اول مرة اسمع عنه مع اني عتوي نوعا ما بالأكل
ممكن الدايركشن بطريقو أوضح؟
تراني وايد ما أدل
هل أقدر اوصله من الدائري لرابع قادم من الجابرية؟
وأول ما اطوف الاشارة الى السالمية أشوفه على اليمين؟
هل فيه تيك أويي؟ تلفونه؟
ممكن خريطة ..عرب..
جذيه ما ينفع...
طلعنا ما ندل الديرة..
الله يغربل جويهل ...لو يدرى ..شنو يقول علينا ..
الوصف سهل .. ومع ذلك نزولا عند رغبة الإخوان بوعصام وتربل كا ..
وإنت جاي من الجابرية على الدائري الرابع ..
تخلي تقاطع الإستقلال مع الرابع بظهرك .. وتكمل سيدا ..
إذا صارت مطافي السالمية على حجاجك الأيمن << تربل كا يبي وصف عرف ..
أوقف في الإشارة .. وكمل سيدا .. يصير موقف سيارات على إيدك اليمين .. بجانب معرض المرسيدس .. والمطعم مطل تماما على موقف السيارات ..
أتمنى يكون الوصف واضح .. وإذا تعنيتوا وما طلع المطعم كويس .. فحقكم عند الزميلة وريما .. وللإخوة اللي ما يحبون "دود البحر" مثل مودست .. لا تعبون نفسكم .. المطعم بحري فقط .. مافيه كبسات ..
تحياتي ..
