** المثقفه **
عضو
يبتلك اليوم قصة الصراحة انا استغربت منها .. بس حكمه من الله -سبحان الله- وللأمانه العلميه اهي كانت مكتوبه شوي بالفصحى وشوي باللهجه السعوديه وكلامها مومفهوم بالنسبه لنا .. بس انا حولتها للعاميه لأني افضل اكتب بهاللهجه عشان الكل يفهمها.. واعتقد اهي صارت بالسعوديه !!
فمابي اطول عليكم هذي القصه ....
مره واحد سأل الدكتور شنو المواقف والحالات العجيبه اللي مرت عليك بالمستشفى ؟؟
قاله الدكتور : خدمتي بالمستشفى 13 سنه واغرب شي مر علي واللي موطبيعي انه مره ياني احد المراجعين وكان شاب عمره 23 سنه , ويبي يستشيرني بخصوص شي .. اعتقدت بالبدايه انه بسيط وعلاجه راح يكون شي سهل لأنه الممرضه قالتلي قبل لا يدخل المريض انه في حبة خاله على ايده ويبي يستشيرني شلون يشيلها .. ويوم دخل لاحظت انه لابس اتسوس وسلم علي واهوا لابسهم بعد ويوم حاولت معاه يمين ويسار مارضى يفصخهم ورفض رفض تام
قاله المريض : انتا استشاري ولا شنو ؟؟
قاله الدكتور : انا مااقدر اساعدك الا اذا شفت الحاله بعيني واقتنع الشاب بصعوبه وفصخ التسوس اللي كان لابسهم.
يقول الدكتور : شفت شي عجيب مكتوب على ايده اليمين .. واهي صح حبة خاله بس مكتوبه بأسم فلانه بنت فلان.. انا كنت احسبه اهوا كاتبه او وشم بس يوم دققت عليه طلع فعلا ((حبة خاله مخطوطه بأسم البنت )) سأل الشاب قاله : شلون يالك هالشي .. من الولاده ولا شنو ؟؟؟
فالشاب مارد عليه .. والدكتور قعد يحاجي روحه ويقول يمكن انه ولد غير شرعي واسم امه مكتوب على ايده من يوم ماانولد .. وفجأه قعد يحاول فيه الدكتور عشان يقوله السبب والشاب رافض موليه وقاله الدكتور اشكرا يمكن انتا ولد مو شرعي .. وتنرفز الريال وعصب وقعد يبجي واهني قال حق الدكتور سالفته كامله ... ودموعه تنزل بغزاره
يقول كنت اعرف وحده قبل بنفس عمري بالتلفون وصارت بينا مكالمات لمدة 8 شهور .. وثقت فيني البنت وقالتلي اسمها الكامل وتعرفنا على بعض عدل .. ويوم من الايام طلبت منها نتواعد بواحد من المجمعات ومارضت البنت كلش وقعدت اترجاها تقريبا شهر وهم ماكو فايده البنت موراضيه ولا متقبله الفكره .. وبطت جبدي وقلتلها راح افضحج وهم موراضيه وقالتلي : انه عذاب اهلها ابرك من انها تواعدني .. وسويت اللي كنت مهددها فيه ونشرت اسمها بين ربعي وكتبت اسمها على الطوف فلانه بنت فلان وبعدها بأسبوع او اسبوعين طلعتلي هالبقع على ايدي وبالضبط نفس الخط اللي كتبت فيه على الطوف..وانا نادم الحين على كل اللي سويته فيها .. ودي اتخلص من هالبقع بأي طريقه .
قاله الدكتور : انتا غلطت غلطه ومافكرت انه عندك خوات وماتخاف على اهلك انه يصير فيهم مثل ماسويت في بنت الناس
وماقدر الشاب يمسك روحه وقعد يبجي بجي وماقدر يقول ولا كلمه.. وبعدها حوله الدكتور على مختص الليزر والحروق واتفقوا معاه على موعد وقدروا يشيلون البقع وارتاح نفسيا الشاب ونام بالمستشفى من كثر مااهوا تعبان نفسيا ويوم قعد شاف الأسم على ايده مره ثانيه .. وحاولنا معاه مره ثانيه وثالثه ورابعه وكل مره عقب العمليه يروح الاسم بس يبقى اثر حروق من الليزر على ايده ولما ينام ويقعد اليوم الثاني يلقى الاسم مثل كل مره .. قلناله انه ماكو علاج ثاني غير المراهم وانه راح ياخذ منك وقت وايد طويل على ماتروح هالبقع ..((الدكتور يقول انا ادري انه ماكو فايده من المراهم بس مانبي نتعب الشاب نفسيا اكثر من جذي)) ..واستعمل الشاب هالمراهم بس كل شهر يروح حق الدكتور ويقوله ماكو فايده واهوا يقوله اصبر .. وعقبها قاله الدكتور ليش ماتكلم البنت اللي نشرت اسمها وتحاول تمسح اسمها على كل طوفه كتبت عليها .. وفعلا اول شي سواه راح ومسح كل مكان كتب فيه اسمها وكتب بداله (( سبحان الله وبحمده – سبحان الله العظيم)) .. وحاول انه يكلم البنت بس ماكانت ترد عليه وبطلعة الروح كلمها وقالها قصته مع اسمها والحمدالله انه السالفه ماوصلت لي اهلها فأهيا نصحته انه يتوب ويروح مكه ويدعي حق روحه ويمسح ايده اللي فيها البقع بماي زمزم وخلال 10 ايام تقريبا يقول الشاب حق الدكتور : سبحان الله والله الاسم انمسح من ايدي بعد صلاة الفير مثل ما ينمسح الحبر لي كبيت فوقه ماي !!
عاد بالنهايه الدكتور يقول : من ذاك اليوم انقطعت الاخبار بينا 4 سنين وعقبها قام يزورني الشاب بالشهر مره وقالي انه تزوج هالبنت اللي فضحها وتاب عقب ماهداه الله سبحانه وياب منها بنت وولد ...
بالاخير انا اقول لازم الواحد يتذكر انه كما تدين تدان والدنيا دواره وانه الله يمهل لكن مايهمل سبحانه يعني لاتحط ابالك انه بيوم تسوي شي وخلاص راح ينسي ... اعرف انه راح اييلك يوم وتشوف اللي سويته بمرتك بأختك ابنتك بأهلك بأي احد تعزه دامك عايش وربك مايضيع حق المظلوم لو شنو .. وهالكلام مو موجه حق الشباب بس .. حتى البنات لأنه بنات هالوقت الصراحه ينخاف منهم وقاموا يسوون شغلات العن من الشباب. ((طبعا البعض مو الكل للأمانه)) .. فأقول حق الكل ديربالكم ولاتثقون بأي احد اللهم نفسكم وبأزواج وزوجات المستقبل وبس والقصه حقيقيه -الله العالم- ومايبت شي من خيالي كلش بس حولتها للغه العاميه والمضمون واحد
فمابي اطول عليكم هذي القصه ....
مره واحد سأل الدكتور شنو المواقف والحالات العجيبه اللي مرت عليك بالمستشفى ؟؟
قاله الدكتور : خدمتي بالمستشفى 13 سنه واغرب شي مر علي واللي موطبيعي انه مره ياني احد المراجعين وكان شاب عمره 23 سنه , ويبي يستشيرني بخصوص شي .. اعتقدت بالبدايه انه بسيط وعلاجه راح يكون شي سهل لأنه الممرضه قالتلي قبل لا يدخل المريض انه في حبة خاله على ايده ويبي يستشيرني شلون يشيلها .. ويوم دخل لاحظت انه لابس اتسوس وسلم علي واهوا لابسهم بعد ويوم حاولت معاه يمين ويسار مارضى يفصخهم ورفض رفض تام
قاله المريض : انتا استشاري ولا شنو ؟؟
قاله الدكتور : انا مااقدر اساعدك الا اذا شفت الحاله بعيني واقتنع الشاب بصعوبه وفصخ التسوس اللي كان لابسهم.
يقول الدكتور : شفت شي عجيب مكتوب على ايده اليمين .. واهي صح حبة خاله بس مكتوبه بأسم فلانه بنت فلان.. انا كنت احسبه اهوا كاتبه او وشم بس يوم دققت عليه طلع فعلا ((حبة خاله مخطوطه بأسم البنت )) سأل الشاب قاله : شلون يالك هالشي .. من الولاده ولا شنو ؟؟؟
فالشاب مارد عليه .. والدكتور قعد يحاجي روحه ويقول يمكن انه ولد غير شرعي واسم امه مكتوب على ايده من يوم ماانولد .. وفجأه قعد يحاول فيه الدكتور عشان يقوله السبب والشاب رافض موليه وقاله الدكتور اشكرا يمكن انتا ولد مو شرعي .. وتنرفز الريال وعصب وقعد يبجي واهني قال حق الدكتور سالفته كامله ... ودموعه تنزل بغزاره
يقول كنت اعرف وحده قبل بنفس عمري بالتلفون وصارت بينا مكالمات لمدة 8 شهور .. وثقت فيني البنت وقالتلي اسمها الكامل وتعرفنا على بعض عدل .. ويوم من الايام طلبت منها نتواعد بواحد من المجمعات ومارضت البنت كلش وقعدت اترجاها تقريبا شهر وهم ماكو فايده البنت موراضيه ولا متقبله الفكره .. وبطت جبدي وقلتلها راح افضحج وهم موراضيه وقالتلي : انه عذاب اهلها ابرك من انها تواعدني .. وسويت اللي كنت مهددها فيه ونشرت اسمها بين ربعي وكتبت اسمها على الطوف فلانه بنت فلان وبعدها بأسبوع او اسبوعين طلعتلي هالبقع على ايدي وبالضبط نفس الخط اللي كتبت فيه على الطوف..وانا نادم الحين على كل اللي سويته فيها .. ودي اتخلص من هالبقع بأي طريقه .
قاله الدكتور : انتا غلطت غلطه ومافكرت انه عندك خوات وماتخاف على اهلك انه يصير فيهم مثل ماسويت في بنت الناس
وماقدر الشاب يمسك روحه وقعد يبجي بجي وماقدر يقول ولا كلمه.. وبعدها حوله الدكتور على مختص الليزر والحروق واتفقوا معاه على موعد وقدروا يشيلون البقع وارتاح نفسيا الشاب ونام بالمستشفى من كثر مااهوا تعبان نفسيا ويوم قعد شاف الأسم على ايده مره ثانيه .. وحاولنا معاه مره ثانيه وثالثه ورابعه وكل مره عقب العمليه يروح الاسم بس يبقى اثر حروق من الليزر على ايده ولما ينام ويقعد اليوم الثاني يلقى الاسم مثل كل مره .. قلناله انه ماكو علاج ثاني غير المراهم وانه راح ياخذ منك وقت وايد طويل على ماتروح هالبقع ..((الدكتور يقول انا ادري انه ماكو فايده من المراهم بس مانبي نتعب الشاب نفسيا اكثر من جذي)) ..واستعمل الشاب هالمراهم بس كل شهر يروح حق الدكتور ويقوله ماكو فايده واهوا يقوله اصبر .. وعقبها قاله الدكتور ليش ماتكلم البنت اللي نشرت اسمها وتحاول تمسح اسمها على كل طوفه كتبت عليها .. وفعلا اول شي سواه راح ومسح كل مكان كتب فيه اسمها وكتب بداله (( سبحان الله وبحمده – سبحان الله العظيم)) .. وحاول انه يكلم البنت بس ماكانت ترد عليه وبطلعة الروح كلمها وقالها قصته مع اسمها والحمدالله انه السالفه ماوصلت لي اهلها فأهيا نصحته انه يتوب ويروح مكه ويدعي حق روحه ويمسح ايده اللي فيها البقع بماي زمزم وخلال 10 ايام تقريبا يقول الشاب حق الدكتور : سبحان الله والله الاسم انمسح من ايدي بعد صلاة الفير مثل ما ينمسح الحبر لي كبيت فوقه ماي !!
عاد بالنهايه الدكتور يقول : من ذاك اليوم انقطعت الاخبار بينا 4 سنين وعقبها قام يزورني الشاب بالشهر مره وقالي انه تزوج هالبنت اللي فضحها وتاب عقب ماهداه الله سبحانه وياب منها بنت وولد ...
بالاخير انا اقول لازم الواحد يتذكر انه كما تدين تدان والدنيا دواره وانه الله يمهل لكن مايهمل سبحانه يعني لاتحط ابالك انه بيوم تسوي شي وخلاص راح ينسي ... اعرف انه راح اييلك يوم وتشوف اللي سويته بمرتك بأختك ابنتك بأهلك بأي احد تعزه دامك عايش وربك مايضيع حق المظلوم لو شنو .. وهالكلام مو موجه حق الشباب بس .. حتى البنات لأنه بنات هالوقت الصراحه ينخاف منهم وقاموا يسوون شغلات العن من الشباب. ((طبعا البعض مو الكل للأمانه)) .. فأقول حق الكل ديربالكم ولاتثقون بأي احد اللهم نفسكم وبأزواج وزوجات المستقبل وبس والقصه حقيقيه -الله العالم- ومايبت شي من خيالي كلش بس حولتها للغه العاميه والمضمون واحد