سؤال وجواب تلفزيونات LCD

ط

طلال

عضو ذهبي
يا اخوان ابي اعرف شنو مواصفات ال LCD لان بصراحه احترت من الاسعار

يعني 42 بوصه تلقاه ب 240 مثلا وبجانبه نفس الماركه ب290 وغيره ب399

يقولون درجات الوضوح وغيغا ومن هالكلام

طبعا اللي اعرفه ان ماركة ال جي تشتريها وانت مغمض .. بس اسعارها بالنسبه لغيرها فيها مبالغه

اتمنى اي واحد عنده خلفيه عن هالتلفزيونات يعطينا المواصفات الطيبه من صوت وصوره ...

تحياتي واشواقي الا ما لا نهايه ...:)​
 
ترتيب حسب التاريخ ترتيب حسب الأصوات
السليطي

السليطي

عضو مخضرم
والله غريبة تقول ال جي تاخذها وانت مغمض !

شركة داقة بكل شي

انا عندي سامسونج LCD FULL HD

32 بوصة ابصرحة ممتاز وماعليه كلام والشركة هي الافضل من حيث جودة الشاشة ومحتكره جوائز شاشات ال سي دي

وبعدها طبعا السوني

لكن ياخوي شوف نصيحة لك

لاتاخذ شاشة ال سي دي بدون رسيفر في تقنية HD لان متعة مشاهدة قنوات ال HD متعة وشي رهيب

يأتي مع الرسيفر كيبل خاص لجودة الصورة والصوت وانا عندي رسيفر دريم 800

وهذا الكيبل

554e204bd9.jpg
 
تأييد 0 تصويت سلبي
J

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
وآنا بعد أقولك سوني....ماكو بعده بالوضوح......في خاصية أخرى وهي زاوية الرؤية....يعني في شاشات ما تقدر تشوف الصورة من على الجانب....وبعضها لها زاوية تسمح لك برؤية الشاشة وانت واقف من الجانب بزاوية معينة.......

عندي سوني 32 بوصة، الزاوية 178 درجة..شريته من سنتين ب 230 د الآن يمكن ب 220 ...اذا لجلسة أو صالة اخذ 42 بوصة أكبر.........

هذا أهو :

138qfq.jpg



هذي المواصفات ويكتب معها زاوية المشاهدة​


139x.jpg




تحياتي
​
 
تأييد 0 تصويت سلبي
ع

عبدالله .

عضو بلاتيني
والله ياخوي شوف افضل شي السوني والسامسونغ
انا عندي سوني 32 بوصة شاريه قبل 4 شهور بـ 200 دينار
برافيا S ممتاز وماعليه كلام

إذا تبي الجودة وانت راعي بلاي ستيشن وهالسوالف لاتطلع عن السوني والسامسونغ

اما تقنية الـ HD
فهاذي خيال ومتعة بحد ذاتها
انا اخوي متعمق بهالشغلات اكثر مني
شوف لازم تشتري رسيفر HD علشان قنوات الـ HD تتلائم مع التلفزيون وتقدر تستغل هالتقنية
Hd اختصار لـ تلفزيون عالي الوضوح هاي ديفينشين

الكثير من القنوات المعروفة بدت تتجه لهالتقنيه
طبعاً رسيفر الـ hd المتوفر بـ 100 دينار بالبحرين توه جايبه اخوي من هناك
اما اللي بالكويت زيدهم 100

:)​
 
تأييد 0 تصويت سلبي
ط

طلال

عضو ذهبي
الله يرحم والدينكم على الردود

الفايد : مشكور على الرد

السليطي : خبرك عندنا بالكويت الغالي يعني الزين هذا طبع فينا :D

جوريه : اللي اعرفه ان جميع شاشات ال lcd واضحه جدا من ناحية الزوايا

عبدالله : انا عندي هيومكس بو كرت ما ينفع لل HD اللي تقول عنه ؟؟؟

وقنوات الجزيره الرياضيه HD ولا لا ؟؟؟

اللي عرفته من اجوبتكم ان السوني والسامسونغ افض الشاشات​
 
تأييد 0 تصويت سلبي
F

fnato68

عضو فعال
البلازما تتعامل مع بثالصوره لك عبر الغاز !!اما ال LCD فهي تعتمد على السائل وهنا تتفوق ال
LCD حيث انك بكل بساطه لو تقترب من بعد نص متر عن الشاشة راح تشوف الوضوح كامل ولن يكونله تأثير على العيون عكس البلازما لو تقترب نفس المسافة لن تشاهد الصورة بشك لجيد وراح يكون خطر على العينين ​



بالنسبة لحجم الشاشة​
سبق ان رأيت شاشات البلازما تصل الى 80 انش اوبوصه ويوجد اكبر اما الLCDفاكبر حجم موجود الآن هو 46 بوصه وهي من صنع سوني ومتوفر هذا الحجم حتى الان فقط للمستهلكين في اليابان وأمريكا وبالنسبة لدينا في منطقة الشرق الأوسط وأوروبا يوجد 40 بوصه من شركة سوني43 بوصه اعتقد منسامسونج اذاً البلازما تتفوق على شاشات الLCDبالحجم ..
الوزن والتصميم :
بالنسبة للشكل تختلف من شركة لأخرى لكن شاشاتLCDتتميز بخفتها عكس شاشات البلازما فهي ثقيله وهنا تتفوق LCDبالوزن لكن ليس مهم الوزن الا في بعض الاحتياجات .....
الاستهلاك:
لو حطينا عدد معين من الساعات نقول مثلا 4ساعات يوميا والي تم عليها التجارب البلازما لو تستهلك بمعدل4 ساعات يوميا راح تعيش معك 20 سنه بينماLCDبمعدل 4ساعات يوميا استهلاك راح تعيش معك الدبل 40سنه !! لكن المهم في ذلك ان البلازما بعد هذا الاستهلاك تنتهي وغير صالحه لكنLCDتتطلب منك فقط بتغير قطعه في قلب الجهاز وراح يرجعلك الجهاز جديد
هنا تتفوق طبعا الLCDلكن بشكل عام مدةاستهلاك البلازما معقولة نوعا ما..




وضوح الصورة:


البلازما زي ماقلنا انها تبثلك الصوره عن طريقالغاز LCDأماعن طريق السائل وهي تتفوق بالوضوح اكثر من البلازما...

​

التباين



والمقصود فيه اعلىدرجة للون الأبيض واعلى درجة للون الأسود تقدر تقدمه الشاشة .. وكل مازاد هالمعدل زادت قدرة الشاشة على إظهار التفاصيل بالصورة بشكل أفضل .... ومن ناحية التباين شاشات البلازما قدرت توصل لدرجه عاليه جدا من إظهار اللون الأسود توصل 3000:1 ماقدرت توصللها شاشاتLCDأعلى رقم وصلت له 1000:1 بس طبعا مو معناته ان LCD سيئه هي تقدرتعطيك نتيجة اكثر من كافيه بالنسبة لدرجة للونالأسود
دقة الألوان




المقصود فيها قدرة الشاشة أنها تعرض جميع الألوان بمختلف تدرجاتهابصورة دقيقه ومطابقة للواقع .. بالنسبة للميزة هذي شاشة البلازما تتفوق فيها ايضا كونها تقدر تعرض لنا كل الوان الطيف وعددها 16.77 مليون لون بدقه عاليه جدا لكنشاشاتLCDفيها ميزه انها تتمتع بكثافه نقطيه اكبر بكثير من شاشات البلازما بمعنىانك لو تقرب مره من شاشهLCDماراح تلاحظ نقاط صغيره على نفس الشاشه بالتالي تكون فيها الألوان متشبعه اكثر
زوايا الرؤيه




شاشات البلازما لها زاوية رؤيه كبيره تصل الى اكثر من 160 درجه بمعنى انك تقدر تشاهد الشاشه من اي مكان بالغرفه ومن اي زاويه بنفس الدقه والوضوح .. اما شاشات LCDممكن ان الرؤيه تكون خافته نوعا ما لو جلست في زاوية مايله كثير عنالشاشة وعلى شان تحصل على أفضل رؤيه من المهم انك تكون مواجه للشاشة او جالس بزاوية مايله نسبيا
زمن الاستجابة



كل ماكانالزمن اقصر كانت فعالية الشاشه افضل خصوصا في عرض مشاهد الأكشن السريعه والعاب الكمبيوتر وفي هالجانب تتفوق شاشات البلازما يوصل زمن الاستجابه الى 7 Ms لكن حالياLCDمتساويه معها تقريبا بس مو في كل الأنواع
مدة الحياة




