الجهراء درّة ؛ للجهراويون فقط....!!

ا

الكونجرس

عضو مميز
الأصمعي قال:
بما إن الموضوع خاص للجهراوية ..​



منو فيكم يذكر المهارة اليمنيين إللي يدورون على لبيوت و يبيعون خام قبل الغزو :D​

طبعاً هالسؤال أوجهة لسكان الجهراء القدماء أو الشياب و العيايز إللي معانا بالمنتدى :cool:​


تحياتي .. :وردة:​
أنقر للتوسيع...

اذكرهم وشلون ماذكرهم الله ياحلو ذاك الوقت وبعد تذكر ون الهنود البهره اللي يفترون بالشوارع حزة الضحى والواحد منهم شايل شنطه اتعدى 40كيلو مثل هذي تذكرون ليت اللي مضى يعود

walizka-e12852495228362-300x228.jpg

​
 
ا

الكونجرس

عضو مميز
تذكرون الهنود البهره اللي يفترو ن حزة الضحى ويبيعون على الخدامات ملابس وكماليات​
ن
تذكرون الشنطه والا اوريكم​

domain-8148572a27.jpg
 
ا

الأصمعي

عضو مخضرم
الكونجرس قال:
اذكرهم وشلون ماذكرهم الله ياحلو ذاك الوقت وبعد تذكر ون الهنود البهره اللي يفترون بالشوارع حزة الضحى والواحد منهم شايل شنطه اتعدى 40كيلو مثل هذي تذكرون ليت اللي مضى يعود

walizka-e12852495228362-300x228.jpg

​
أنقر للتوسيع...

انا أذكر المهري اليمني راعي الخام إسمة غازي و أخوه أظن فيصل :)

تحياتي .. :وردة:​
 
ع

عــذوب

عضو بلاتيني
تشوقنا لسوالف هل الجهرا
وينكم ؟؟
اخوي متعب عسى المانع خير .والله يستر على عويناتك الزرق :p

يعني محد سولف عن جونا اللندني اليوم الصبح:D
متابعه بصمت
:وردة:​
 
ب

بدر بن ذيب العنزي

عضو
الجهراء .. اجمل وافضل منطقة في الكويت .. كل شي فيها .. كل خبايا واسرار الجهراء حافظها .. كل زاوية في الجهراء وطأت قدمي فيها .. عاشت الجهراء وعاش اهلها الكرام
 
ا

الأصمعي

عضو مخضرم
بعد هجرة غالبية سكان الجهرة القدامى إلى داخل مدينة الكويت ..

لم أذهب إلى الجهراء منذ سنوات طويلة ..

لازم على يوم أمر أشوفها تغيرت و لا لأ ..

تحياتي .. :وردة:​
 
أ

أحمد الحميد

عضو جديد
أبو سلطان قال:
الله يازين ايامنا ياليت ترجع أيامنا لو يوم .. الله يهديك ياصاحب الموضوع اعذروني عن الكتابه عجزت اكمل اخنقتني العبره ..
أنقر للتوسيع...



قطعة واحد مألومك إذا أخنقتك العبره واللي قد عاش بالشعبيات يعرف هذا الشيء


الشعبيات القديمة كلها كانت ديرتي أو بيتي بمعنى أصح خاصة قطعة واحد ويتضح لي من أسماء الشباب اللي ذكرتهم إنك من قطعة واحد وبشارع ستة بالضبط إذا أنا ماني غلطان سكنت انا فيها ولدت هناك وترعرعت بها وقضيت احلى مراحل طفولتي وذكريات شبابي وغادرتها بعد عشرة أيام من غزو العراق الغاشم يعنى جلست فيها حتى وقت الغزو ، وذكرتني بأشياء كثيره آه آه آه آه يازمان أول كنا كلنا عائلة وحدة وقلوبنا نظيفة ندخل بيوت بعض ولا فيه أحد ينظر لمحارم بيت جاره بنضرة سوء أو خبث ،،،، بنات جيرانك مثل خواتك ،،،،، يمكن ما بينك وبين جارك أي صلة قرابة ولكن قوة العلاقة اللي بيننا أقسم بالله إنها أقوى من علاقتنا بأقاربنا بالوقت الحالي ،،،
لله درك يالشعبيات القديمة ،،،، ودي أضيف للذكريات أشياء مدري تذكرها أو لا ​


