ولد النوخذه
عضو ذهبي
وآآآآي .. ليش هـ التشاؤوم .. والنظرة السودآوية ..
آنا وحدة من الناس .. ضد ضد ضد ضد وأقولها ألف مرة .. الطلاق .. ( إلا ) .. إذا خلااااااص .. نفد الصبر من قلب .. وأنه شي جآيد .. و و و و ..
وهـ الشي الجآيد .. للأسف مو قاعدين نسمعه بكثرة ..
يا فلانة ليش تطلقتي ..؟
شنو هذا 24 ساعة بالدوانية !!
شنو هذا بخييييل !!
شنو هذا ما يطلعني !!
شنو هذا يبي يلبسني عباية !!
شنو هذا يبي يتحكم فيني !!
يــه !!
بالله هذي سوآلف نآس يزوجونهم ...؟
عزيزتي .. أنتي شكيتي من سالفة الدوآنية ..
أقولج شي :
المرة أهيا الغلطآنة أهني .. للأمانة .. وآنا مرآح أقولج حجي مصفف ومآ شنو .. لاء ..
آنا أتحجى معآج من خلال تجربة آنا عشتها .. تمام ..؟
90 % تقريباً .. من ريايييلنا عشقهم الأول والأخير .. الدوآنية ..
ولو تصح للحريم دوآنيات .. ترى مرآح إيقصرون ..
هـ الشي خلصنا منه ..
أنزين ..
بدال ما تطرشين له مسجآت ,, وتحنين عليه بالدوآنية ,, وتنكدين عليه حتى قعدته بالدوآنية ,, ليش ما فكرتي تستغلين هـ الوقت اللي أهوا مو موجود فيه ,, وأتمآرسين حيآتج طبيعية ..
أشلون يعني طبيعية ..؟ آنا أقولج :
قبل ما تتزوجين .. أشلون كنتي عآيشة ..؟
كنتي جي معصبة ..؟ كنتي جي أتحلطمين ..؟
لاء طبعاً ..
تشبكين .. تطلبين وتآكلين .. تطبخين .. تحآجين رفيجآتج .. تقرين كتب .. أتسوين جرد على هدومج .. تنظفين دآرج . تطآلعين التلفزيون .. أتسوين خلطة حق ويهج ... عدل ... ؟
أنزين .. شنو اللي تغيّر ..؟
ليش ما تمآرسين حيآتج الطبيعية ..؟
عزيزتي .. مشكلة وايد بنات .. من تتزوج ..
تكرس حسآتها كلبوها لـ زوجها .. وهذا أكبر غلط ..
لازم تعطين نفسج حقها .. مثل مو أهوا يعطي نفسه حقها ..
والله لو تموتون ببعض .. 24 ساعة مجآبلين بعض .. بـ تملون ..
عطي نفسج حقها بالتمام .. وزيدي عليه حق زوجج .. بس عآد مو بـ خبآل .. يعني هـ الطريقة اللي تستخدمها بعض البنات .. مع أزوآجهم .. أستغفر الله . أتخليهم إيملون وإينحآشون .. علبو بحآفظ على ريلي !!
أحنا البنات .. ننقمت لا أحد تحكم فينّا .. فمآ بآلج بالريّال .. ؟ مشكلة ترى !
يعني تكفيين .. أهوا طوّل بالدوآنية .. ردّ البيت ..
أنت وينك ..؟ شكو ما ترد عليّ .. ؟ شكو مهملني ..؟ آنا قصرت معآك ..؟ يووووووه .. شنو هذا ..؟
ردّ البيت !! خلاص أنسي .. أنسي ..
أصلاً أهوا من نفسه بيحس على دمه ..
مو أتحنين عليه برى البيت ودآخل البيت ..
يعني خليني أقولج هـ الموقف ..
فرضاً أنتي .. ألحين مزهبة عشا .. وتعبآنة فيه .. وقآيلة حق ريلج .. بو فلان .. آنا اليوم مسوية جي وجي وجي .. وقالج .. أوكي ..
قبل العشا بأشوي .. قالج صار عندي ظرف طاريء .. لازم أروح .. شنو بتسوين ...؟
من ردج هذا لوول .. أتوقع بـ تتحلطمين .. و و و و ..
العآجلة .. تدرين شبتسوي ..؟
الله معآك .. وبحفظ .. الله .. وأتدق على وحدة من خوآتها ولا أمها .. ولا رفيجآتها .. تعالوا تعشوا عندي ..
مثل ما أهوا طلع وبيستآنس .. آنا بعد أونس عمري ..
الدنيا أكبر من هـ التفآهات والله ..
وايد حريم .. مسآجين معآبل بهـ الدنيا .. وصيحة اليهال .. وحنّة الريّال .. والدوام .. يووووه .. زين أتلاقي وقت تحك شعر رآسها ..
ولا يت فترة الرآحة قامت تتحلطم .. ما كآفئتني .. مو مبيّن بعينك .. و و و و .. وسوّتها سآلفة ..
أنزين يا بنيّة .. ليش أهوا يكآفئج ..؟
أنتي كآفئي عمرج ..
أنتي ونسي نفسج . .
اليوم أخذي أذن أنه بتآخذين أووووف من كل شي .. حتى عيآلج خليهم عند أمج .. ولا أي أحد .. وطلعي مع زوجج .. مو فآضي ..؟
طلعي مع رفيجآتج .. روحي تسوقي .. روحي أي مكان ..
يعني مو معقولة .. آنا بنطر ريلي يسعدني طول العمر .. بعد الريّال له حيآته الخآصة ..
آخر شي نصيحة .. على كثر ما حنّيتي على ريلج .. على كثر ما أتلاقينه بيعآندج ..
طنشييي.. وعيشي حيآتج صح .. وجوفي الحل .. لوول ..
وآيد قرقت آنا ..
:وردة:
كلام جميل ونصيحه حلوه بان الزوجه ماتنسى تمتع نفسها تخفيفا للضغوط اللى عليها .
بس انا لا اعتقد ان الدوانيه تسبب طلاق .