عاجل :دعيج الخليفه يحضر حفل بيونيسيه الطربي

CREATIVE

عضو ذهبي
يقول الخبر العاجل ..

تلقى الشاعر الشيخ دعيج الخليفة الصباح دعوة من قبل القائمين على حفل المطربة العاليمة بيونيسيه للحضور كضيف شرف في الحفل الذي سيقام في بورت غالب يوم الخميس المقبل، بحضور نخبة من الاعلاميين والشخصيات الفنية.
حول هذه الدعوة قال الخليفة: أشكر القائمين على هذا الحفل الضخم، وسألبي الدعوة برفقة بناتي الثلاث، وأتوقع ان تكون حفلة طربية جميلة، خصوصا ان التي تحييها مطربة عالمية مثل بيونيسيه.





لاجيء عاطفيء ضيف شرف بمعية الطرب الأصيل

يا عيني عليك يا لاجيء عاطفي ...

مالك شغل بمجموعة ال 26 ومعارضيها

ولا لك شغل بتضليل وخداع وزير الداخليه

ولا لك اهتمام بمتابعة مطالبات مسلم البراك نفس الوزير بالأستقاله

ولا لك شغل ... بأستجواب الوعلان لصفر

ولا لك شغل .. بأنقلاب عسكر على الحربش

ولا لك شغل .. بأنفلونزا الخنازير .. وطرق الوقايه منه وكم وصل عدد ضحاياه

ولا لك شغل ..بعلي الراشد ومعاناته مع المزدوجين

ولا لك شغل بالكويتي الأصلي محمد الجويهل

ولا لك شغل .. بمرزوق وطلال

ولا لك شغل ... بمشروع غرب هديه ..وتحريره من شركة نفط الكويت

ولا لك شغل ... بموضوع تأمين المخيمات 500 أو 100 أو 50 أو بلاش

ولا لك شغل بدستورية عضوية أسيل ورولا ... وتحجيبهم

ولا لك شغل .. بصفقة زين تتم أو تفشل

ولا لك شغل ... بمؤشر بورصة الكويت ..كسر أو خفس أو طحس

ولا لك شغل بأغلاق القهاوي الساعه 12 أو 12 ونص





أدري أكبر همومك ...

1238276259651415100.jpg



صوره وأبتسامه على كتر .. وخبر مال أمه داعي ..



روح يا شيــــــــخ ... والئلب داعيلك


 

6ergi

عضو مخضرم

ماشاء الله ..

كفو يا بو خليفه .. رفعت راس البلد :confused: ..

وبهذه المناسبه السعيدة على الكويت والكويتيين ..

أهدى الشيخ دعيج هذه الأبيات المستقاة من عبق وروح مدرسة دعيج الخليفه الشعريه الحلمنتيشيه ..


تستاهل الطيب يا راعيه ... كسب من ذراعك ماهو وهايب

يومن حفلة "بيونيسييه" ... حضرتها في "بورت غالب"


:confused::confused::confused:
 

kkk

عضو مخضرم
واحنا ما لنا الا المجلس والحكومة
راح فلان وجئ فلان
في مجال اروح معهم .....
طرقي عندك واسطه .....انت من الدائرة الثانية
اكيد تعرف واحد من الحيتان .....
 
ماشالله تبارك الرحمن

خوش بشاره

موضوع يستاهل التثبيت علشان يطلع عليه أكبر قدر ممكن من القراء الكرام

ياأخوان الله يهديكم مو كل شي تقرونه تنقلونه لنا وتغثونا فيه :mad:
 

ريما القمر

عضو مخضرم
نسيت تقول إنه الراعي الرسمي لكل المعارض النسائية ..

يعني إن ماصادفته بالافنيو ..

راح أصادفه بأي معرض دراعات لعيد الأضحى ..

بس ماشا الله عليه عايش حياته صح ..

وش له بعوار الراس..


.​
 
كيفه يروح الحفله او ما يروح
احنا شكو؟

اهو مو وزير ولا عضو عشان نطلبه في امورنا
اهو (مواطن) مثلي مثلك
مثلما حنا نبي نروح ونستانس ونتمشى ونسمع اغاني حتى اهو يبي يعيش حياته حسب قناعته
موضوع سخيف جدا جدا جدا جدا جدا
 

Ms Rose

عضو مخضرم


عادي جدا

شاعر وملحن وشخص يعيش بين طيات الفن والفنانين

اكيد خبر زيارته لحفله فنيه شيء عادي

قبل امس فازوا ناس بسحب ببرنامج الديوانيه اللي بقناة مارينا اف ام

لحضور نفس الحفله

الظاهر يبون حضور كثيف:إستحسان:

ولاتنسي ان بورت غالب مالكها الخرافي

يعني اغلب الحضور اتوقع دعوات خاصه لعيال بطنها:)
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
يكفي انه شاعر الخليج :D
 

Org

عضو مخضرم
بس متوقع أنه يتكنسل الحفل لان برلمان الشعب صايره هيصه على جيتها
 

الأصمعي

عضو مخضرم
حتى انا بقيت أروح بس رفيجي وهقني بإجازة دوامة :(

بيونسيه هذه مو لعب :D

بس إن مارحت لها .. إنشالله نعوضها بمكان ثاني

خلكم قاعدين بالكويت

و هذي ليش مو متحجبة و هذا ليش يسمع أغاني !!
 

Goethe

عضو مخضرم
ماشالله .. عنده فيلا .. صوب .. خط فحيحيل .. فيها مالذ وطاب ..;)

على جذي .. تشوفونه دائماً .. عند دراعات الحريم .. الرجال

قلبوه أخضر ;)
 

عطلبيس

عضو بلاتيني
يا ليت الشيوخ نفسه ..... يريحون و يرتاحون .......... مدرسة فنية .....

الله يستر بس لا يفشلنا جدام الشيخة بيونسي بن نولز ........
 

CREATIVE

عضو ذهبي
شفت الخبر خبل قلت ى أخليه عاجل

راح أو قعد ..

راعي من ليس له راعي

الموضوع مثبت عندي ... وراح تكون فيه أخر أخبار ورعايات

لاجيء عاطفي ...


رووووووووووووووووووووووووح يا شيخ
 

عليا

عضو مخضرم
اهنية على هذة المجهودات الى قاعد يسويها



من معرض دراريع لمعرض شيال اخر

اتعبت الى يجى من بعدك


روووح يا شيخ والالب داعيلك


:)
 

ArSeNaLi

عضو ذهبي
انصحكم بسماع قصيدته

تفاح تفاح تفاح جابر نام مرتاح

ليمون ليمون ليمون صدام صج مينون
 
أعلى