كنت اسير بالطريق بين الرميثية والسالمية الساعة 3 الفجر...وبعد ان تعديت دوار البدع وصار وراي والسالمية على يميني...واذا بسيارة تنام علي نومة قوية...بغى يدخلني بعمود النور....!
ثم وانا امشي...نظرت اليه (بدون ما اسوي اي اشارة او حركة) ففوجئت فيه يسويلي حركة وصخه بايده...ويكررها اكثر من مرة!
وكان الرجل معاه صديقين من اصدقاءه ومعاه عاهرتين كرمكم الله...
ثم فوجئت فيه يجي جدامي (بدون سبب!) ويحكرني عشان يوقفني فانحشرت ووقفت...ثم.....وفي نفس اللحظة...توقفت خمس سيارات اخرى مادري من وين طلعوا!!!! عرفت بعد ذلك انهم ربع وكانوا الظاهر كلهم طالعين من قعدة بالسالمية كلها خمر وحشيش....
المهم...نزلوا كلهم فجأة...وبعد ما نزلوا عرفت ان الوضع صار بالنسبة لي خطير جدا...فعددهم كبير جدا...عشرين شخص تقريبا.......وست سيارات...وانيتات كبيرة....وهمر وسيارات ثانية....المهم انه بما ان الكثرة تغلب الشجاعة فرأس الحكمة بهالمواقف ان...تهرب!...ولكن المشكلة لا يوجد مكان للهرب....فالسيارات محاوطتني من كل جانب....وسيارتي صغيرة والمكان فاضي ومافي احد....المهم نزلوا كلهم بيطقوني...وبصراحة ردة فعلهم كانت مو منطقية نهائيا وما تتناسب نهائيا مع الحدث!!! يعني انا ما سويت شي بالمرة...والكل نازل بيطقني وبيلعن خيري وكلهم محششين وسكارى وشكلهم مايدرون ليش بيطقوني!!....المهم اني انا ظليت بسيارتي ثم جاني واحد منهم طول الباب وايده مثل المرزبّة ودخل راسه من الدريشة اللي يم السايق يبي يمد ايده علي...ثم شفت عيونه تخربطت مادري شصار فيه..ثم جو ربعه...فدزيت ايده وقفلت البيبان وركبت الرصيف الايسر واننحشششششششششت....
المهم لحقوني بسياراتهم...مادري ليش لاحقيني اصلا!
بس الظاهر الخمر والحشيش لاعب براسهم لعب مو طبيعي...المهم وانا ماشي واحد منهم صاحب الوانيت دعمني دعمة قوية من الخلف....لقيت نفسي اتخظخظ داخل السيارة وسمعت صوت الدعامية الخلفية تحك بالشارع والتواير توصوص والدبة دشت للكشن الخلفي وانحرفت فيني السيارة انحراف شديد وكنت بقلب.....!!!!!
الظاهر كان قاعد يحاول يركب فوق سيارتي بتوايره الضخمة...
لكن عدلت السيارة الحمدلله ثم كملت النحشة وقبيت وقمت اطق رصيفات والحمدلله اني انحشت...واتوقع ان الله فكني منهم لسببين...الاول ان انا كنت صاحي والثاني ان اهم كانوا محششين وسكارى....
اتوقع هذا اهو السبب الوحيد بعد الله!!!
المهم سيارتي الحين متكسرة تكسير مو طبيعي والدبة داشه داخل والدعامية طايحه والسطابات...والمشكلة حتى ارقام سياراتهم بسبب الارتباك وسرعة الموقف ما قدرت آخذ شي منها....
المهم...شلون جذي؟ عصابة كاملة تمشي بالشارع...عاهرات شعورهن منفوشه وسكارة ومعاهم شباب...تخيلوا كلهم نزلولي!!!!!
هالموقف حصل امس بالليل يا جماعة...والله ليلحين قاعد افكر ومصدوم...شلون حصل هالموقف؟ ردة فعلهم كانت مو طبيعية!!!
معدل الغضب في البلد زايد...الناس معصبة وسكرانة ومحششه ورايحه فيها...
الشباب يغزون ابر تستسترون عشان يكبرون عضلاتهم....والمعروف ان التستسترون هرمون خطير يزيد حدة الغضب لدى الشخص...يعني ممكن يهشمون عظامك بدون سبب منطقي!....واسألوا اهل علم النفس...
المشكلة اني انا ادري ان حتى لو اعرف رقم سياراتهم واشتكيت عليهم..فكل اللي بيصير انهم بيحصلون عقوبة غرامة خمسين دينار....طبعا هذا غير الواسطات اللي ممكن تتدخل وممكن يطلعون براءة او او ياخذون وقف تنفيذ....
وين الشرطة...وين التفاتيش....؟؟؟؟وين الأمن
يا جماعة السالمية منطقة خطيرة جدا جدا (والكويت كلها صايرة خطيرة)....وفيها مشاكل كثيرة...وشقق مشبوهة وسكر وعربدة وفيها وصاخة مو طبيعية.....
انا الى الآن مو قادر استوعب اللي صارلي....لو اني ما قدرت انحاش...شنو كان ممكن يصير؟
انا متاكد كنت راح انطق طق مو طبيعي...وأكيد عاهة مستديمة او يمكن اموت
يا جماعة انا بــ لوس انجلوس ولا بالكويت.....؟؟!!!!
أتمنى يعطون الشرطة والضباط مسدسات ورشاشات بعد...نفس امريكا...ميخالف يمكن يصير فيها سلبيات شوي...لكن لازم الشرطي يكون اقوى شخص بالشارع ومحد يقدر عليه...
للأسف..انا ماحس ان القانون بيحميني....ولا اثق بأجهزة الامن الكويتية ولا اثق بأي جهاز أمني او عدلي آخر.....
لو يتركونا نحوز مسدسات ونحمي نفسنا يكون افضل مدام البلد صار غابة وغاب فيها القانون...وكان ما صارلي هالموقف الخطير
المهم انا الحين بروح اودي سيارتي للتصليح والعوض على الله ومنهم لله...السكارى والمحششين...... والحكومة!
ثم وانا امشي...نظرت اليه (بدون ما اسوي اي اشارة او حركة) ففوجئت فيه يسويلي حركة وصخه بايده...ويكررها اكثر من مرة!
وكان الرجل معاه صديقين من اصدقاءه ومعاه عاهرتين كرمكم الله...
ثم فوجئت فيه يجي جدامي (بدون سبب!) ويحكرني عشان يوقفني فانحشرت ووقفت...ثم.....وفي نفس اللحظة...توقفت خمس سيارات اخرى مادري من وين طلعوا!!!! عرفت بعد ذلك انهم ربع وكانوا الظاهر كلهم طالعين من قعدة بالسالمية كلها خمر وحشيش....
المهم...نزلوا كلهم فجأة...وبعد ما نزلوا عرفت ان الوضع صار بالنسبة لي خطير جدا...فعددهم كبير جدا...عشرين شخص تقريبا.......وست سيارات...وانيتات كبيرة....وهمر وسيارات ثانية....المهم انه بما ان الكثرة تغلب الشجاعة فرأس الحكمة بهالمواقف ان...تهرب!...ولكن المشكلة لا يوجد مكان للهرب....فالسيارات محاوطتني من كل جانب....وسيارتي صغيرة والمكان فاضي ومافي احد....المهم نزلوا كلهم بيطقوني...وبصراحة ردة فعلهم كانت مو منطقية نهائيا وما تتناسب نهائيا مع الحدث!!! يعني انا ما سويت شي بالمرة...والكل نازل بيطقني وبيلعن خيري وكلهم محششين وسكارى وشكلهم مايدرون ليش بيطقوني!!....المهم اني انا ظليت بسيارتي ثم جاني واحد منهم طول الباب وايده مثل المرزبّة ودخل راسه من الدريشة اللي يم السايق يبي يمد ايده علي...ثم شفت عيونه تخربطت مادري شصار فيه..ثم جو ربعه...فدزيت ايده وقفلت البيبان وركبت الرصيف الايسر واننحشششششششششت....
المهم لحقوني بسياراتهم...مادري ليش لاحقيني اصلا!
بس الظاهر الخمر والحشيش لاعب براسهم لعب مو طبيعي...المهم وانا ماشي واحد منهم صاحب الوانيت دعمني دعمة قوية من الخلف....لقيت نفسي اتخظخظ داخل السيارة وسمعت صوت الدعامية الخلفية تحك بالشارع والتواير توصوص والدبة دشت للكشن الخلفي وانحرفت فيني السيارة انحراف شديد وكنت بقلب.....!!!!!
الظاهر كان قاعد يحاول يركب فوق سيارتي بتوايره الضخمة...
لكن عدلت السيارة الحمدلله ثم كملت النحشة وقبيت وقمت اطق رصيفات والحمدلله اني انحشت...واتوقع ان الله فكني منهم لسببين...الاول ان انا كنت صاحي والثاني ان اهم كانوا محششين وسكارى....
اتوقع هذا اهو السبب الوحيد بعد الله!!!
المهم سيارتي الحين متكسرة تكسير مو طبيعي والدبة داشه داخل والدعامية طايحه والسطابات...والمشكلة حتى ارقام سياراتهم بسبب الارتباك وسرعة الموقف ما قدرت آخذ شي منها....
المهم...شلون جذي؟ عصابة كاملة تمشي بالشارع...عاهرات شعورهن منفوشه وسكارة ومعاهم شباب...تخيلوا كلهم نزلولي!!!!!
هالموقف حصل امس بالليل يا جماعة...والله ليلحين قاعد افكر ومصدوم...شلون حصل هالموقف؟ ردة فعلهم كانت مو طبيعية!!!
معدل الغضب في البلد زايد...الناس معصبة وسكرانة ومحششه ورايحه فيها...
الشباب يغزون ابر تستسترون عشان يكبرون عضلاتهم....والمعروف ان التستسترون هرمون خطير يزيد حدة الغضب لدى الشخص...يعني ممكن يهشمون عظامك بدون سبب منطقي!....واسألوا اهل علم النفس...
المشكلة اني انا ادري ان حتى لو اعرف رقم سياراتهم واشتكيت عليهم..فكل اللي بيصير انهم بيحصلون عقوبة غرامة خمسين دينار....طبعا هذا غير الواسطات اللي ممكن تتدخل وممكن يطلعون براءة او او ياخذون وقف تنفيذ....
وين الشرطة...وين التفاتيش....؟؟؟؟وين الأمن
يا جماعة السالمية منطقة خطيرة جدا جدا (والكويت كلها صايرة خطيرة)....وفيها مشاكل كثيرة...وشقق مشبوهة وسكر وعربدة وفيها وصاخة مو طبيعية.....
انا الى الآن مو قادر استوعب اللي صارلي....لو اني ما قدرت انحاش...شنو كان ممكن يصير؟
انا متاكد كنت راح انطق طق مو طبيعي...وأكيد عاهة مستديمة او يمكن اموت
يا جماعة انا بــ لوس انجلوس ولا بالكويت.....؟؟!!!!
أتمنى يعطون الشرطة والضباط مسدسات ورشاشات بعد...نفس امريكا...ميخالف يمكن يصير فيها سلبيات شوي...لكن لازم الشرطي يكون اقوى شخص بالشارع ومحد يقدر عليه...
للأسف..انا ماحس ان القانون بيحميني....ولا اثق بأجهزة الامن الكويتية ولا اثق بأي جهاز أمني او عدلي آخر.....
لو يتركونا نحوز مسدسات ونحمي نفسنا يكون افضل مدام البلد صار غابة وغاب فيها القانون...وكان ما صارلي هالموقف الخطير
المهم انا الحين بروح اودي سيارتي للتصليح والعوض على الله ومنهم لله...السكارى والمحششين...... والحكومة!
