.. مزارع الوفرة Wafra Farms ..

ريما القمر

عضو مخضرم






.

ولو إن الكويت بلد صحراوي قاحل ..

إلاّ إن الله أنعم علينا بـ منطقتين زراعيتين هما الوفره والعبدلي ..

رزق من الله .. :D

ألف حمد وشكر على فضله ..

يسعدني أن أفتح هذه المساحه لأحدى هاتين الدرتين ..

وهي ..

Wafra City

منطقة الوفره الزراعيه تقع في جنوب البلاد ..

و فيها مزارع :D

المهم ..


.

القادم أجمل ..


.

انتظروني ..

وفي انتظار تفاعلكم ..

.




 

ريما القمر

عضو مخضرم

.

.. ذبان الوفره ..



لايمكن لأي عقل إنساني أن يتخيل الوفره بدون ذبان ..






حيث أن الذبان معلم مهم من معالم مزارع الوفره ..

وهو مخلوق ودود جداً ومحب حتى إنك وإنت حادر الديره راد لبيتكم لازم يركب معاك السياره ..

كنت بالويك إند اللي فات هناك ..

كان الذبان الودود المحب جليس مرافق لي حتى وأنا حاطه ( ريوقي ) ..

ولأني قشرا ومو ودوده ولا محبه ..

حاولت أتخلص من الذبان اللزقه ..

وكانت الطريقه كالآتي ..

ليمون مع بهار مسمار أو القرنفل

وكانت هالمعلومه واصلتني عن طريق الايميل ..

قبل ما أسوي هالطريقه كنت محط سخريه الجميع .. :confused:

لكن التجربه خير برهان ..





والتجربه ماشا الله كانت تمام ..

حطيتها بالصينيه ولا الذبان الأزرق يقدر يقرب .. :cool:


.


وبعد نجاح التجربه كان رد أهلي ..

.. طب رفله وافق عافيه .. :eek:



.
 

passenger

مشرف الشبكة العلمية والتكنولوجية سابقاً
حطيتها بالصينيه ولا الذبان الأزرق يقدر يقرب .. :cool:


.
[/CENTER]

يعني انا ذبانه :باكي:

اورييييييييييييييج ريموووووووووووووه :باكي:


على طاري الذبانه

كل ما اتذكر صورة الذبان .. اللي بموضوعي .... اموووووووووووووووووووت
:D:D:D
 

kkk

عضو مخضرم
ارجو عدم تشويه سمعة الاماكن السياحية الكويتية....
انصحج بالمطعم الهندي ....:cool:
 

عبدالله .

عضو بلاتيني
انا احب الوفرة احسها اشرح من العبدلي اللي مكانها خغرافياً يضيق الخلق
لكن مناخياً
العبدلي تتفوق عالوفرة بمراحل مناخياً

الوفرة مشكلتها الذبان وانواع غريبة عجيبة من الحشرات
شكراً عالموضوع

:)
 

jody

عضو مخضرم
يعني البدآية حبكت بالذبآن ..؟!
:باكي:

كملي .. كملي حجيّة .. متآبعينج ..

:وردة:
 

clashman82

عضو بلاتيني
اتذكر بالشتا

صاحبي مسوي هل الحليب الكامل الدسم..حاار مع شوية دارسين

و شوية تغّمس بالبقصمات و درابيل الشمالي..وقاعدين نسولف و الشباب يسوّن الريوق..

شوي ولا جيش من الذبان..يغطس كوب حليب صاحبي..وصاحبي ولا داري..

قلت له؟..هل نبهته؟

لأ..

خليته يتهنى..

وعقب ما شرب قاع الكوب..قلت له..

وتالي..كل ما يصير فيه بلا..قطها براسي و براس هل كم ذبانه إلي غطسو بكوبه
 

ريما القمر

عضو مخضرم
يعني انا ذبانه :باكي:

اورييييييييييييييج ريموووووووووووووه :باكي:


على طاري الذبانه

كل ما اتذكر صورة الذبان .. اللي بموضوعي .... اموووووووووووووووووووت :D:D:D

نغير لو الذبان ولا يهمك :D

يالأزرق ..


اللٌة يااانى احب الوفرة

كملى ريم ويا ريت تحطين صوور اكثر

متابعة :وردة:

اعذريني على التأخير.. :وردة:

وعشان خاطرج بكثر من الصور وانعش الموضوع .. :)


ارجو عدم تشويه سمعة الاماكن السياحية الكويتية....
انصحج بالمطعم الهندي ....:cool:

بالعكس ..

هذي خطه تسويقيه :p


.​
 

ريما القمر

عضو مخضرم
انا احب الوفرة احسها اشرح من العبدلي اللي مكانها خغرافياً يضيق الخلق

لكن مناخياً
العبدلي تتفوق عالوفرة بمراحل مناخياً

الوفرة مشكلتها الذبان وانواع غريبة عجيبة من الحشرات
شكراً عالموضوع


:)


أنا ماعمري رحت العبدلي ..

بس الوفره حلوه وممتعه بالشتا بس ..

شكراً على المرور عبدالله ..


يعني البدآية حبكت بالذبآن ..؟!
:باكي:

كملي .. كملي حجيّة .. متآبعينج ..

:وردة:

القادم أجمل وألذ .. :D

شكراً على المرور جودي ..:وردة:


اتذكر بالشتا

صاحبي مسوي هل الحليب الكامل الدسم..حاار مع شوية دارسين

و شوية تغّمس بالبقصمات و درابيل الشمالي..وقاعدين نسولف و الشباب يسوّن الريوق..

شوي ولا جيش من الذبان..يغطس كوب حليب صاحبي..وصاحبي ولا داري..

قلت له؟..هل نبهته؟

لأ..

خليته يتهنى..

وعقب ما شرب قاع الكوب..قلت له..

وتالي..كل ما يصير فيه بلا..قطها براسي و براس هل كم ذبانه إلي غطسو بكوبه

زين سويت فيه .. :D

أذكر قبل بـ شوبيز شربت بيبسي ( الماكينه ) ..

ولما خلصت ..

فتحته لقينه مليان ذبان صغار مع الثلج .. :confused: :باكي:


.





 

ريما القمر

عضو مخضرم



.



.. الباربكيو ..







تحلى الأماسي الباردة على الدوّه ..

وأحلى مايمكن أن يقدم على العشا ..

.. المشوي على الفحم ..

تتعدد الأصناف والأنواع والوصفات ..

ويبقى كل شيء لذيذاً حتى لو خذلتك التتبيله ..

عن نفسي ..

إذا كنت بتعب على تتبيله جزار معين..

أكيد راح اتجه للسالميه شارع الخنساء ..

وعلى المستوى الإقليمي ..

جزار ( ورده سلوى ) الكائن في قطعة 7 يبيّض الوجه ..


.


لي عوده لذكر بعض الوصفات المنزليه والأفكار للباربكيو ..

واللي عنده أفكار لايبخل علينا ..



.









 

ريما القمر

عضو مخضرم
.​


.. الكستنه ..​



الصوّر تحكي عن حالها ..​















.. فائدة ..​


بعض الناس..​

تكون ليلة شواء الكستنه صاخبة ومزعجه ..​

بسبب ثوره الكستنه من حراره الفحم وانفجارها ..​

لتفادي ذلك ..​

أنصح بعمل ثقوب صغيرة في قشرة الكستنه قبل وضعها في الدوّه ..​

قربوا من الدوه ولا تخافون يالجبناء ..​


.​
 

الأصمعي

عضو مخضرم
شخباري الوفرة أذكر و إحنا صغار كنا نروح لها ماعندنا مزرعة فكنا ندخل انا و اليهال أي مزرعة و ناكل فراولة مرات يخلونه و مرات يلحقنا الصعيدي يهاوش و نرد عليه بعد فراولتكم حلوة شنسوي ماتبيعونه يقول روحو جمعية الوفرة :confused::eek:

الوفرة ماتحلا إلا بالفروالة :)

أما الكستنه حلوه بوقت البرد القارس يعني يمده حيل بس عيبه عوار بطنه إييكم :( بس هم حلوه قعدة خاصة مع اليمعة ..

الحين الوفرة صارت نصها للسعودية :إستنكار: للأسف بعد ترسيم حدودنا معاهم سنة 2003
علة أساس فيها حقول نفط !

شكراً على الموضوع ريما :وردة:

.. تحياتي ..
 
يمي يمي الله ابي كستنة

يا ويلج يا ريما عطيني كستنة تراني حامل اخاف يصير براس الي بطني كستنة:p

شكرا على الموضوووووووووووع الرائع يشوق ناطرة بحرارة الي ياي:)
 

ريما القمر

عضو مخضرم
موضوع شتوي جميل ريما:وردة:


تسلم تك تك على المرور .. :وردة:



شخباري الوفرة أذكر و إحنا صغار كنا نروح لها ماعندنا مزرعة فكنا ندخل انا و اليهال أي مزرعة و ناكل فراولة مرات يخلونه و مرات يلحقنا الصعيدي يهاوش و نرد عليه بعد فراولتكم حلوة شنسوي ماتبيعونه يقول روحو جمعية الوفرة :confused::eek:


الوفرة ماتحلا إلا بالفروالة :)

أما الكستنه حلوه بوقت البرد القارس يعني يمده حيل بس عيبه عوار بطنه إييكم :( بس هم حلوه قعدة خاصة مع اليمعة ..

الحين الوفرة صارت نصها للسعودية :إستنكار: للأسف بعد ترسيم حدودنا معاهم سنة 2003
علة أساس فيها حقول نفط !

شكراً على الموضوع ريما :وردة:


.. تحياتي ..



راحت على الصعايده ..

الحين هالبنقاليه لاعبينها صح ..

وممكن تلقى الفراوله لكن مو من انتاج الوفره .. أغلب المتوفر يكون مصري ..

شكراً الأصمعي .. :وردة:




خوش رجيم......
من حظكم .....اكيد من عيال بطنها.....:وردة:
أي ريجيم .. :D

لايغرك المشوي ..

تراه مصنف من ضمن المقبلات .. :p

يمي يمي الله ابي كستنة

يا ويلج يا ريما عطيني كستنة تراني حامل اخاف يصير براس الي بطني كستنة:p

شكرا على الموضوووووووووووع الرائع يشوق ناطرة بحرارة الي ياي:)

تولدين بالسلامه إن شا الله ..

وشكراً على الرد ..


.​
 

ريما القمر

عضو مخضرم
.. ماشا الله لا قوه إلا بالله ..​

.​


.​


.​


الجو هالسنه ماشا الله ..​

كان حلو ..​

اكتست الأرض بـ النوّير ..​

فتتذكر قول الشاعر جبران خليل جبران :​

هل اتخذت الغاب مثلي ..

منزلاً دون القصور ..

مما يدعوك بأن تتحرر من جدران المنزل وتعتزل الخيمه وتهجر العرزالة ..​

لـ تفترش العشب ..​

و تتلحف الفضاء ..​





كان المنيو لـ حلو القهوه بذلك اليوم هو ..​


.. الإخلاصه ..​

تبارك الله كان لذيذ​

علينا بالعافيه ..​







.​


.​







تغرينا الطبيعة للكشف عن بعض الأسرار ..​

وتعدنا بـ البوح عن المشاعر الحائرة ..​







.​


.​


ملاحظه :​

عين وصابت أظافري من بعد ماحطيت صوره بالمنتدى ..:confused:

وعسى عين الحسود فيها عود .. :وردة:

اذكروا الله ..​


.​




.​
 
أعلى