى وخلا حزنى اقسامى
يبـــه..برحيلك بقى دمع وبقى ونه
طفل امس يا يبه..بقى مشتت حطامى
لا يابعد وجهى وجه جيت انا منه
اللى خذاه الغياب المر قدامى
باشجرة البيت.. غبت وغبت انا عنه
صبر بقى..يشتعل جمر من الامى
مراكب الحزن يودن ويجيبنه
وهجوس عايشها وضيعت الاحلامى
وصار الهم فينى وعاش وكبر سنه
وصباحى صار لى مسا فى واقع ايامى
وساقتنى اخطاى لمجلسه لين انه
من راسى املا الحنان الصدق لاقدامى
وهناك انا اجلس واحدثه واقولنه
هذا لفانا.. وهذا تو ماقامى
ولا ضيعت جات فى كلمه لها حنه
لبيه لبيه... ياجرح بقا نامى
لبيه فرض.. وهلا بلسانه سنه
كلامه اللى اختزن فى داخل انسامى
حزنى على اللى رضاه يورد الجنه
فى غيابه عشت اسير ارماح وسهامى
فى دفنه اصبحت عالم ناس منجنه
لا الرجل رجلى ولا عظامى هى عظامى
ماعاد قلبى على الهقوات والظنه
لا الصبر صبرى ولا حزامى هو حزامى
قالوا..خطا الرجل يبكى لابكى كنه
متنازل..عن مكانه برجه السامى
وانا تنازلت بس اعرف ولجلنه
اعيش واقع مماتك واطرد اوهامى
واقول فرض وعسى مثواك الجنه

يامن وداعك على اقسى من آلامي
رحم ربي واالدا انجب فحلا مثلك وصح لسانك
 
أعلى