· الخباز الإيراني اللي برأس الشارع كان يبيع الخبزه بـ 15 فلس يعني 50 فلس فيها 3 خبزات وياخذ 5 فلوس له كنا نعطيه 60 فلس ( نصف دور وكل واحد معه كيسة ويااااااالله متى يجيك دور والقهر إذا بعد التعب هذا كله جاك فارس مطير( الله يذكره بالخير ) وأخذ خبزك ) .
· الكواي اللي برأس الشارع كان أكثر زبون عنده سالم هادي وكان لون الثوب سكري .
· سيارة أبو غضبان الهايلكس الغمارتين كان يجيبنا عليها من المدرسة السيارة مليانة وفيه ناس بالصندوق وناس فوق الغمارة وللي راكب على الصدام .
· سعيد المطيرى راعي الكرم كل يوم يسوي قهوة ويتجمعون عنده الرياجيل بعد صلاة العشاء.
· راعي البياع بياع بياع بياااااااااااااااع .
· والهندي راعي السمبوسة اللي يجي تقريبا بعد صلاة العصر العن أمه يازين سمبوسته .
· أحمد حميد الشمري وأخوانه شجاع وعبدالله .
· شعلان حواس ، ومساعد الرندي ، وعبداللطيف سعيد ( الأمير ) ، عطالله اللي عند بيت غضبان
· سيارة طاري الدادسون الحمراء ، مدرسة حذيفة بن الإيمان ، وأبن طفيل ، والمبارك .
· بقالة الوطن ، مكتبة الضامر .
· زميل الطفولة فهيد جديع طويرش الظفيري ( ياترى وين راح الآن ) .
· تذكر أيام مسلسل محظوظة ومبروكة أو رقية وسبيكة ااااااااااااالله يا مسلسلات رمضان أول .
· حتى المرح بشهر رمضان كان ممتع ( لعبة الفارس الملثم بطولة شجاع حميد ) .
وش أذكر وش أخلي ياأخوي الغالي ،،، قضيت أحلى ذكرياتي بالشعبيات القديمة ، كل زاوية تشهد لي بذكرى حلوه وكل جدار فيها يسوى بلد ، الله الله الله يازمان أول من يقدر يأخذ كل مدن العالم والعواصم ويرجع لنا الشعبيات القديمة ،،،
تحياتي لكل من عاش بالشعبيات القديمة مصنع الرجال مدرسة الصدق ديره الأمانة والإخلاص شعبيات القلوب القديمة نعم القلوب القديمة وليس الجديدة .
[/QUOTE]
ياالله منين طلعتو معك احد الابطال اللي ذكرتهم هههههه
هذا رقم تليفوني
00966545746699
 
ع

عبدالله حميد الشمري

عضو جديد
قطعة واحد قال:
الله يازمان اول

الله يازمان اول ياحلوه انا بقطعة واحد :
اذكر السوري الي يبيع برد يجي آخر العصر ومعة ببغاء
اذكر نعال التريبو موضه حلوه
اذكر الكردي هههههههههه
وين موضة الثوب الصدفي
وين فارس مطير وعبدالله ابو رفرف ,,,فواز الهرو
اذكر يوم توفي عبدالله طاري الحربي الله يرحمة صدمته سيارة الظاهر عام 1986
ربع النيران صنيتان سعيد المطيري وربعة كنا نلعب معهم كوره ,,
ياشباب من يذكر عراميشوا ,,, فهد فرحان اذكر طلع لهم بيت بالفردوس وشدوا ..
غضبان وعبدالمحسن وراضي
ولد صاهود والله راح عن بالي
فنوس مجبل وين راح ياشباب
مبارك الاسمر
نواف الزنبور نايف
هندي العنزي
يوسف فرحان وفهد فرحان
صنيتان سعيد وصالح وفهد
فهد عبيد ومرزوق وبدر
سالم
فهد طاري وجابر
زيد,حمود البعير وأخوه وطاطا , عبدالرزاق , وعبدو, حسين ولد ابو حسين , جدوووع , السنجار , عبدالله حميدالشمري واخو احمد ,حاكم ,
ومغير,,,,,,,,,,,,,,,,,,,,,,

الله يازين ايامنا ياليت ترجع أيامنا لو يوم .. الله يهديك ياصاحب الموضوع اعذروني عن الكتابه عجزت اكمل اخنقتني العبره ..
أنقر للتوسيع...
هلا بأهل الشعبيات الأوفياء انا أحد المذكورين بالذكريات الجميله عبدالله حميد الشمري
 
يجب تسجيل الدخول أو التسجيل كي تتمكن من الرد هنا.
أعلى