حرة بنت الاحرار
عضو مميز
حدثت هذه الواقعة لاختى فاحببت اشراك الاعضاء الكرام باحداثها :
تقول اختي قبل كم يوم طلعت مع صديقاتي نتريق باحد المطاعم المطلة عالبحر بالهواء الطلق وفرصة هالايام دام الجو حلو حيث يوفر هالمطعم الخدمة بكراسي بالخارج ..
كنا مستمتعين حدنا باليمعة والجو الجميل والاكل الشهي وكان اغلب الحضور نساء ما عدا طاولة فيها شباب اثنين
فجأة ما وعينا الا ضحكات عالية وصراخ
شسالفة؟
التفت الجميع نحو مصدر الصوت ولا المفاجأة !!!
شلة بنات شاميات على الرمل تحت ...منهم المحجبة ( مو الحجاب الصح ) ومنهم السافرة ولبس لا يليق وحركات بايخة فيها ايحاءات جنسية وممارسات قذرة بينهم كنساء وقهقهات عالية وركض وصراخ ( تقول افلام ابيض واسود ) والجماعة مو حاسين بالناس تخزهم ومستاءة من الازعاج ومستمرين بالازعاج والتصرفات البايخة..ماعدا الشباب الاثنين حدهم مستانسين ويضحكون ( عاجبتهم هالاشكال .. معذورين show مجاني !! )
تقول اختي ازعجونا نكدوا علينا راحت وحدة منا اشتكت للمدير قال لها شنسوي هالاشكال كل يوم والثاني نشوفها ما بيدينا شي
اضطرت كم وحدة من الطاولات اللي جنبنا للدخول والاكل داخل بعد الازعاج والاشمئزاز من المناظر التي كانت قريبة جدا من الزبائن
تقول اختي لما شفت الناس تنسحب داخل وشلة الانس مطولة ومعاهم حافظة الطعام البارد قلت لا الجماعة شكلهم مطولين بهالسوالف طلعت موبايلها .. قالت رفيجتها : شبتسوين !!
ردت اختي : ببلغ !! ردت صديقتها : فكينا .... تكفين ما نبي عوار راس من صجج انتي ؟؟
ردت اختي : من صجي وليش نسكت ؟؟ يعني ننحرم من القعدة الحلوة عشان هالنوعيات التعبانة !!
وبالفعل شالت االسماعة ودقت على 112 ردوا عليها بعد اقل من عشر دقايق وصلت الدورية واختفى الازعاج واندقروا هالشلة وتوقفت الحركات البايخة
تقول اختي ما صارت خمس دقايق الا طراد فيه مجموعة شباب ( الظاهر مواعدينهم لرحلة بحرية ) ياي بالبحر نحو نفس المكان اللي كانوا فيه وظل يفتر يفتر بدون فايدة
الضابط دق على اختي قال لها تبين تشتكين قالتله لا كافي انهم ذلفوا وقالتله عن الطراد فرد انه شافه ومتابع من المواقف ..
انتهت القصة
اللي بقوله اننا دايما نشوف هالسوالف بس قليل اللي يبادر ويتصرف
تعلمنا على انكار المنكر بالقلب هذا اذا كان البعض ما قام يألفه وللأسف !!
لو كل واحد تصرف مثل اختي جان الدنيا بخير
ومو لانها اختي بس موقفها عجبني وشجعتها
وتحية شكر لرجال الداخلية على سرعة تجاوبهم
جزاهم الله خير
وسامحونا عالاطالة
تقول اختي قبل كم يوم طلعت مع صديقاتي نتريق باحد المطاعم المطلة عالبحر بالهواء الطلق وفرصة هالايام دام الجو حلو حيث يوفر هالمطعم الخدمة بكراسي بالخارج ..
كنا مستمتعين حدنا باليمعة والجو الجميل والاكل الشهي وكان اغلب الحضور نساء ما عدا طاولة فيها شباب اثنين
فجأة ما وعينا الا ضحكات عالية وصراخ
شسالفة؟
التفت الجميع نحو مصدر الصوت ولا المفاجأة !!!
شلة بنات شاميات على الرمل تحت ...منهم المحجبة ( مو الحجاب الصح ) ومنهم السافرة ولبس لا يليق وحركات بايخة فيها ايحاءات جنسية وممارسات قذرة بينهم كنساء وقهقهات عالية وركض وصراخ ( تقول افلام ابيض واسود ) والجماعة مو حاسين بالناس تخزهم ومستاءة من الازعاج ومستمرين بالازعاج والتصرفات البايخة..ماعدا الشباب الاثنين حدهم مستانسين ويضحكون ( عاجبتهم هالاشكال .. معذورين show مجاني !! )
تقول اختي ازعجونا نكدوا علينا راحت وحدة منا اشتكت للمدير قال لها شنسوي هالاشكال كل يوم والثاني نشوفها ما بيدينا شي
اضطرت كم وحدة من الطاولات اللي جنبنا للدخول والاكل داخل بعد الازعاج والاشمئزاز من المناظر التي كانت قريبة جدا من الزبائن
تقول اختي لما شفت الناس تنسحب داخل وشلة الانس مطولة ومعاهم حافظة الطعام البارد قلت لا الجماعة شكلهم مطولين بهالسوالف طلعت موبايلها .. قالت رفيجتها : شبتسوين !!
ردت اختي : ببلغ !! ردت صديقتها : فكينا .... تكفين ما نبي عوار راس من صجج انتي ؟؟
ردت اختي : من صجي وليش نسكت ؟؟ يعني ننحرم من القعدة الحلوة عشان هالنوعيات التعبانة !!
وبالفعل شالت االسماعة ودقت على 112 ردوا عليها بعد اقل من عشر دقايق وصلت الدورية واختفى الازعاج واندقروا هالشلة وتوقفت الحركات البايخة
تقول اختي ما صارت خمس دقايق الا طراد فيه مجموعة شباب ( الظاهر مواعدينهم لرحلة بحرية ) ياي بالبحر نحو نفس المكان اللي كانوا فيه وظل يفتر يفتر بدون فايدة
الضابط دق على اختي قال لها تبين تشتكين قالتله لا كافي انهم ذلفوا وقالتله عن الطراد فرد انه شافه ومتابع من المواقف ..
انتهت القصة
اللي بقوله اننا دايما نشوف هالسوالف بس قليل اللي يبادر ويتصرف
تعلمنا على انكار المنكر بالقلب هذا اذا كان البعض ما قام يألفه وللأسف !!
لو كل واحد تصرف مثل اختي جان الدنيا بخير
ومو لانها اختي بس موقفها عجبني وشجعتها
وتحية شكر لرجال الداخلية على سرعة تجاوبهم
جزاهم الله خير
وسامحونا عالاطالة