سؤال وجواب لاب توب جديد

BoOmarQ8

عضو مميز
سلام عليكم

أدخل بموضوعي ... لاب توبي صراحة أكل عليه الدهر و شرب ... أو بالأحرى أنا أكلت عليه و شربت
بغيره مع أنه جدًا مريح ... لكن لو دامت لغيرك ما اتصلت إليك

ودي أشتري نفسه لكنه غالي ... جاني هدية من الوالد طول الله عمره ... Sony vaio صغير جداً

يعني شنو فيه لاب توبات أسعارها مناسبة و أهم شي خفيفة و صغيرة ... بس ما يكون على حساب عمر البطارية أو أداء اللابتوب نفسه
صراحة ما أعرف بمواصات اللابتوبات من ناحية رام و سرعة إلخ

إنصدمت من عيال عمتي الصغار كل واحد منهم ماسك لابتوب أصغر من لابتوبي ... سألتها ولا شارية الواحد ب 90 دينار أعتقد ... تعبثت فيهم شوية حسيت مو شي ... و ماركة أول مرة أسمع عنها

اقترحوا لي جُزيتم خيراً
 

yousef mustafwi

عضو مميز
اخوي بخصوص الاب توبات فيه لاب توبات تكوني بدون سيدي روم وصغيرة جدا ما انصحك فيها لانها لا بطارية ولا شغل ولا شيء , تبي شيء طيب توشيبا قوي وعندك سوني قوي بس وايد حساس وسعره مبالغ فيه اما اذا تبي شيء تقزرها فيه يعني مو بروفشنال وجيد بنفس الوقت وسعره معقول نسبيا بس مو قوي وايد عندك الاش بي .
 

إعـلامي

عضو فعال
اخوي لو موضح شنو استخدام للاب توب عشان اقدر افيدك اكثر يعني استخدام عادي او تصميم جرافيكس او ميديا او برمجه

بس الي فهمته منك تبي شي حلو + ضعيف

سعر مادري عنه لاني كنت ماخذه من امريكا بس مادري عن الكويت بجم

http://www.apple.com/macbookair/

انحف لاب توب بالعالم + تصميم حلو + بطاريه قويه

بس فيه عيب اذا انت مو من مستخدمي الماك من قبل يبيلك سبوعين على ماتتعلم عليه وبعدها تكره شي اسمه وندوز
 

الزيــــــــــن

عضو بلاتيني
اقوى ماركة لاب توب عن تجربه شخصيه (توشيبا) اتوقع سعره زين ,, (ديل) حلو شكله, حجمه متوسط سعره بعد زين مو غالي واستخدامه ممتاز . اقولك هالكلام عن تجربه شخصيه اما باجي الماركات مادري عنهم بس انصحك باللي ذكرتهم لك.
 

BoOmarQ8

عضو مميز
يعطيكم العافية و رحم الله والديكم

مصطفوي ... قلنا صغير بس مو بدون سيدي روم ... لا جداً ضروري ... توشيبا استخدمه قبل و لمدة 3 أشهر فقط لا غير :confused: ... إذا فيه نوع معين من التوشيبا ببالك دلني عليه لا هنت

إعلامي ... إلا الماك ... وندوز و يالله أعرف له ... إستخدامي عادي بدون تصميم ولا شي ... قبل كنت أطالع أفلام باللابتوب بس الحين لأ

الزين ... كنت أفكر ب Dell ... و للحين أفكر فيه!

الظاهر بحاول أرجع عالvaio

فيه لابتوب شفته أمس Touch و الشاشة تقدر تلفها و تصكر عالكيبورد و تكتب اللي تبيه على الشاشة بقلم ... هذا إشلونه؟؟
 

It's Me

عضو بلاتيني
صباح الخير عزيزي عطالله ..

والله آنا جربت الدل و التوشيبا و الآيسر و شبه استخدام للـ (إتش بي ) و عليه أقول (أتكلم بشكل عام مو عن أي موديل بالتحديد ) :



(1)

الدل و أقطع ..
attachment.php

بحكم الدراسة و غير الدراسة :) صراحة هاللابتوب أثبت فاعليته عندي تكديش ليل نهار تحت ظروف قاهرة ناهيك على إنه من إيد لي إيد يعني مو بس استعمالي ... صمد أربع سنوات و ألحين مخلينه سبير لأن للحين فيه روح :) + تصميمه جميل و بطاريته قوية ويسوى سعره صراحة ً ..

( 2 )

19957_extra2.jpg

حاليا ً أستخدم التوشيبا جيد جدا ً بس لازم تتدقق و تاخذ موديل صح يعني يجيك مو أقل من الـ350 دينار... تصميم راقي جدا ً و بطارية حديد ..
أما الأقل سعر تتعبك مروحته و يحتر بسرعة و يطحن إذا إنت صج تستخدم جهازك إما إذا استعمالك خفيف فتلقى على الـ250 شي نظيف و مرتب خفيف و بطاريته ممتازة بس هم حافظ عليه لان خرابة ببيزة ..


(3)

new-acer-laptop.jpg

الـ acer خفيف و أنيق موديلاته حلوة و سعره معقول و مميزاته أكثر من سعره , بالعربي يتكدش معاك فتره أطول من عمره الإفتراضي:) لكن إذا بدا يخترب إغسل إيدك ولا تفكر تصلحه لأن خراباته ما راح توقف ...

(4)

1214966988-hp%20laptop.jpg


الـ HP صراحة تسميه لابتوب "تقزيره".. الديسكتوب من كمبيوترات الـHP وايد أحسن من اللابتوب لأن تصميمهم مو مريح و البطارية تعبانة مهما شريت موديل غالي +خرابه جايد و ما يتحمل مثل الدل أو التوشيبا ..



هذا من خبرتي أو من الأشياء إللي تهمني باللابتوب أما الأمور التقنية فوالله ما عندي خبرة أيهو الأفضل فيهم .. أهم شي عندي باللابتوب إنه يتحمل + مريح في الاستخدام ..

تحياتي لك :وردة:
 

إعـلامي

عضو فعال
فيه لابتوب شفته أمس Touch و الشاشة تقدر تلفها و تصكر عالكيبورد و تكتب اللي تبيه على الشاشة بقلم ... هذا إشلونه؟؟

هذا اسمه Tablet

عندي واحد من سنتين وليما الحين ماشاءالله تبارك الرحمن
شركة Toshiba

كاده كد ومرات توصل فيه اني اخليه سبوع كامل مايطفي على الكهربا وبطاريته حلوه

وفيه قلم تقعد ترسم فيه وولد اخوي مقزرها عليه :)

روح محل توشيبا الي بشرق تحصله سعره 620 دينار وللعلم انا شاريه بنفس السعر قبل سنتين يعني ماطاح سعره

شوف اذا انت من هواة الي يشترون من النت يمكن تحصله رخيص
 

BoOmarQ8

عضو مميز
شكراً جزيلاً

إتس مي ... شرح وافي يعطيج العافية ... إستبعدت الHp ولو أنه كان بمقدمة الخيارات عندي!
توشيبا اللي قبل عندي المفروض أن مواصفاته زينة ... لكن مشكلته حجمه كبير

إعلامي ... بعد ما كتبت اسمه Tablet رحت قريت عنه ... واجد يشتكون من حساسيته الزايدة ( الطبيعية مع الأجهزة اللي تستخدم الTouch )
لكن تقول أنك كاده كد و ماشي "حلاوة" معاك
لكن ضيعتني ... أنت شنو الجهاز اللي تستخدمه الحين ... الMac ولا الTablet ؟

أبو العتاهية ... أستخدم اللابتوب تقريباً طول اليوم ... لكن ما أستخدمه إلا للتصفح بالنت ( غالباً شغل دراسة ) ... و المهم أكثر برامج الOffice وورد و باور بوينت و إكسل ... و ماسنجر طبعاً بين فترة و فترة ( يعني أفضل الكاميرا تكون Built in )
المهم على ما قالت الأخت إتس مي أنه يكون مريح بالإستعمال
 

إعـلامي

عضو فعال
إعلامي ... بعد ما كتبت اسمه Tablet رحت قريت عنه ... واجد يشتكون من حساسيته الزايدة ( الطبيعية مع الأجهزة اللي تستخدم الTouch )
لكن تقول أنك كاده كد و ماشي "حلاوة" معاك
لكن ضيعتني ... أنت شنو الجهاز اللي تستخدمه الحين ... الMac ولا الTablet ؟

انا مصمم واحب احوس والعب بالفيديو واركب واعدل استخدم جهاز IMac دسك توب وياتي فتره استخدمت ماك بوك لاب توب بس لاني استخدم لاب توب حق القهوه او شاليه ومن هالكلام ما احتاج ماك ونعرض علي خوش سعر حزتها وبعته خذيت توشيبا عملي وحلو وتابلت الشاشه مافيها شي حتى ولد اخوي ياخذ القلم ويتهاوش معاها الحمدالله شغاله زي الفل العيب الوحيد وهو عيب الوندوز بكبره ماتفرق الجهاز لا توشيبا ولا دل ولا اتش بي وهو مع الاستخدام يصير بطئ عشان جذي استخدم ماك للاعمال الخاصه لان تهمني السرعه حيل

وشوف انت على حسب الاستخدام اخذلك جهاز بس انصحك اذا تبي جهاز توشيبا الافضل وبعدها اختارلك المواصفات الي تناسبك
 

أحمداني

عضو بلاتيني
في عرض عند جامعه الخليج لاب توب بـ 30 دينار وحجمه صغير بس لازم يكون عند " كرنيه الجامعه " وسعره الأصلي بـ 150

وأعتقد الأسبوع القادم ينتهي هذا العرض..ونوعية لاب hm أو im شي مثل جذي
 

els3dy

عضو جديد
اخوي لو موضح شنو استخدام للاب توب عشان اقدر افيدك اكثر يعني استخدام عادي او تصميم جرافيكس او ميديا او برمجه

بس الي فهمته منك تبي شي حلو + ضعيف

سعر مادري عنه لاني كنت ماخذه من امريكا بس مادري عن الكويت بجم

http://www.apple.com/macbookair/

انحف لاب توب بالعالم + تصميم حلو + بطاريه قويه

بس فيه عيب اذا انت مو من مستخدمي الماك من قبل يبيلك سبوعين على ماتتعلم عليه وبعدها تكره شي اسمه وندوز

هالابتوب مافيه USB الا فتحه وحده ومايشغل DVD ولا فيه CD-writer ولا DVD-writer
والابتوب هذا سعره غالي مقارنتاً بلابتوبات الويندوز...
ومواصفاته مو لي هناك ايضاً ، والحلو فيه خفيف والسيستم ماله ماك..
 

BoOmarQ8

عضو مميز
يعطيكم العافية

إعلامي ... وضحت الفكرة

أحمداني ... شكراً على المعلومة
أحس لابتوب ب 150 مو ذاك الزود ... خصوصاً أني ما أحب أغيّر الأجهزة ... أبي جهاز يعمّر ... عاد أخوي يدرس بالخليج

Els3dy ... شكراً على التوضيح ... نهائياً ما فكرت بالماك من أساسه
 
أعلى