شسالفة بلاك بيري

ع

علمتني الحياة

عضو مميز
هل يستحق بلاك بيري كل هالضجه
هل يستحق الاقتناء
ام هي زيادة وجاهه وهياط زايد
تعليقكم يا حلوين لانه كثير بشكل مو طبيعي​
 
S

S7tooo

عضو مميز
المجتمع الكويتي بو هبه

وهذي هبه من الهبات .. مو اول ولا اخر هبه يهبون فيها

دائما وابدا يطيحون كل يديد من عينك

ويسارعون في اقتناءه لزوم الكشخه و الهياط ومواكبة الهبه

(مع الخيل يا شقره)
 
ف

فزااع

عضو فعال
سلام للبلاك بيري

البلاك بيري= بيبي

بالكويت اي شي ايجابي ,,, نحول استخدامه الى استعمال سلبي

بالكويت يهبون هبه ويطيرون بالشي

تدري لزوم الكافيات وبس ؟؟ يحطونه على الطاوله

وبالنسبه للشركات ماكلينا.. اشتراك البيبي اقل شي 14 دينار شهريا

وباي دوله غير الكويت تلقاه شي رمزي

ولا يذكر ,, بالسعوديه تقريبا 90 ريال =يعني 7 دنانير

والدول الاوربيه ولاشي يذكر اقل من دينار شهري لمده سنه وبعدين يصيرر مجاني

وهات يا نتف فينا يا اتصالات ويا وطنيه

والف شكر للفيفا حبيبه الشعب


خلت الارضى مجانا

ودمتم
 
L

libra

عضو
البلاك بيري جهاز مفيد للي يعرف له .. خصوصاً للتواصل مع الأهل والشغل .. وفيه ميزات حلوه مثل ال GPS واسعار الاسهم والعملات ودرجات الحراره والماسنجر .. والإيميل الشخصي .. وإيميل الشغل ..

لكن الواقع .. معظم اللي مشتركين في هالخدمه .. ماعندهم سالفه .. يستخدمونها للمغازل والخرابيط :)
 
ا

(اسد الجزيره)

عضو فعال
جهاز سيتعمل للفائده وللاستخدام العملي
ولكن هذا حال مجتمعنا يلهث وراء كل شي جديد والكثير منهم لا يعرف مميزات الجهاز ولك ان ترى ما يرسل في البلاك بيري لتعرف مدى الانحطاط والسخافه التي وصلنا بها
ودمتم
 
V

Venezia

عضو بلاتيني
الـ Black Berry ​

أحد التقنيات الحديثة التي اتفق مع الزميل فزااع ​

في أن اغلب الاشخاص يحولون التقنية الايجابية الى سلبية باستخدامهم .​

و هذا طبعا بالنسبة للأغلب و ليس الجميع .​

و لكن الجهاز فعلا مفيد و يحتوي على مميزات عديدة​

كما تفضل الزميلـ/ة Libra​

اضافة الى تسهيل التواصل بين الاهل و الاصدقاء لوجود المسنجر الخاص
بـ الـ Black Berry و هو من ضمن الخدمات التي يوفرها الاشتراك
مع شركة الاتصالات الخاصة بك .​

و لكني أراه فعلا أصبح لدى الأغلب اكسسوار أكثر من كونه وسيلة للاتصال​

-
-​

بصراحة و للأمانة صرت استحي اشيلة بسبب النظرة السلبية من أغلب الناس
لمستخدمي هذا الجهاز فصرت اطلعه وقت الحاجة و ارده في حقيبتي ​

تحياتي لك زميلنا علمتني الحياة ​

و الجهاز زين فعلا و ممتاز لكن الخلل في بعض مستخدميه .​

:وردة:​
 
ب

بو شبيب

عضو فعال

الشباب عندنا هني مع الخيل يالشقرا !
( الموضة هالأيام هي : الجينز السكيني + البلاك بيري + وجبة ماك جكن )

شارينه كشكل، و معلقينه على رقبتهم و ما أشوف استفاد من تقنيته ( على الأقل من الي أعرفهم )
و عسى ما كلمنا واحد يقولي أقدر أتواصل مع ربعي منه ..
أقوله بفلوس ولا ببلاش ؟ يقولي بإشتراك شهري : \
أقوله انزين تتواصل مع كل الناس ولا بس الي عندهم بلاك بيري ؟ يقولي بس مع الي عندهم بلا بيري : \

شفايدته عيل ؟ اشتروا لكم أي بوكيت بي سي أو آيفون و حط فيه برنامج الface book و twitter و خلاص، تواصل مع الي تبيه و بكل دقيقه بعد و ببلاش !

انطر شهرين بالكثير .. اذا شفت البلاك بيري هذا وجهي​
 
ع

علمتني الحياة

عضو مميز
اشكر جميع من شارك والي يعرف هبه من هبات الشباب والبنات هالايام يذكرها لنسلط عليها الضوء وننتقدها بكل موضوعيه تحيه طيبه لكم ​
 
K

KUWAITAWYY

عضو بلاتيني / الفائز الخامس في مسابقة الشبكة الرمض
فائز بالمسابقة الدينية الرمضانية
S7tooo قال:
المجتمع الكويتي بو هبه

وهذي هبه من الهبات .. مو اول ولا اخر هبه يهبون فيها

دائما وابدا يطيحون كل يديد من عينك

ويسارعون في اقتناءه لزوم الكشخه و الهياط ومواكبة الهبه

(مع الخيل يا شقره)
أنقر للتوسيع...



كلامك عين العقل........!!

ولاازيد عليه....:وردة:​
 
ح

حمد العنزي

عضو فعال
من اخترع الجهاز كان هدفه خدمة رجال الأعمال ولكنه بكل تأكيد فوجئ بشكل كبير باقتناء (عيال الفقر) لهذا الجهاز ليس من أجل تسهيل مهام عملهم بل (للتشيحط فيه جدام خلق الله)، واليوم كل من هب ودب يقتنيه سواء كان بحاجة لما فيه من امتيازات لو فقط من اجل البهرجة و (المهايط).

ويقال في الامثال (رزق الهبل على المجانين)​
 
ا

القرار الجرىء

عضو بلاتيني
Venezia قال:
الـ Black Berry ​


أحد التقنيات الحديثة التي اتفق مع الزميل فزااع ​

في أن اغلب الاشخاص يحولون التقنية الايجابية الى سلبية باستخدامهم .​

و هذا طبعا بالنسبة للأغلب و ليس الجميع .​

و لكن الجهاز فعلا مفيد و يحتوي على مميزات عديدة​

كما تفضل الزميلـ/ة Libra​

اضافة الى تسهيل التواصل بين الاهل و الاصدقاء لوجود المسنجر الخاص
بـ الـ Black Berry و هو من ضمن الخدمات التي يوفرها الاشتراك
مع شركة الاتصالات الخاصة بك .​

و لكني أراه فعلا أصبح لدى الأغلب اكسسوار أكثر من كونه وسيلة للاتصال​

-
-​

بصراحة و للأمانة صرت استحي اشيلة بسبب النظرة السلبية من أغلب الناس
لمستخدمي هذا الجهاز فصرت اطلعه وقت الحاجة و ارده في حقيبتي ​

تحياتي لك زميلنا علمتني الحياة ​

و الجهاز زين فعلا و ممتاز لكن الخلل في بعض مستخدميه .​


:وردة:​
أنقر للتوسيع...
شكرا فينيسيا

على التوضيح

تصدقين اني ما اعرف عنه اي شي

طلع موهين البلاك بيري

تحياتي​
 
ع

عبدالله .

عضو بلاتيني
مثل ماتفضلوا الزملاء

هبة مثل اي هبة ومو مستغربين على شعبنا هالهبات
كان في هبات مثل بلاك بيري واكثر لو بنعددها مانخلص

للأسف احنا مشهورين بإساءة استعمال التكنلوجيا

ولا الجهاز بحد ذاته فوائده عديدة

:)​
 
ب

! بالحيل مختلفة !

عضو جديد
لو رجعنا .. لبداية تواجد أوأصله ..
بنعرف انه كان محصور ومايتعدى نطاق الشركات ورجال الاعمال ..!
وتطور الامرلين دخلوا عليه براامج ..

مكتوب عليه انه لرجال الاعمال بس نااس
عقولهم فااضيه شااريته بس عشاان تكشخ فيه ...

وترى مثله مثل غيره من الصيحات الالكتروونيه
يعني بينزل شي جديد بيصير البلاك بيري نسيا منسيا ..
 
Y

yousef mustafwi

عضو مميز
افا اشدعوى ليش هذا الهجوم على الجهاز مع انه حلو وفي حركات
منها تصفح الانترنت والماسنجر والايميل ومعاه خدمة بلاك بيري ماسنجر
اشتراك 14 دينار حاله حال اشتراك الانترنت العادي على الموبايل مو شيء
يديد ابصراحة انا كنت من المعارضين للجهاز لكن قلت بنفسي بجربه واشوف
استفدت منه بوايد اشياء منها النت والايميل والماسنجر والفيس بوك وصرت
متواصل مع النت بشكل افضل ولا من خلال تجربتني اجهزة الموبايل الاخرى لمن
تكون شابك انترنت 2 -3 بالكثير راح تخلص البطارية اما بطارية الجهاز بلاك بيري
من خلال تجربة اقوى ومخصصه اتوقع لمثل هذي الامور , اذا كانوا بعض الناس
تستخدمه بسوء نية الخلل من الشخص وليس من الجهاز !!!​
 
يجب تسجيل الدخول أو التسجيل كي تتمكن من الرد هنا.
أعلى