هنا...لن تكون وحدك...!!

[Doctor]

عزيزي بونورا
شكرا على فتح موضوع مميز ك العادة طبعا
بما اني حدي زهقان وحايشني هوم سيك (homesick) ف قلت خل اتطمش واشوف شكو ماكو
ابصراحة قاعد اشرب راس شيشة على كيف كيفك بس اكيد مو نفس مذاق الشيشه في الكويت
صج ودي اكل شباتي وقيمه وبعدها اشرب شيشه في المرقاب واقعد معاك اسولف وافش خلقي من ضيقة الخلق اللي حايشتني
انشاء الله الوعد جريب وبكون عندك في الصيف يعني شهر سبعه ثمانية على حسب التساهيل
بس انشاءالله تكون موجود في الديرة
بالنسبة لموضوع الاسهم والبورصة انا انصح الاخوان في الاكتتاب في بورصة الامارات وقطر سعر السهم حلو ورخيص وعندهم ميزة ان الشركة تنزل في السوق بعد اشهر من الاكتتاب يعني مو مثل السوق عندها تنطر سنتين الى ثلاث سنوات ياالله تكيش افلوسك طبعا ماله داعي السفر للاكتتاب في شركة في الكويت تتكفل بكل شي وبرسوم قليلة

 

[السلطاني]

تفاحة حمرا....

اللي حصل لك لم يكن سوى سوء حظ....

بس عسى ما يحوشنا منه شوي...

الله يستر...

شكله سهم التجاري...



زميلي وعين جدي...دكتور..


حياك الله...وسلامتك من الهوم سيك...ولا تقولي إنك قاعد تشيّش...والجو مغيّم....

ترى أموت قهر...!!

ونتشرف ونشوفك ب صيف الكويت اللاهوب...الجميل...!!


* توني واصل الدوام..ومحتار شنو أطلب ريوق......!!

 

[الكاشونة]

أصحابي الأ عزاء

أطيب تحياتي

قبل حوالي أسبوع نام براسي صديق أن ناخذ حريمنا و سامبل ( عينة ) فقط من اليهال و نروح

البحرين بالسيارة !! الخميس اللي طاف سويناها .. والا أثاري البحرين صارت عجبة ( خبري فيها

من سنين ) ذيك الشوارع السنعة و البنايات و الفنادق الكشخة .. أسواق و مولات و مطاعم ..

الصراحة أستانسنا وايد ..

والله عفية عليهم ..و أنصح اللي ما شاف البحرين من مدة يروح يشوفها الحين ..

ودمتم ,,

 

[وسم*]

أما نصيحتي لك...ف دايت كولا...وكلاس فيه 16 ثلجة...وتابعي الفضائيات....

قد تشعرين بالراحة...وما تشوفين شر....

خوش نصيحة شنو تبي الفكة مني ههههههههه

16 ثلجة على المستشفى على طووووووول حرااام عليك

على العموم نصيحة حلوة من أخو غالي

 

[عتيج الصوف]

شكــرا لبنورة على هذه المساحة الحــرة للأعضاء..
أتمنى أن أستطيع الفضفضه قليلا..بعيدا عن الحوارات المزمنة و المحتقنة..وأيضا بعيدا عن الإشراف و رقابتهم اللصيقة !
في البداية أود ان أعبر عن إعجابي بتفاعل الأعضاء الريع فيما يطرح و تشجيعهم لممارسة هذه الهواية "دخول المنتديات" و الإستفادة منها بطريقة ما..
حقيقة...أود معرفة إن كان أحد الأعضاء من هواة التصوير الفوتغرافي فليتفضل بالظهور و عرض مالديه من مواهب لنستفيد جميــعا

 

[السلطاني]

فشة خلق........!!


* أحد الزملاء علق على الإتصال والسؤال عن ماهو غداء اليوم......قال ...أن

ماهو مهم أن ترجع البيت وتجد...غداء....

يا عين جدي...هاذي فيها قبايل...كان رجعت ولقيت غداك جبن وزيتون.....!!



* منطقتنا صباح الناصر...أصبحت منطقة مزدحمة...ف في وقت المغرب...السيارات من

كل حدب وصوب...

المستوصف زحمة...الجمعية زحمة...خدمة الطالب زحمة...حتى محل البنفسجي زحمة....

أصبحنا مثل الفروانية....!!



* كنتُ أتساءل كيف هو الموت

وماذا يوجد في العالم الآخر!

أو ليلٍ وصمت ف حسب ؟

يخيل لي أن الموت هو انطلاق كسهم في الظلام باتجاه القبة السماوية

فضاء غير متناه

حيث يتوجب علي أن أبحث عن أحبائي واحدا فواحدا!


ايزابيل الليندي



* جلسة مجلس الأمة المقرر إنعقادها اليوم...لم تنعقد ل فقدان النصاب.....!!




* أشعر الآن...ب ترهل أفكار...وشعور ملل...وإحساس بالضعف الجسدي.....يبيلي

راس سلوووم جديد...أعيد به نشاطي....




* ألستم معي...أننا ب حاجة ل موضوع حواري...ناري....يحرك مياه المنتدى الراكدة...لدي

أكثر من موضوع...لكن ننتظر الوقت المناسب....ثم أن الساحة السياسية الكويتية قد

هدأت نوعا ما....!




* المعلمين والمعلمات...مقبلين على عطلة صيفية...ورواتب 4 شهور....منو فيهم مستعد

يسلفني ألف دينار.....!!



* أحيانا نشعر ب أن من أحببناهم...لا يملكون فضيلة واحدة....

ه هو خطأنا ب عدم إكتشاف الأمر مبكرا...أم خطأهم..ب خداعنا......!!!؟؟



* المنتدى أصبح جزء مهم...من حياتنا...ألستم معي في ذلك.......!!


* نأتي للمنتدى ل نوسع صدوررنا قليلا...وقضاء وقت ممتع....لماذا يجعله البعض...

ساحة مصارعة للثيران...........؟؟؟


* قرأت إعلان اليوم...عن بيع رقم موبيل ملكي...ب 4000 دينار....هل من الممكن وجود

أحمق...يشتري هالرقم ...ب هالمبلغ........؟؟​

 

[Bello]

بو نوره ودي أوصل لعدد مشاركاتك شلون ؟

بعدين في ميانين وايد يشترون الخطوط و هذول فلوسهم زايده الألف عندهم دينار عادي

السالفه الثانيه ان الحين الساعه 11 و أبي أروح ملك العصير ومادري وين صاير بروح احوس بحولي

ويوعان خاطري بشاورما شعوم من شاورمر

 

[السلطاني]

أهلا يا عين جدي....بيلو....

عدد المشاركات لم يأتي بيوم وليلة....بل ب متعة...وصراعات...ونقاشات...

ولعنة مترس......!!

خلك على الراحة....!!


بالنسبة ل ملك العصير....أنا أقترح عليك..ديلفري...من أقرب مطعم يم بيتكم....وحاول تطلب

صمدي...على الأاقل فيه شوية آيس كريم وفواكه...بارد..ويسرسح على الجبد....

الملل يتسلل لنا...ل يسيطر سيطرة كاملة....

الآن...أنا في حرب عصابات معه.............!!

 

[Bello]

الملل يسيطر علي أيضا لأنني كنت نايم العصر وقاعد الساعه 9 بالليل ويوعان

الحين على قناة الشباب والرياضه مشاده كلاميه بين وليد الطبطبائي ودلال الغانم بخصوص فريق كرة القدم النسائي

كلام فاضي من وليد ما عنده رد

 

[السلطاني]

الحين على قناة الشباب والرياضه مشاده كلاميه بين وليد الطبطبائي ودلال الغانم بخصوص فريق كرة القدم النسائي

كلام فاضي من وليد ما عنده رد

أعتقد أن الكلام الفاضي...هو كرة القدم النسائية...........!!

يكفينا منتخب الكويت.....!!

 

[السلطاني]

سيارة ب 149 ألف دينار كويتي.......؟؟ معقولة.......؟؟


صحيح أن وجه الفقر...يستحي من وجه الغناة.....!!


يعني لو حوّلت هالسيارة على شركة أعيان....كم يبي يطلع قسطها........؟؟

وإذا مشيت بها بالشارع...ما شعور من يركب تاكسي جوال....ويشاهدني أقودها............؟؟​

 

[وسم*]

* منطقتنا صباح الناصر...أصبحت منطقة مزدحمة...ف في وقت المغرب...السيارات من

كل حدب وصوب...

بس والله منطقة حييييل حلوة ومريحة هههههههه​

* المعلمين والمعلمات...مقبلين على عطلة صيفية...ورواتب 4 شهور....منو فيهم مستعد

يسلفني ألف دينار.....!!

أقرأ المعوذات يالغالي وادعي ان الله يبارك لنا بالمعاش ...والله أول مانستلمه نستانس لكن الله لايوريك آخر شهر6 أول 7 ولاشي يبقى ......بعكس معاشاتكم اللي ماشاءالله تستمر شهريا علشان هالشي ماتعانون مثلنا من الفقر بشهر 7 و8 هذا غير المكافئات اللي تحصلون عليها بال700 وال800
وحاسدنا على كم فلس يطيرون بسرعه ومافيهم بركة من عين هالناس هههه​

 

[السلطاني]

إختي وزميلتي وعين جدي الفاضلة...وسم......!!

عسى الله يهنيكم...ويبارك لكم بالرواتب الصيفية....

مسألة إنها تطير وما تقعد ل شهر 6 و7....مو مشكلة الرواتب...

.مشكلة الفسفسة...والمصاريف اللي مالها داعي.....!!


* منطقتنا لم تعد مريحة يا عين جدي.....زحمة...زحمة...ومطبات....!!

 

[وسم*]

* منطقتنا لم تعد مريحة يا عين جدي.....زحمة...زحمة...ومطبات....!!

مطبات من قلب مادري شالسالفة ؟؟؟؟

والله صدقت يالغالي بين كل مطبة والثانية تلقى وحده شي مو طبيعي​

 

[فورمات]

:باكي: :باكي: :باكي:
سمعوا سالفتي
توني اكتشف اني قبسه
السبت بعت سهم ب1.600 الاحد وصل 1.700:باكي:
شنو يعني ناطري ابيعه عشان يصعد
وشكله باجر صااااعد بعد :باكي:

اشوه السهم اللي بعته رد نزل الى 1.600 الحين ارتحت
صج كويتيه نحيسه مابي الناس تربح

 

[Bello]

علمينا على الاسهم شدعوه , النحاسه شلون صايره

 

[السلطاني]

عقب عينك عليًَ دنياي جدّت

لعبت ويا غيري بس وياي جدّت

وأنت تدري إيدي أبد ما يوم جِدت

ب هجرك راح أمد إثنين إيديا​

 

[فورمات]

علمينا على الاسهم شدعوه , النحاسه شلون صايره

حاااضر اسويلكم دوره بالاسهم والنحاسه بعد

 

[السلطاني]

* أن تجادل ب عاطفتك .... تكابر...

وأن تجادل ب عقلك...تناور...


تكلم ب عاطفة عقلك....

كي لا تخسر الكثير....!​

 

[دون كيشوت]

اخوى .... bello

صار لي فتره افكر اكتب موضوع تعليمى عن الاسهم للفائده .
وهذا بحكم انى مضارب بالاسهم الخليجيه اغلبها .

بس اوعدك انه بيكون قريبا . ان شاء الله