مثل ماذكرت بالبداية ان شاشات البلازما تعتمد على غاز في آلية عملها مشكله هالغاز ان له عمر افتراضي يقدر 3000 -2500 ساعه عمل بعدها تضعف الشاشه ويقل سطوعها بكشل كبير .. وبما ان الغاز ماله طريقه إعادة تعبئه بهالحاله تنتهي حياة الشاشة مع إنتهاء العمر الإفتراضي للغاز .. اما شاشات LCD بما انه فكرة عملها تعتمد على الضوء بشكل اساسي يقدر عمل مصابيح الضوء فيها الى 60000 ساعة عمل وبما ان هالمصابيح ممكن تتغير يصير العمر الإفتراضي للشاشه غير محدود ابدا
استهلاك الطاقة




ماتقارن شاشةLCDمع البلازما في هالنقطه فهي تستهلك شي بسيط جدا منالطاقه بينما البلازما تستهلك ضعف استهلاك شاشةLCD
مستوى الإشعاع الناتج




وهذي من اهم نقاطالفروق واللي قلت في البدايه ركزو فيها وهي الإشعاعات الضاره اللي تصدرها الشاشه .. وفي هالنقطه شاشة LCDماتصدر اي اشعاع ضار ابدا لانه مايصدر منها إلا الضوء .. اماشاشات البلازما لانها تصدر اشعة فوق بنفسجيه تكون ضاره نسبيا ولو انها اقل من اللي يصدر من التلفزيونات العاديه
منقول للأمانة العلمية
 
تأييد 0 تصويت سلبي
ب

بوكهرب

عضو مميز
اخوي طلال

اذا تبي احدث المواصفات واخر مانزل في السوق عندك شركة سامسونج الاعرق في هذا المجال

نزلت قبل شهر نظام LED بمواصفات

بمواصفات
2مليون كونتراست

2 ميجا بكسل

100 هرتس سرعتها

4 اج دي ام اي

فلاش ميموري

منفذ USP لتشغيل افلام الهارديسك والفلاش ميموري مباشره والاغاني والصور


تقدر تشوفه باليوتيوب


//http://www.youtube.com/watch?v=AjA6v6CX8mY&feature=related



وبنسة للمقارنه بين سوني وسامسونج

ما فيه فرق بين المواصفات الابأسعار سوني المرتفعه


لان كل شاشات سامسونج و Sony تصنع من مصنع واحد الي اسمه S-LCD و الشركتين متشاركين في المصنع بنسبة 51% للسامسونج و 49% لسوني طبعا النسبة مرتفعة للسامسونج لأن المصنع في كوريا الجنوبية و الشركتين يطورون التقنيات للتصنيع و هو بقدرة إنتاجية 60 ألف panel في الشهر... و انفتح في سنة 2005... وهنيه تلاقي وصف المصنع من موقع سوني و صورته http://www.sony.net/SonyInfo/News/Pr...15E/index.html

وبالتوفيق
 
تأييد 0 تصويت سلبي
ط

طلال

عضو ذهبي
يا جماعه انا لقيت المواصفات الهاي ديفيشن بشركه غير السوني والسامسونغ

شنو الفرق اللي يطلع معاي غير اسم الشركه ..لاني رحت الغانم والكتروزان وشفت 47 بوصه

نفس المواصفات اللي بسوني والسعر 320 د.ك والمواصفات بالضبط نفسها ...

وقالولي بالكتروزان ان الشاشه شاشة ال جي اللي بس الاكسسوارات صينيه يعني البرواز ..

​
 
تأييد 0 تصويت سلبي
ع

عبدالله .

عضو بلاتيني
والله اخوي طلال اهني تفرق الجودة
يعني جودة السوني والسامسونغ
اكيد مو مثل جودة الـ ونسا مثلاً

دايماً انت تتجه للشركة الخبيرة في صنع المنتج نفسه
مثلاً إذا تبي كاميرا ماتروح تاخذ كاميرا كاسيو بتروح تاخذ كاميرا كانون

الجودة هي المعيار

:)​
 
تأييد 0 تصويت سلبي
ط

طلال

عضو ذهبي
والله ياخوي عبدالله كلامك عدل

بس بيني وبينك بتجه الى الارخص سعرا :D

47 بوصه وهاي ديفيشن وكفاله 3 سنوات ب320 دينار اخرتها بينقط بالدوانيه ...:(

ويعطيكم العافيه على النصايح الطيبه :إستحسان:​
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى