سؤال وجواب ضرس العقل ...النجدة!

[مــيار]

صار لي فترة طويلة وانا اعاني من ظهور ضرس العقل ...​

تقريباً من 8 أشهر ...اتعب اسبوعين ...وبعدين اصير زينة ...وعقب اتعب اسبوعين مره ثانيه​

وعلى هالحاله ...​

هل هذا شيء طبيعي؟​

جم مدة ظهور ضرس العقل الطبيعيه؟ يعني جم ظليت تعاني من الالم حتى ظهروا ؟​

اشكثر تعورت ؟ :باكي:​

شنو سويت عشان تخفف الالم ؟ ​

هل حسيت ان حتى عظام وجهك تعورك ؟​

هل رافق ذلك صداع ؟​

هل شعرت ان الم الاسنان متمكن من كل جسمك ...حراره / قلة نوم / تعب / اجهاد ؟​

.
.
.
لا احد يقول روحي لطبيب الاسنان ...بليز ...​

أخاف من دكتور الاسنان بشكل فظيع ...لدرجه اني ابجي اول ما ادخل عيادته ...:باكي:​

.
.
.​

 

[مــيار]

ياربي ...

محد يجاوب ...


شنو انا اول وحده يطلع لها ضرس العقل ...:باكي:​

 

[نورالكويت]

العزيزة ميار ماتشوفين شر والف سلامه

انا اشوف ان هالالم زيادة عن اللزوم

وليش تخافين من طبيب الاسنان

روحي خاص معاملتهم راقية ولا راح اتحسين بالم

وبعدها راح ارتدين لهم

وبالسلامه

 

[واحد من هالناس]

اربطيه بـ سلك وعلقيه بالباب ونادي اقرب واحد يفتح الباب وينشلع الضرس وانتهى الموضوع < متأثر بافلام الكرتون الأخ

 

[رؤى]

ما تشوفين شر

انا ولله الحمد ماعانيت من ألم ظهور ضرس العقل

ويوم راجعت عيادة الاسنان لـ التقويم قالولي ان اربعتهم ماشاءالله طالعين بس لازم نشيل الـ 2 الي فوق عشان التقويم والاسنان تاخذ راحتها

شالوهم لي , ماشاءالله لا اله الا الله ماحسيت ايده وايد خفيفة الدكتور

روحي عيادة خاصه وفكي نفسج من هالالم

واذا تخافين كلش يعني , روحي الصيدلية في دواء موضعي تحطينه على اللثة صوب الضرس يخدره لج , دواء سائل اسود على - بهار المسمار - بس الله يعينج على ريحته زفت شويه عليها

 

[BDùll∂H∂]

​

اربطيه بـ سلك وعلقيه بالباب ونادي اقرب واحد يفتح الباب وينشلع الضرس وانتهى الموضوع < متأثر بافلام الكرتون الأخ

وين الله يهديك ... ضرس العقل هذا مو ناب .. أجل أربطه بسلك وأعلقه في باب هاااا ..!
وجهي يطير معاه ..!!​

أفضل الحل هو مراجعة الطبيب وما تشوفين شر إن شاء الله .. :وردة:​

 

[شاهي حلو]

اختي انا عورني وسبب لي مشاكل بالاكل
وشلته غير مؤسوف عليه
شيليه وريحي بالك

 

[@Noura@]

ألف لا باس عليج ميار

محّد يحس بعوار الضرس غير راعيه


آنا عنّي ريّحت نفسي وشلته بس مو في الكويت الحقيقة ..!!

​

 

[شين الحلايا]

ألف لا باس عليج ميار​

محّد يحس بعوار الضرس غير راعيه ​

آنا عنّي ريّحت نفسي وشلته بس مو في الكويت الحقيقة ..!!​

عشتوااا وين شايلته بسوسرا

ميار ضرس العقل ماله علاج غير الشلع الله يعينج

 

[السلطاني]

الضرس لي منه رقل...من شلعته لا بد....


عوار الضرس أشبه بصقعة كهربائية تنتاب جسمك وأنت مبلل بالماء...

لا ...لا...

بل أن ألم الضرس أشبه بدرنفيس يضرب خلايا مخك..ويحفر بأعماق رأسك...

بل أنه أسوأ...



الحل ؛ مراجعة عيادة الحكمة..فوق أعيان في منطقة شرق عند دوار مخفر شرق...

دكتور كويتي إيده تتلف بحرير...نسيت إسمه ( أعتقد إنه القعود )


يعطيك بنج موضعي..مو إبرة.بل مثل معجون الأسنان علشان حالتك اللي تخاف وما تتحمل...

يشلعه لك وإنتي ما تدرين...

وهذا دواك...وعلى الله شفاك...


المسكنات / تأجيل الحل / بعدين / بوقت ثان ...يزيد الأمور سوءا...

 

[كويتي منتف]

شوفي ميار..
علاقتي بطب الأسنان مثل علاقة الزميل بونورة بعلم الذرة لكن وبما أني خرجت للتو من
تجربة مريرة مع ضرس العقل سأقدم لك الحل الوافي الشافي..

عانيت منذ شهرين من آلام لاتطاق وهي آلام ثلاثية الأبعاد 3D
شعرت بها بها بالأذن والرأس والفك وكنت لا أطيق مجرد
ذكر طبيب أسنان لكن وفي يوم ما قررت أبيعها..!

وصفو لي دكتور أسنان وحده بوحده بالسالمية
ويوم رحت له يالله من فضلك عنده جميع
أنواع البنج موديل 2010
والله سوى لي عملية جراحيه وشال ضرس العقل بدون ما أحس حتى بقرصه..!

والآلام من يومها ودعتها للأبد بس ساعات من أشوف مشاركات حبيب قلبي
كويتي آري ترجع لي..!

تبين التفاصيل كاملة مع رقم هاتف العيادة حاضر وبالشوفه بس قولي

تحياتي

وماتشوفين شر
​

 

[مــيار]

شوفي ميار..

علاقتي بطب الأسنان مثل علاقة الزميل بونورة بعلم الذرة لكن وبما أني خرجت للتو من
تجربة مريرة مع ضرس العقل سأقدم لك الحل الوافي الشافي..

عانيت منذ شهرين من آلام لاتطاق وهي آلام ثلاثية الأبعاد 3D
شعرت بها بها بالأذن والرأس والفك وكنت لا أطيق مجرد
ذكر طبيب أسنان لكن وفي يوم ما قررت أبيعها..!

وصفو لي دكتور أسنان وحده بوحده بالسالمية
ويوم رحت له يالله من فضلك عنده جميع
أنواع البنج موديل 2010
والله سوى لي عملية جراحيه وشال ضرس العقل بدون ما أحس حتى بقرصه..!

والآلام من يومها ودعتها للأبد بس ساعات من أشوف مشاركات حبيب قلبي
كويتي آري ترجع لي..!

تبين التفاصيل كاملة مع رقم هاتف العيادة حاضر وبالشوفه بس قولي

تحياتي

وماتشوفين شر
​

اكثر اجابه ضحكتني ...

شكرا لك وماتقصر ...:وردة:

.
.


شكرا للكل ...وجزاكم الله خير ...:وردة:

يعني النتيجة النهائيه ...لازم طبيب اسنان ...:باكي:


​

 

[@Noura@]

عشتوااا وين شايلته بسوسرا

اذكر الله لا يطلع لي ضرس عقل ثاني ...

ولو إني عقب منتداكم ماني يم العقل

 

[M!ND]

ان الوضع يختلف من مريض الى أخر فمن لديه ضروس عقل منطمرة ومائلة وليس لها فراغ
كاف لبزوغها، يجب خلعها في سن العشرين أو قبل ذلك من باب الوقاية من تزاحم الأسنان ومن
باب الوقاية من المضاعفات.

اذا كانت ضروس العقل مصابة بالتسوس أو بالتهاب اللثة المزمن ينصح أيضا بخلعها بأسرع
وقت ممكن.

اذا كان الانسان يجد صعوبة في تنظيفها ولا يستطيع الاعتناء بها، فيمكن خلعها مبكرا لمنع
تسوسها في المستقبل.

اذا كانت ضروس العقل سليمة ولها فراغ كاف وليست مائلة، فلا يجب خلعها ولكن يجب فحصها
باستمرار عند طبيب الأسنان.​

يعني عندج حل من أثنـين ياأما تروحين لطبيب الاسنــان , أو تروحين لطبيب الاسنان!!!

​

 

[M!ND]

الأخت ميــار ليش الخوف من طبيب الاسنــان , شوفي الصورة وانتي راح ترتاحيــن!!
الطب تطــور الحين ماكو احساس بالألـــم

 

[مــيار]

الأخت ميــار ليش الخوف من طبيب الاسنــان , شوفي الصورة وانتي راح ترتاحيــن!!

الطب تطــور الحين ماكو احساس بالألـــم

​

:باكي::باكي::باكي::باكي::باكي::باكي::باكي:


استغرب شلون ما يصنف طبيب الاسنان على انه ...ارهابي ؟ ​

 

[أبو العتاهيه]

صار لي فترة طويلة وانا اعاني من ظهور ضرس العقل ...​

تقريباً من 8 أشهر ...اتعب اسبوعين ...وبعدين اصير زينة ...وعقب اتعب اسبوعين مره ثانيه

هل رافق ذلك صداع ؟​

هل شعرت ان الم الاسنان متمكن من كل جسمك ...حراره / قلة نوم / تعب / اجهاد ؟​

.​

ألف الف مبروك يبـت والله وكبرتى .. بسم الله .. ماشاء الله

جم مدة ظهور ضرس العقل الطبيعيه؟ يعني جم ظليت تعاني من الالم حتى ظهروا ؟​

على حسب مدرى .. ليمن يعقل الواحد .. ضرس العقل هو مسمار العقل ..تثبيت

:وردة:ماتشوفين شر ...وعليكي بالماى الدافى مع شوى ملح ..​

.

 

[مــيار]

ألف الف مبروك يبـت والله وكبرتى .. بسم الله .. ماشاء الله

الله يبارك فيك ...​

على حسب مدرى .. ليمن يعقل الواحد .. ضرس العقل هو مسمار العقل ..تثبيت

:وردة:ماتشوفين شر ...وعليكي بالماى الدافى مع شوى ملح ..
​

اذا ليما اعقل ...مطوله السالفه

مايجيك الشر ...تسلم :وردة:
.
.
اخر علاج وصل لي ...ان اكسر حبوب بندول واحطهم على مكان الالم ...

نص لساني تخدر ولا خف العوار ...:باكي:​

 

[أبو العتاهيه]

اخر علاج وصل لي ...ان اكسر حبوب بندول واحطهم على مكان الالم ...

نص لساني تخدر ولا خف العوار ...:باكي:​

لاتكثرين بنادول .. له مضار .. يجهلها الكثيرون ولايركز عليها الدكاتره عند صرفها ..

مخدر موضعى من الصيدليه يفى بالغرض ..

 

[M!ND]

الله يبارك فيك ...​

اذا ليما اعقل ...مطوله السالفه ​

مايجيك الشر ...تسلم :وردة:
.
.
اخر علاج وصل لي ...ان اكسر حبوب بندول واحطهم على مكان الالم ...​

نص لساني تخدر ولا خف العوار ...:باكي:​

يبه روحي للطبيب اللي حطيتلج صورته تراه 100%:إستحسان: