سؤال وجواب هل استطيع اعتزال حياة المدينه ؟؟؟

[عبدالباري]

هل استطيع ان اعتزل الحياة والمدينه وفسادها واعيش في قريه بعيده عن المدينه


أكل وأشرب وأصلي الصلوات بوقتها وأنعم بالهدوء والسكينه


وابتعد عن البنوك الربويه والبنوك الاسلاميه التي تتعامل بالربا بأسماء مختلفه ....

وابتعد عن السياسه ومشاكلها ...

وعن الكذب والنفاق والفساد المنتشر ...



هل هذا ممكن في زمننا هذا ؟؟؟؟؟؟؟؟؟

 

[شمري كويتي]

أحيانا تصك في راسي أطق لي خيمه في البر بس صعب أني أسويها بحكم إني فتاة

زين لقينا لنا ربع

صارو المجانين ثلاثة

انا وكرنيشن وبنت المملكة
​

 

[""" صمتي جرحني """]

أخذلك مزرعه بالعبدلي وحط لك فيلا صغيره وحط دجاج وحمام تاكل من بيض الدجاج وفروخ الحمام وغنم ومعزه تشرب حليبهم

 

[عبدالباري]

أخذلك مزرعه بالعبدلي وحط لك فيلا صغيره وحط دجاج وحمام تاكل من بيض الدجاج وفروخ الحمام وغنم ومعزه تشرب حليبهم

حبي انا مواطن فقير معاشي يروح على اقساط القروض ومصرف وبانزين


منين لي فلوس اشتري مزرعه وابني فيلا


صج الناس طبقات

 

[شمري كويتي]

أخذلك مزرعه بالعبدلي وحط لك فيلا صغيره وحط دجاج وحمام تاكل من بيض الدجاج وفروخ الحمام وغنم ومعزه تشرب حليبهم

كملها ياخوي

وقول نزرع ورود وازهار

وبحيرات وشلالات ومناظر طبيعية

خلك رومانسي شوي​

 

[عبدالباري]

كملها ياخوي​

وقول نزرع ورود وازهار​

وبحيرات وشلالات ومناظر طبيعية​

خلك رومانسي شوي​

لا وبعد كملها وقول نحط عبيد وجواري ومدبرة منزل

ورئيس الفراشين

وجاكوزي والنافوره الراقصه

وفرقة اوركسترا ملكيه


خلك ارستقراطي شوي

 

[صالح]

السلام عليكم ورحمة الله

اخوي كرنيشن الي مثلك اصبح نادر
تبي تعتزل حياة المدينة وتبحث عن البساطه
تكره الضوضاء والاكيد انك ماتحب الجويهل
وتبي صلاتك في وقتها والاكيد تبيها جماعه
ولا تبي تطلع من الكويت بحكم علاقاتك الاجتماعيه واهلك
ان كنت جهراوي
هناك منطقه يقال لها العبدلي الي المزارع
تخلي المزارع على يمينك وتهزع يسار
راح تلقى " ثله " قليله يقيمون الصلاة ويذكرون الله اصاحب جواكير شيكنو كيربي يعني
الجو هناك جدا رائع وخاصه للرومانسيين البدو الي يحبون غروب الشمس !
لان في ناس الله يشفيها يروحون للبحر ويشكون له كل مغربيه وهذا ينعكس في خواطر المتروسه بالمنتديات
المهم وانا اخوك
طق لك جاخور كيربي مايكلفك شي وحط لك خيمه او عرزاله وضبط مجلسك لان الناس بتجيك
الوضع هناك فله
كل ليه عند واحد وعشيات مما لذ وطاب
والصلاة جماعه وان غبت سئلوا عنك
وحياة مافيها كلافه وتلفوناتهم ابو تريك واغلبهم شياب اقصد كبار بالعمر
والحياة حلوه

 

[شمري كويتي]

السلام عليكم ورحمة الله

اخوي كرنيشن الي مثلك اصبح نادر
تبي تعتزل حياة المدينة وتبحث عن البساطه
تكره الضوضاء والاكيد انك ماتحب الجويهل
وتبي صلاتك في وقتها والاكيد تبيها جماعه
ولا تبي تطلع من الكويت بحكم علاقاتك الاجتماعيه واهلك
ان كنت جهراوي
هناك منطقه يقال لها العبدلي الي المزارع
تخلي المزارع على يمينك وتهزع يسار
راح تلقى " ثله " قليله يقيمون الصلاة ويذكرون الله اصاحب جواكير شيكنو كيربي يعني
الجو هناك جدا رائع وخاصه للرومانسيين البدو الي يحبون غروب الشمس !
لان في ناس الله يشفيها يروحون للبحر ويشكون له كل مغربيه وهذا ينعكس في خواطر المتروسه بالمنتديات
المهم وانا اخوك
طق لك جاخور كيربي مايكلفك شي وحط لك خيمه او عرزاله وضبط مجلسك لان الناس بتجيك
الوضع هناك فله
كل ليه عند واحد وعشيات مما لذ وطاب
والصلاة جماعه وان غبت سئلوا عنك
وحياة مافيها كلافه وتلفوناتهم ابو تريك واغلبهم شياب اقصد كبار بالعمر
والحياة حلوه

كلام جميل جدا

لكن هل البلدية تخليهم

ولجنة الازالة الخبيثة هل تسكت عنهم​

 

[صالح]

كلام جميل جدا

لكن هل البلدية تخليهم

ولجنة الازالة الخبيثة هل تسكت عنهم​

لا ماتخليهم يهدمون جواخيرهم كل كم سنه
عادي كل ماهدموا حلمك ارجع ابنيه
وقول لهم بملأ فمك تبا لكم !
بس اذا كان شبك وعرزاله وجم راس محد جايك
انا اعرف لك ناس حاطه شبك ويجنون الخيل
لو عندك فرس و حصان والفلوه واهو
عيون وساع وكلها بركه
وحولك اهل المراجل واهل العلوم الطيبه وصلاتك وشبة ضيا ترد روحك
وتقدر تمدد رجولك على السافي وتطلق عيونك على مد بصرك
ولا صار وقت المغرب اذن الرجال فيكم وصفيتوا تبون رضاة الرحمن
وقام اجودي منكم وطبخ الذبيحه
ترى راح ابجي

 

[شمري كويتي]

لا ماتخليهم يهدمون جواخيرهم كل كم سنه
عادي كل ماهدموا حلمك ارجع ابنيه
وقول لهم بملأ فمك تبا لكم !
بس اذا كان شبك وعرزاله وجم راس محد جايك
انا اعرف لك ناس حاطه شبك ويجنون الخيل
لو عندك فرس و حصان والفلوه واهو
عيون وساع وكلها بركه
وحولك اهل المراجل واهل العلوم الطيبه وصلاتك وشبة ضيا ترد روحك
وتقدر تمدد رجولك على السافي وتطلق عيونك على مد بصرك
ولا صار وقت المغرب اذن الرجال فيكم وصفيتوا تبون رضاة الرحمن
وقام اجودي منكم وطبخ الذبيحه
ترى راح ابجي

والله كلامك يونس ويشجع

اعتقد الحين كرنيشن بيطبق نصايحك

ويترك المشروع

خربت علينا حلم القرية الجديدة يا اكسير

ههههههههههه​

 

[صالح]

توكل على الله وطق جاخور الحين
محد راح يجيك منيه لشهر ٤ الجاي
واستانس واترك عنك بلاوي الحضاره وامراضها

 

[صالح]

اوصيك وانا اخوك قبل تبني حلمك عس المنطقه
وشوف اهلها
والبران واجد وتاكد من جيرانك قبل تبني
علشان تستانس معاهم
ترى اهل الحلال اهل جيره وينشدون عن بعض ومجتمعهم بسيط وحلو
وعليك بأهل الذكر ينفعونك رفقتهم سعاده للنفس
واترك عنك الورد والشلالات والزهور

 

[صالح]

الشمري قاعد اكلمك علبالي كرنيشن

 

[عبدالباري]

وحولك اهل المراجل واهل العلوم الطيبه وصلاتك وشبة ضيا ترد روحك
وتقدر تمدد رجولك على السافي وتطلق عيونك على مد بصرك
ولا صار وقت المغرب اذن الرجال فيكم وصفيتوا تبون رضاة الرحمن
وقام اجودي منكم وطبخ الذبيحه
ترى راح ابجي

ياسلالالالالالالالام علييييييييك اخوي اكسير


هذا هو المطلوب ....


والله حمستني على هالشباب اللي تكلمت عنهم


ودي اشوفهم بأسرع وقت

 

[عبدالباري]

والله كلامك يونس ويشجع​

اعتقد الحين كرنيشن بيطبق نصايحك​

ويترك المشروع​

خربت علينا حلم القرية الجديدة يا اكسير​

ههههههههههه​

يبا اي خلاص بلا بطيخ بلا قريه

خلاص بروح للمكان اللي قاله الاخ اكسير عند البدوان اللي يصلون

وبدق الشينكو والخيمه

وارتاح من ازعاج المدينه وفسادها ومشاكلها

هذا هو الحل المناسب لي 100 %

 

[7Ibrahimإبراهيم]

ما الومك من كثر المشاكل و صعوبة الحياة و المستقبل مظلم مظلم مظلم ياولدي​

 

[@ صافى النوايا @]

عندي لك مكان طيب اوديك عند الحلال بعيد عن الديره 50 كيلو
وشرط أكلك وشربك علي وهالحين جاي الشتاء على الابواب راح تستمتع
انا مارتاح الا هناك واستانس
شرايك على سبيل التجربه تجرب لك كم يوم
​

 

[k7elan]

اللي يضحكون من حياة الاعتزال , يطلب يعرض نفسه على طبيب نفسي

من معلوماتي البسيطة ان الرسول صلى الله عليه و سلم اعتزل مجتمع مكة يقضي الليالي في غار حراء

كذلك بوذا ترك ملكه و مدينته و الجواري و اعتزل العالم في الغابه

جان جاك روسو اعتزل الحياة و المدينة حتى يقطع المسافات بين فرنسا و سويسرا و ايطاليا مشيا على الاقدام

الرابط بين الثلاثة اعلاه

انهم اتوا بأفكار عظيمة باقية الى يوم الدين , ليس لأنفسهم فقط لكن لأنفسهم و لغيرهم

الاعتزال يهذب النفس بحسب الثقافة الهندية

نرجع لموضوعنا

بيع سيارتك الفخمة اللي ماخذها اقصاد( اتوقع جذي باعتبارك من بني وطني )و اشتر لك عرزاله عادية

من اللي تتكون من مطبخ و غرفة و حمام (الاخير مو لازم ).

اطلع لأبعد مكان على كيفك شرط تكون قريب منك بقالة تشتري منها حاجاتك من ماي و غيره

 

[q8_500]

اخوي بالطريقه هذي راح تعتزل العالم وتعيش وحيد

شوف الحل الافضل انك تحطلك مزرعه​

 

[عاشق الحرية]

أخي العزيز

استمع لهذه القصيدة الرائعة جدا (خارج السرب) للشاعر فالح فهى تحكي و تشعر ما في نفسك !!!

و فعلا حياة المدينة أحيانا تأتي بأمراض أهمها الكآبة و القلق !!!



http://www.youtube.com/watch?v=7e6K6bTPuIY

 

[عبدالباري]

ما الومك من كثر المشاكل و صعوبة الحياة و المستقبل مظلم مظلم مظلم ياولدي​

شاكرلك احساسك في مشكلتي اخوي ابراهيم

:وردة: